Navigating Medicare a sem Norman, Okla. a teng April Gruber leh Zomite sung ah a seppih Sia Thawnpi Leh a zi Siamah Huaisiam tawh Zomi Innpi ah Medicare Vai, Medicaid Vai, leh a ki ngah thei a ki siau thei 65 cing khin te ngah theih ding te holimna dotna dawnna Hun ki Nei thei hi.
A Puno khat Zato ah kikem in tua sung in Medicare Vai Thu a tam Dan leh khemna metdawhna a tam luat manin na ka sa mahmah uh a, mi I huh theih leh huhni lam Lak hini I Pu I Pahtawina in Ciin ka unau un ka hanciam uh hi, cih Thu April in hih Nasep a sep na hang Ong hilh Cian hi.
A diak in Oklahoma State sung a om Myanmar gammite Lak ah Zomite 95% val tham ka hi uh a, Tulsa Metro, OKC Metro leh Guymon cihte ah ka teng uh hi cih zong kihilh Cian thei hi.
Dotnate Khen 3 Dan in Kong Khen hi.
Q1: Kum 65 cing khin in Yangon pan ong Pai Tate or innkuanpihte sap te in Bangmah benefits ngahlo cihte na tel hiam cih dotna hi. Hihte pen DHS Pai Leng Social Security ah VA siau in ci uh Social Security zum Pai Leng lah DHS te kiang ci kawi kawi mawk uh hi. Koi Dan hiam?
A dawn kikna: Hih pen DHS zum nasem te tawh tu a kidot ding hi. Tua ban ah a Sam te in USCIS ah a laikhiatna zong et masak kul ding hi. Ngah thei ding uh hi. Na ngah kei leh zong Lai Ong tung teh a Hun ciangtan sun in ki phu Kik thei hi. Mawk om ziau lo in a Lai Ong Lak un Kong hanciam pih ding hi.
Q2: Kum 65 hi ding pello citizen hi ding maw?
A dawn na: Citizen hi leh lem pen. Ahih hang Kum 65 hi ding in Citizen ahih loh hang ki siau thei veve hi.
.jpeg)
Q3: Refugee tawh tung in Citizen hi ta kum 65 cing khin SSI ngah. medicare ka siau thei veve dia?
A dawn kikna: Siau thei ding. Ngah kha thei Lai ding. Na ngah leh Medicaid te Medicare te huam loh zatui Leina, Dental leh Vision lam zong a kipiaksak benefit nam khat na ngah Lai ding hi.
Hih Lai at pa theihna ciang ah Medicare ngah nading US ah kum 10 Nasep kul. Tax piak kul. Credit 40 Cin kul hi. SSI kipia te pen Refugee tawh a tung te 65 a Cin uh teh Citizen a hih uh leh bek benefits ngah uh hi. OK ah Refugee hi in 65 cing khinte DHS in Medicaid pia in Social Security pan SSI $900 kiim kipia hi cih Dan ahi a, ahih hang in tuni April Gruber genna ah case by case hi. 65 a Cin nak leh a kisiau thei hi. A ngah Dan uh leh a ngah zah uh ki bang lo bek ahi. 65 cing a Citizen a hi nailo khat zong ka ngah pih uh hi cih ong pulak uh.
Hih thute khempeuh ZIUSA in Senior I Nu I Pa te zong Phawk in Huai in a mau ngah theih ding hamphatnate a huh thei dingte tawh Va tah kawi kawi ding PaLai Sem ding Zomi Innpi ah mun zang sak ding cih te maban masuan kal thak in ki Nei ahi hi.
Tate in US pan a sap te in Medicare Ong ngah theih takpi ding leh 65 cing khin i Nu I pate Honpi khat ading in nak nuam Huai Khe mahmah ding hi.
Gennop tampi tawh kimu Kik ni ciin ka kikhen uh hi. Hih Hong huhna uh ah mimal tung ah sum ngen lo uh a, mimal in sum bei lawhna bangmah om lo hi. A lunglut Zomi Nu leh Pa te in Sia Thawnpi (918) 630-4116 ki contact thei hi.
ZOMI INNPI
Sept. 10, 2025, Wednesday
Tulsa, Okla.
Reporting by Andrew Nun
Photo Credit: Pu Cin Hatlang
.jpeg)
.jpeg)
.jpeg)
No comments:
Post a Comment
Comments not related to the topic will be removed immediately.