Research Scholar
Popular Government thu hi chomkoi tadi leu hen, Constituency MLA khat in ama term khat sunga mipi sum ijat akai doh jouvem, chule itih phat2 a akai doh thei em tihi nana gel khah ji em?
Anoiya alhangpi hung kitah lang hi veutin eima cheh local/constituency MLA in ichan a ivote u mangcha a igam sungu asem em tihi ina kivet cheh diuvin dei aume.
MLA ahi lou le Assembly Constituency khat hin term khat (election kum pum kum 5) sung a hi alhangpi a lampi ni le thum akon a japi sum akai doh thei ahi.
Akhatna :- DRDA noiya hi kum 1 sunga crore ni livei akai thei ahi(with 4 installments).. Achuti le kum 5 sunga hi DRDA(agency) apat crore 10 akaidoh jou ahi.
Anina :- PWD noiya hi kum khat sunga work machal dung jui a crore 5 chan akaidoh jou ahin, kum 5 sung a chu 25 crore chan mipi sum akikai doh theiye tina ahi.(ahin hiche lampi vang hi MLA khenkhat in alampi ahet lou le alhingin amu jou ji pouve)
Athumna :- Central akon scheme hi anatoh(work) dungjui a asum um ahin hijat chung, hijat noi ti aum chom pon, amavang central scheme kiti jong le state ahin hopa/jotpa tei tei ahi. (Hiche pa hi calculation/simthana ah jaosah da phot ute)
Achunga kisei lampi akhatna le anina a kon a MLA khat in kum 5 sunga mipi sum akai doh jat hi 35 crore apha jouve tina ahi.
Hiche kalval a amu ho hi Lhaseh a tolop/lhalo (remuneration) lakh 2 le sang 50 (₹250,000 approx.),,
PDS(Public Distribution System) anchang, IAY(Langva le thing chohna) chu le ama mimal a poimo sepai ration, water & electricity bills le adang dang..
Tun eima eima gamsung cheh ve leu hen (amaho kimanchah na ding a Government in apeh tailouva) ivote manlu tah tah ina peh hou ithalheng houhin isum uhi eiho(mipi/gamsung) semna a ijat aman chah nah uvem tihi kidoh phah ahi tai.
Meilhei gaal jeh a kilhem chavai a, kipui chavai jong ium da pouvin, ahin meilhei gal jeh a hiche ho aki tinna/khana jong akihe kha pon, aneopen a chowkidar lo jong boi lou ahi tihi ihet soh kei u ahi.
Constituency khen khat deh deh hi term kichai kon a mipi kaodal na mai2 dinga hinnu nat phetphut loi ium uvin, mi kimkhat chun MLA fund hi term kichai kon a hungji mong ham tin jong ana gelda ji pouvin ahi. Mipi hi ngol phat ahi tapon, khat le nin hetkhel jeh in ana tahsan jiu jong le mipi 90% kingol talou ahi.
Term khat sung a amipi le agamsunga dinga crore 1 jong sulut joulou thalheng inei khah ule tuhi aphat ahin, mipi thalheng hi mipin akilhen ahi jeh in mipin khelna thei tha le phat inei uve tihi sumil poute.
Kum hijat houinn tin moltin a itaonau ga hi itih tah le guilhunga Pathen he, sum a lop lou, numei a liplou, julesa a bolbailou, mipi lhem lou, anatoh a japi puihoi thei Lamkai le thalheng inei doh diu hitam? tihi mipi dangchahna pen ahi jinge.
MIPI THALHENG DINGIN ASEI THEM LHENG TA POUTIN, TOHGA SOJOU HO JOH KILHEN TAUTE
~ W/A
No comments:
Post a Comment
Comments not related to the topic will be removed immediately.