Gamsung Semna Ding

⁉️||𝐆𝐀𝐌𝐒𝐔𝐍𝐆 𝐒𝐄𝐌𝐍𝐀 𝐃𝐈𝐍𝐆𝐀 𝐌𝐈𝐏𝐈 𝐓𝐇𝐀𝐋𝐇𝐄𝐍𝐆 𝐃𝐈𝐍𝐆 𝐊𝐇𝐀𝐓 𝐂𝐇𝐔 

𝐀𝐌𝐈 𝐈𝐍 𝐀𝐏𝐎𝐇 𝐇𝐀𝐌  𝐎𝐑 𝐀𝐁𝐄𝐍𝐀 𝐏𝐀𝐑𝐓𝐘 𝐈𝐍 𝐀𝐏𝐎𝐇 𝐇𝐀𝐌||⁉️

BJP/Congress/KPA kiti ho hi Election tetding khat dinga chu Political Party affiliation khat angaiji jeh thu ahibouvin, Gamsung natong ding chu Mipi thalhenga ading ding Pa/Nu khut a atamjo kingam ahibouve, tihi hetchet masat angaije.

Gahseidin: Pu Paolenlal jong BJP ahivangin, a Constituency sunga dingin Hospital, Lampi, Displaced Villages, etc etc, phachompi aboldoh in, resettle abol doh kit in ahi. Nam issue a jong BJP leh BJP lou thu umlouvin, Biren Govt., akidinte pi kit in ahi. 

Alangkhat'ah, KPA MLA 2 akaidoh lhon in, khat Saikul AC sunga ahin, ahileh amanu hin Saikul AC sunga Kho 90 kihalchai kei ho lah a Khokhat jong "resettled" aboldoh jong aumpon, Reserved Forest thu a apanlahna jong aumkit pon, Lampi ho blacktopping aboldoh jong aumkit pon ahi.

Congress Party ho Govt. pohlai ivet kit jong leh, Thinglhang Gam jouse suchavai pen ahikit uvin ahi.

2011 kum laijin, Home Department in Notification ana so uvin, Sagolmang Police Station, Andro Police Station, Yainganpokpi Police Station, Lamlai Police Station, Maphou Dam Station, Irilbung Police Station Imphal East District noi jin, Saikul Sub-Division, Lhungtin Sub-Division, Island Sub-Division Kho 126 ho se ana koilut uvin ahi. 

Nongpok Sekmai Police Station, Thoubal  District noijin Island Sub-Division Kho 9 vel ana koilut uvin ahi.

Kumbi Police Station, Bishnupur District noi jin Saikot Constituency Kho 60 ana koilut uvin ahi.

Phaogakchao Ilhai Police Station, Bishnupur District noijin Kangvai Sub-Division, Ccpur District sunga Kho 37 vel ana koilut uvin ahi.

Moirang Police Station, Bishnupur District noi jin Kangvai Sub-Division, Churachandpur District sunga Kho 53 ana koilut uvin ahi.

Loktak Project Police Station, Bishnupur District noijin Henglep Sub-Division, Churachandpur District sunga Kho 50 vel ana koilut uvin ahi.

Sugnu Police Station, Kakching District noi jin Chakpikarong Sub-Division, Chandel District sunga Kho 35 vel ana koilut uvin ahi.

Senapati Police Station, Senapati District noi jin Kangpokpi Sub-Division, Kangpokpi District sunga Kho 9 vel ana koilut uvin ahi.

Achunga Phaicham Police Station noi ja Thinglhang Gam ana kikoilut jouse hi tuchung Meitei le Kuki Gal sungin Meitei Police ho in Law and Krder atuh na jouseu jurisdiction sunga Meitei Thingnoi ho toh akithokhom jeh uvin, Kho tampi abulu uvin, ahal chai kei tauvin ahi.

Thinglhang Kho ho jouse hi, Police Station jurisdiction jong ama District toh kitoh in ana umcheh le hichan lom a, Meitei ho in Thinglhang Kho ho a thu aneilou diu, eihung bulu ngamlou maitheiju ahibouvin ahi.

Hiche kalval in jong Congress Govt., poh sungin,  Thinglhang Kho Gam Boundary hopsunga Gam tampi Phaicham Gam huop sunga ana lalut kit uvin ahi.

Phaicham Land Revenue Thinglhang Gam a ana lutsah jeh uvin, "Thinglhang Kho 492" atongkha in, Kuki te Kho ahatoh khah pen in ahi.

Hijeh a hi dohthei khat chu: Gamsung semna dia hi "Ami in apoh ham, or a Party in apoh ham..."??? Nangjn ipi napohsah em...??? Nadonbutna dungjui jin tunaicha a um Mipi Thalheng Kilhenna dinga hin, Koijoh sot a pha ham ti ana lhengchil pan tan...!!!🆘🤗

~ By: Gamleiset Ngailupa

Courtesy: Lenin for Saikul