SIAMSIN COACHING: SSC GD/HC EXAMS HONNA PROGRAM ZAT IN OM

Lamka: Siamsinpawlpi General Headquarters saina in tuni nisim 15th September, 2025 zingkal dak 7:00 AM in SSPP Complex, Siloam Veng, Bungmual ah Rev. M. Zalian Guite, Director of Ministries, EBC in *Siamsin Coaching: SSC GD/HC Exams* honkhiakna nei hi. Hiai hun ah SSPP GHQ  Executive Committee, Standing Committee leh Foundation Trust a makaite, Tutor bangzah hiamte banah Coaching kai ding siamsin naupangte'n hiai hun poimohtak uap uhi.

Hiai hun poimohtak ah Pu Khamliansang Naulak, Secretary, Education Department in hunkem a, Pi Priscilla Niangngaihlun, Jt
Secretary, Education in gelhluttu hihna la in Upa Langbiaklian Phaipi, Secretary Foundation Trust, SSPP GHQ in patna thuumna hun zang hi.

Pu Lunminthang Samte, Secretary (Int.) in Siamsin Coaching toh kisai pulakna leh hiai toh kisai a sinsaktu dingte mellahna a neih banah, coaching class zingchiang a kipanta ding a tukum December tan daih ding ahihdan gen hi.

Pu Nengzalian Tonsing, Vice President (Administration) in thugenna hon neih zoh in Rev. M. Zalian Guite, Director of Ministries, EBC in Siamsin Coaching adi'a sinsaktute leh sintute a ding in hasotna leh thuumsakna nei in programme zoh ahi.

©️ Siamsinpawlpi Official 

Share: