THANGKHAL PIANKHIAT DAN

Lamka Gaal-buai masang, 

Pu Pauminlian Mate, President

Thangkhal Peoples Organization mohpuakna ki piakkhiat toh kiton in Thangkhal Tribe delhna ding chi in Thangkhal toh kisaikha Material collection bawl ding in guat in ka omkha hi. Pu Pauminlian in Chairman hihna la in kei pen member maimai in ka pang a, pantheih tan in ana kipang  a, hih anuai a te apat Thangkhal toh kisai material poimoh tampi ki kaikhawm hi.

( A kum leh kha te TPO Record Book ah om ding hi ) :

1. Pu Onchinkhup, Chief of. T. Khajang

2.  Pu Pauneikhai Ex-Minister, of Tuibuang

3. Pu Khoizakam of Ngoiphai,

     Father of Rev. Ginkhankap

4. Pu Henkhup of Tuining, 

     Grand father of Chinsuanlian

      Adang jong phabep om hi.

THANGKHAL HUNG PIANKHIAT DAN TOMKIM IN

       Ih Puuh  Mate pa, Manlun pa

   Dokmul pa leh Tungnung pa in ih teenna uh Mualbem khua pan in Lou-gam hoih mahmah thei uh ahihman in Mualbem Hausapu kiang ah Pu aw, pha nung sakpih leh hua Thaangkhal Gam dup ngeeingui pi ah Lougam ka va bawl ding uhi chia a nget uleh, Sahang, Tawmi, Gamkaau leh mihing te hung that thei ding Dawi leh kaau ban ah Ganhing laauhuai tampi om hi, na va bawl uleh ahing in hung ki nungleh lou ding hi uteh, ana chihkhum hi.

     Ih Pu te'n a Thaangkhal muh uh aam/khenglah seng2 ahihman un ngen tei2 uh a, Hausapu in jong a ngetna uh nial jou nonlou in, huachi a lunglut na hih uleh va bawl un achita hi.  

Ih Pute jong hua THAANG-KHAL Gam juan in kuankhia pai uhi. 

      Amun atun chiang un hua Gamjiing khengkhung ah panmun bawl ngam lou uh a, a gaal a Mawngkung lianpi khat pou, a kaathuam a mihing li leh nga lup theih na ding a kaa jiaijuai pi ah giak uhi. 

      Doi leh kaau banah sa gilou tampi om ahihman in Ni tum khit nung in chiang in mei/fire kichi toh ngam lou in hua mawngpi kaathuam ah giak jel uhi. 

      A lou bawl uh gamhoih mah2 ahihman in lianpi bawl jou kei mah le uh jong Buh leh Baal nekseeng louh in piang hi.  A gam hoih dan midang khua sung a om te'n atheih tak un ei Sim haam jang lou, Zou haam jang lam teng hua Thaang-khal gammaang juan in lou bawl ding in kuan khia uhi. 

Buh leh baal, miim leh taang hoih mah2 ahihman in puak leh nawn khiat didan om nonlou in amun ah naai den uh a, inn leh lou det nei den ta uhi.  

     A lou gam hoih dan Mualbem khua guak hinonlou in khua dang in jong ahung theih tak un ih Pute va beel in lou bawl in khua dang apat injong a kuan uhi. 

      Hun sawt lou in inn 50/60 bang pha paita uhi. Khua piching dan a ahung omtak chiang in Pu Sukte te'n hauhsatna hung kilaak uh a, Sukte hausatna hung suak ta hi. 

      A khua piching ta ahihman in a khua min ding in Thaang-khal gammaang apat ki phuak a, "Thangkhal" khua hung hita hi. 

      Hih Thangkhal khua ah Haam nih bek ki jang a, Sim haam leh Zou haam ahi hi. Kum tampi ahung teenkhawm khit chiang un hih khua a haam kijang, haam nih apat haam khat hung piangkhia a, tu le tu a ih Thangkhal Haam jak uh ahi. 

     Kum 1800 vel in tua ih teenna lam uh hung ki juan a, lam kaal ah mun tampi ah khua teen dan hung ki bawl malam a, a tawpna in tua ih teenna te ah ki omden ta hi.

By:

T. Kamkhanlian,

Ex President

Thangkhal Sinlai Pawlpi (TSP)

~ KV NEWS

Share: