Meeting: SSPP GHQ & Pu Vumlunmang IAS

SSPP GHQs makaihna toh, SSPP JHQs Delhi-NCR Advisory Board Chairman Pu Vumlunmang Vualnam IAS, Secretary (Expenditure), Ministry of Finance, Govt. of India toh kithuahkhawmna hun zat in om.

Lamka, Nisim 11th June, 2026 nitak dak 7:00pm, Pilgrim's Cottage Pearsonmun vengsak, Lamka ah SSPP GHQs makaihna in SSPP Standing Commitee, Foundation Trust, leh Lamka sung a Branch makaite’ banah CAN Centre tetoh Pu Vumlunmang Vualnam IAS, Secretary (Expenditure), Ministry of Finance, Govt. of India toh namsung a siamsinna vai a houlimna manpha tak neih in om hi.

Hiai hun zatna ah, Pu Benson Jamlianmang Guite,VP(External) in makaih a, hunpatna thumna Pu Thangkhanlal Ngaihte, Member, Foundation Trust in nei hi. Vaidawn Thugenna: Pu Thangzamang Ngaihte, General President in ahon neihzoh in, Kipahpihna thilpiak Pu T. Mangminlian, General secretary makaihna toh neih in om a,hiai hun ah SSPP kahiang tuamtuam te'n deihsakna leh kipahpihna thilpiak piakna,banah siamsin puante silhsakna nei uhi.

Thugen tom genna hun ah:

1. Pu Langkhanpau Guite, Chairman,foundation trust.

2. ⁠John K. Ngaihte, Chairman, Standing Committee-te akipan thugen tomkim genna ngaihkhiat in om hi.

Inntek hun ah Pu Vumlunmang Vualnam in SSPP JHQs Delhi-NCR a Advisory Committee sung a Chairman ahihna toh Delhi a heutute’n siamsinna awlmohna a panlak dante uh bang,amah personal experienced tungtawn in siamsinte ading a kuhkalna a poimoh dante, SSPP ngaina leh it mahmah ahihdan thute, banah khang hong paitou ding siamsinte adia (adiak a sepna gelh laite) kiang ah thumanpha tampi i siamsinna huang a poimoh thu tampi om ahi chihte pansan in hanthawnna hoihtak tak nei hi.

Tua teng zoh in hunkhakna Upa P. Langbiaklian,Secretary, SSPP Foundation Trust in Pathian’ kiang a kipahthu genna leh hunkhakna thumna nei in hun manpha zatzoh ahi.

~ Siamsinpawlpi official

Share: