Thadou Literature Society, Assam: Lunghempihna | Pu Nehkam Jomhao

Hoh-umtah Pu Nehkam Jomhao in achesa nisim 30/08/2025 (Saturday) nikho chun vangset umtah in achen na Chonghang Veng, Manja, Karbi Anglong mun'a hetman louvin eina muolliemsan tauvin ahi. Thusuo kimu dungjui chun Ls. Pu Nehkam hi Kuki Thingnoi kiloikhomho'n lungsetna beihel a melse tah a hemchem mangcha a anasat lih u ahi tin thulhut akimun ahi. Ls. Pu Nehkam hi tutua Thadou Literature Society, Assam a Chairman panmun atuh lai ahin, Thadou Nam ngailutah chuleh chamna deisah mi khat ahi. Achesa nisim 6 Lhajing 2025 nikho a Imphal khopi muna Thadou Inpi Manipur makaina a "Road to Peace-Covenant of Community Understanding" Programme adia ana kalsuongho lah a jong anapanga ahi. Ls. Pu Nehkam Jomhao hi Thadoute dinga apanlahna suhmil hoi ahipon, a hinkho jeng jong Thadou Nam dinga ana piehdoh ahitai.
Thadou adia Martyr chang Ls. Pu Nehkam hin Literature lamjong nasatah a khohsahna ananeijin Thadou pao 'a Simlaiho jilding lekhabu hojong tadoh dia pan nasatah'a analah ahi. Ahin, tu in aman chamna alhangsap jeh in Kuki thingnoiho'n a hinkho ana la tauvin aphamo lheh jengin ahi.
Mang'a mat dia jong dei umloutah Pu Chairman chunga ahung vailhun jenghi a tohkhompi chengin nasatah in akiponah in, lunghem aumlheh jengin ahi. 
Pathenin eiumpiu henlang, adieh a Ls. Pu Nehkam in adalhah insung mite lhamonna leh lungmuonna pe tahen.
Nuomin cholduo tan Pu Chairman, Thadou Literature Society, Assam.

          
       (L.N. Thadou)
           Secretary
    Thadou Literature Society, Assam. 

Share: