YVA leh VPC in Luang Hawl

YVA GHQs leh VPC GHQs In Pa Khamlemsang Luang Hawl Na Mun Tuilisua Vethak Na Nei

Date 20th July 2025 (Sunday)

➤YVA GHQs leh VPC GHQs in *Pa Khamlemsang* luang hawl na mun Tuivai leh Tuili ki gawp khawm na mun (Tuilisua) vethak na a nei ui. Chun, YVA GHQs in Vawkbual Area ah Pa Khamlemsang luang hawl ah chia mi tawmngai te nek leh chak ding a piau ah, chuleh tui lak ah a luang hawl te mat ding in Life Jacket piece 10 piakdaw na le a nei ui.

➤Tuni tiang ah ni 5 hawl ahi ta, ahinla a luang hi mu ahi nai puai. Mihing lunggel in vang thawk ding ah thil dawi um lo tak ahia, da um i sa, vangsiat na ki ti hi kuan le tuak thei ahi ti hia zing kawm in genthei haksatna tuak leh liangvai te sawmdawl tu panpi tu i hi nau hia zing kawm in a dam nalai te'n ka gim ka chawl tilo ah kal i suan zel kha i mawpuakna'u ahi.

➤Pu leh Pa chawndan/chiadan ti in ni 7 sung hawl ding ti in thu a la ki hia, zia gual ding chu ahi leh date 23rd July 2025 (Wednesday) chan hi ding ahi. Ahinla, thuchian vang hiat ahi nai puai.

➤Mu ding kinem hitin chuleh lungkham leh beidawng tak ah um a insung mite a ding leh a hawl tu te a ding in Pathian kiang in panpi na dawn thak kit hitiu.

WAP

Share: