Rev Fr Jame Cin Len Khai received PhD

🪴"#Dr. James Cin Len Khai ii pianzia leh a zilsinthu"🪴

🏡PIANNA🏡
®#Dr. James Cin Len Khai pen Saizang khua ateng' Pu- Tun Khua Pau (Zolai sangsiapi - retired, Gualnam beh) leh Pi- Zo Khua Langh te' sung panin Saizang khua ah suak hi. Unau giat pha uh aa, amah pen a ulam pan a thumna a hihi.

🌱Leitung Lam Tawh Kisai Pil Sin Na!🌱
®1976-1981 kum sungin Basic Education Primary School- Saizang ah tanlang pan tanli dong pilna sin in gualzo hi.
®1981-1985 kum sungin Basic Education Middle School- Saizang mah ah tannga pan tangiat dong  pilna sin in gualzo hi.
®1985-1988 kum leuleu ciangin Basic Education high School- Tedim ah tankua leh tansawm dong pilna sinin gualzawhna ngah  hi.
®1991-1995 kum sungin MANDALAY UNIVERSITY ah laisim hong zomto in lungsimlam tawh kisai BA (Bachelor of Arts In Psychology) lukhu neelkai hong ngah thei hi.
®2013-2017 kum sungin a sangzaw pilsinna pen Philippines gam, Manila khuapi  aom DE LA SALLE UNIVERSITY ah hong nei thei aa,MA (Master of Arts In Counseling)tawh lukhu neelkai hong ngah hi.
®2019–2025 kum sungin Philippines gam, Manila khuapi aom sangminthang mahmah khat ahi UNIVERSITY OF SANTO TOMAS ah "Doctorate Degree" hong sinsuak thei hi.
~2025 kum sungin PhD (PhD in Clinical Counseling Psychology) lukhu neelkai hong ngah hi.

~#Dr. James Cin Len Khai pen laisim-uk, laisim- hahkat leh a kiniamkhiat mahmah khat ahih na tawh kizui-in UNIVERSITY OF SANTO TOMAS Sanginnpi pan PhD level pahtawina limci mahmah(St. Albertus Magnus Outstanding Award) hong ngah hi.
⛪️BIAKNA/PAWLPI LAM TAWH KISAI PILSINNA!⛪️
1. St.Alouis Minor Seminary- Pyin Oo Lwin or Maymyo (1988-1989)
2. St.Thomas Minor Seminary- Mandalay (1989-1995)
3. St. Joseph Catholic Major Seminary- Pyin Oo Lwin or Maymyo (1995-1997)
4. St. Joseph Catholic Major Seminary- Yangon (1997-2001)
5. Pastoral Management (2009-2011)
(East Asian Pastoral Institute- Ateneo De Manila University)
6. Clinical Pastoral Education- Manila  (Makati Medical Center) 2011-2012

Noted:
#Dr. James Cin Len Khai in Catholic phunggyi a suahzawh nangin kum-13(1988-2001) sung vilvel pilna tuamtuam (English, Latin, Leadership, Spirituality, Philosophy, Theology) a sinkhit ciangin Catholic Siampi zaa' (Priestly Ordination) hong ngah thei hi.

🍀🛤️PASIAN NA SEP NGEINA MUN TENG!🛤️🍀
1. St. Mary Catholic Church, Lukse Parish (Mindat Diocese)
💒2001-2007
2. Assumption of Our Lady Church, Myoma Parish, Tedim, (Kalay Diocese)
💒2007-2008
3. Makati Medical Center, (Chaplain,) Manila, 2010
4. Sacret Heart of Jesus Parish- Manila, Phillipines (Manila Diocese)
 💒2010-2017
5. Sacred Heart of Jesus Parish-  Manila,  Philippines (Manila Archdiocese)

💒2019-2025
#Rev. Fr.James Len Khai (PhD) pen a neulim akipan NulePa thumang in Pasianthu zong a hahkat mahmah leh a ki niamkhiat mahmah mi khat a hihi.
#Rev. Fr.James Len Khai (PhD) pen biakinn pai in kikhawm dena, Laisiangtho simin thunget zong a hanciam mahmah mi khat a hihi.
#Rev.Fr.James Len   Khai (PhD) pen Pasian na sem te it-in a zahtak mahmah mi khat hi aa,a septheih bang semin Pasian leh ama pawlpi adingin a kipia khia ngiat mi nunnem mahmah khat a hihi. Tua teng tawh kizom in Pasian sapna ngah in siampi sinna sang ah kah aa, Pasian lenggah huan ah na sem dingin Pasian sapna panin Pasian telna zong a ngah siampihoih khat suak hi.
#Rev. Fr.James Len Khai (PhD) pen kum-1995 in kawlgambup level Catholic siampi sinna sangpi lut theihnang' laiguanna(မြန်မာနိုင်ငံလုံးဆိုင်ရာ ကက်သလစ် ရဟန်းဖြစ်တက္ကသိုလ် ဝင်ခွင့်စာမေးပွဲ) ah,  a nihna- 2nd hong ngah ngei hi.
Rev. Fr.James Len Khai (PhD) pen Zogam tulpipa Bishop Nicholas Mang Thang khut siangtho sung pan September 30, 2001 ni- in a pianna Saizang Khuapi ah tawntung siampi suahna za' (Priestly Ordination) ngah hi.

🌹THUKHUPNA LEH THUPHA PAIHNA🌹🙏🏻
 #Rev, Fr.James Cin Len Khai (PhD) ii a lamdang gualzawhna leh pahtawina ngah khempeuh pen a nungta Pa Pasian hang bek a hihi.
A ma ii gualzawhna pen gam leh minam ading leh pawlpi ading hi ngiat ta hen.
A lunglut'huai mahmah, a ma ii gualzawhna pen Kalay Diocese sung leh a pianna Saizang khua a dingin Lungsimlam tawh kisai PhD(Clinical Counseling Psychology-နှစ်သိမ့် အကြံပြု ဆွေးနွေးခြင်းနှင့် ကုခန်း စိတ်ပညာ) tawh lukhu neelkai ngah masa pen hong suak hi.
A ma ii gualzawhna te hangin Pasian min ii phat aa,mi tampi phattuamna ding leh Pasian gamzaina,Pasian minthanna hizaw den ta hen…Amen.
📝Behlapna:📝🌾

#Rev. Fr. James Len Khai in, Doctorate  Degree (PhD lukhu neelkai) thupi takin a ngah theih nangin,a kisam khat in International Journal Publication a hihi. A tawm pen in နိုင်ငံတကာ ဂျာနယ် khat peuhmah gelh in Published hamtang ding kisam himah ta leh,ama hanciamna tawh နိုင်ငံတကာ ဂျာနယ် (၄) စောင် hong gelhzo in, hong thohkhia  thei hi. Tu-in tua Published  International Journal Article te Google pan inzong ki simsim thei ta hi.

LUNGDAM!
✍️✍️✍️Thomas Cih Lian Gualnam