By:~ Pr. Thangkhomang Suantak
(L. Semol 2/9/2025)
Tuhin inam sung'uvah lekhathem sang tah tah Kuki history giltah leh kicheh tah a hilthei atamtan phatseh tobang'in thuso jong ahinboljing tauve. Hinlah mi kimkhat in watsapp dung'a Kuki le Kukipao hi Pu Dr. T. Lunkim'in asemthu/ahinpohdoh dan'in jontaina chang a nei tei tei akitam nalaiye.
Ipijeh a Kuki Bible kiti ham?: Kuki Bible le Kuki pao hin kimatna lentah aneiye. Kuki Bible, chuleh Kuki pao akiti pou pou leh Pu Dr. T.Lunkim toh vetbeh a ati alu thah jeng jong kitam ahi.
Kuki le Kukipao thu hi ahegil hon ahung kipatna henauvinte hinlah keima het kham kham in, Kuki pao hung kihetdoh na hi Nort East (India Sah Solam) vaipo Assam Chief Secretary chun 1907 kum'a Order Notification Nos.10,000 Dated 3 Sept. 1907 a Kukipao chu Frontier Tribe ho alhendoh lah a No VI a apansah a hiche pao helou chu sorkal natoh Lambu a pat officer chan geiya pangthei louding tia thupeh ana neisa ahitai. Govt. (sorkal) officer SDO ho chu Kukipao kithemchuh uva athep teng uleh sorkal in Dangka 1000/- ana peh jiu ahi. Manipur a Political Agent L.O Clarke jong chun, Chief Secretary Govt. of Assame heng'ah Ukhrul SDO LL. Peter chun Kukipao ana jil them jeh chun Govt. in akitepna bang'a ama chu Dangka 1000/- apeh tei din March 1922 a lekha anathot chu mutheiyin aumnalaiye. Hichan'a chu Kukipao hi ana thupi ahi.
Chule Dec.27/1937 ni jong chun Kuki Literature Society (KLS) hon Kangpokpi Mission Compound'ah toukhomna aneiyun hichea chun Chairman: Pu Ngulhao Thomsong ahin, Secy.:Ms. Ngahkhokim ahi. Hichea akilolnau chu, "tua pat a lekha sun jousen 'Kuki pao,' bou mantah ding," tihi ahi. Hiche phat laihin Pu Dr. T. Lunkim jong kum 11 ( 1937-1926=11) bep hinalai ding ahi. Hitia akilol u kum 27 jou (196-1937=27) 1964 kum'a Bible ahinle a chu hitobang kilolna ana umsa ho jeh leh inamsung uva pao lhongpi khat thokhom hou kiloikhomna khoppi lencheh gup: (1) KVTBA le (2) KCBA (Burma),(3) KCA (CCpur), (4) KBC (Manipur), (5) Ngalsong Presbyterian (Assame) chuleh (6) KBA (Nagaland) ho phatsahna jeh a Pu Dr. T. Lunkim'in a Bible le chu Kuki Bible ati ahi.
Hitia Kukipao tia ana kimang chu 1956 kum'a Thadoupao tia ana kikheljeh a ihungboi joh u ahi.
Thadou le Kuki kah thu kaseinom ahipoi. Kuki le Kukipao hi Pu Dr. T.Lunkim patdoh ahipon ama ngohna ding jong aumpon, aumsa akimangsa dungjuiya Bible ahinle a hichu akingansena dungjuiya Kuki Bible ahinti ahibouve.
Thutah le kilolna sa chepi ho suhboisang'a iseinom leh "Kukipao," tia kilol nikhoa lamkaiya pang a kilolna toh kikal a Thadoupao hinti ho chungthu joh hi seiding ahi.
Hijehchun, suhkhel neilou chung'ah thu moh sei sei tapoute Pathen lunghanna kiboldoh get ute.
Suhmillouding chu, mihem'in inop nop bolthei seithei ahinai, hinlah thudih thutah chepi ho adamsot in ahiloubehseh, adihlou behseh bol ho, seiho adamsot jipoi.
(L. Semol 2/9/2025)
Tuhin inam sung'uvah lekhathem sang tah tah Kuki history giltah leh kicheh tah a hilthei atamtan phatseh tobang'in thuso jong ahinboljing tauve. Hinlah mi kimkhat in watsapp dung'a Kuki le Kukipao hi Pu Dr. T. Lunkim'in asemthu/ahinpohdoh dan'in jontaina chang a nei tei tei akitam nalaiye.
Ipijeh a Kuki Bible kiti ham?: Kuki Bible le Kuki pao hin kimatna lentah aneiye. Kuki Bible, chuleh Kuki pao akiti pou pou leh Pu Dr. T.Lunkim toh vetbeh a ati alu thah jeng jong kitam ahi.
Kuki le Kukipao thu hi ahegil hon ahung kipatna henauvinte hinlah keima het kham kham in, Kuki pao hung kihetdoh na hi Nort East (India Sah Solam) vaipo Assam Chief Secretary chun 1907 kum'a Order Notification Nos.10,000 Dated 3 Sept. 1907 a Kukipao chu Frontier Tribe ho alhendoh lah a No VI a apansah a hiche pao helou chu sorkal natoh Lambu a pat officer chan geiya pangthei louding tia thupeh ana neisa ahitai. Govt. (sorkal) officer SDO ho chu Kukipao kithemchuh uva athep teng uleh sorkal in Dangka 1000/- ana peh jiu ahi. Manipur a Political Agent L.O Clarke jong chun, Chief Secretary Govt. of Assame heng'ah Ukhrul SDO LL. Peter chun Kukipao ana jil them jeh chun Govt. in akitepna bang'a ama chu Dangka 1000/- apeh tei din March 1922 a lekha anathot chu mutheiyin aumnalaiye. Hichan'a chu Kukipao hi ana thupi ahi.
Chule Dec.27/1937 ni jong chun Kuki Literature Society (KLS) hon Kangpokpi Mission Compound'ah toukhomna aneiyun hichea chun Chairman: Pu Ngulhao Thomsong ahin, Secy.:Ms. Ngahkhokim ahi. Hichea akilolnau chu, "tua pat a lekha sun jousen 'Kuki pao,' bou mantah ding," tihi ahi. Hiche phat laihin Pu Dr. T. Lunkim jong kum 11 ( 1937-1926=11) bep hinalai ding ahi. Hitia akilol u kum 27 jou (196-1937=27) 1964 kum'a Bible ahinle a chu hitobang kilolna ana umsa ho jeh leh inamsung uva pao lhongpi khat thokhom hou kiloikhomna khoppi lencheh gup: (1) KVTBA le (2) KCBA (Burma),(3) KCA (CCpur), (4) KBC (Manipur), (5) Ngalsong Presbyterian (Assame) chuleh (6) KBA (Nagaland) ho phatsahna jeh a Pu Dr. T. Lunkim'in a Bible le chu Kuki Bible ati ahi.
Hitia Kukipao tia ana kimang chu 1956 kum'a Thadoupao tia ana kikheljeh a ihungboi joh u ahi.
Thadou le Kuki kah thu kaseinom ahipoi. Kuki le Kukipao hi Pu Dr. T.Lunkim patdoh ahipon ama ngohna ding jong aumpon, aumsa akimangsa dungjuiya Bible ahinle a hichu akingansena dungjuiya Kuki Bible ahinti ahibouve.
Thutah le kilolna sa chepi ho suhboisang'a iseinom leh "Kukipao," tia kilol nikhoa lamkaiya pang a kilolna toh kikal a Thadoupao hinti ho chungthu joh hi seiding ahi.
Hijehchun, suhkhel neilou chung'ah thu moh sei sei tapoute Pathen lunghanna kiboldoh get ute.
Suhmillouding chu, mihem'in inop nop bolthei seithei ahinai, hinlah thudih thutah chepi ho adamsot in ahiloubehseh, adihlou behseh bol ho, seiho adamsot jipoi.
.jpg)
No comments:
Post a Comment
Comments not related to the topic will be removed immediately.