MABAN BANGCHI DING

Ih khang thusim uah sil om ngailou, kuamah theihphak louhte hong kithei panpan ta. A khang akhang daih ding khop a sut tham leh tepteh tak ching hi. Bangma chik a mangngilh ni a om ngei kei diing. Tua, Aug 18 General Meeting nia TPO lamkaite 'Thupukna' in bang hamphatna hong tun ding? Ahihkeileh vangsiatna maw? chih bang ih ngaisut uh a hoih ding hi. Khenkhat a di'n 'hoihlou', a khen a di'n 'hoih' chi pawl zong ih om ua. A dikzaw ih kituhtuh uhleh bangma kilemloh lou ding. Mipite deihdan ahi phot mai chia lung kituak tak a pankhawm a pilhuai zawta ding hi. Tribe rekoknais leh nais-lou ih buaipih pen ahia, mite tung a kingak seng khak zong a thawn ahikha theih ding, a lauhuai veve hi. Tribe deih tam nalai ahi chia! Muh leh muhlouh kikaal a gamla kei a, Thangkhal-te khut a kinga ahizaw hi. Mite'n kum bangzat hong buaipih peih ding? Bang hang, en kidelh zoulou? Daltu hat ziak a hibang thukimna om ngai vawtlou, om tazen mawk hikha ding hi. Tu dinmun in ih kithehthaang dildel ua bangchi kihuai kik ding chih lam ih lamkaite'n a hong sai uh phamoh ta hi. Ei -leh-ei ih kibou bou laisiah bangmah kok lou ding hi. Bang eh tuhun a ih bawl masak ding uh? Kikup khawm leh kitemtuah dialdial bang a poimoh hun a om hi. Ih gam ah tribe muh nuam mulou beh-le-phung tampi a om a. A delh beh zong hong tam lai ding hileh akilawm hi. A neu a ki khenkhen pen a hoihlou ih chi chiat na-uhi. Thupil khat in "Ngeu lu hihsang in Huumpi mei hih thupi zaw" chih ahi. Ahi'n, " Tawm chik tung a gin om te, tampi tung ah agin om uh hi" chih ahi zel hi. Ngaih dan kibang kim theilou, kikhenlouh theihlouh lah ahi zel a. Tuaziak in Thangkhalte'n zong a unau nam dangte toh kibakna khat aneih ding uh kiphamoh hi. Aziak ih sut seng kei ding uh hi. Amaute'n chi tuamna vilvel tampi kineih uh hi. A muh un zong, mi dangte manna di hituan lou hi. A muh kei uhleh zong, kua nam hiam khat lawkna ding hituan lou, a manthaina uh hi giap ding hi. A dinmun uh theih chian a panpih ding ahizaw uh hi. Khangtoulou leh pichinglou ihi tuan kei ua, pankhawn dan ih na mangngilh khak ziak ahizaw hi. Kivaipuak dan, kihuaitup dan leh pankhawm dante zong khek lamdang deuh bang a ngai hi. Ahihkeileh, maban ah tu sang in kitheh thaang zaw khamoh lou ding ihi uh hi. Tua 'pankhawmna' chia ih gen gen uh pen thautang-thauvui hilouin, lungsim; tha-le-zung toh kuamah poi khoih lou a ih hihna uh kepbit tinten ding chih ahizaw hi. Tuni'n, maban ah bang hong tung ding chih zong ih kikup khawm touh zel uh a ngai hi. TPO, Saptuam lamkaite leh Sinlai-te a pankhawm laisiah khuampi kiptak neite ihi ding ua, kuamah sawnpuk gual ahi nawn kei ding hi. Pan khawm hatna lah ahi ngal a. Hun khat lai in, ih haam ih pau te zong mite chiamnui na maimai ahi. Tunzaw, hihbang a om khawl nawn kei hi. Khat hilei zongh, inn tuan hun hinapi, tuan thei nailou. Tapa piiching inntuan ding kua'n a khaam dia? A pa'n maw ahihkeh, a sanggamten maw, bang ziak in? U-le-naute lah hikhin ta, tapa inn tuan theilou pen nu-le-pa lungkhamna bawk hizaw hi. Kua mitmoh ziak ahi diam maw! A pa'n inn tuan a phal keileh, innsung kituakte hingai lou ding uh hi. Tuachilou a, apa'n piiching tak a inntuan theih pen a tapa adin khantouh kipatna bulpih ahi hi. Pa pil in anei leh agou khetlouh in a phungvuh zawsop lai ding ahi nalai hi. Tuahileh, pa leh tate kikaal ah ki-itna, ki-ngaina leh ki-tuakna piangsak thei pan ding hi. Kua'n eh tate khantouhlouh ding deih diing? Kua mah a om kei ding chilei kikhial lou mai thei hi. Tu in mun tuamtuam a om mahlei, ih pa khat chiat ahi a, inn suang chiat bang lel ihi uh hi. Tuaziak mah hilou ding hiam, akua akua in a innsung chiat kingai poimoh masat pen uh hi. Bekthamlou in, kisiam tup nalai uhi. Tuamah bang in, Thangkhalte zong akisiam tup uh apoimoh takzet hi. Bang tenghileh, kuapeuh in ih hihna chiat kingaina a, a khantouh ding leh a piching sem ding chiklai peuh in ki deih chiat hi. Ahileh, kua eh ih ki moh sak tuan ding? A dik bukim ki om lou mai thei mah hi. Ih ngaituahna te'n hong suhbuai maimai ahizaw hi. [Etsakna : pa=ZO, tate= Paite, Tedim, Vaiphei, Simte, Thadou, Zou, Thangkhal leh adng dng, inntuan= tribe recognised ngah, Gou=haam, tawndaan, etc. chih ka gen nawp na ahi hi. - Mr. KHAALNOU

Share: