PIANGTHAK VEK | PAKHUM

PIANGTHAK VEK, ATUNG A;  PIANTHAKNA ZIAK LEVEL TUAMTUAM BEL KIBANGLOU !

A. Level 3: Innkuante hiam society apianthak ziak, piangthak. Khempuk baihlam. Hoihtak a, Pathian kua ahi tatak a, chi a, mimal a theihchet ut a, thudik a gilkialna nei a, alut thuuk dedeuh kei a, muhtheih chiang lel a, mihing maipha zong den ahih leh, a pianthakna le mansuah thei.

B. Level 2: Bible gen pen dikpen a thei. Mimal a le theihsiamna chiang nei. Innkuan leh lawmte gen te le gingta. Himahleh, ama mimal a, Pathian kua ahi tatak a, theihchet ut a, thudik a gilkialna nei a, a lut thuuk dedeuh kei a, muhtheih chiang lel a, mihing maipha zong den ahih leh, setan pimang a omthei lai. Setan in lau deklou, nuihsan lel ding.

C. Level 1: Innkuan, lawm leh vual, pastor te gen ziak hilou a, mimal a Pathian om tatak na ahi hiam chih sui, mimal a aginna enchian, akim avel a mite muhdan a kinga lou. Amah mimal mah in Pathian enchian/test ngam. A pianthak vanglak chiang a, puk hun om lele, setan in khempai zou tatak nawnlou. Dingkik thouthou.

Level 1, 2, 3, te avek ua piangthak. Himahleh, apianthakna ziak uh kibanglou. Level 1 tan tun vek ngai. Huai atung zouloute bel bang achidiam chih a om. Setan khem chavaih theih level 3 leh 2 ngen hilai phot uh. Leitung a amihinpihte lak a, sual gaal dou dia qualification bel nei thei nailou uh. Level 1 tan tungzou nailou a, sual gaal doute bel, setan in nuihsan lel ahi.

Gam leh nam politics sai ding tatak te le, level 1 tan a, pianthakna diktak neite hih ngai. Pianthakna kia le hunlou lai. Khovel paidan, siamna leh theihsiamna basic level beek a, education neih a theih ngai. Mihing maipha zong a, mihing ma a kunkun lai kawm a;  Pathian ma a sia leh pha theihchetna kichian mimal a neilou a, bangbang hiam adu ada mipi leh gam leh nam ma a, tangkou ta phanphan thei lel te makaihna nuai ah; gam leh nam suahtakna ding bel, kahase himai !

Level 1 tan in na piangthak ta hia, unau, ki enchian masa in. Na kam thoveng mipi lak a, na hai vikvik ma in.

@Pakhum

Share: