Zogam Thuthang | PDA & Zoland

02 Jan 2026 -- PDA-Tedim: PDA in CC tawh Tedim la-nuam cih pen i theihtek sa hi. Ahizong in, Mipite'n Zoland tha pia zaw, muangzaw, lunggulh zaw ahihman in Mipite' lunggulhna akhualna uh tawh kizui in, 2025 kumsung kila lo hi, cih gen uh hi. Tedim khuasung bomb puak, Leilum zum haaltum, Lawaka zum haaltum, Tedim CNF Bomb puakkham mawtaw hawlte pen PDA te ahi hi. Tu'n ahihleh 2026 sung bangcibang in kalsuan ding? cih PDA Facebook pan tangko ta uh hi.

PDF-Zoland: Zoland in kumsim sumlut-sumpusuak leh kum 1 sung sepna bawlna report nei in, Mipi' tung tangko zel uh hi. Ahizong in, abeisa 2024 leh 2025 kum 2 report tangkona om lo ci hi. Tua kum 2 pen Supporter te' kiang pan Dollar million 3 dektak angah kumte uh hi citciat hi.

Hih Dollar million 3 huhau in huihlak thuging tampi om a, tuate' sungpan alunglut huai pawl khat pen:*
1. Kum 2 sum report om lo ahihman in supporter kiamtuam ci hi.
2. Zoland van kaikhawm gamsung makaite'n thauvui-thautang alei'teh Zoland Supporter te' kiang pan ပွဲစား man la, cih zong thuging om a; ei leh ei neihval-lamval hi lo, huhna kipia in makaite'n ပွဲစား man hong nek behlai, cih tawh Supporter pawlkhat in naasa mah² ci hi.
3. 2026 sung Tedim la zo lo ve², Zoland kalsuan zia Mipite leh Supporter pawl khat in hungaih phot ni, ci uh hi.

©𝐙𝐨𝐠𝐚𝐦 𝐈𝐧𝐬𝐢𝐠𝐡𝐭

Share: