ITNA HANG HI: MIMI DIMSIANMUAN

I it mah mah mihing te hong it takpi mah hiam cih i telloh te nangawn in tamvei pi hong nasak in i muan a bat loh hun leh i lungkimna ding a hong gamtat zawhloh a hong hehsak hun ciang nangawn in zong it mah mah i hih manin ki mudah thei tuanlo a, ei tungah tawm vei sung hong hoihkhak na te tawh ki hehnem in ei leh ei ki lungkimsak tawm zel thei i hih leh Pasian in hong it lam i tel mah mah a, a hih hang in ei tung ah i deih bang thupha hong piak loh man maw aih'kei leh i thungetna te hong dawng lo a i tuat khak hun ciang' Pasian itna pen ki telkhial  thei zel hi.

Mihing khat tawh i kizop theih nading in i paisan ding tampi om a, i ki-it theih na ding a hih nakleh ci in haksa sa pi pi in mihing te' ading ciang in lungsim khetsat baih mah mah leu leu hi. I hun, i sum leh paai, na khempeuh piak ding pen ngaihsut tentan kul lo in zong pia ngam hi hang. Tua bang a i ki piak ngam na pen i it man leh amau tawh i kizop na a kip theih na ding a hih man hi.

Tuabang mah in, Pasian tawh ki zop ding ciangin zong i paisan ding tampi tak om a, ngeina luite leh i zongsat a hoih lo tuam tuam te nusiat hong kul hi.

I nuntak na ah Pasian tawh a thukzaw a ki zawp na i neih ciang in hong piak ding thupha te' sang in amah hong pia pa ki teel zaw a, natna leh haksat na tampi tak hong tun ciang nangawn in zong na khempeuh te tung ah vaihawm pa it zaw i hih manin tua khempeuh te' tung ah zong ki lungkim hi.

Avek pi in itna hang hi.
~Mimi Dimsianmuan

Share: