29/01/2026 (Thu): Hun bangtanhiam a-omna kitheilou a aman veng² nung a, nikum December 13 a aluang muh *Marina Lalchhanchhuahi* Tanhril Vengpui' sihna ah Pu *RL Peka* Tanhril Vengpui, pen poikhoihtu leh mawhpawtu pen hi a ngaih ahi, chi'n Mizoram Police in puangkhia hi.
Tanhril nungak Marina Lalchhanchhuahi (kum 26) d/o Malsawma (L), Tanhril thattu hingeei a theihte' inn lam'lai zanhal (Jan 27, 2026) nitak in kaang hi. Thudon dan in, tualthattu hingeei a theih Police te'n apuankhiat khitnung un zanhal nitak in Tanhril khosung mipi kipungkhawm ua, huchi'n tualthattu hingeei a theih *RL Peka* (kum 62) te' tenna inn [Tanhril a alam'lai uh] sawng nga, kaang hi.
RL Peka te innkuan ahih uh leh Kolasib lam mi himah le uh, Tanhril ah inn lam lel ua, bawlzou nailou uh ahihman in Tanhril mah ah, mi' inn luah in om uhi. A inn lam' uh mipi akipunkhawm nung in kaang hi.
Mizoram Police' thusuah in ataaklat dan in, Marina Lalchhanchhuahi ahihleh nikum December 1 sunma dak 11:30 a atenna inn ua kipat pawtkhia pen a-omna theihlouh in mang a, December 3 in Zonuam Outpost ah pan'laakpih dia a innkuanpihte'n anget dungzui ua December 4 a kipat Police leh Tanhril khotaang in theihtawpsuah a a-zon'nung un muzou lou uhi.
December 13, nitaklam dak 5:25 in Marina Lalchhanchhuahi' luang pen MZU Football Playground kiang ah muh in om a, Police in asui'na a kipat akilat dan in, Marina Lalchhanchhuahi in naupaai lel ahihdan theih hi a, hitamahleh kua toh ahia? chih bel theih hilou hi.
Marina Lalchhanchhuahi in pasal neih sawm ahihthu leh apasal ding leng mi upalam, Pensioner ahihthute thutheitu khenkhat a pat theih in om hi. Ban ah, apasal ding a agen pen Tanhril veng khua leh tui diktak ahihlouhthu leng theih in om hi.
Hichibang mi hi a muanmawh Pu RL Peka' gari, Police te'n velchetna aneih ua kipat gari sung mun tuam² ah sisan [kaaina] hingeei dia ginlelh muh ahihman in Pu RL Peka mat om a, a phone zatlai Redmi 8A leng Forensic Science & Laboratory a etchian di'n thot in om hi. Athil muhkhiat uh tuam² te a kipat in Marina Lalchhanchhuahi' sihna ah Pu RL Peka pen poikhoihtu leh mawhpawtu pen ahi, chih Police te'n mukhia uhi.
Marina' Nu: "Mi hausa tan hi chuan e...Tualthah hi a nuam asin."
©𝐙𝐨𝐠𝐚𝐦 𝐈𝐧𝐬𝐢𝐠𝐡𝐭
Tanhril nungak Marina Lalchhanchhuahi (kum 26) d/o Malsawma (L), Tanhril thattu hingeei a theihte' inn lam'lai zanhal (Jan 27, 2026) nitak in kaang hi. Thudon dan in, tualthattu hingeei a theih Police te'n apuankhiat khitnung un zanhal nitak in Tanhril khosung mipi kipungkhawm ua, huchi'n tualthattu hingeei a theih *RL Peka* (kum 62) te' tenna inn [Tanhril a alam'lai uh] sawng nga, kaang hi.
RL Peka te innkuan ahih uh leh Kolasib lam mi himah le uh, Tanhril ah inn lam lel ua, bawlzou nailou uh ahihman in Tanhril mah ah, mi' inn luah in om uhi. A inn lam' uh mipi akipunkhawm nung in kaang hi.
Mizoram Police' thusuah in ataaklat dan in, Marina Lalchhanchhuahi ahihleh nikum December 1 sunma dak 11:30 a atenna inn ua kipat pawtkhia pen a-omna theihlouh in mang a, December 3 in Zonuam Outpost ah pan'laakpih dia a innkuanpihte'n anget dungzui ua December 4 a kipat Police leh Tanhril khotaang in theihtawpsuah a a-zon'nung un muzou lou uhi.
December 13, nitaklam dak 5:25 in Marina Lalchhanchhuahi' luang pen MZU Football Playground kiang ah muh in om a, Police in asui'na a kipat akilat dan in, Marina Lalchhanchhuahi in naupaai lel ahihdan theih hi a, hitamahleh kua toh ahia? chih bel theih hilou hi.
Marina Lalchhanchhuahi in pasal neih sawm ahihthu leh apasal ding leng mi upalam, Pensioner ahihthute thutheitu khenkhat a pat theih in om hi. Ban ah, apasal ding a agen pen Tanhril veng khua leh tui diktak ahihlouhthu leng theih in om hi.
Hichibang mi hi a muanmawh Pu RL Peka' gari, Police te'n velchetna aneih ua kipat gari sung mun tuam² ah sisan [kaaina] hingeei dia ginlelh muh ahihman in Pu RL Peka mat om a, a phone zatlai Redmi 8A leng Forensic Science & Laboratory a etchian di'n thot in om hi. Athil muhkhiat uh tuam² te a kipat in Marina Lalchhanchhuahi' sihna ah Pu RL Peka pen poikhoihtu leh mawhpawtu pen ahi, chih Police te'n mukhia uhi.
Marina' Nu: "Mi hausa tan hi chuan e...Tualthah hi a nuam asin."
©𝐙𝐨𝐠𝐚𝐦 𝐈𝐧𝐬𝐢𝐠𝐡𝐭
.jpeg)
No comments:
Post a Comment
Comments not related to the topic will be removed immediately.