Lamka, July 13, 2026: Tuni sunnung dak 3:00 PM in Zomi Council Office ah Churachandpur College vai a kitheihsiamna hoih leh phatuam omding deihna in kimuhkhawmna om hi. Hiai kimuhkhawmna ah Zomi Council Cabinet member te, Ccpur College Principal Ginzamang leh Associate Professor Pauchungnung ban ah makai dang hunkhop kihel uhi.
July 12, 2026 Zomi Council Cabinet Committee Meeting Resolution dungzui in, Churachandpur College vai toh kisai thunung- thuma gen om nawnlou a mailam nawt ding ahi chih thutanna neita uh ahihdan leh hiai thu toh kisai thubuai labuai kuaman social media leh mipi leh mimal lak a genbuai nawn louh ding chih thutanna paipih ta ding ahihdan uh Pu Vumsuan Naulak, Chairman Zomi Council in paikhawmte lak ah puangkhia hi. Ccpur govt college ah student 5000 val ki admit ua College Administration in pan nasataka honlak zom touh ua, siamsinte a dia khantouhna mun poimoh a hong hih det ding deihthu leng gen hi.
Hiai thukhitna hun ah Zomi Council in thukhitna annkuang lui hi.
Media & Publicity
Zomi Council Hqtrs
.jpeg)
No comments:
Post a Comment
Comments not related to the topic will be removed immediately.