Thangkhal Tribe lamkaite INCHARGE kipiakhia

TPC leh TTO Lamkaite

LAMKA, 2019 MARCH 29: Thangkhal Peace Committee (TPC) makaihna in tuzingsang dak 7:30am in Pu Ginsuanhau, Chairman, Thangkhal Peace Committee (TPC) tenna inn Lailam Veng ah TTO-GHQ lamkaite kiangah Incharge kipiakna nei uhi.

Pu Ginsuanhau, Chairman, TPC in thugenna neih in TTO-GHQ Interim a kha kua (9 months) April to December 2019 sung vaipua dingte incharge piakkiatna neih hi.

TPC Information & Publicity Pu Thangkhenhang in TTO-GHQ Interim a kivaipuak sung a Dan zuih dingte thupukna tuamtuam bawl khiat a omte sim khiatna nei hi.

Tua zohin Pu Ginsuanhau in TTO File teng leh Peace Committee a File teng TTO-GHQ President Pu Thangkhanmang kiangah piak khiatna nei a, TTO-GHQ panpihna ding in Rs 10,000 pia hi.

TTO President Pu Thangkhanmang in thumna nei in paikhawm mipi tengin Singpi dawn khawmna nei in hun zou uhi.

THUPUKNA

1. Thangkhal Peace Committee meeting Dt. 09/03/2019 ni a thupass na bang in hih anuai a teng in Thangkhal Tribe Organisation (TTO) H/Q kha kua (9 months) sung interim a vai hung puak sak dingah ngansia ahi uhi.

I) President: Pu Thangkhanmang (Chief of Kamhang)

II) Vice President: Pu S. Lianzamang (Chief of S. Geltui)

III) General Secretary: Pu Ginsuanlal (Chief of Teikot)

IV) Joint Secretary: Pu Ginlunthang

V) MEMBER:

a) Pu Khaiginthang (Chief of T. Khajang)

b) Pu Kammuanpau (Chief of MT Geltam)

c) Pu Thangsuanmuan (Ex-Vice-President, TTO)

d) Pu Khaikhanhau (Ex-President, TTO & Chief of M. Tanglian)

e) Upa Thangchinkhai (Founder Member, TPO)

f) Upa Khupgohlian

2. Tua leh TTO Hq. O/B ding a kingansia teng in 29th March 2019 apat 10th Dec 2019 tan TTO Hq. interim in apaw ding uhi. December 2019 masang in TTO Hq. General Assembly cum Election asai fel ding ua ngansia ahi.

3. 10th December 2019 tan a TTO Hq. General Assembly cum Election asai fel kei uh leh Peace Committee in TTO O/B teng suspend abawl ding uhi.

4. TTO Hq. Election nei masang kha ni (2 months) advance in TTO Unit teng election a nei sak ding uhi.

5. TTO Unit election ma bangin, General Assembly masang kha ni  (2 months) advance in TYO Hq. leh Unit, TSP Hq. leh Unit te election a nei sak ding uhi.

6. Tua leh TTO Hq. vai a suai bawl na ding a um leh cabibet a tamzaw te deina bang in suai (signature) a bawl thei ding uhi.

7. General Assembly cum Election pe'n October 2019 kha sungah TTO Hq. te tawh Peace Committee O/B te joint meeting a, ahun leh amun ding fixed ahung bawl ding uh ahi.

8. Hih atung a guideline ki gel teng ka zui in ka pai pih ding chi etsakna in anuai a Signature ka kai uhi.

INAM LEH IGAM A NA SEP PIH UH

(THANGKHANMANG)

President

Thangkhal Tribe Organisation, HQ

(GINSUANLAL)

General Secretary

Thangkhal Tribe Organisation, HQ

WITNESS

(GINSUANHAU)

Chairman, Thangkhal Peace Committee

(S. KHAMTHANG)

Secretary, Thangkhal Peace Committee

-o-

Share:

Read full story►

Thangkhal Peace Committee in TSP ngetna pom sak

Thangkhal Peace Committee in TSP ngetna gen khawmpih

LAMKA, 2019 MARCH 10 – Thangkhal sung a lemna bawl Thangkhal Peace Committee (TPC) kiang ah THANGKHAL SINLAI PAWLPI (TSP-GHQ) in ngetna lai khak hi.

Ngetna laikhak in ataklatna ah, Thangkhal Nampi President ding, Consensus a mi khat guan thoh ding toh kisai Thangkhal Peace Committee in gen khawm ahih in TSP-GHQ kiang ah bangmah theisakna om lou chi hi.

TSP-GHQ in saupi ngaisut veng veng in, Nampi lamkai di Consensus a khat guan di chi pe'n TSP-GHQ in kipawm theilou ding hi chi hi.

Maban ah Thangkhal nam sung Fresh Election om ding in TSP in Peace Committee kiangah ngetna bawl hi. TSP in Fresh Election a om masang Thangkhal namsung abuai ngai a buai ding ahihdan taklang hi.

Nam lamkai ding mipi teel (elect) hilou a khat mawk guan chi pen paidan hilou, ngaina hilou chi hi. Nampi lamkai ding khat mawk guan thoh a mipi lungkimna ahihkeileh phatuam lou ding ahihdan TPS in gen hi.

TSP-GHQ in Thangkhal sung damna ding deih taktak nahih uleh, mipi deihna bang a Election paipih ding chia ngetna a bawl uh pe’n Thangkhal Peace Committee in pawm sak ta hi. Hih thu pomsak ahih khitin,  zani mah in THANGKHAL TRIBE ORGANISATION (TTO-GHQ) kum 3 sung vai pua ding guanna kichi pen Cancel kik in om hi.

Maban a mipi deihna bang a, TTO-GHQ Election om thei ta ding hi. TTO-GHQ President "teel" (elect) theihna dingin TTO Unit teng a Election neih masak ngai ahi manin, zani in TTO Unit teng Election sai dingin mi 10 ki guang hi, mi 10 guan a om teng in khabang zah pua thei ding uh chi mipi paikhawm teng in genna nei uhi.

TSP-GHQ in TPC kiang ah ngetna lai

Thangkhal Pastor-te leh CSOs lamkaite leh Thangkhal Hausate deihna bang in, December 2019 tan a pua thei ding uh chi'n THUPUK bawl uhi.

TTO-GHQ 2019 December tan a guan a om tengin December masang in TTO Unit teng Election neih pih ding ua, December kha sung in Thangkhal Nampi UK-PI-PA (President) ding teelna neih hi ding hi.

Share:

Read full story►

Thangkhal Peace Committee in Meeting sam

THANGKHAL PEACE COMMITTEE (TPC) lamkaina toh hong tung ding date 9th March 2019 ni chiang in Thangkhal Tribe Organisation (TTO) Meeting om ding hi. 

Hih ni chiang in hih anuai a chial leh sap a om tengteng pellou a pang kim chiat ding in Thangkhal Peace Committee te'n kung chial ngut-ngut uh hi.

Hi meeting ni a pang loute in meeting thupass-te a hi bang bang kua ma'n thu nung thu ma na gen thei kei ding uh hi.

MEETING A PANG DING TE

1. Thangkhal Peace Committee member teng.

2. Thangkhal Hausa teng teng.

3. Thangkhal Youth Organisation GHQS O/B teng leh Thangkhal Sinlai Pawlpi GHQS O/B teng.

4. Thangkhal Baptist Church (TBC) Pastor teng leh Thangkhal Bible Church (TBC) Pastor teng.

Meeting na a pang thei ding uh hi.

AGENDA

1. Thangkhal Tribe Organisation O/B kumthum vaipua ding.

2. A dang dang

Meeting na ding mun: 

Ginsuanhau MLA Inn Lailam Veng

Ani: 9 March 2019

Ahun: 10:30 Am

     

Lungdam ung.

I gam inam ading a na sep pih uh

Sd/- Ginsuanhau, Chairman

Thangkhal Peace Committee

Sd/- Khamthang, Secretary

Thangkhal Peace Committee

Sd/- Thangkhenhang, Chief of S. Zezaw

Information & Publicity,

Thangkhal Peace Committee

Share:

Read full story►

Thangkhal Peace Committee toh Kisai Ngaihdan Kupna

Dr Kammuanmung Thangkhal

THANGKHAL Peace Committee (TPC) in 16th February 2019 chianga meeting ah sapna uh ih social media te pan kana muh a, hih a nuai a thu tamlou kung kum ut hi.

Thangkhal sunga buainna liantak, i.e. Thangkhal Tribe Council (TTC) leh Thangkhal People’s Organization (TPO) kal a kitheih siamlouna liantak, Thangkhal Peace Committee panlakna ziakin lemna ung um hi, kipak huai ichi uhi. Ahin buaina pen veng taktak nailou bang hi. Aziakpen, Thangkhal Peace Committee in ah phiatmang (dissolved) Thangkhal Tribe Organization election bawl ahi nai kei hi. 

Hih toh kisai a ngaisun theih khen khatte: Bangziak a Thangkhal Tribe Organization (TTO) kiphiat (dissolved)? Mipi tel zong hilou, amah-ule amah-u ung kiphut tawm Peace Committee ten Thangkhal miten term khat paw dinga ih tel uh, TTO lamkaite phiatmang (dissolved) theihna ding power a nei uh maw? Hihthute dokna lian tak ahi. Ah taktak a gen in, democracy gam a tenga, mipi thuneihna kivaipuakte ih hihmanun - mipiten atel uh TTO lamkaite, mipi telhilou Thangkhal Peace Committee maimai in a phiat (dissolve) theih ding hilou hi. Ah pai ding dantak chu - ah leep/gawm uh lamkai tengin term um lai teng a puak suak ding uh, hua hun suak a kitheihsiamlou nateng uh awlawl a ung bei ding, ung ki-it kik ding uh, hizaw didan ahi. Ah bangteng hihle, lemna deih ihi manin a dikle diklou pen igen ut pen ahi kei hi. Ih gen ut pen, bangchi leh tua lemna um pen paisuaksak ding chi ahi zaw hi. Huana dingin, TTO election diktak a bawl poimoh hi. Tua ahitakle, kuan election a sai ding? Thangkhal Peace Committee a saitheih diai le? 

Thangkhal Peace Committee (L-R): Pu Thangkhenhang, Pu Ginsuanhau,  Mr X , Pu Khamthang

Ih gensa mah bangin, Thangkhal Peace Committee pen Thangkhal sunga buaina, lamkai kibuaite, lem dinga ung kiphut ahi a, lohchingtakin lemna ung tun ta uhi. Akibuai, Thangkhal Tribe Council leh Thangkhal People’s Organization te pumkhat in Thangkhal Tribe Organization in kigawmta hi. Tua ahitakle, Thangkhal Peace Committee in akiphukhiatna uh ziak (goal) uh ah supiching (achieve) ta uh chihna ahi. Tua ahimanin, hih Committee pen aki dissolve (phiat) khit thamding ding ahi ta hi. Hih pen Committee kiphut te paidan mawng ahi. 

Front Row: TPO leh TTC Leaders, Back Row: TPC Leaders

Ah pai dingdan chu, TTO ana dissolve tak ule zong, a dissolve masang ua, na teng TTO khut a ah piak ding uh, tuachianga TTO in ih constitution (Thangkhal Tribe Council ahilai, or Thangkhal People’s Organization ahi lai) dungzui a election ung sai ding dan ahi. Peace Committee ahi ngal leh Peace a bawl khit ua aki dissolve ding uh hilou maw? Peace Committee ten election ung sai ding uh hilou hi, Thamlou in, election commission zong amau guan ding hilou hi. 

Tua ahitakle, kuan TTO election a sai ding? TTO cabinet teng dissolve ahi le, TTO adviser ten election commission phuh-dan a um theih diai? Ah huachi theihlou tawpin, Thangkhal saptuam lamkaiten or Thangkhal organization khat peuheuh in election commission sep henla, hua ten sai le bang achi diai? Peace Committee pen aki dissolve ding uh, Thangkhal miten election ih kisai ding uh hilou ding maw? Bang ngaih dan ih nei ua?

By:-

Dr. Kammuanmung Thangkhal

New Delhi, 14th February, 2019

Share:

Read full story►

Thangkhal Baptist Church inaugurated in Delhi

NEW DELHI — For the first time in Thangkhal history, the Thangkhal Baptist Church (affiliated to American Baptist Association) has been inaugurated in New Delhi on Sunday, September 02, 2018.

Share:

Read full story►

AIR CCpur records Thangkhal songs

LAMKA — It’s another landmark for the Thangkhals in Manipur. The Thangkhal Baptist Church (ABA) Tangnuam has recorded Thangkhal Gospel Songs in All India Radio Churachandpur Station, Tuibuang on January 17, 2018.

The songs recorded were composed by the Thangkhals, as follows: 1) En in Meii Gal ah (by Rev. Rtd. H. Chinzakhai @ Sia Khai), 2) A Nop Tuak Vangam Nuam (by Upa S. Zalianpau), 3) Tanglai iPu leh iPate (by: Rev. Khaikhanthang), and 4) Toupa Aw Hong Taisan Ken La (by Upa S. Zalianpau).

Team members include – Elder S. Zalianpau (Solfa Instructor & Song Leader), Mr MG Muanlal Thangkhal, Mr Genmuonsang @Khalpa, Miss Lynda Liandeihkim, Miss Niangmuanching, Miss Niangsuankim, Miss Remi LC Thangkhal, Miss Sonnu, Miss Grace NC Thangkhal, Mr Eric Hanglamthang, Mr T. Chinlunthang (Team Leader & Finance Secretary, Mission Department,  TBC-ABA Tangnuam, and Elder Hangkhankhup, Vice Chairman, TBC (ABA) Tangnuam.

----

In Thangkhal dialect:

Tangnuam TBC in All India Radio ah Laa Khum

*A khatveina a tepteh Thangkhal Baptist Church (ABA) Tangnuam saptuam in All India Radio Churachandpur Station ah January 17, 2018 ni’n laa khum uhi. Tangnuam TBC Biakinn apatin  kipan khia ua, Keyboard leh Sound System-te kengin, Upa Hangkhankhup, Vice Chairman, TBC (ABA) Tangnuam  in ama gari  Bolero leh neu nih zangin kaal suan uhi.

AIR Tuibuang Radio Station ah zingmawng nai 10:30am in tung ua, Radio Station a Thangkhal Laa khumna hun ah Upa S. Zalianpau of S. Phaiza in Solfa hilhtu leh Laa puitu in pang hi.

Tangnuam apatin hihun a Radio Station a Laa 4 bang mah buaina omlou in khum zou uhi. Hi laa kikhumte ahihleh mun tuam tuam a omte ngaih ding a kikhum ahi. Thangkhal Gospel Song kikhum ahi a, laate ahihleh hi anuai a te ahi hi.

1. En in Meii Gal ah, Lyrics (aphuaktu: Sia Khai (Rev. Rtd. H. Chinzakhai)

2. A Nop Tuak Vangam Nuam (aphuaktu: Upa S. Zalianpau)

3. Tanglai iPu leh iPate, (aphuaktu: Rev. Khaikhanthang)

4. Toupa Aw Hong Taisan Ken La (aphuaktu: Upa S. Zalianpau)

Radio Station a laa khumna a kalsunte mapuitu in Pa T.  Chinlunthang, Finance Secretary, Mission Department, Tangnuam TBC in makaih hi. Radio Station Studio a laa khumna ah Music tumtu in Upa Zalianpau pang a, adangteng in laa sa uhi.  

Laa khum a kaal sunte:-

1. Upa S. Zalianpau, Song Leader

2. Tg. MG Muanlal Thangkhal

3. Tg. Genmuonsang @Khalpa

3. Lia Lynda Liandeihkim

4. Lia Niangmuanching

5. Lia Niangsuankim

6. Lia Remi LC Thangkhal

7. Lia Sonnu

8. Lia Grace NC Thangkhal

9. Pa T. Chinlunthang

10. Tg. Eric Hanglamthang

11. Upa Hangkhankhup

Radio Station a semte zong mi welcome siam mah mah mai uah, nuamtak mai in laa kikhum zou a laa khum khitin innlam Tangnuam lam zuan in kipai a, Tuibuang Hotel a Niangtui dawn khawmna leh houlimna nei in hun tomkhat kizang hi. Niangtui dawn zohin innlam Tangnuam ah ki paitou hi.

~ MG Muanlal Thangkhal

Share:

Read full story►

TPO leh TTC kalthu lem in om ta

LAMKA – Thangkhal Peace Committee convernor Pu Ginsuanhau, MLA 60-Singngat A/C inn, Lailam Veng a 20 August 2018 sun nung dak 12:40pm in Thangkhal Peace Committee leh Thangkhal Hausateng (All Thangkhal Chief) in THANGKHAL PEOPLES' ORGANISATION leh THANGKHAL TRIBE COUNCIL kikal a lemna Progrmamme hun zang uhi.

Lemna Progrmamme patna diingin TPC convernor Pu Ginsuanhau in hun zangah, tuachi’n Rev. Chinminlian, Executive Director, Thangkhal Baptist Church in hunpat thumna nei hi.

Pu TK Hang Suantak, Secretary, Information & Publicity, Thangkhal Peace Committee in date 16th August 2018 ni a Thangkhal hausa teng leh Upa lamkaite toh Joint meeting neihna hun uah Thupukna teng sim khiatna nei hi.

Thangkhal Hausateng leh Peace Committee-te thupukna bangin TPO leh TTC Gawmkhawm a THANGKHAL TRIBE ORGANISATION (TTO) a kikhaikhawm diing chi thupukna alak uh dungjui in, Thangkhal Tribe Council (GHQ) in pomna nei in, suai (singnature) kai uhi.

Pu Khaikhanhau, Pu Ginlunthang, Pu Khupzapau leh Pu P. Hanglamthang te'n lemna suai kai uh ah, Thangkhal Mipite kikhaikhawmna THANGKHAL TRIBE ORGANISATION (TTO) ahi ta hi, chi theihpih na in TPO leh TTC lamkai te'n pomna neih uhi. Rev. Stephen Chinzathang, Executive Secretary, ZPCS in TTO lamkaite a diing in Pasian kiangah thumsakna nei hi.

Pu Ginsuanhau in mabanah ah ham ka pau Thangkhal a diing in pan ka la ta diing chi hi. Tua banah 2018 sung a THANGKHAL TON Thangkhal khawmpi thupi takah zak hiding chi. Date 20th August 2018 pen Thangkhal khangthu a diing a ni kipak huai mahmah ahidan zong gen hi. Pu GS Haupu a di’n 20th August pen ama Birthday ahidan zong genin mipi te'n kipak tak in khut beng nainai uhi. Hih kilemna Progrmamme ah Zomi Council (ZC) chairman Pu John K. Ngaihte leh aloite'n zong hung uap uhi. ZC chairman in agenna ah Thangkhal sung chidam louhna in Zomi sung zong chidam saklou a, tu’n TPO leh TTC kal a Lemna aom ta a, TTO a pumkhat a aom pen kipakpih mahmah ahidan gen hi. Thangkhal damlouhna in, Thangkhal sung chauh hilou a Zomi sung zong chidam saklou a, tun Thangkhal sungah lemna om pen, Zomi sung zong chidam sak mahmah ahidan gen hi.

Tua khitin Pu TK Hang Suantak in Thangkhalte mabanah pan lak didan tomkim in gen ah, Pu Khaikhanhau in Peace Committee-te leh hausate panlakna thupi mahmah ahihdan genin, Peace Committee-te leh Thangkhal Hausateng teng kiangah zong kipak thugen hi. Tua zohin Pu GS Haupu in hun la a, “tuni pen ei Thangkhal tate adiingin ni kipak huai ahih manin, KIPAK HUAI MAHMAH E MATAW… TAZEN AW!” chi mipi in lungkituak takin igen khawm diing uh chi ah, TTO president Pu Khaikhanhau in kipak mel mah mah leh maitaitak mai in Aw ngaih deuh takin, mipi lam en a, KI PAK HUAI MAHMAH E MATAW, chi ah Mipite zong aw ngaitakin khut ziatlam tung kawm in TA ZEN AW chi’n kisam hi.

Thangkhal ham a TA ZEN AW chi kan a kipak huai di om lou ah, TA ZEN AW ki zakna pen hun kipak huai mahmah leh mi nam adiing ah kipak huai ni thupi om chingin TAZEN AW chi mipi SAAM zel uhi. TA ZEN AW chi Lungdam na lian penpen ahi a, lungki tuak tak a lungkhawm chi etsakna ahi hi. Tua khitin Rev Khaikhanthang in tawpna thumna nei in hun zoaw in om hi. Hi Progrmamme zakna a Thangkhal Youth Organisation leh Thangkhal Sinlai Pawlpi, ban ah Saptuam lamkai leh Pastor te’n zong uap uhi. ~ MG Thangkhal

Share:

Read full story►

Thangkhal Tribe Orgn ah kikhaikhawm ding

LAMKA – Thangkhal Peace Committee a Convenor, Ginsuanhau, MLA & Chairman, MANIREDA tenna inn, Lailam Veng ah zan in Thangkhal nambing sung a khaw hausate' telna in Thangkhal People Organisation (TPO) leh Thangkhal Tribe Councile (TTC) thubuai tawh kisai in kihou uh a, huai hun a kilemna dungzui in Thangkhal Tribe Council (TTC) leh Thangkhal People Organisation (TPO) ah kikhaikhawm ding uhi.

Kilemna bawl ahihnung in tuni'n Ginsuanhau tenna inn mah ah suaikai ding in pawlpi nieh akipan makaite samkhawm mahle uh Thangkhal Tribe Council makaite tellou uh a, himahleh zan a meeting thupukna bang bang paipih veve ding uh hi'n covenor Ginsuanhau in gen hi.

Peace Committee in kilemna abawl dungzui un, Thangkhal People Organization (TPO) leh Thangkhal Tribe Council (TTC) pen Thangkhal Tribe Organisation (TTO) a kikhaikhawm dia puan hita ahihdan convenor in gen a, tua dungzui in TPO & TTC pen phiat hita a, TTO kia ah Thangkhal namte kikhaikhawmta ding uh hi'n gen hi.

Peace Committee panlakna a kilemna dungzui in Thangkhal Tribe Organization (TTO) a vaipaw ding leng guang uh a, President ding in Khaikhanhau (TTC), Vice Presdient ding in Ginsuanlal (TPO), General Secretary ding in Thangsuanmuan (TPO), Joint Secretary ding in Ginlun (TTC) guang uhi.

 

Huai banah Finance Secretary ding in T. Chinlunthang (TTC), treasurer ding in Kapkhual (TPO), Secretary (Information) ding in H. Kapsuanlian (TPO), Asst. Information Secretary ding in Hanglamthang (TTC) guang uhi. ~ Manipur Express | 18 Aug 2018

Share:

Read full story►