𝕲𝖆𝖒𝖉𝖆𝖆𝖎 𝖆 𝖐𝖎𝖐𝖔𝖚 𝖆𝖜
April 18, 2025#52
HUNDAMPA ANNUAL UH ZION KULHPI SUNGA
✍️𝓡𝓮𝓿. 𝓜𝓪𝓷𝓰𝓶𝓲𝓷𝓵𝓾𝓷.
Misiangthou leh Dihtat chu na nual va, tualthatpa chu na kawmva piaah na ngeen zawta uhi. Hinna Lal chu na that va; hizongleh Pathian in Amah chu misi lah apat a kaithou kiit a, hu heetpihtute ka hi uhi.
Silbawlte 3:14-15
Good Friday Chibai.
Tuzingkaal hoihtah hung muhsatu i Lalpa min phatin um ta hen. Tuni ka sermon diing outline ka hung gialdoh hi.
I hundampa tunga vaidih akihawmkouh daan i heetchiang deuhdeuh leh hasiat ahuai deuhdeuh hi. Eite ahung it jiaha nual leh atunga vaihawmna dih aumlouh daan na sim himhim in.
Khovel a thuah hahsa peen chu vaihawmna dihlou(injustice) leh nual aum (rejection) ahi.
Manipur sawlkar nuaiah vaihawmna dih kimulou jiahin seperate administration i delh uhi.
Khovel a vaihawmna dih peen leh hoih peen ah JESUN vaihawmna dih amu sih hi.
Judate court um daan i en khawm diing uhi.
SENHEDRIN COURT
Members 23 um na ahi a, hia member diingin juda te daan by heart asawi thei jiahjiah mi chouh ahi diing ahi.
Hi senhedrin court chu jaan laiah hawngtheih louh ahi.
(_Huleh Jesu mantute'n Amah chu siampu lalpeen Kaiapha inn a daanjilsahtute leh upate umkhawmna ah a pui uhi_.
Mathai 26:57
Huin ama'n, "Hupa chu ka he sih!" chiin haamsia kilohin akichiamta hi. Huleh aah akhuang pah ngaal hi. Huleh Peter in Jesu thusoi, "Aah khuan main thumvei na hung kiheetmohbawl diing," a chih chu a hung hedohta a, huin polam ah a pawt a, hah kahin a kapta hi.
Mathai 26:74-75
Zaan a court hawngtheihlouh himahleh i Lalpa diingin daan loutahin akihawng hi.
THE GREAT SENHEDRIN
Hi the great senhedrin chu Mosi in members 70 ana dindoh paitou jeelte ahi. Amah toh member 71 ahi uhi.
Hia membership hithei diingte chu Siampu a kum 40 beeh pangte chouh ahi diing uhi.
Khovel pumpi a court hoih peen leh dih peen ahi.
(Khovel a court hoih peen leh dih peen ah hundampan vaihawmna dih amu jou sih hi.)
MITHAH CAPITAL PUNISHMENT PIAH THEIH DAAN
A heehtute (accuser) minih apha ngeingei diing ahi.
(Matthew 26:59-61)
Accuser chu neumei leh naupang ahi theih sih diing uhi.
Heeh aum (accused) chu dihlou mah ahi chih muhdoh ahihleh aheehtuten suangin asep masa diing uhi.
A heehna uh dihlou ahi chih amuhdoh ule aheehtute chu suanga sehlup diing ahi.
I hundampa chu aheehtute dihlou ahi chih muhdoh himahleh suhlupin aum sih uhi
Thutanna (action) la na diingin nikhat sung angaah diing uh ahi. Husungin thudang ahung piangthei hi.
Jingkaal a hung hihin siampu lalte leh vaantaang upate zousiah Jesu thahna diingin akihoukhawm uhi. Huin Amah chu akaan zohun, a pui va gamoptu Pontia Pilat kawmah a pekheta uhi.
Mathai 27:1-2
I Lalpa tunga thutanna in nikhat jong ngalouin zingkaalin pilat kawmah suhlup diingin piahkhia in aum hi.
Members mi 71 ten angaihdaan uh nikhat sungin aheng thei uhi. Himahleh angaihdaan uh chu thadiing leh thahlouh diing ahi chi asoidoh uh daan in aphallouh ahi. Midangin amah ngaihdaan akikoppih kha diing uhi.
Huin siampu lalpeen in a puan abotkeeh a, "Pathian a soisia hi! Heetpihtu dang bang diing i chi nalai diai? Ngai un, Pathian a soisiatna chu tuin na jata uhi. Bang na chi ngaih viai?" a chi hi. Amah un adawng va, "Si taah ahi," a chi uhi.
Mathai 26:65-66
Siampu lalin daan phallouhin amah ngaihdaan kikoppih diingin campaign a bawl hi.
Suhlup diing leh suhlup louh diinga vote khiah ahih chiangin anaupang peenin vote akhemasa diing ahi. Huchilouin amah sanga lian jaw ten athu joh kha diing uhi.
Members 71 khatten solid a sita mah ahi. Chia vote akhiat ule vaihawmna dihlou ahi. Mikhat beehin hehpihin ngaihdam hi hen achih theihlouh leh vaihawmna chu cancel kiit a nidanga ngaihtuah kiit diing ahi. Ajiahchu vaihawmna chu mite hinna latu diing hiloua hundamtu diing ahi.
Himahleh i Lalpa tunga chu solid in Akikou va cross a kilhbeeh diingin angen uhi
Judate daanin heetpihtute jiahah suhlup diing chih laiin Jesu chu mah thu soi jiahin siamlouh atang sah uhi.
Hizongleh Jesu chu a haam keei sih hi. Huin siampu lalpeen in a kawmah, "Pathian hing min in ka hung kichiamsah ahi: Pathian Tapa Khrist na hih leh hihlouh hung hilh in," a chi hi. Jesu'n a kawmah, "Na chita hi. Ahihvaangin, ka soi kiit ahi, tunung chiangleh Mihing Tapa chu Silbawltheihna jiatlam a tou a, huleh vaan meipi tunga hung na mu diing uhi," a chi hi. Huin siampu lalpeen in a puan abotkeeh a, "Pathian a soisia hi! Heetpihtu dang bang diing i chi nalai diai? Ngai un, Pathian a soisiatna chu tuin na jata uhi.
Mathai 26:63-65
Pastor Thanggur in:
Buuhna ahung siamva zion kulhpi sunga, chinglouin ngai teitei uh, vai dihin hawm nuam sih uh, i Lalpa tunga chu…
Tunin i nichin hinkhua vah juda vaihawmtute bangin i Lalpa I nual jing uhi.
~ SIMTE CORE
April 18, 2025#52
HUNDAMPA ANNUAL UH ZION KULHPI SUNGA
✍️𝓡𝓮𝓿. 𝓜𝓪𝓷𝓰𝓶𝓲𝓷𝓵𝓾𝓷.
Misiangthou leh Dihtat chu na nual va, tualthatpa chu na kawmva piaah na ngeen zawta uhi. Hinna Lal chu na that va; hizongleh Pathian in Amah chu misi lah apat a kaithou kiit a, hu heetpihtute ka hi uhi.
Silbawlte 3:14-15
Good Friday Chibai.
Tuzingkaal hoihtah hung muhsatu i Lalpa min phatin um ta hen. Tuni ka sermon diing outline ka hung gialdoh hi.
I hundampa tunga vaidih akihawmkouh daan i heetchiang deuhdeuh leh hasiat ahuai deuhdeuh hi. Eite ahung it jiaha nual leh atunga vaihawmna dih aumlouh daan na sim himhim in.
Khovel a thuah hahsa peen chu vaihawmna dihlou(injustice) leh nual aum (rejection) ahi.
Manipur sawlkar nuaiah vaihawmna dih kimulou jiahin seperate administration i delh uhi.
Khovel a vaihawmna dih peen leh hoih peen ah JESUN vaihawmna dih amu sih hi.
Judate court um daan i en khawm diing uhi.
SENHEDRIN COURT
Members 23 um na ahi a, hia member diingin juda te daan by heart asawi thei jiahjiah mi chouh ahi diing ahi.
Hi senhedrin court chu jaan laiah hawngtheih louh ahi.
(_Huleh Jesu mantute'n Amah chu siampu lalpeen Kaiapha inn a daanjilsahtute leh upate umkhawmna ah a pui uhi_.
Mathai 26:57
Huin ama'n, "Hupa chu ka he sih!" chiin haamsia kilohin akichiamta hi. Huleh aah akhuang pah ngaal hi. Huleh Peter in Jesu thusoi, "Aah khuan main thumvei na hung kiheetmohbawl diing," a chih chu a hung hedohta a, huin polam ah a pawt a, hah kahin a kapta hi.
Mathai 26:74-75
Zaan a court hawngtheihlouh himahleh i Lalpa diingin daan loutahin akihawng hi.
THE GREAT SENHEDRIN
Hi the great senhedrin chu Mosi in members 70 ana dindoh paitou jeelte ahi. Amah toh member 71 ahi uhi.
Hia membership hithei diingte chu Siampu a kum 40 beeh pangte chouh ahi diing uhi.
Khovel pumpi a court hoih peen leh dih peen ahi.
(Khovel a court hoih peen leh dih peen ah hundampan vaihawmna dih amu jou sih hi.)
MITHAH CAPITAL PUNISHMENT PIAH THEIH DAAN
A heehtute (accuser) minih apha ngeingei diing ahi.
(Matthew 26:59-61)
Accuser chu neumei leh naupang ahi theih sih diing uhi.
Heeh aum (accused) chu dihlou mah ahi chih muhdoh ahihleh aheehtuten suangin asep masa diing uhi.
A heehna uh dihlou ahi chih amuhdoh ule aheehtute chu suanga sehlup diing ahi.
I hundampa chu aheehtute dihlou ahi chih muhdoh himahleh suhlupin aum sih uhi
Thutanna (action) la na diingin nikhat sung angaah diing uh ahi. Husungin thudang ahung piangthei hi.
Jingkaal a hung hihin siampu lalte leh vaantaang upate zousiah Jesu thahna diingin akihoukhawm uhi. Huin Amah chu akaan zohun, a pui va gamoptu Pontia Pilat kawmah a pekheta uhi.
Mathai 27:1-2
I Lalpa tunga thutanna in nikhat jong ngalouin zingkaalin pilat kawmah suhlup diingin piahkhia in aum hi.
Members mi 71 ten angaihdaan uh nikhat sungin aheng thei uhi. Himahleh angaihdaan uh chu thadiing leh thahlouh diing ahi chi asoidoh uh daan in aphallouh ahi. Midangin amah ngaihdaan akikoppih kha diing uhi.
Huin siampu lalpeen in a puan abotkeeh a, "Pathian a soisia hi! Heetpihtu dang bang diing i chi nalai diai? Ngai un, Pathian a soisiatna chu tuin na jata uhi. Bang na chi ngaih viai?" a chi hi. Amah un adawng va, "Si taah ahi," a chi uhi.
Mathai 26:65-66
Siampu lalin daan phallouhin amah ngaihdaan kikoppih diingin campaign a bawl hi.
Suhlup diing leh suhlup louh diinga vote khiah ahih chiangin anaupang peenin vote akhemasa diing ahi. Huchilouin amah sanga lian jaw ten athu joh kha diing uhi.
Members 71 khatten solid a sita mah ahi. Chia vote akhiat ule vaihawmna dihlou ahi. Mikhat beehin hehpihin ngaihdam hi hen achih theihlouh leh vaihawmna chu cancel kiit a nidanga ngaihtuah kiit diing ahi. Ajiahchu vaihawmna chu mite hinna latu diing hiloua hundamtu diing ahi.
Himahleh i Lalpa tunga chu solid in Akikou va cross a kilhbeeh diingin angen uhi
Judate daanin heetpihtute jiahah suhlup diing chih laiin Jesu chu mah thu soi jiahin siamlouh atang sah uhi.
Hizongleh Jesu chu a haam keei sih hi. Huin siampu lalpeen in a kawmah, "Pathian hing min in ka hung kichiamsah ahi: Pathian Tapa Khrist na hih leh hihlouh hung hilh in," a chi hi. Jesu'n a kawmah, "Na chita hi. Ahihvaangin, ka soi kiit ahi, tunung chiangleh Mihing Tapa chu Silbawltheihna jiatlam a tou a, huleh vaan meipi tunga hung na mu diing uhi," a chi hi. Huin siampu lalpeen in a puan abotkeeh a, "Pathian a soisia hi! Heetpihtu dang bang diing i chi nalai diai? Ngai un, Pathian a soisiatna chu tuin na jata uhi.
Mathai 26:63-65
Pastor Thanggur in:
Buuhna ahung siamva zion kulhpi sunga, chinglouin ngai teitei uh, vai dihin hawm nuam sih uh, i Lalpa tunga chu…
Tunin i nichin hinkhua vah juda vaihawmtute bangin i Lalpa I nual jing uhi.
~ SIMTE CORE
.JPG)
.jpeg)
No comments:
Post a Comment
Comments not related to the topic will be removed immediately.