By: PS Haokip, President Kuki National Organisation, Zalengam
Pu Demkhosiek Gangte hi 1st June 1927 kum in Teikhang kho'a ana pieng in ahi. Pu Demkhosiek Gangte hi Pu Ngulkhopau Gangte leh Pi Luntai chapa ahi. Pu Demkhosiek hi 1958 kum chun Central Intelligent Bureau (CIB) apat ahunghai in 1958-1959 sung chun Kuki National Volunteer (KNV) a Manipur ahin Chief Organiser in anapang in ahi. Mi tomngaitah leh mi kukaltah ahi jehchun 1959 kum'a Kaithelmanbi Kuki National Assembly (KNA) General Assembly achun KNA General Secretary in ahin lhengdoh tauvin ahi. Kitahna leh lunglutna nei mijenngai tah ahijeh in Kuki mipin apahcha lheh uvin ahi. 1st March 1962 kum chun Motbung KNA General Meeting a um kit in hikom achun KNA President in ahin lheng doh kit tauvin, hiche KNA President hi 11th December 1965 chan apon ahi.
Mizo National Front Movement:
Kuki chaten jong Thingkangphai meeting achun MNF a panlah ding kilolna ahin lahjou phat uvin Pu Demkhosiek Gangte lamkaina in Kuki gollhang tampi ho chu ama lamkaina in 10th April 1966 nikho hin Kangpokpi kho akon in kipatdoh uvin Siarsir MNF camp chu 20th April 1966 nikho in aga lhung tauvin ahi. 1st January 1967 nikho chun Tlangpui MNF Camp a Major rank ape tauvin ahi. 26th July 1967 nikho chun Komjang kiti Naga kho khat a Bihar Regiment hotoh ana kikapto uvin JCO
khat jao nan Bihar Regiment ho chu Sepoy 19 ana that uvin MNF ho bitkeijin ana galjo pin ahi.
Hiche agaljo kipapina hetpeh na in Pu Demkhosiek hi Military Governor chuleh Manipur gam Operation-in-charge ape tauvin ahi. 27th November 1971 nikho chun Central Executive Committee anei nauvah Pu Demkhosiek hi MNF Political Adviser panmun ape tauve. Hiche jou hin East Pakistan gam Rangamati gam a aga um uvin ahi. 30th November 1971 nikho hin agamnei ten India Government toh kihoutoh'a, guhthim a natong dinga aginmo jeh uvin ama leh aloiho mi 75 hi damsung a Jail um ding in Khakrachari, East Pakistan achun akhum tauvin ahi. Jail akon hin mi 11 hi Govt. kom a aga kipedoh uvin ahiuve. Pu Laldenga in Govt. kom a ngaidam athum phat hin 30th November 1971 nikho hin Pu Demkhosiek leh aloi hohi ahin lhadoh tauvin ahi. 2nd November 1972 nikho hin Arakan Forest Camp a MNF Political Committee in Meeting thupitah aneijun hichu China gam'a cheding thu leh lamkai kilhenna ahi. China a cheding ho kilhenna a hin Pu Demkhosiek Gangte Political Adviser pa hi Team Leader in alhengdoh tauvin ahi. Lion Brigade asah uvin China a asol tauve.
Hiche 7th December 1972 apat Arakan a base Camp akipan in India leh Burma sepoy ho akon kiveng pum in China ajon tauvin ahi. Hitia hi 4000 Kilometres vel KENG a che ahiuve. Myanmar (Burma) sung Upper Chindwin gam a sopi Kuki ten lam ahilpeh uvin Kachin gam alhung uvin Burma sepai hotoh kikapto na aum in Kuki chapa khat Lunlal kiti chu amun achun Burma sepoy hon akaplih uvin amun achun avui pai touve ati uvin ahi. China apat ahung kinungle lam uvin Pu Demkhosiek in Burma sepoy Khamthi Army Camp CO pa chu lekha athot in pasal chehcheh neingap uleh
kibawl ute tin lekha athot leh ahung uvin Kuki kho Sainoulen a akikaptou vin chomkhat jouvin Burma sepay ho ajam tauvin ahi.
Kachin Independent Army (KIA) ten Kachin gamsung apat China gamgi chan chu 27th December 1973 nikho in aga thahlhung uvin, chumun apat China Army ten Jeep leh Car a ahungla uvin amun gei apuilut uvin, avon jouseu telgamta under pant bou toh lhung ahi dan'u aseijun lungset umtah ahiuve.
Pu Demkhosiek Gangte - Leader, Captain Lalchunga, Col. Lalthuamvunga, Col. Lunghnema adangse sepai/gollhang jeng ahiuve atiuvin ahi.
Achom lamtah in sei tau hitin, China gam a amaho dei training jatchom chom anei jou uvin gal manchah phatahtah ahin peuvin ahung kinungle tauvin ahi. 7th May 1974 nikhon China khopi Khunming ahin dalha uvin Burma gam, Kachin ahung lelut kit tauvin ahi. 25th May 1974 nikho in India leh Burma gamgi chin Molvailup kho'a ahung lhung tauvin ahi. Captain Lalchunga hi MNF Hqrs. munna report peding in ana sol uvin ahi. Vangset umtah in MNF sunga kiginmoto najeh chuleh Pu Demkhosiek chuleh aloiho chunga dihloutah a ki ngohna ana umtah jehchun Hqrs. lama chepai thei talou ahi tauvin ahi.
Late Major General Vipin Haokip KNA Chief of Army in hitin aseijin ahi, "Jankhat hi a'imut nauva Pu Demkhosiek Body Guard pa hi jankim lam hin ahungkap dohtan, ipi iti nahim namangse ham? tin adong uvin ahileh asei tan, MNF Hqrs. lang apat thupeh chu keiman nang hi a-imutpet in kaplih in ti thupeh ahi. Hinlah keiman kapu nangma iti kakap jeng ding nahim kakap ngampoi", tin kithing pumpum in akap in thu hiti chun aseidoh tan ahi. Hiche phat chun Pu Demkhosiek in angailut tah, a sepai hochu akhen in Mizo sese chu MNF Hqrs. lam jon dingin lungset umtah in houlimna anei jin ahin lhadoh tai tin Pu Vipin Haokip in aseijin ahi. Pu Vipin Haokip hi Molvailup khomi ahi. Pu Vipin Haokip in aseibena achun MNF te alunglet lou uleh Kuki ten atum in gam thumna eihon bol u hite atin; hiche nading chun China a ahungpot konna lamkai len phabep in SANA/Gold ahinpeh hou chu Chassad leh Molvailup a gollhang phabep akoukhom in Manipur pumpi a Kuki gollhang China a training bol ding gaholkhom uvin tin apeuve ati. Hinlah ami sol hochun mihol talouvin Sana ho akisel mang gam tauve, tin jong aseijin ahi.
Manipur a Mizo ho kino
Manipur muntin akon Mizo ho, Kangpokpi a Mizo refugee ho truck 18 Lam Mizoram a thahdoh ding in Government sepoy hon ahinpo tauvin ahi. Hiche hochu Kangpokpi a Kuki ten kithopina Toka, Sangkhol, Nih leh Pon chuleh paisa pehthei thei apeuvin ahi. Hikom a lamkai ho chu Pu Haokholet Ngailut KNA Gen Secretary, Pu Ngulkholam Haokip, Chairman Kangpokpi Town Committee chuleh Pu Lalkhohen Thanggew chuleh Pu Mangpithang Kipgen ho lamkaina a khohsahna neitah a sopi Mizo ho ahuhdoh u ahi tin aseiye. Pu Khaijang Haokip in keihon Imphal akonna kadel u ahin, Kuki lamkai Imphal a ho Kangpokpi a lutsah louding ati phat uvin Chandon einupeh uvin Meitei daan a ka galut peh ahi atin ahi. Kangpokpi Gate lamnoija KS Seiboite inn a Kuki lamkai hon ajamdohsah na diuvin security ho chu an anehsah uvin Ju adonsah uvin hichekah chun Truck akon in kumlhauvin jamdoh uvin tin Truck 15 sunga tou ho chu ajamdohsah uvin ahiuve. Hinlah Truck 3 (thum) a touho vang chu kumlha nom louvin Truck 3 chu Mizoram a athahdoh u ahiuve, tin Pu Khaijang in aseijin ahi.
India Government in Manipur gamsunga Mizo te chengthei louding ati kit uvin hinlah Kuki lamkai khat in Manipur a Mizo hojong cheng den uhen atiuva Mizo ten suhkhel anei uleh keiman mopo nang kate tia mopo ding ahol uvin koiman sign abolngam tapon ahi. Hiche phat hin Pu Khaijang Haokip, Ex. KNA President chuleh tu'a President ZoRO Northern Zone ama hin Chief Commissioner Banglow a sign akai in Pu T. Kipgen Ex. IAS in countersign abol ahi. Hiche jeh achu Mizo te Manipur a chengjom thei bou ahiuve. Hiche Pu Khaijang sign bol tuni channa ahechena damna lai chu Pu Dalkhum, President MPO ahin tuni chan in adamjing in Saikot, Churachandpur a acheng in naga kidoh jeng theiju ahi. 4th April 1975 chan chun Molvailup a aumjeng vang uvin ima MNF Hqrs. lama konna kouna thuhil amulou phat in SSB/VVF Camp a akichonlut tai. 30th June 1975 nikhon Manipur Governor akimupin hibang chun ama hi Officer on Special Duty (OSD) apeuvin, Pu Roubunga chu CO VVF ape uvin, adangse chu Constable SSB apeuvin ahi. 11th April 1990 kumchun promotion ape uvin Sub-Area Organiser (SAO) in akaisang sah uvin ahi.
Pu Demkhosiek MNF ten abolnau Kukite lungdong
a) MNF hohin Pu Demkhosiek Ex. KNA President, Kuki lamkai phatah chuleh China ajong training chaipa MNF jong nasatah a minthansah pa hi MNF Hqrs Munpi ipi dinga anung lutsah lou'u ahi dem? Hibanga minthang pa hi anunglhun poupou leh promotion amu ding next to Pu Laldenga apeh diu thu ahi. Hinlah hichanchan position sangtah pehding anoplou jeh uva jouthu a betrayal atiuva tha aguot uva, a Body Guard pan kakap ngam poi tia jankim laija hung kapdoh chun aphotchen thil hilouham?
b) Pu Demkhosiek leh China chete MNF Hqrs. alhun poupou uleh MIZORAM hi Kuki te chenna sese gam jong ahoptha ding hi MNF ten adeilou ahi, present Mizoram bou ahi ding adeijeh uva Kuki lamkai hon thu anei nalou diuva Pu Demkhosiek chu betray atiu tailou adang ipi asei nau ahi dem? ti thukidong ho thu hingjing, thu kihilchen thei talou ho jeh hin Kuki ten Mizo te hi atahsan theilou u ahi. Pathen sem'a kinaitah paocheng jong 80% kibang sopi kinaitah ahi jeng vang uvin Mizo techung a Kuki ten tahsanna himhim aneijou tapouvin ahi.
Gangte Pasal pha:
Pu Demkhosiek hi adam lai'in "GANGTE PASALPHA" title a nuoiya ho hin ana peuvin ahi:
1. 1984 - Gangte Chief's Union, Manipur
2. 9th March2012 - Gangte Tribe Union, Manipur
Kuki National Organisation (KNO) injong Arm Wing Kuki National Army (KNA) sunga gollhang fel hohi Award phatahtah kanape ji uvin ahi. Hiho chu:
1st Category ho General Tintong Award (Anglo-Kuki War 1917-1919),
2nd category ho Pu Demkhosiek Award (MNF) kanape ji uvin ahi.
Pu Demkhosiek Gangte hi 1st June 1927 kum in Teikhang kho'a ana pieng in ahi. Pu Demkhosiek Gangte hi Pu Ngulkhopau Gangte leh Pi Luntai chapa ahi. Pu Demkhosiek hi 1958 kum chun Central Intelligent Bureau (CIB) apat ahunghai in 1958-1959 sung chun Kuki National Volunteer (KNV) a Manipur ahin Chief Organiser in anapang in ahi. Mi tomngaitah leh mi kukaltah ahi jehchun 1959 kum'a Kaithelmanbi Kuki National Assembly (KNA) General Assembly achun KNA General Secretary in ahin lhengdoh tauvin ahi. Kitahna leh lunglutna nei mijenngai tah ahijeh in Kuki mipin apahcha lheh uvin ahi. 1st March 1962 kum chun Motbung KNA General Meeting a um kit in hikom achun KNA President in ahin lheng doh kit tauvin, hiche KNA President hi 11th December 1965 chan apon ahi.
Mizo National Front Movement:
Kuki chaten jong Thingkangphai meeting achun MNF a panlah ding kilolna ahin lahjou phat uvin Pu Demkhosiek Gangte lamkaina in Kuki gollhang tampi ho chu ama lamkaina in 10th April 1966 nikho hin Kangpokpi kho akon in kipatdoh uvin Siarsir MNF camp chu 20th April 1966 nikho in aga lhung tauvin ahi. 1st January 1967 nikho chun Tlangpui MNF Camp a Major rank ape tauvin ahi. 26th July 1967 nikho chun Komjang kiti Naga kho khat a Bihar Regiment hotoh ana kikapto uvin JCO
khat jao nan Bihar Regiment ho chu Sepoy 19 ana that uvin MNF ho bitkeijin ana galjo pin ahi.
Hiche agaljo kipapina hetpeh na in Pu Demkhosiek hi Military Governor chuleh Manipur gam Operation-in-charge ape tauvin ahi. 27th November 1971 nikho chun Central Executive Committee anei nauvah Pu Demkhosiek hi MNF Political Adviser panmun ape tauve. Hiche jou hin East Pakistan gam Rangamati gam a aga um uvin ahi. 30th November 1971 nikho hin agamnei ten India Government toh kihoutoh'a, guhthim a natong dinga aginmo jeh uvin ama leh aloiho mi 75 hi damsung a Jail um ding in Khakrachari, East Pakistan achun akhum tauvin ahi. Jail akon hin mi 11 hi Govt. kom a aga kipedoh uvin ahiuve. Pu Laldenga in Govt. kom a ngaidam athum phat hin 30th November 1971 nikho hin Pu Demkhosiek leh aloi hohi ahin lhadoh tauvin ahi. 2nd November 1972 nikho hin Arakan Forest Camp a MNF Political Committee in Meeting thupitah aneijun hichu China gam'a cheding thu leh lamkai kilhenna ahi. China a cheding ho kilhenna a hin Pu Demkhosiek Gangte Political Adviser pa hi Team Leader in alhengdoh tauvin ahi. Lion Brigade asah uvin China a asol tauve.
Hiche 7th December 1972 apat Arakan a base Camp akipan in India leh Burma sepoy ho akon kiveng pum in China ajon tauvin ahi. Hitia hi 4000 Kilometres vel KENG a che ahiuve. Myanmar (Burma) sung Upper Chindwin gam a sopi Kuki ten lam ahilpeh uvin Kachin gam alhung uvin Burma sepai hotoh kikapto na aum in Kuki chapa khat Lunlal kiti chu amun achun Burma sepoy hon akaplih uvin amun achun avui pai touve ati uvin ahi. China apat ahung kinungle lam uvin Pu Demkhosiek in Burma sepoy Khamthi Army Camp CO pa chu lekha athot in pasal chehcheh neingap uleh
kibawl ute tin lekha athot leh ahung uvin Kuki kho Sainoulen a akikaptou vin chomkhat jouvin Burma sepay ho ajam tauvin ahi.
Kachin Independent Army (KIA) ten Kachin gamsung apat China gamgi chan chu 27th December 1973 nikho in aga thahlhung uvin, chumun apat China Army ten Jeep leh Car a ahungla uvin amun gei apuilut uvin, avon jouseu telgamta under pant bou toh lhung ahi dan'u aseijun lungset umtah ahiuve.
Pu Demkhosiek Gangte - Leader, Captain Lalchunga, Col. Lalthuamvunga, Col. Lunghnema adangse sepai/gollhang jeng ahiuve atiuvin ahi.
Achom lamtah in sei tau hitin, China gam a amaho dei training jatchom chom anei jou uvin gal manchah phatahtah ahin peuvin ahung kinungle tauvin ahi. 7th May 1974 nikhon China khopi Khunming ahin dalha uvin Burma gam, Kachin ahung lelut kit tauvin ahi. 25th May 1974 nikho in India leh Burma gamgi chin Molvailup kho'a ahung lhung tauvin ahi. Captain Lalchunga hi MNF Hqrs. munna report peding in ana sol uvin ahi. Vangset umtah in MNF sunga kiginmoto najeh chuleh Pu Demkhosiek chuleh aloiho chunga dihloutah a ki ngohna ana umtah jehchun Hqrs. lama chepai thei talou ahi tauvin ahi.
Late Major General Vipin Haokip KNA Chief of Army in hitin aseijin ahi, "Jankhat hi a'imut nauva Pu Demkhosiek Body Guard pa hi jankim lam hin ahungkap dohtan, ipi iti nahim namangse ham? tin adong uvin ahileh asei tan, MNF Hqrs. lang apat thupeh chu keiman nang hi a-imutpet in kaplih in ti thupeh ahi. Hinlah keiman kapu nangma iti kakap jeng ding nahim kakap ngampoi", tin kithing pumpum in akap in thu hiti chun aseidoh tan ahi. Hiche phat chun Pu Demkhosiek in angailut tah, a sepai hochu akhen in Mizo sese chu MNF Hqrs. lam jon dingin lungset umtah in houlimna anei jin ahin lhadoh tai tin Pu Vipin Haokip in aseijin ahi. Pu Vipin Haokip hi Molvailup khomi ahi. Pu Vipin Haokip in aseibena achun MNF te alunglet lou uleh Kuki ten atum in gam thumna eihon bol u hite atin; hiche nading chun China a ahungpot konna lamkai len phabep in SANA/Gold ahinpeh hou chu Chassad leh Molvailup a gollhang phabep akoukhom in Manipur pumpi a Kuki gollhang China a training bol ding gaholkhom uvin tin apeuve ati. Hinlah ami sol hochun mihol talouvin Sana ho akisel mang gam tauve, tin jong aseijin ahi.
Manipur a Mizo ho kino
Manipur muntin akon Mizo ho, Kangpokpi a Mizo refugee ho truck 18 Lam Mizoram a thahdoh ding in Government sepoy hon ahinpo tauvin ahi. Hiche hochu Kangpokpi a Kuki ten kithopina Toka, Sangkhol, Nih leh Pon chuleh paisa pehthei thei apeuvin ahi. Hikom a lamkai ho chu Pu Haokholet Ngailut KNA Gen Secretary, Pu Ngulkholam Haokip, Chairman Kangpokpi Town Committee chuleh Pu Lalkhohen Thanggew chuleh Pu Mangpithang Kipgen ho lamkaina a khohsahna neitah a sopi Mizo ho ahuhdoh u ahi tin aseiye. Pu Khaijang Haokip in keihon Imphal akonna kadel u ahin, Kuki lamkai Imphal a ho Kangpokpi a lutsah louding ati phat uvin Chandon einupeh uvin Meitei daan a ka galut peh ahi atin ahi. Kangpokpi Gate lamnoija KS Seiboite inn a Kuki lamkai hon ajamdohsah na diuvin security ho chu an anehsah uvin Ju adonsah uvin hichekah chun Truck akon in kumlhauvin jamdoh uvin tin Truck 15 sunga tou ho chu ajamdohsah uvin ahiuve. Hinlah Truck 3 (thum) a touho vang chu kumlha nom louvin Truck 3 chu Mizoram a athahdoh u ahiuve, tin Pu Khaijang in aseijin ahi.
India Government in Manipur gamsunga Mizo te chengthei louding ati kit uvin hinlah Kuki lamkai khat in Manipur a Mizo hojong cheng den uhen atiuva Mizo ten suhkhel anei uleh keiman mopo nang kate tia mopo ding ahol uvin koiman sign abolngam tapon ahi. Hiche phat hin Pu Khaijang Haokip, Ex. KNA President chuleh tu'a President ZoRO Northern Zone ama hin Chief Commissioner Banglow a sign akai in Pu T. Kipgen Ex. IAS in countersign abol ahi. Hiche jeh achu Mizo te Manipur a chengjom thei bou ahiuve. Hiche Pu Khaijang sign bol tuni channa ahechena damna lai chu Pu Dalkhum, President MPO ahin tuni chan in adamjing in Saikot, Churachandpur a acheng in naga kidoh jeng theiju ahi. 4th April 1975 chan chun Molvailup a aumjeng vang uvin ima MNF Hqrs. lama konna kouna thuhil amulou phat in SSB/VVF Camp a akichonlut tai. 30th June 1975 nikhon Manipur Governor akimupin hibang chun ama hi Officer on Special Duty (OSD) apeuvin, Pu Roubunga chu CO VVF ape uvin, adangse chu Constable SSB apeuvin ahi. 11th April 1990 kumchun promotion ape uvin Sub-Area Organiser (SAO) in akaisang sah uvin ahi.
Pu Demkhosiek MNF ten abolnau Kukite lungdong
a) MNF hohin Pu Demkhosiek Ex. KNA President, Kuki lamkai phatah chuleh China ajong training chaipa MNF jong nasatah a minthansah pa hi MNF Hqrs Munpi ipi dinga anung lutsah lou'u ahi dem? Hibanga minthang pa hi anunglhun poupou leh promotion amu ding next to Pu Laldenga apeh diu thu ahi. Hinlah hichanchan position sangtah pehding anoplou jeh uva jouthu a betrayal atiuva tha aguot uva, a Body Guard pan kakap ngam poi tia jankim laija hung kapdoh chun aphotchen thil hilouham?
b) Pu Demkhosiek leh China chete MNF Hqrs. alhun poupou uleh MIZORAM hi Kuki te chenna sese gam jong ahoptha ding hi MNF ten adeilou ahi, present Mizoram bou ahi ding adeijeh uva Kuki lamkai hon thu anei nalou diuva Pu Demkhosiek chu betray atiu tailou adang ipi asei nau ahi dem? ti thukidong ho thu hingjing, thu kihilchen thei talou ho jeh hin Kuki ten Mizo te hi atahsan theilou u ahi. Pathen sem'a kinaitah paocheng jong 80% kibang sopi kinaitah ahi jeng vang uvin Mizo techung a Kuki ten tahsanna himhim aneijou tapouvin ahi.
Gangte Pasal pha:
Pu Demkhosiek hi adam lai'in "GANGTE PASALPHA" title a nuoiya ho hin ana peuvin ahi:
1. 1984 - Gangte Chief's Union, Manipur
2. 9th March2012 - Gangte Tribe Union, Manipur
Kuki National Organisation (KNO) injong Arm Wing Kuki National Army (KNA) sunga gollhang fel hohi Award phatahtah kanape ji uvin ahi. Hiho chu:
1st Category ho General Tintong Award (Anglo-Kuki War 1917-1919),
2nd category ho Pu Demkhosiek Award (MNF) kanape ji uvin ahi.
KNO ten Pu Demkhosiek Gangte hi nasatah a kangai sang mama'u ahi. Late Major General Vipin Haokip Chief of Army Staff in ama kho Molvailup a Pu Demkhosiek aumlai thu lungnatah in aseijin MNF hon betray abol dan aman kitahtah'a nam na atoh dan aseijin Mizo te hibang a angol uleh eiho Kuki chate kipan taute tin China akon Sana (Gold) phabep angailut China lamkai hon ahinpeh uchu Chassad le Moulvailup area mi ho Kuki gollhang China a Training a pui kit ding hol din Manipur mun chomchom a mi phabep asol in ahi. Hinlah mi kitahlou phabep hon asana jouse anehchai pehkit uvin mi ahol tapouve atin ahi Late Major General Vipin Haokip in aseijin alunghang in, China a Kuki gollhang ho kiche leh Tangkhul ten gal in eidou
ngampou nte atin alung nalheh jin ahi. MNF ho chatvai jeh a hibang mi kitah pa mi mantampa hi chol leh nanga China training achaijouva mohjeng seh a abolnom loubeh VVF a suh nading atheilou phat a mohpan lo ahin, keiman jong ka hethem mama in ahi.
Hijeh chun 27th March 2020 nikho hin keima PS Haokip, President Kuki National Organisation (KNO) in, Pu Demkhosiek hi "KUKI PASALPHA" ahi tin Kuki nam pumpi hetding in kaphong dohtan ahi. Pathen in anam chan khompi Kuki tehi Kuki Pasalpha Pu Demkhosiek Gangte jal in phatthei eiboh tauhen.
Tah chapa Kuki chapa!
~ Kuki Daily News Admin
.jpg)
.jpeg)
.jpeg)
