Nk. Jessica Mawi Vaiphei chun Churachandpur a Assam Rifles te taw kithua in Women Empowerment Centre KINEPNA a la phu daw zaw nung in, date 12th June 2026 ni in Lt Gen Vikas Lakhera, Director General of the Assam Rifles (DGAR) in sep phat ziak in Chawihawina (commendation with a badge and citation) chu Tuibong, Assam Rifles mun in ala peta ahi. Zia Chawihawina hi Assam Rifles mun ah um, KINEPNA- Women Empowerment Centre lawtin theine ding ah Nk. Jessica Mawi Vaiphei in pan alakna chung ah kipakpina ah piak ahi.
Zia KINEPNA hi Assam rifle in numei ten sum-leh-pai muna lam ah skill ahung neitheina ding ua leh mani khut thiam thilte sum suana mun pawimawtak ahung hitheina ding ua ala siamdaw uh ahia, zia bep chu hilou in, zia centre a um numei te khut thiam thil siam te hi Assam rifles te mama in a chawk uh ahi, tuchan in numei 100 val in ala phatchuampi tau hi.
Nk. Jessica Mawi Vaiphei hi Zillai GHQ ah Executive khat ahi.
~ Vaiphei Tawngsua
.jpeg)
.jpeg)
.jpeg)
No comments:
Post a Comment
Comments not related to the topic will be removed immediately.