BELAAM HILHCHETNA

!!! Wish you Merry Christmas !!!

 On 10 December 2023

BELAAM HILHCHETNA

LST Lk.  2:8-20

~ Pastor Thangdoulal Suantak

Christmas in a hung naih mahmahtaak tawh kiton in, leitung hundampa Jesu Khrist, lei-mihing a, a hung pianna ah, ngilhmawh ganta khat a om a, tua ahihleh BELAAM ahi. Tualeh hih BELAAM pen, ganhingte lak a zaat-tuamna mahmah nei huangvulh gantate lak a khat ahihziak in Lai Siangthou pansan in i na et diing uh hi.

# Belaam leh eite kibatna Lai Siangthou in zong a hung na tehkaak hi. 

# Jesu in zong Belaam tawh eite hung na tehkaak hi.

1. Belaam ahihleh amahtang a, nuamtak a kisil ngimtheilou ganta ahi.

# Belaam ahihleh amah-le-amah kisilsiang theilou, Apu in in a silkei leh, bangmachik a kisillou ganta khat ahi a, ganta dangte amauh-le-amauh, kungbul hiam, thul-khuam hiam, leh banghiamte a kitaat a kinawtsiang thei ahihlai un Belaam pen huabang ahikei hi. 

# Hih tawh kibang in eite'n zong, i tung ua om natna, lakkhiat theih khatbeek zong i neikei ua, a pil penpen nu hiam pa hiam in zong, a pilna ziak in a tung a om natna om, a lak-khiat theih a omkei hi.

# Jesu'n a hung sawpsiang kei ngal leh, i khelhnate ua pan in, eimah-le-eimah i kisawpsiang theikei uh hi.

# Hibang ahihziak in, Laa phuakpa khat in, "Tui in zong ka khelhna sawpsiang theilou, ganta tampite sisan in zong a hung tan-theikei a, Jesu sisan bek in a hung sawpsiang thei hi" a chi hi.

2. Belaam ahihleh amah-le-amah kiveeng theilou ganta ahi. 

# Ganta dangte ahihleh ama'uh leh ama'uh a kiveeng thei sam uh hi; ama'un a haa uh zang in a kikeem tangpi uh hi. Hilezong Belaam pen huabang ahikei hi.

# Belaamte a laau chiang un, a nungtawn a nungtawn ua, a unpi un, mun khat ah a omkhawm zeel uh hi. 

# Hichibang ahihziak in sahaangte'n a duh-duh uh a teel ua, limchi a sak penpen uh a ne zeel uh hi. Hilezong ganta dangte pen, hibang ahikei ua, a na kiveeng thei sam uh hi. 

# Ganta dangte'n defensive system, doutheih na diing, pan theihna diing, kiveenna diing, panlak diingdan a na thei deuh sam uh hi. 

# Hih tawh kibang in, eite'n zong, khelhna leh se-etna tuamtuamte, Pasian kha panpihna tawh lou in i douzou kei taangpi uh hi. Ataktak a chih in, eima apan in khelhnate khatzong douzoh i neikei uh hi.

# Tualeh hih i gen uh khelhnate dou zong i doulouh himhim uh ahi a, hibang khelhna, khelhna a zong i simlouh uh, khelhnate dou a panlak lemalak in, i vabawl utzawsawp uh hi.

# Tuachiang in, mihingte pen, mi khialte i hih ziak un, khelhnate i bawl zeel ua, khelhnate apna in i kikem zoukei himhim uh hi. 

Example: (Fish) Ngasate Research Scholar hi uh henla, Tuipi sung omdante Research kibawlsak leh, tui sung a teeng ahihlam uh a theihak (thei nukhiik) pen diing uh ahi, chiin a kigen hi.

# Aziak pen, ama'un Tuisung nuam asak luat ziak un, tuisung a teeng ahihlam uh a kithei theikei uh hi, a kichi hi.

# Hichibang in Jesu neiloute zong, thil a guukkhiat zoh ua ahihleh thupi a kisa ua, migilou in zong mi a vuak zoh leh, bawlthei kisakna anei a, zuau genmi in zong mi khat a kheem zoh leh bawltheih kisakna leh thupi kisakna a nei hi.

# Belaamte'n a tunglam mawngmawng a enkei ua, ama'uh mai a chiat taw nam zeen in lam a zawt uh hi. 

# Laate 14:1 na ah, "Mi mawte'n a lungtang un "Pasian a omkei" a chi uh hi. Khansia in, sil kihdak-huaite bekbek a bawl ua; silhoih bawl khat zong a omkei uh hi" Nurse khat in, ka misi muh khaak lak ah, VERTIL kichipa a meelsia pen hi a na chi hi, aziak pen ama'n Pasian a omkei chi in a na gen ngai hi. 

# A omna mun theihtheilou Belaam leh Mihingte a kibang ahi. Milim pasian zuak a kiveipa khat in, "I pasian uh man pen dektheih, lei-theih, paimang theih pasian ahi a, hichibang pen pasian taktak a hitheikei," a na chi hi.

# Belaam in, an-le-tui omna mun zong a theikei hi. Hilam ah an om in the, hilam deuh ah tui om in the chih Belaam in a theikei a, a chingpa ah a kipum-ngak uh hi. 

# Psalms 23:1-2 Still waters means Kilinglou, Om dingdeng, tui taanglou a aveina mun luipang ah a hung pui hi, a chihna ahi a, atui ging lou ahi. Aziak pen Belaamte'n tui a gin leh a dawn ngamkei uh hi. 

# A dawn masa diing a omkei leh Belaamte'n tui mawk dawnkei ua, tualeh Apu in tui omna mun a zonpih ngaite ahi uh hi.

# Hih tawh kibang in, nang leh kei zong Pasian tawh lou a gammang diing, mangthang diing, zing chiang khua vaak mulou diing, ka hi chih lungtang tawh, Pasian ah i ki-nga tawntung diing uh hi.

# Belaam a tangtat ngaikei a, ama'un un Apu uh (A chingpa) kitaw-nap zeen in a zui uh hi. Hichibang ahih ziak in kawl a a kiat chiang un un a banban in a kia nei uh hi.

# Belaam in a mai a pen taw a phuuk khaak chiang in a khawl ua, keen a a kiat khaak uh lezong a kia bei thei uh hi.

# Belaamte chituamna mahmah khat ahihleh a gil uh a vah chiang bek in a lum pan uh hi.

Hih thute na simcha zousiah tung ah, i Pa Pasian thupha hung tungta hen…. Amen

Share: