27/01/2026 (Tuesday): Richard Lalhmingliana (kum 27) s/o Upa R. Lalawmpuia N. Vanlaiphai Damdawi Veng leh alawmte'n alawmnu uh khualzin ding khakawm in [kaal paita in], Aizawl ah hong diangsuk uhi. Salem Veng a Road-Side Home Stay ah tung in, January 26 nitak in kisuklimna munkhat J-18 ah pai uhi.
Huchia lamlian/ lampi a apailai un, Richard in alawmpa @Isak sam [kikou] a, huailaitak in akiangnai ah Isak [kichi midang khat] mah @Chanmari veng lam mi hi a theih, leng ana om khageih ahihman in, aman amah sam [kikoukhum] hidan a ngai in va zuanphei veng² in va tuanpukta-ek mai hi.
Akiangnai a omte'n agendan un, Richard akipuktak in alu/ adeklam in leitual kidenna a, gingbuk hial hi, chi uhi.
Richard' lawmpa Isak in agendan in, *"Thou theilou a, i houpihleh 'um um' chih chauh in hon dawng hi. Huchihlai in, khutkhatu in atotpuklai CCTV _Footage_ mulou ka hihman un, lawmpa akhamluat ziak a taksa chau hidi'n kingai mai uhi. Ka kaaithou a, asak deuh ah ka tutpih hi. Aman, 'Lawm, lupsuk mai ka ut' hon chi hi. Lampinawl ah ka lumsak tamai hi. Sawtsimtak ka tutpih a, ka giahna uh gamlalou ahihman in ka room [giahna] lam uah ka paisan ta hi. Zinglam dak 4:00 vel a leng ahong pailouh chiang in lunghimawh ka hihman un amah ngaihven in ka pawtkhe nawn ua, amah ana chaulua ahihman in taxi zang'in PUC kiang a private damdawi inn 'Redeem' kichi ka zotpih ta uhi"* chi hi.
Isak in agenzeldan in, *"Redeem Hospital a doctor in adinmun en in, Civil Hospital lam ah hon refer a, taxi in Civil Hospital ka zotpih ngal ua, lampi ah sisan khawng hon lawkhia a, damdawi inn tut ahihma in ahinkhua beita hi"* chi hi.
Zan nitak a N. Vanlaiphai lamte a kipat thudondan in, Richard Lalhmingliana' sihna tungtangthu ah a innkuanpihte'n FIR file sawm khollou uh hi'n gen mahle uh, zero FIR submit uh hi'n theih in om hi. Tuzinglam a thudondan in, huailam ah zero FIR file hitamahleh, Police lam in _suo moto_ case file thou² ding uhi.
Khutkhatu H. Lalruatmawia (kum 19), Chanmari West leng Police te'n tuni zinglam in manta uh hi'n thudonna in gen hi.
©𝐙𝐨𝐠𝐚𝐦 𝐈𝐧𝐬𝐢𝐠𝐡𝐭
.jpeg)
No comments:
Post a Comment
Comments not related to the topic will be removed immediately.