Keipen kamin Rev.Thang Za kap ahi hi. Chin state bupah AG Pastor a masa penpen ka hi hi. Tua hun pen 1976 kum ahi hi. Kapa pen Mang Khai hi a, Ka nu pen Vung Pau ahi hi. Ka pa pen Lophei Ukpi (Lophei chief) Pu Khup Lian ii tapa hi a, ka nu pen Thuklai Ukpi (Thuklai chief) Pu Lam Khaw Mang ii a naunu ahi hi. Kei pen January 2, 1954 kum in Lophei khua ah ka suak hi. Unau Pasal 4 leh Numei 3 kaphakna uh ah anau tumpen ka hi hi.
TanLang pan Tan 6 dong Thuklai High School ah kakah a, Tan 7 leh Tan 8 pen Kalaymyo No1. High School ah kakah hi. Tua khit ciang Tan 9 leh Tan 10 pen Thuklai High School ah kakah kik hi. 1979 August 2 niciang Evangel Bible College, Yagoon ah kum 5sung Lai Siangtho samg kakah a, Evangel Bible College panin 1984 kum in B.A (Bible Theology) degree kangah hi.
Lai Siangtho sang kaman ciangin Monywa (မုံရွာ) ah kumkhat sung Mission semin ka om hi. Tua hun sungin Milim bia Buddhist te in Zeisu amuhtheih nading in "Nasih ciang koi ah na pai diam" cih Laibu khat ka gelh a, Sya Suang Khaw Lian ( Health Assistant ) in asum apaai bei khempeuh hong sikin Monywa (မုံရွာ) khuasung tengah kahawm kawikawi uh hi. Tua ban ah Sya Zel Thiou in Printing Press ah bu tampi hong bawlbeh in Kawlgam bup ah honghawm kawikawi sak hi. Tua a Laibu ka bawlpen 1985 kum hi a, 1993 kum ciangin Kawlgam Galkap Thukante (စစ်ထောက်လှမ်းရေးte) in ka nih un matdingin Kawlgam bupah hong leizon uh hi.
1994kum January ni 6ni zingsang khuavak maa in Lophei ka inn uh ah kei hongman ding in Tedim gambup ah Galkap thukan (MI) alianpenpa, U Min Sein leh Tedim Police Department pan စခန်းမှူး U. Sein Maung, Thuklai pan Police te honkhat tawh hongpai uh hi. Pasian hongkepna tawh ka suakta liailiai hi. Tua khit ciang Aizawl ah ka taito suak hi. Aizawl ah kha 3khawng ka om khit ciang Delhi ah ka pai a, UNHCR zum ah Refugee kaseu hi. Tua ni pen 1994 kum April Ni 6ni a hihi. Tua ni mahin Refugee status kangah pah hi. Khakhat in ka nuntak nadingin India sum Rupee 800 UNHCR in hong pia hi.
Tua sum tawh India gam Bangalore ah M.Div kakah a 1996 kum in M.Div degree kangah hi. Bangalore pan Master of Divinity degree kangah khit ciang Aizawl ah kaciah kik hi. Nikhat keikia Rev.Lal Zara te inn (kazintun na inn) ah ka omlaitak in Pa Cin Sawm Pau (Phaileng mi) leh Pa Pau Keel (Anlangh khuami) ka zintunna inn ah hong hawh uh hi. Tua leh amau in "Sia Kap aw Aizawl ah Gupkhiatna Tintan khat bawl ni, nangh Tintan hongpia in la, koh a beiding sumlehpaai teng hong vaihawm nung" hong ci uh hi. Tua leh hi hen Ooo ka ci hi. Tua pen Pasian in hong thukimpih hiding hiven hong tangtutpih hi. Gupkhiatna Tintan pen Aizawl khuapi Dullhtang Bible camp ah ni 3 sung kapia hi. Hongpai khempeuh pial-in Gupngah hong kitel in teci hong pang ziahziah uh hi.
Tua hunlaitak in Aizawl ah Zomi AG pawlpi om nailo ahih manin ZBC Tuiphum biakinn ah Teci pang ziahziah uh hi. Kei ii sawl zong hi lo hi. Kei ii gupkhiatna Tintan kapiak laitak mahin Zomi Baptist Church ( ZBC ) inzong a biakinn uh ah gupkhiatna Tintan mah pia uh hi. Ahihhang gupngah TECI apangthei khat zong omlo ci uh hi. Tua ahih manin Pastor GK Nang leh a pawlpi Upa Pa Thawng Pau (Tungzang khuami, Mizoram Police), Pa Cin Za Khup (Tungzang khuami, Business ), Pa Tun Khan Pau ( Australia, Kawlgam galkap lui) te hehgawp in "Thang Za Kap pen sihzang te hi. Sihzang te pen Tedim gamah hong nawngkai sak mahmah minamte hi ci in biakinn sungah hongko gawp uh hi ci in hong genkik uh hi.
Tua ban ah "Sia aw Aizawl ah Pawlpi khat nong phawt kei leh ka kikhop nading uh, om nonlo hi hong cimawk uh hi. Tua pen kei adingin Vangih mahmah khat hong suak mawk hi. Bang hang hiam cihleh 1. Mizopau kapau thei kei hi. 2. Pawlpi phuh zawk nading sum kanei kei hi. Ahi zongin pawlpi phuhlo in hong phamawh mawk hi. Tua ahih manin Aizawl khuapi ah bang leh bang ci-in AG pawlpi ka phutkhia hi. Pawlpi phuhding ka khensat nizan in ka lungkham lua ahih man in mitangkhat zong si lo in ka zanhah mai hi. Aizawl AG pawlpi pen AG pawlpi a-omsa mite tawh kikum khawm a, Pawlpi akiphut hilo in kei ii khensatnalian bek Pasian in hong ngen ta mawk hi.
Ken ka khensat ngam leh Aizawl khuapi ah Zomi AG pawlpi piang ding a, ken kakhensat ngam kei leh Aizawl khuapi ah Zomi AG Pawlpi, piang ngeingei nonlo ding cih honghita mai hi. Bannghanghiam cih leh Aizawl khuapi ah Zomi AG pen 3vei kiphut khin ta hi. A khatveina ah Tang. Sing Tuang (Vangteh khuami) in naphut a nabeikik hi. A ninveina ah Bo Piana (Tungzang khuami) in naphut kik a na bei kik leuleu hi. Tua khit ciang a thumveina Sya Thang Khan Thawn (Suangpi khuami) in na phut leuleu a, na bei kik leuleu hi. Tua ahih manin Aizawl ah Zomi AG apian ding pen kuamah in um zo nonlo hi.
Tua laitak in, a 4veina pen Topa in kei hongzang in Aizawl khuapi ah Zomi AG (or) Salom AG ka phutkhia hi. Tu laitak in tua pawlpi pen Rev.Dr,Lalno in Senoir Pastor semin Pawlpimi members 1,000val phata hi. Tua pawlpi pian nadingin hong panpin penpen Captain Thang Pian Khup (Police Officer in Mizoram state), Pa Pau Sing leh Pa Khual (Heilei khuami, Tulsa city) te uh ahi hi. Pawlpi kipatni in miZaaval hong kikhawmpah uh hi.
Sizang gam sungah ka Pasian nasepna
Chin state bupah KHUA SAK khua pen 1904 kum in TAPIDAW biakna hong kipan hi. Pasian in ompih ahihman in damdam in hong khangtoto in akhua khua in TAPIDAW hong om kawikawi hi. Ahizong in 1970 kum hongtun taktak ciangin GUPKHIATNA pen a khonkhong hinonlo in ei ii thalawh ding, ei ii Thukham zuih ding dan in TUIPHUM Pastor te in hong hilh tamai uh hi.
Tua ahihman in Sizang mite in Gupkhiatna thu atheih nading un 1980 kum, ka Lai Siangtho sangkahkawm in Sizangpau tawh Laibu khat ka gelh hi. Abei khempeuh Sya Suang Khaw Lian ( Health Assistant ) in hongsik a Sizang gamsung khempeuh ah atua Laibu honghawm sak kawikawi hi. A Laibu thulupen VANGIK PUA A AGIM MITE AW KA KIANGAH HONG PAI UN TAWL DAMNA KA HONGPIA DING HI cih thulu ahi hi. Tua Laibu tungton in mitampitak khuavak hong mu zawdeuh uh hi.
Tua khit ciang 1981 kumin Laibukhat ka at leuleu hi. Ka Laibu min pen GUP NA KITAAN KIK THEI DING HIAM cihthu ahi hi. A kitaan kik theihlohna kiimtak in ka gelh hi. Tua Laibu in nasiatak in nahongsem a, Suangdawh khua ah AG pawlpi hongpiang khia hi.
1993kum ciangin Laibukhat ka at leuleu hi. Tua ka Laubu min pen GAM TAT NA OMLO UPNA IN A SI HI cihthu ahi hi. Tua Laibu tungton in Sizangmi honpi khat in GAM TAT HOIHNA TAWH GUPNA A KINGAH ZAWHLO NA THU hong telpha mahmah uh hi.
Sizang mite adingin Sizang pau tawh Laibu bu3teng ka at khiat ciang ka lungkiim zo nailo ahih manin keimah Rev.Thang Za Kap, Rev Do Cin Pau (Thuklai) Pa Thang Pui (Taingen) tawh Sizang sungteng ah Gupkhiatna thu tangko in kapai uh a SENG PI tawh An-guai kapua uh hi. MEISO zong kapua uh hi. Sizang khua, khuakhat pan khuakhat ah kapai uh a GUP KHIAT NA THU ka tangko uh hi.
Sizangte in Gupkhiatna thu telvet nonlo uh ahih manin Sya Lam Cin Thang naleng Sizang Tuiphum pawlpi in sang ngamlo mawk uh hi. 1987 kumin Sya Lam Cin Thang tawh TAMU dong စက်ဘိန်း khattuak tuangin ka tonkhawm uh hi. Sya Lam Cin Thang in bang honggen hiam cih leh "Phuluum phual nading Leikha in petlet hi acih bangin Sizang sungah gupkhiatna thu akigen thei nading pen nang ii pehlet hi" hong ci hi.
1975kum in Rev. Dr. Hau Lian Kham leh apawlte pawlkhat KHUASAK ah gupnathu genin pai uh a, Majar. Kam Cin inn ah zintung uh hi. Nitak ciang gupnathu agen laitak in Khuasak te mi 7 in Suang tawh deang uh hi. Gupna thu gensak theilo uh hi. 1976 kumin Rev. Phun Dum te nupa tawh KHUASAK khua ah kapai hon uh a, gupna thu genthei lo ding, nong gen teitei uh leh khangnote in suang tawh hong deeng ding hi, Pa Lua Pau in hong ci hi. Tua banah ciahkik un hong ci hi. Zintun nading kangah kei uh hi. Tua ciang Lophei khua ah ka ciah ngeingai uh hi.
Zomi Agape Church Bowling Green city ah Senoir Pastor
kasep theina Thu
Keipen Malaysia ah kumthum leh alang Refugees status tawh ka omkhit ciang Malaysia UNHCR te in December 4, 2012 kumin America ah ka Zi tawh hong paisak uh hi. Cidamtak in America ah December 5, 2012 kumin ka tapa Dalseen te omna KASAS city ah katung uh hi. KASAS city ah kha 8sung ka om uh hi. Tuahunsung inzong USA gam muntampi ah GUPKHIATNA thu Tintan pia in kazin kawikawi hi.
Tua bangin kazin kawikawi leh Bowling Green ah AG Pastor Rev.Khai Tom te kiang kabaang hi. Amau inn ah zintung in amau Pawlpi ah Hun zong kazangh hi. Rev.Khai Tom in khuasung teng hong etpih kawikawi in, kalung alut mahmah hi. Ka lunglutna pen 1. Khuahun nuam mahmah hi. 2.Nasep nading Company tam mahmah hi. 3.Ta 2leh 3 aneite kumpi in innlamhsak a Man tawmno cip tawh inn saapsak hi. 4. English a sinnuamte adingin a Free in sintheihna mun 3 bang na om hi. 5. Tate tute sangkahtheih nadingin UNIVERSTY lianmahmah khat na om hi. Hih teng kamuh tak ciangin Bowling Green city, Kentucky state ah kituah dingin ka khensat hi.
Bowling Green city ah ka kituahna a bulpi khat pen SIZANG CHRISTIAN pawlpi khat phuanding cih ngimna ahi hi. Ahih hangin Sizangmi kuamah om nailo hi. Tua bangin ka ngakngak laitak in Nikhat ZOMI AGAPE CHURCH pan amakai teng hong hawh uh hi. Tua leh amau in Sia aw Bangbang hi leh ZAC pawlpi ah Senoir Pastor hong sem in hong ci uh hi.
Ken kadawn kikna ah Keipen Bowling Green ah kong kituah na ahangpen Sizang TAPIDAW pawlpikhat phawt asawm hi ing kaci hi. Tua leh amau in Sizang pawlpikhat nadin nop hangin Sizangmi omnailo ahih manin ZAC ah Senior Pastor hongsem photphot in la Sizangmi te Bowling Green city hong kituah hun teh hong khakcip keinung hongci uh hi. Tua ciang hong semning aci kahi hi. Tua kum pen 2015 MAY kha ahi hi. Amau ading in a Pawlpi kipat uh KHA 3 phapan a, inn 8 khawng hipan hi.
Keipen JUNE, 2015 kum panin ZAC ah Senior Pastor sep ka kipan hi. Pasian in hong ompih in pawlpi pen khanpi in hongkhang hi. Kumkhat leh aLang sungin inn 75 kapha uh hi. Kum 7leh Lang kasep hun sungin inn 120 kapha uh a mimal in 500 kim kapha uh hi. A khua in Tedim gam khua 30 pan kahi uh hi. Biakinnpi khat ka lamm uh a Dollars Thein 15 kiim kabei uh hi. Topa in hong lawhcin pih mahmah hi. USA gambupah ZOMI pawlpi a lianpen a 3na dongin Topa in hong kalsuan pih hi.
2022 kum bei ciangin Pensen kala hi. Tua hun in ka kum, kum 68 kapha hi. Ka lungsimsung ah AG pawlpi mah ka lunggulh ngaungau a AG pawlpi mah ah biakpiakna kalui kik nuam hi. Topa in kei hong lapsangna pen AG pawlpi hi a, kalung hongkiim sak penzong AG pawlpi mah ahi hi. ZAC pawlpi ah kum 8kiim Pasiannaa kasep sungin nuam kasa mahmah a, Khasum kiciantak in hong vaihawmsak uh hi. Ka Motor leina ah $10,000 hong huh uh hi. Anpal, Lovegifts, puansilh niikteen hong nakpiak mahmah uh hi. Ka kithuahpih Pasian nasem Siateng leh Upateng tung ahzong ka nuam mahmah hi. Pawlpi mi khempeuh tung ahzong ka nuam mahmah hi.
LAIBU TAWH PASIAN GAM ADING KANASEP NA
Thu thupi taktakte pen Laibu tawh ii at kei leh pawlcing zolo cih kamu hi. Banghanghiam cih leh kei ka Pianthakna pen Rev.Hau Lian Kham leh Rev. Go Za Kham ii Laibu kasimna pan ahi hi. Tua ahih manin Gupkhiatna Laibu Bu 9 ka at hi.
1. Vangik pua a, agimmite aw kakiang ah hong pai un (1980)
2. Gupna kitaan kik thei ding hiam? (1981)
3. Gamtatna omlo Upna in a si hi (1983)
4. Nasih ciang koi-ah napai diam? (1985)
5. Hell apaiding te leh a suahtak nading lampi (2004)
6. Kha Siangtho nial ii cih in bang hiam (2006)
7. Pasian (pasian) akici khempeuh tungah Zeisu Pasian (2006)
8. Vangam tun nading kal 4 (2007)
9. SDA., UPC., RC upna Lai Siangtho tawh sittelna (2021-2022)
Hih ka Laibute hangin mi tampitak in Gupngah kitelna ngah uh a, thumaan Lampi mukhia uh hi.
PAHTAWINA LAI (Certificates)
Pahtawina Lai (Certificates) tampitak kangah a, "KHAZIH A DINGIN GAL HANG PA" cihna vive ahi hi. Tua Certificates te pen SDA Upna, UPC Upna, RC Upna cih ka Laibu sungah namu theiding uh hi.
Kawlgam sung leh gampua ah ka Pasian nasepna
Kawlgam sung ahpen, Lophei, Thuklai, Khuasak, Buanman, Voklaak, Limlkhaibungh, Limkhai Zo, Takkhawl, Theizang, Dolluang, Suangdaw, Phunom, Thangnuai, Vangteh, Saizang, TuiThang, Tungzang, Heilei,
Tedim, Dimlo, Tonzang, Khumnuai, Tung Tuang, Khampat, Sawbuazisian, Khunglian, Buhkan, Nanphalung, Tamu, Phailen, Uushu, Homalin, Phaikawn, Khanti, khuangmual, Bual khua, phaizawl,Tuikhal, Sakhankyi,
Kalaymyo, Tahan, Thing Unau, Moywa (မုံရွာ), Mandalay, Yangoon, Pakhuko, Maymyo, တောင်ငူ, Myitkyina, PutaO, Phakan, Mokoh, မော်လမြိုင်၊ ဖားအံ၊ မြိတ်၊ ပုသိမ်၊ တောင်ကြီး၊ လားရှိူး၊ Mandalay, Aizawl, Tonsim, Delhi, Malaysia, USA, Australia, Singapore te ah gupnathu kagen kawikawi hi. Kawlgam sungah khuapi pawlkhat pen a min ka manggilh ta hi. Kha Siangtho nasep na tawh kei tungton in gupngah kitel tam mahmah hi. Ka Tuiphum pen mi 1000 apha ding hi. Section khawmpi ciang inzong a za zain ka phum hi.
Thukhup na
Tuin kum71 kaphakban ah ka pumlang August 4, 2025 kum in hongsi a Bowling Green Zatopi ah khakhat sung kalum piikpeek hi. American Syavuante Nurse te in hong bawl uh a, tampi kadamkik hi. Innsung innpuah kavakkik thei a, Motor kahawlkik thei hi. Ahi zongin lam hoihtakin ka paikik thei non kei hi. America kumpi in kei hongkemding hong vaihawm sak a, khakhat in hongkepman ding $3,000 val hongpiak sak hi. Pensen zong hongpia uh hi. Foodstemp zong Khakhat in $300 hongpia uh hi. Zatui Zahaa man Zato lupna Zato ah Annek man Niangtui man Syavuan Syamah te ii hong bawlman Sum pya khat zong piak kul lo hi. A vekin a FREE ahi hi. Pasian hong kepna leh America kumpite ii hongkepna hong khoihna pen lungdamna kam a gen zawhding hilo hi. Tun belh ONLINE pan leh Facebook panin Pasiannaa kasih dongin asem laiding kahi hi. To
TanLang pan Tan 6 dong Thuklai High School ah kakah a, Tan 7 leh Tan 8 pen Kalaymyo No1. High School ah kakah hi. Tua khit ciang Tan 9 leh Tan 10 pen Thuklai High School ah kakah kik hi. 1979 August 2 niciang Evangel Bible College, Yagoon ah kum 5sung Lai Siangtho samg kakah a, Evangel Bible College panin 1984 kum in B.A (Bible Theology) degree kangah hi.
Lai Siangtho sang kaman ciangin Monywa (မုံရွာ) ah kumkhat sung Mission semin ka om hi. Tua hun sungin Milim bia Buddhist te in Zeisu amuhtheih nading in "Nasih ciang koi ah na pai diam" cih Laibu khat ka gelh a, Sya Suang Khaw Lian ( Health Assistant ) in asum apaai bei khempeuh hong sikin Monywa (မုံရွာ) khuasung tengah kahawm kawikawi uh hi. Tua ban ah Sya Zel Thiou in Printing Press ah bu tampi hong bawlbeh in Kawlgam bup ah honghawm kawikawi sak hi. Tua a Laibu ka bawlpen 1985 kum hi a, 1993 kum ciangin Kawlgam Galkap Thukante (စစ်ထောက်လှမ်းရေးte) in ka nih un matdingin Kawlgam bupah hong leizon uh hi.
1994kum January ni 6ni zingsang khuavak maa in Lophei ka inn uh ah kei hongman ding in Tedim gambup ah Galkap thukan (MI) alianpenpa, U Min Sein leh Tedim Police Department pan စခန်းမှူး U. Sein Maung, Thuklai pan Police te honkhat tawh hongpai uh hi. Pasian hongkepna tawh ka suakta liailiai hi. Tua khit ciang Aizawl ah ka taito suak hi. Aizawl ah kha 3khawng ka om khit ciang Delhi ah ka pai a, UNHCR zum ah Refugee kaseu hi. Tua ni pen 1994 kum April Ni 6ni a hihi. Tua ni mahin Refugee status kangah pah hi. Khakhat in ka nuntak nadingin India sum Rupee 800 UNHCR in hong pia hi.
Tua sum tawh India gam Bangalore ah M.Div kakah a 1996 kum in M.Div degree kangah hi. Bangalore pan Master of Divinity degree kangah khit ciang Aizawl ah kaciah kik hi. Nikhat keikia Rev.Lal Zara te inn (kazintun na inn) ah ka omlaitak in Pa Cin Sawm Pau (Phaileng mi) leh Pa Pau Keel (Anlangh khuami) ka zintunna inn ah hong hawh uh hi. Tua leh amau in "Sia Kap aw Aizawl ah Gupkhiatna Tintan khat bawl ni, nangh Tintan hongpia in la, koh a beiding sumlehpaai teng hong vaihawm nung" hong ci uh hi. Tua leh hi hen Ooo ka ci hi. Tua pen Pasian in hong thukimpih hiding hiven hong tangtutpih hi. Gupkhiatna Tintan pen Aizawl khuapi Dullhtang Bible camp ah ni 3 sung kapia hi. Hongpai khempeuh pial-in Gupngah hong kitel in teci hong pang ziahziah uh hi.
Tua hunlaitak in Aizawl ah Zomi AG pawlpi om nailo ahih manin ZBC Tuiphum biakinn ah Teci pang ziahziah uh hi. Kei ii sawl zong hi lo hi. Kei ii gupkhiatna Tintan kapiak laitak mahin Zomi Baptist Church ( ZBC ) inzong a biakinn uh ah gupkhiatna Tintan mah pia uh hi. Ahihhang gupngah TECI apangthei khat zong omlo ci uh hi. Tua ahih manin Pastor GK Nang leh a pawlpi Upa Pa Thawng Pau (Tungzang khuami, Mizoram Police), Pa Cin Za Khup (Tungzang khuami, Business ), Pa Tun Khan Pau ( Australia, Kawlgam galkap lui) te hehgawp in "Thang Za Kap pen sihzang te hi. Sihzang te pen Tedim gamah hong nawngkai sak mahmah minamte hi ci in biakinn sungah hongko gawp uh hi ci in hong genkik uh hi.
Tua ban ah "Sia aw Aizawl ah Pawlpi khat nong phawt kei leh ka kikhop nading uh, om nonlo hi hong cimawk uh hi. Tua pen kei adingin Vangih mahmah khat hong suak mawk hi. Bang hang hiam cihleh 1. Mizopau kapau thei kei hi. 2. Pawlpi phuh zawk nading sum kanei kei hi. Ahi zongin pawlpi phuhlo in hong phamawh mawk hi. Tua ahih manin Aizawl khuapi ah bang leh bang ci-in AG pawlpi ka phutkhia hi. Pawlpi phuhding ka khensat nizan in ka lungkham lua ahih man in mitangkhat zong si lo in ka zanhah mai hi. Aizawl AG pawlpi pen AG pawlpi a-omsa mite tawh kikum khawm a, Pawlpi akiphut hilo in kei ii khensatnalian bek Pasian in hong ngen ta mawk hi.
Ken ka khensat ngam leh Aizawl khuapi ah Zomi AG pawlpi piang ding a, ken kakhensat ngam kei leh Aizawl khuapi ah Zomi AG Pawlpi, piang ngeingei nonlo ding cih honghita mai hi. Bannghanghiam cih leh Aizawl khuapi ah Zomi AG pen 3vei kiphut khin ta hi. A khatveina ah Tang. Sing Tuang (Vangteh khuami) in naphut a nabeikik hi. A ninveina ah Bo Piana (Tungzang khuami) in naphut kik a na bei kik leuleu hi. Tua khit ciang a thumveina Sya Thang Khan Thawn (Suangpi khuami) in na phut leuleu a, na bei kik leuleu hi. Tua ahih manin Aizawl ah Zomi AG apian ding pen kuamah in um zo nonlo hi.
Tua laitak in, a 4veina pen Topa in kei hongzang in Aizawl khuapi ah Zomi AG (or) Salom AG ka phutkhia hi. Tu laitak in tua pawlpi pen Rev.Dr,Lalno in Senoir Pastor semin Pawlpimi members 1,000val phata hi. Tua pawlpi pian nadingin hong panpin penpen Captain Thang Pian Khup (Police Officer in Mizoram state), Pa Pau Sing leh Pa Khual (Heilei khuami, Tulsa city) te uh ahi hi. Pawlpi kipatni in miZaaval hong kikhawmpah uh hi.
Sizang gam sungah ka Pasian nasepna
Chin state bupah KHUA SAK khua pen 1904 kum in TAPIDAW biakna hong kipan hi. Pasian in ompih ahihman in damdam in hong khangtoto in akhua khua in TAPIDAW hong om kawikawi hi. Ahizong in 1970 kum hongtun taktak ciangin GUPKHIATNA pen a khonkhong hinonlo in ei ii thalawh ding, ei ii Thukham zuih ding dan in TUIPHUM Pastor te in hong hilh tamai uh hi.
Tua ahihman in Sizang mite in Gupkhiatna thu atheih nading un 1980 kum, ka Lai Siangtho sangkahkawm in Sizangpau tawh Laibu khat ka gelh hi. Abei khempeuh Sya Suang Khaw Lian ( Health Assistant ) in hongsik a Sizang gamsung khempeuh ah atua Laibu honghawm sak kawikawi hi. A Laibu thulupen VANGIK PUA A AGIM MITE AW KA KIANGAH HONG PAI UN TAWL DAMNA KA HONGPIA DING HI cih thulu ahi hi. Tua Laibu tungton in mitampitak khuavak hong mu zawdeuh uh hi.
Tua khit ciang 1981 kumin Laibukhat ka at leuleu hi. Ka Laibu min pen GUP NA KITAAN KIK THEI DING HIAM cihthu ahi hi. A kitaan kik theihlohna kiimtak in ka gelh hi. Tua Laibu in nasiatak in nahongsem a, Suangdawh khua ah AG pawlpi hongpiang khia hi.
1993kum ciangin Laibukhat ka at leuleu hi. Tua ka Laubu min pen GAM TAT NA OMLO UPNA IN A SI HI cihthu ahi hi. Tua Laibu tungton in Sizangmi honpi khat in GAM TAT HOIHNA TAWH GUPNA A KINGAH ZAWHLO NA THU hong telpha mahmah uh hi.
Sizang mite adingin Sizang pau tawh Laibu bu3teng ka at khiat ciang ka lungkiim zo nailo ahih manin keimah Rev.Thang Za Kap, Rev Do Cin Pau (Thuklai) Pa Thang Pui (Taingen) tawh Sizang sungteng ah Gupkhiatna thu tangko in kapai uh a SENG PI tawh An-guai kapua uh hi. MEISO zong kapua uh hi. Sizang khua, khuakhat pan khuakhat ah kapai uh a GUP KHIAT NA THU ka tangko uh hi.
Sizangte in Gupkhiatna thu telvet nonlo uh ahih manin Sya Lam Cin Thang naleng Sizang Tuiphum pawlpi in sang ngamlo mawk uh hi. 1987 kumin Sya Lam Cin Thang tawh TAMU dong စက်ဘိန်း khattuak tuangin ka tonkhawm uh hi. Sya Lam Cin Thang in bang honggen hiam cih leh "Phuluum phual nading Leikha in petlet hi acih bangin Sizang sungah gupkhiatna thu akigen thei nading pen nang ii pehlet hi" hong ci hi.
1975kum in Rev. Dr. Hau Lian Kham leh apawlte pawlkhat KHUASAK ah gupnathu genin pai uh a, Majar. Kam Cin inn ah zintung uh hi. Nitak ciang gupnathu agen laitak in Khuasak te mi 7 in Suang tawh deang uh hi. Gupna thu gensak theilo uh hi. 1976 kumin Rev. Phun Dum te nupa tawh KHUASAK khua ah kapai hon uh a, gupna thu genthei lo ding, nong gen teitei uh leh khangnote in suang tawh hong deeng ding hi, Pa Lua Pau in hong ci hi. Tua banah ciahkik un hong ci hi. Zintun nading kangah kei uh hi. Tua ciang Lophei khua ah ka ciah ngeingai uh hi.
Zomi Agape Church Bowling Green city ah Senoir Pastor
kasep theina Thu
Keipen Malaysia ah kumthum leh alang Refugees status tawh ka omkhit ciang Malaysia UNHCR te in December 4, 2012 kumin America ah ka Zi tawh hong paisak uh hi. Cidamtak in America ah December 5, 2012 kumin ka tapa Dalseen te omna KASAS city ah katung uh hi. KASAS city ah kha 8sung ka om uh hi. Tuahunsung inzong USA gam muntampi ah GUPKHIATNA thu Tintan pia in kazin kawikawi hi.
Tua bangin kazin kawikawi leh Bowling Green ah AG Pastor Rev.Khai Tom te kiang kabaang hi. Amau inn ah zintung in amau Pawlpi ah Hun zong kazangh hi. Rev.Khai Tom in khuasung teng hong etpih kawikawi in, kalung alut mahmah hi. Ka lunglutna pen 1. Khuahun nuam mahmah hi. 2.Nasep nading Company tam mahmah hi. 3.Ta 2leh 3 aneite kumpi in innlamhsak a Man tawmno cip tawh inn saapsak hi. 4. English a sinnuamte adingin a Free in sintheihna mun 3 bang na om hi. 5. Tate tute sangkahtheih nadingin UNIVERSTY lianmahmah khat na om hi. Hih teng kamuh tak ciangin Bowling Green city, Kentucky state ah kituah dingin ka khensat hi.
Bowling Green city ah ka kituahna a bulpi khat pen SIZANG CHRISTIAN pawlpi khat phuanding cih ngimna ahi hi. Ahih hangin Sizangmi kuamah om nailo hi. Tua bangin ka ngakngak laitak in Nikhat ZOMI AGAPE CHURCH pan amakai teng hong hawh uh hi. Tua leh amau in Sia aw Bangbang hi leh ZAC pawlpi ah Senoir Pastor hong sem in hong ci uh hi.
Ken kadawn kikna ah Keipen Bowling Green ah kong kituah na ahangpen Sizang TAPIDAW pawlpikhat phawt asawm hi ing kaci hi. Tua leh amau in Sizang pawlpikhat nadin nop hangin Sizangmi omnailo ahih manin ZAC ah Senior Pastor hongsem photphot in la Sizangmi te Bowling Green city hong kituah hun teh hong khakcip keinung hongci uh hi. Tua ciang hong semning aci kahi hi. Tua kum pen 2015 MAY kha ahi hi. Amau ading in a Pawlpi kipat uh KHA 3 phapan a, inn 8 khawng hipan hi.
Keipen JUNE, 2015 kum panin ZAC ah Senior Pastor sep ka kipan hi. Pasian in hong ompih in pawlpi pen khanpi in hongkhang hi. Kumkhat leh aLang sungin inn 75 kapha uh hi. Kum 7leh Lang kasep hun sungin inn 120 kapha uh a mimal in 500 kim kapha uh hi. A khua in Tedim gam khua 30 pan kahi uh hi. Biakinnpi khat ka lamm uh a Dollars Thein 15 kiim kabei uh hi. Topa in hong lawhcin pih mahmah hi. USA gambupah ZOMI pawlpi a lianpen a 3na dongin Topa in hong kalsuan pih hi.
