PAITE TRIBE COUNCIL
General Headquarters: Hiangtam Lamka
Kizaksakna leh Ngetna
Lamka, August 18, 2025
Paite Tribe Council General Headquarters (PTC GHQ) in August 15, 2025 a Paite Nam toh kisaikhakna neilou pawlpi khenkhat in amau' _official letterhead_ ah PTC GHQ' theihpihna tellou a Paite Puandum peuh a koih mawkmawkte uh ana lakhia a, tua bang omdante ana sunzom nawnlou ding a ngetna kibawl pen Paite pau mahmah a kigelh, "PTC GHQ Heutute Kiang A Laikhak," chi a _social media_ ah soiselna kisuah ana kimu a, lamdang kisa hi.
I Paite hihna it a, kembit a, phungvuh ding lunggulhna toh i Nam ai-ohthei tuamtuamte namdangte'n a thangzatlouhna ding ua ngetna kibawl pen zakdah a nei a, tua ngetna kibawl pen a soiselna dan a Paite pau kelkel a 'laikhak' gelhtheite'n naktak a ngaihtuahkhial leh paikhial ahihdan uh a phawkkhiaktheihna ding un a dinna uh ana ki-enchian thak a, i Nam damna ding deihna toh a lungputte uh limtak a a hong kiveelchet thak uh i ngen ahi.
Tulel a PTC GHQ makaite, kou utna leh deihna ziak a PTC GHQ ah mohpuakna va la ka hikei uhi; a puksia photkikna ding a i Paite Nam sung a pawl tuamtuam a makaite'n a poimohdan a hon genpih nung ua kou mimal' utlouhna sang a i Paite Nam' damna leh photkikna ding ka deihna uh a letzaw ziak lel a mohpuakna ana la kha ngen ka hizaw uhi. Huai ziak in, i Paite Nam lamtouhthakna ding a kalsuanna ah Paite mipite' thuumpihnate, nungthuapnate leh kalsuanpihnate naktak a poimoh lel, leh poimoh semsem ding ka hi ua, na kithuahpihna uh ka hon ngen hi.
Ngaihdan tuam i neihte social media peuh ah kikapkhiak siak nawnlou in, i Lamka Khopi sung a omloute leng phone tungtawn a kihoupihthei gige ngen i hihna toh, i Paite Nam sung chidamna ding deihna nei taktakte'n kikupthoh zaw a, Paite Nam Damna ding mah lunggulh leh mitsuan a nei ding in Paite Nam mite i kichial ahi.
I Paite Nam a di'a noute toh semkhawm,
(T. KAIZADOU)
President
(NANGMUANSANG LETHIL)
General Secretary
General Headquarters: Hiangtam Lamka
Kizaksakna leh Ngetna
Lamka, August 18, 2025
Paite Tribe Council General Headquarters (PTC GHQ) in August 15, 2025 a Paite Nam toh kisaikhakna neilou pawlpi khenkhat in amau' _official letterhead_ ah PTC GHQ' theihpihna tellou a Paite Puandum peuh a koih mawkmawkte uh ana lakhia a, tua bang omdante ana sunzom nawnlou ding a ngetna kibawl pen Paite pau mahmah a kigelh, "PTC GHQ Heutute Kiang A Laikhak," chi a _social media_ ah soiselna kisuah ana kimu a, lamdang kisa hi.
I Paite hihna it a, kembit a, phungvuh ding lunggulhna toh i Nam ai-ohthei tuamtuamte namdangte'n a thangzatlouhna ding ua ngetna kibawl pen zakdah a nei a, tua ngetna kibawl pen a soiselna dan a Paite pau kelkel a 'laikhak' gelhtheite'n naktak a ngaihtuahkhial leh paikhial ahihdan uh a phawkkhiaktheihna ding un a dinna uh ana ki-enchian thak a, i Nam damna ding deihna toh a lungputte uh limtak a a hong kiveelchet thak uh i ngen ahi.
Tulel a PTC GHQ makaite, kou utna leh deihna ziak a PTC GHQ ah mohpuakna va la ka hikei uhi; a puksia photkikna ding a i Paite Nam sung a pawl tuamtuam a makaite'n a poimohdan a hon genpih nung ua kou mimal' utlouhna sang a i Paite Nam' damna leh photkikna ding ka deihna uh a letzaw ziak lel a mohpuakna ana la kha ngen ka hizaw uhi. Huai ziak in, i Paite Nam lamtouhthakna ding a kalsuanna ah Paite mipite' thuumpihnate, nungthuapnate leh kalsuanpihnate naktak a poimoh lel, leh poimoh semsem ding ka hi ua, na kithuahpihna uh ka hon ngen hi.
Ngaihdan tuam i neihte social media peuh ah kikapkhiak siak nawnlou in, i Lamka Khopi sung a omloute leng phone tungtawn a kihoupihthei gige ngen i hihna toh, i Paite Nam sung chidamna ding deihna nei taktakte'n kikupthoh zaw a, Paite Nam Damna ding mah lunggulh leh mitsuan a nei ding in Paite Nam mite i kichial ahi.
I Paite Nam a di'a noute toh semkhawm,
(T. KAIZADOU)
President
(NANGMUANSANG LETHIL)
General Secretary
.jpg)
.jpeg)
No comments:
Post a Comment
Comments not related to the topic will be removed immediately.