KUKI INPI MANIPUR (KIM) THUPHON
6th May 2026
May 2, 2026 nikho a Kuki Nam Ponlap thenso ahi toh kilhon a Kuki Nam mipin hiche Nam Ponlap hi jana neitah le chingthei tah a akiman nading lom ho a iman pan thei tah ding uvin thuphon ahung kineije.
Hiche Nam Ponlap hi Nam Palpi 1.0 a KSO GHQ ngansena anakinei dungjuiya ahinsem doh u ahin, Nam sunga kiloikhomna jousen kihoutohna anei jouva Nam Palpi 2.0 Aizawl Khopi a chu Kuki Nam mite jousen kilungkhat tah le jana neitah a imansoh keidiuva KIM Inpipu (President) in Rev. Khuala kinthempu hina a thensona ananei ahi.
Hiche Nam Ponlap hi rong 3 a on heu heu va kikhuimat a alaija Star of David um ahi. A-eng khun thinglhang mi ihiu vetsahna ahin, Akang khun chamna deite ihiu vetsahna ahin, chule Asan khun thisan khat pu ihiu vetsahna ahi. Asunga Star of David khun Pathen hingjing tahsan te ihiu vetsahna ahi.
Hiche Nam Ponlap hi koiman ajeh apol beija amoh man louding, nam sunga thilsoh dungjuiya mimal hihen inson hijong leh khaidoh le khailhah thei hiding ahi. Hiche Nam Ponlap hi jana sangpen peh jing ding ahi.
(Paotinthang Lupheng)
General Secretary
Kuki Inpi Manipur
.jpg)
.jpeg)
No comments:
Post a Comment
Comments not related to the topic will be removed immediately.