2022 kum bei ciangin Pensen kala hi. Tua hun in ka kum, kum 68 kapha hi. Ka lungsimsung ah AG pawlpi mah ka lunggulh ngaungau a AG pawlpi mah ah biakpiakna kalui kik nuam hi. Topa in kei hong lapsangna pen AG pawlpi hi a, kalung hongkiim sak penzong AG pawlpi mah ahi hi. ZAC pawlpi ah kum 8kiim Pasiannaa kasep sungin nuam kasa mahmah a, Khasum kiciantak in hong vaihawmsak uh hi. Ka Motor leina ah $10,000 hong huh uh hi. Anpal, Lovegifts, puansilh niikteen hong nakpiak mahmah uh hi. Ka kithuahpih Pasian nasem Siateng leh Upateng tung ahzong ka nuam mahmah hi. Pawlpi mi khempeuh tung ahzong ka nuam mahmah hi.
LAIBU TAWH PASIAN GAM ADING KANASEP NA
Thu thupi taktakte pen Laibu tawh ii at kei leh pawlcing zolo cih kamu hi. Banghanghiam cih leh kei ka Pianthakna pen Rev.Hau Lian Kham leh Rev. Go Za Kham ii Laibu kasimna pan ahi hi. Tua ahih manin Gupkhiatna Laibu Bu 9 ka at hi.
1. Vangik pua a, agimmite aw kakiang ah hong pai un (1980)
2. Gupna kitaan kik thei ding hiam? (1981)
3. Gamtatna omlo Upna in a si hi (1983)
4. Nasih ciang koi-ah napai diam? (1985)
5. Hell apaiding te leh a suahtak nading lampi (2004)
6. Kha Siangtho nial ii cih in bang hiam (2006)
7. Pasian (pasian) akici khempeuh tungah Zeisu Pasian (2006)
8. Vangam tun nading kal 4 (2007)
9. SDA., UPC., RC upna Lai Siangtho tawh sittelna (2021-2022)
Hih ka Laibute hangin mi tampitak in Gupngah kitelna ngah uh a, thumaan Lampi mukhia uh hi.
PAHTAWINA LAI (Certificates)
Pahtawina Lai (Certificates) tampitak kangah a, "KHAZIH A DINGIN GAL HANG PA" cihna vive ahi hi. Tua Certificates te pen SDA Upna, UPC Upna, RC Upna cih ka Laibu sungah namu theiding uh hi.
Kawlgam sung leh gampua ah ka Pasian nasepna
Kawlgam sung ahpen, Lophei, Thuklai, Khuasak, Buanman, Voklaak, Limlkhaibungh, Limkhai Zo, Takkhawl, Theizang, Dolluang, Suangdaw, Phunom, Thangnuai, Vangteh, Saizang, TuiThang, Tungzang, Heilei,
Tedim, Dimlo, Tonzang, Khumnuai, Tung Tuang, Khampat, Sawbuazisian, Khunglian, Buhkan, Nanphalung, Tamu, Phailen, Uushu, Homalin, Phaikawn, Khanti, khuangmual, Bual khua, phaizawl,Tuikhal, Sakhankyi,
Kalaymyo, Tahan, Thing Unau, Moywa (မုံရွာ), Mandalay, Yangoon, Pakhuko, Maymyo, တောင်ငူ, Myitkyina, PutaO, Phakan, Mokoh, မော်လမြိုင်၊ ဖားအံ၊ မြိတ်၊ ပုသိမ်၊ တောင်ကြီး၊ လားရှိူး၊ Mandalay, Aizawl, Tonsim, Delhi, Malaysia, USA, Australia, Singapore te ah gupnathu kagen kawikawi hi. Kawlgam sungah khuapi pawlkhat pen a min ka manggilh ta hi. Kha Siangtho nasep na tawh kei tungton in gupngah kitel tam mahmah hi. Ka Tuiphum pen mi 1000 apha ding hi. Section khawmpi ciang inzong a za zain ka phum hi.
Thukhup na
Tuin kum71 kaphakban ah ka pumlang August 4, 2025 kum in hongsi a Bowling Green Zatopi ah khakhat sung kalum piikpeek hi. American Syavuante Nurse te in hong bawl uh a, tampi kadamkik hi. Innsung innpuah kavakkik thei a, Motor kahawlkik thei hi. Ahi zongin lam hoihtakin ka paikik thei non kei hi. America kumpi in kei hongkemding hong vaihawm sak a, khakhat in hongkepman ding $3,000 val hongpiak sak hi. Pensen zong hongpia uh hi. Foodstemp zong Khakhat in $300 hongpia uh hi. Zatui Zahaa man Zato lupna Zato ah Annek man Niangtui man Syavuan Syamah te ii hong bawlman Sum pya khat zong piak kul lo hi. A vekin a FREE ahi hi. Pasian hong kepna leh America kumpite ii hongkepna hong khoihna pen lungdamna kam a gen zawhding hilo hi. Tun belh ONLINE pan leh Facebook panin Pasiannaa kasih dongin asem laiding kahi hi. To
God be The Glory.
Rev Dr Thang Za Kap, USA
Courtesy: Zomi LengThe Media
No comments:
Post a Comment
Comments not related to the topic will be removed immediately.