PENTECOST LEH HAM THEILOU A HAMNA ✍️ S. Thangzakap

S. Thangzakap

AMASA in eite damna hung pia leh tukum 2024 Pentecost ni mel hung musak ih biak Pasian min ih phat masa uhi.Pentecost ni ahi kei leh khasiangthou piak na ni ahi leh Thukhunlui a Iseral teh pawi tuam tuam teh lak a khat ahi tualeh hi pawi pen thukhunthak hun  in Iseral teh in ana zang lai uhi, tualeh hih pawi mang ding in leitung mun tuam tuam apan Iseral teh  Jerusalem Juan in hung paijel uhi. Tua bek tham lou in ei gingtu teh a ding in jong ni poimoh khat a hung suak in tuni tan in Jesu shi zaw ni 50 chin na ni pen Pentecost pawi ahi keileh khasiangthou piakna ni chi in ki Jang den hi.

Khaileh tuni in Pentecost thu leh laa leh hih pawi hung pian khiat dan lam gen zaw lou in a chituam deuh tak Mai in Pentecost leh hamtheilou a thugen na chi thulu pansan in saulou in thu bang ja hiam ih ennkhom ding uhi.

Mi tampi a diak in Pentecostal deuh lam teh in Pentecost ni a kha hung tung apat in hamthei lou a thugen leh ham khiatna pen hung kipan ahi chi uhi.Tua bek thamlou in hih ham theilou a thugen or ham na pen khasiangthou silpiak khat ahi chi uhi.Tua ahian in first century a gingtu masa teh in jong hih hamtheilou a ham na toh kisai in buaina tuam tuam ana tuak uhi, adiak in Korin saptuam teh bang leh adang dang jong tampi om ding uhi.Tu hun in jong hih hamtheilou na muthei thei ding  om den lai hi, tua bek hilou in ham theilou guak hi non lou in sil lamdang bawl theina (miracles) toh hung paikhom ta hi.Tu in adiak in Africa gam nasia tak in mawk in Africa a gingtu teh lak a Jawlnei tampi hung kibeh in vision mu leh sil lamdang bawl thei tampi hung piang khia in healing ministry nasatak in hung khang in a hujap in lengtung mun tampi hung nawk kha hi.Tua ahi man in hih hamtheilou a thugen na pen genlou phamoh ta hi, ajiak ei gam sung ngei leh ih khopi sung ngei a jong hung tung khin ta hi .

Hih hamtheilou a thugen leh hamna toh kisai ih thei thei na ding un Laisiangthou translation tuam tuam teh ih enn masa phot ding uhi.

Amaspen in hih Bible verse version tuam tuam a aki lehdan  enn masa ni.

English version 
Acts 2:4

ESV
And they were all filled with the Holy Spirit and began to speak in other tongues as the Spirit gave them utterance.

NIV
All of them were filled with the Holy Spirit and began to speak in other tongues as the Spirit enabled them.

NASB
And they were all filled with the Holy Spirit and began to speak with different tongues, as the Spirit was giving them the ability to speak out.

NLT
And everyone present was filled with the Holy Spirit and began speaking in other languages, as the Holy Spirit gave them this ability.

KJV
And they were all filled with the Holy Ghost, and began to speak with other tongues, as the Spirit gave them utterance.

English version teng a other tongue's ahi kei leh different tongue's leh other languages Jang tangpi uhi.

Eimi version:
Thangkhal version:
Tuachi`n aun un Khasiangthou in adimta ua, Kha in ahamsak bang jelin hamdang in ahung hamta uhi.

Paite version:
Amaute avek un Kha Siangthou luahdim in a-om ua, Kha in amaute genkhiakna apiak bang in, pau dangte in apau pan uhi.

Teddim chin version:
amaute khempeuh in Kha Siangtho tawh kidimin, Kha Siangtho in thu a piak bangin kam tuamtuam tawh thu a hilh uh hi.

Simte version:
Huleh a bawnun Hagau Siangthou in adimta va, Hagau in ahaamsah bangjelin haam dang in a hung haam panta uhi.

Thadou kuki version:
abonchauvin Lhagao Theng adimsoh keiyun lhagaovin seidoh theina apeh bang cheh-in paochom pao-chomin thu aseipantauve.

Zou version:
Amate a unpi-un Hagau Siengtho tawh a kidim vua, tua Hagau in a pieh siemna bangin kam tuomtuomte tawh a ham uhi.

Eimi version teng a ham tuam tuam leh pao tuam tuam or Pau dangte chi in kilet khia hi, tua ahi man in hih ih translation hua pat in mi khenkhat in ham tuam tuam a ham thei ahi chi pansan uhi.Eimi translation teng a bon hua ki copy tua ma uh a bang hi ajiak English a om khalou ham/Pau pen hung hap Tom uhi.English a ham/Pau (langauge)chi Kammal ki jangkhalou hi, English in lei(tongues) a Chihna tak a eimi translation teng in ham leh pau in kikhek jak ahi man in eimi sung a adiak in ham tuam tuam a ham nuam pawlpi teh a ding pansan hoih khat hung suak hi.Tua ahi man in Laisiangthou translation a ih Kammal jak teh pen poimoh ma mah ahi,adiak in doctrine toh kisai diak teh bang limtak a lehkhiat ding kisam hi.Tua ahi man in ahi thei leai leh ei mani ham leh pau akhiatna (meaning) aki thei nak leh ei mani ham a hoih deuh a lehkhiat ding ahi.

Greek text a ki gel dan:
και επλησθησαν απαντες πνευματος αγιου και ηρξαντο λαλειν ετεραις γλωσσαις καθως το πνευμα εδιδου αυτοις αποφθεγγεσθαι

Greek Kammal a ham tuam tuam leh pau dang  dang teh ih chi pen ετεραις γλωσσαις (heterais leh glossais) chi in kimu thei hi ,Heterais Kammal pen heteros apat hung ki pan khia ahia, tualeh akhiatna in adang(other, another)  chihna ahi . Glossais ahi leh glossa Kammal apat a hung piang khia ahi tualeh akhiatna in lei (tongue) Chihna ahi.

Ei ham leh pau a bang chi lehkhiat ding lei dang chi ding maw ham dang chi ding, lei pen hamna toh kisai ahi lam pen kithei chiat hi ahinla Laisiangthou a original Greek a ham chi lou in lei chi ahi man in lei mah Jang lei buaina omlou ding hi.Tua ahiman in lei dang dang ahi kei leh lei dang teh chi in let lei dik pen in hoih pen ding hi .Bang ziak a lei dang dang ahi kei leh lei dang teh chia lehkhiat ding ahia ih chi leh hih Greek Kammal tegel ( ετεραις γλωσσαις ) a tawpna (ending) "ais" pen plural (khat sang a tam zaw) genna ahi tua ahi man in lei dang dang ahi kei leh lei dang teh chi in let lei hamtheilou natoh kisai pen hung tom deuh ding in gingta ing.

Hih Greek Kammal ετεραις γλωσσαις lei dang teh Chihna in a gen nop ahi leh ham dang dang teh a gen nop na ahi.Direct tak a hamtheilou teh ih chi tak Chiang in mi tampi in lakhial in  a ut a thei in ham jak uhi,tualeh tuadan a ut dan dan a ham jakna pen kha piak ahi chi lai uhi.Hilai a Greek Kammal in a gen nop tak pen ahi leh ham dang chu hima ahinla tulai a teh dan a hamkithei lou leh mumal omlou teh hilou hi, a ham om leh a ham a thei mi leh a ham a Jang mi om teh genna ahi jaw hi.

Pasian in asim kha teng thesiamna hungpia ta hen.
PENTECOST NI JAK NOP CHIAT NI 😊

Share: