THUPI: PENTECOST EFFECTS | By: Nu Neiching

(Acts 2:1-41) 

Penticost thu (what had happened) i thei chiet ta ua, tunin eite kungah Penticost ang tung nai chilam enkhom va ui chi ihi. 

Hamkitheituo na leh hamkitheituo nonlouna khu Pasian  nasep ngen ahidan bible apat imu uhi. 

Ham kitheituo louna..... 

Babel a ham kibang innsang lamkhomte, ahamte uh suhbuai a om in, akithei tuo tasih ua, Tuaziehin  inn lamkhom theinonlou in top mai uhi. 

Ham Kithei tuona....... 

Pentecost nin ham kithei tuolou, gam tuamtuam miten athugente uh amau ham chiet in azathei ua, Pasian thu kigente theisiem uhi. 

Eiten Penticost tundante a story in i thei ta ua, eima kungah Penticost (hagau piehna) ang tung tai chipen kisuichien dinga sil poimo mama ahi. 

I kunga Penticost ang tun chiengin, ham leh pau a kikhenna/ kidaidanna, kimudana te bei in, khat leh khat iki theisiem ta ding uhi. 

Ham leh pau zieha iki theisiem lou laisie un Babel mun ah inn ilam nalai ua, i innlam uh aki zouthei sih ding hi. 

I kunga Penticost ang tun chiengin ham leh pau zieha iki buainate uh bei in, Jesu à tatna ziehin  lungsim munkhat puo in athuchiemte i zuita ding uhi.

Ahileh,

Q. Bang ki chileh i kungah  Penticost ang tung thei diei? 

Peter gensah vai..... 

Kisia in lunghei unlen, na khelna uh ngaidam ahitheina dingin Jesu Christ Min in Baptistma tang chiet un, tuachin hagau Siengthou silpieh na tang ding uhi. *Athuchiem* (Jesu thugente) *khu nouma adingin zong, na tate uh dingin zong, gamlatah a omte dingin zong, Mangpa Pasian in ahat poumate adingin zong ahi,* chi ahi. 

Kingaituoding:

Q. Jesu thuchiemte i tangta vuai? 

= Athuchiemte i tanna uh khu Jesu thupiehte i zuina ahi. Athupieh/ Athuchiem khu Ama gingta zousie zui dinga pieh ahi. 

Tuabanga Jesu thuchiemte jui pouma ten Penticost zang ta uhi. (hagau Siengthou tang uhi) 

 Penticost zang ta miten Jesu thuhilna dungjui in, asil neite uh apoimo bang zel in midangte toh kikop zel uhi. Midangte khotuo in panpi ding uhi. (Acts 4:25) 

Panpi ngaite panpina khu kumton Lenggam i luotheina dinga Van a Pa thuchiem ahi chi Jesun hing hil uhi. 

(Mat 25:34-36) 

Hattuam masaten tuabangin ana jui ua, tasamte ana kipanpi tuo uhi. (Acts 2:25) 

Pentecost nia Hagau Siengthou tang miten    hangsan tah in Jesu thu leh athuchiemte a tangkoupi ngam bangun, Jesu  gingta a, athuchiem zuimi te i hangsan ua, Athupieh te dinpi in ijui ngamta ding uhi. 

Adiehin tuhun, i gam, imi isaten  hasatna athuoh hun laitah in.......

Q. Nang nasil neite bangjat midangte na ki koppi tai? 

= Adiehin tuhun khu I sil neite hawm hun ahi. Eite kungah zong  Penticost tungsah va ui. 

Kumchin a Pentecost program zang tute lah ah, Babel lai banga ham zieha kitheituo nonlouna  innlamtu kitam mama ding hi. 

Awle, 

Penticost lai banga khat leh khat thugente kitheisiem hun ahita a, isil neite midangte tahsap awng huhna dinga zah hun zong ahi. 

Ham zieha midangte daidan/ muda/ tuambawl/ subuaitu nahileh Penticost nang kunga hing tung nailou china ahia, Babel mun buaina ah na awh a, na innlam(hagau inn) na zouthei sih ding hi. 

Na nei na lam mi tasamte adinga phallou OR  midangte deisahna neilou mi nahileh Penticost zangkha nailou nahi a,  Pentecost tundan theipitu hinanleh chin zong nang kunga hing tung nailou hi ding hi. 

Eima mimal tung chiet ah Penticost hing tung ta hen aw. 🙏🙏.

WAP

Share: