MLA Chinlunthang Helps Transport Stranded Kuki-Zo

WITH THE INITIATIVE OF THE HON'BLE MLA PU CHINLUNTHANG, THE STRANDED PEOPLE OF KUKI-ZO HAVE BEEN TRANSPORTED.

By Thanglam Manlun

Independent freelance writer.

A helping hand comes from compassionate heart.

Nisim 4-6-26 Thurday, jan nidan 9 vellin kanao Lenkhogin Manlun in call eihin bollin hitin ahin seiyin ahi. He-o, Nemneimon Lamka a college kaiding chu Pastor thumho kitha ni'a pat tunigeiyin Leimakhong'ah atang dentan, kalung agim lhehtai, i-ilodiu hitam? Army officer nakihetpi umlouham? tin ahinseitan ahi. Hichun kenjong tun ageitan, jing khovah teng seina thei thei'ah ana sei nange, tin kaseipeh tan ahi.

FIRST CONTACT: Ajing Friday-ni, jinglam nidan 10 vellin kalunga kageldoh a kakinep-pi, hon'ble, MLA Pu Chinlunthang call kabollin ahileh phone a pick-up tapon ahi. Hichun message kathot in, kakihoupi nomdan thu kathot tan ahi. Ka message amu phat'in, aman call back ahin bollin, thu umdan ho kakihou hon'in ahi. Aman eidoh chu civil society hon aboipi louham? Leimakhonga mi i-jat tangden ham? atin, ken ajat chet vang kahepon, Lamka jon ding tampi tangden nalai hileh akilom'e, tin kadonbut in ahi. Sadar hills langa ho, thu kajah dan'in thumvei vel alhoh doh'u hitaleh akilom'in, ahin, lamka langa hohi aboipi ding umlouham tuni geiyin atangden jing nalaijun ahi, tin kaseitan ahi. Hichun aman a details ho neihin thot'in atin kathot tan ahi. Nilhah lang'in message eihin thot'in "will try on Monday" ahin tin ahi. Monday ni nilhah lang pung 4 geiya apuidoh lou phat'un, hitin message kathot kit tan ahi. Hello, Pu Thang they are not transported today, your kind follow-up is utmost anticipation, tin kathot'in ahileh, aman Let me check atin, phat chom khat jouvin, "they will be transported during the night" ahin tin ahi. Hiti'a ahinsei toh kilhon chun Army officer khat'in Kachanu phone abollin, jan pung 11 teng kahung poh dingu ahi, lampi pang'ah ana ding'in tin ahin hetsah taovin ahi. Hon'ble MLA Pu Chinlunthang toh close contact nei jong kahipon, ama constituency mijong kahipon ahi. Hijeng jong leh kithopi kangaichatna eigel khoh'a, kei chanu seh hilouva, Kuki-Zo nam-mi Leimakhonga tangdenho ahin boipi'a, mi phachompi Monday jan'a pohdoh'a umtheiju ahijeh'in hon'ble MLA Pu Chinlunthang chunga kakipana seijoulou kaphong'in ahi.

SECOND CONTACT: Hon'ble Pu Chinlunthang sonlelna hilouvin, angle chom chom'a kon pressure ahat theina din, Army officer Lt, col. Retired, Pu Maun zou ka contact'in ahileh, kachanu details toh photo khat ahin thum'in, kapetan ahi. Phat chomkhat jouvin, message eihin thot'in, Leimakhong Army hotoh kakihou mattai, Army officer hon nachanu chu call ahin bol dingu ahi, ana seipeh'in tin ahin seitan ahi. Aman asei bang'in, Leimakhong Army officer hon kachanu call abollun, Monday ni teng nakithah diu ahitai, tin aseipeh taovin ahi. Hiti'a assurance ahin peh'u chun lung-gimna najouse vot kisihlha a kipai mang abahsah jeng'in ahi.

Hon'ble MLA Pu Chinlunthang chuleh Lt. Col. Retired Muan Zou chunga kakipana seijoulou kaphon toh kilhon'in, Pathen in mi kithopi joujing theidin phatthei boh hon hen, tichu kaseithei pen leh Pathen'in amani chunga apeh dinga kadei sah chu ahi.

*******

Share: