VVCC: KIM KITHULHUHNA TOSOTNA

KIM KITHULHUHNA TOSOTNA

(Village Volunteers Co-ordinating Committee )

Amasan Nam mipi te jouse kajanao salam kahinpiuve.

Meilhei Gaal kipat apat tunichan a gam le Guo chuleh Nam mipi te jouse hahsatna ithohnao jouse chung Pathen in mailam lolhinna eimusah diu kinem pum in lungkham louva alam alam’a lamkai jouse tiemna kahinnei uve. 

Adeh a Kuki chate jouse kingaina KIM (Kuki Inpi Manipur) le abahkhai jousen Dt.4/07/25 nikho a Office Memorandum, Nampi kithulhuhna nahinsem nao chunga VVCC in Inpi khat kingaina khat nahinao toh kitoh in kahin kithang’atpi uvin mipi lungdei jong ahi tihi kahin phongdoh uve. 

Hiche KIM le abahkhai jousen kilungtoh tah a aphonlhah hi Nam sunga kiloikhomna hihen changvel hijongleh koiman anilkal thei louding SA del ihinao dungjui a hiche kithulhuhna hi kalbi khat a ineisohkei uva, hiche kithulhuhna nilkal a juilou koi kiloikhomna hihen changvel hijongleh mipi kilungtona doudal a kila ding VVCC in kimohvet louding gotna sangtah a kipeding ahi. 

Nam mipi jouse jong hangsan tah a pan lacheh a Nam sunga kiloikhomna jouse hi mipi khutnoija ahi tihi anatoh a vetsah phat ahitai tinjong tiemna ahung kineina banna Village Volunteers hi Gaal le tol ihin nei uva Nam mipi in Gam le Guo chuleh mipi vengbit dileh mipi lungmonna dia ana kisem ahihi tunichan in kamil pouvin pan kalajing uve, Nampi lungtup SA imutokah uva akhonni geija dia kapan jingdiu ahi tihi kahin phongdoh kit uve. 

Kanam mipi te jouse kangailutnao le kajanao chibai kahinbol uve. Chung Pathen in kilungtona le hansanna lhagao eipe taohen.

Information & Publicity Village Volunteers, Co-ordinating committee (VVCC)

Share: