NAMTE NUAM UH HEN (E005) By: Pastor Thangdoulal

NAMTE NUAM UH HEN (E005)

By: Pastor Thangdoulal

Jesu Khrist nung ka zuihkhawmpih Saptuamte, i Pa Pasian, Tapa Pasian, Kha Siangthou Pasian min in, kei leh ka innkuante'n lung kituaktak in, Inn mun  pan in chibai ka hung buk uh hi. 

Leitung A Message Genzaak-theih Pen

Pasian in missionary enterprise tuamtuamte a tha thohsak-theihna diing in, lampi khat bek a zangh kei a, lam tuamtuam leh chanel tuamtuamte a zang hi. Taangthupha, Pasian taangthupha zong Namte tengteng lak leh tung a genzaaktheih, sep khiattheih, bawltheih ahi. Aziak pen Pasian a neipa ahi a, Namte tengteng Pa,  leh Pasian ahi hi. Hih pen adiak in Pasian sung a lungdamtak leh nuamsatak a omna diing deihna ahi. "Toupa kumpipa ahi hi! leitung pumpi nuam hen; tuikual gamte zong kipaak uhen!" (Sam. 97:1, TK) "Pasian aw, mipite'n hung phat uh hen; mi zosiah in nang hung phat uh hen. Namte kipaak in nuamna laa sa uh hen, aziak pen nang namte tung ah diktattak in vai na hawm a, tualeh leitung ah namte na makaih hi. Selah" (Sam. 67:3-4). "32 Bawlgentheih thuakte'n mu uh henla, nuam uh hen; nou Pasian lam zongte'n zong, na lungtang uh halhthaksak kiik un" (Sam. 69:32). "Nang hung zong zosiah in na sung ah nuamna leh kipaakna mu uhen. Na hutdamna ngai zosiah in, "Pasian a thupi hi," chi tawntung uhen!" (Sam. 70:4). Pasian ah nuam un, Pasian sung ah kipak un! Pasian sung ah lungdamna laa sa un! Pasian sung a na lungkimnate tengteng in, na sung a om Pasian thupina leh pahtawina apia hi! Pasian tung a na lungkimna pen Pasian thupi na ahi!  Mikhialte tung a a hehpihna a latsak-theihna diing in Pasian in amah leh amah a kitawisaang diing pen, a poimawh ngaih mahmah hi! Chihlouh missionaryte'n bangdang kua kiang ah zong a vagen thei tuankei diing uh hi. Aziak ahihleh mi tengteng in Pasian sung a lungkimna a muh ding uh missionaryte tup leh ngim pipen ahihziak in ahi. Pasian sung a lung damna pen Pasian thupi na ahi chih message pen missionaryte a diing in athupi pen pen hi.

Eite (Missionaryte) i hih uh leh, mi zousiah, Pasian a diing a samkhawmtute ihi uhi. Tuaziak in mi kua hileh, sapna zaa a hungpai a om leh, ama'un zong, "Nang hinna lampi n'ung musak hi. Na ompihna ah kipahna bukim a om a; na khut ziatlam ah taangtawn lungkimnate a om hi (Sam. 16:11), a chih theih ngei-ngei diing uh ahi. Pasian in "Toupa tung ah kipaak in, tuachiin ama'n na lungtang deihlamte a hung pe diing hi," (Sam. 37:4) chih thupiak tawh, amah leh amah Namte tengteng tung ah a kitawisaang a, thupina a kipia hi. Munchin gamchin a mi zousiah in lungnopna, kipakna, leh nunnopna mun tuamtuam leh sil tuam-tuamte a i na zonna ua pan a kisiik a, Pasian sung a  nunnopna, kipakna leh lungnopnate i zon chiat diing uh pen, Pasian in a poimawh masa pen a a koih ahi hi. Tuaziak in ama'un (missionary) ten kipakna leh nuamnate sil dang teng lak a a na zonna ua kipan a a hung kisiik diing un, amah (Pasian) chauh sung a a zon zawk diing uh pen Pasian deihna ahi.

Tualeh, Pasian pen, mi dangte nna sepsak a om diing hi lou pa⁶ ahihleh a nunnuam Pasian ahi hi. Leitung a mihingte'n i bawlkhelhte uh lak a a lian penpen ahihleh; Pasian thupina a khantouh-theih semsemna diing a Pasian nna i sepna ua i lawhchin zawhlouhna ahi kei a, himahleh, Pasian thupina mite'n eite apan a amuh theihna ding ua, eite Pasian sung a lungdam leh lungkimtak a i omna diing ua, i lawhchin zawhlouhna uh ahi hi. Aziak ahihleh Pasian sung a i lungdam mahmah chiang un, eite sung a om Pasian pen eite tungton in a thupina latsak (phuanzaak) in a om hi.

Hih Pasian thupina leh minthanna pen Namte tengteng in a tawisan diing uh muh diing pen, Pasian leh eite (Pasian nna sem mite) a diing in sil kilop-huai or thanop-huai mahmah khat ahi hi. Pasian in a mite kipakna tehtheih guallouh a thupi a, a piak diing tupna leh ngimna a neih pen, Saptuamte'n Missions a neihte ua, Pasian a minthan pen diing leh a thupi pen diing, Pasian lunggulhna leh tupna ahi hi. Hih Pasian tupna leh ngimna pen mihingte nan/dal guallouh, leitung a i damsung ua, i Pasian nna sepna diing ua hung haatsak, hunghalhsak, leh hung tha thousaktu ahi hi. Hibang Pasian lungsim leh veinatnate chihlouh thudang, nupa kaal thu hiam, nu-ngak leh tangval kaal thu hiam, leh thu dang tampite tengteng pen, mi tengteng kiang ah a kimawk gen theikei hi. Aziak ahihleh, i class uh a kibatlouh ziak in ahi. Hinanleh, Pasian lungsim leh veinatnate mun teng, gam teng leh mi tengteng kiang ah a kigen thei hi. Aziak ahihleh i kha-lam hihna uh a kibat ziak in ahi. Pasian in mi tengteng amah lim-le-meel pua in a siam a (Gen. 1:27), tualeh Pasian pen kha (Jn. 4:24) (Spiritual being) ahihman in amah lim-le-meel pua a a siam mihingte'n taksa daan in Pasian lim-le-meel i sunkei ua, hinanleh Kha (our spiritual nature) in amah lim-le-meel pua in amahtawh i sun uhi. Aziak pen, Pasian in Adam ama hinna kha hu a khahkhum masang in Adam taksa, tungman a kibawl pen  a om ngeng ngong lel hi (Gen. 2:7), hih Pasian in mihingte a hung piak hinna kha mi tengteng a a om ziak in Pasian lungsim leh lungtang leh a kiveinatnate tengteng a kigen zaakthei pen hi. nang, Pasian lungsim leh lungtang leh a kiveinatnate genzaak diing in na ki man tai le? Ngaih sun pha in, Pasian in nang mah mah hung deih sese hi.

Missions Tung a Pasian Athupi Pen Ahihna Laisiangthou In Agendaan

Saptuamte a kipan a missionary nna sepna diing phut-luihna ah Pasian a penpenpa ahihna Laisiangthou in kichiantak in a na gen hi. Hih missionary muhkholhna (vision) Laisiangthou sung a pat a i muh un, Pasian pen missionary muhkholhna laizang laigil laitak ah a awm hi chih a hung thei kholhsak hi.

Thukhunlui bung leh taang khenkhatte'n Pasian minthanna leh thupina pen missionarite taangkouna laigil laizang laitak ah a awm hi chih, a hung musak hi. Sam. 96:3 "Namte lak ah a thupina phuangzaak unla, a nna sep lamdangtakte mi zousiah lak ah gen thaang un," Isai. 12:4 na in zong hibang in a na gen hi, "Ama min tawisan in omta hen, chi in genzaakta un." Hihte baan ah a dang tampi zong a omlai diing hi. 

Jesu, Sawltak Paul, leh Johante'n zong  a missionary taangkouna uh laigil laizang laitak a Pasian a thupi ahihdaan leh a lian pen ahihdaante kichiantak in i muthei uh hi.

Toupa'n Thupha Hung Pete Hen 

Share:

Read full story►

NAMTE NUAM UH HEN (E004) Topic: Pasian Khat Chauh In Amah Ngak Mite A Diing In Nna Asepsak Hi. By: Pastor Thangdoulal

 NAMTE NUAM UH HEN (E004)

Topic: Pasian Khat Chauh In Amah Ngak Mite A Diing In Nna Asepsak Hi.

By: Pastor Thangdoulal

Leitung ah Sahkhaw tuamtuam; Sikh (Punjab a mi tamzawte zuih sahkhua ahih man in Punjab sahkhua chia theih in a om hi). Zoroastrain (India a Hindute sahkhua bameeng ahi). Jain (Buddhism apat a meengsawn Hindute sahkhua khat ahi). Shinto (Japante sahkhaw zuih khat ahi). Hindu (Kolte sahkhaw zuih thupi penpen ahi). Confucianism (Confucius kichi mipa in ana phuhkhiat sahkhua ahi a, Chinese religion chi a theih in a om hi). Dinka (Southern Sudan gam a teeng, singtangmi nam mawlte leh a sahkhua min uh ahi). Judaism (Juda- Hebrew mite sahkhua ahi). Buddhism (Buddha kichi mipa in ana phuhkhiat sahkhua ahi a, ama'uh Buddha inkuanpihte kiminvohna ahihleh Gautama ahi hi). Christian (Jesu khrist in a sisan a a leisa, a nungzuite leh amite zuih sahkhua ahi hi). Islam (Mohammed kichi mipa'n ana phuhkhiat sahkhua ahi a, hih sahkhua zuite ahihleh Muslim zong akichi uhi). Hih sahkhuate tengteng akipan in pasian tuamtuam tampi a om a, tuate lak ah Hindute pasian min teng maimai zong eite'n  i theikim zoukei uh hi. Hibang a a tuul(thousands) athen (lakhs) asim pasian tuamtuam tampite lak ah, akithei phavetlou eite na-ngawn in zong ni danglai in i pu i pate un pasian tuamtuam tampi ana nei uhi; tuate ahihleh Sumtong pasian, Suutpi pasian, i chihte uh leh a dang tampite ahi.

Hih i pu-le-pate un Sumtong leh Suutpi pasian chauh pasian in ana nei kei le-uh zong a pasian uh dangte tengteng  saang in Suutpi leh Sumtong pasiante a poimawh ngaihzaw uh hi. Hibang a i pu-le-pate un pasian a na biaklai un mi chi-na (damlou) khenlhatte ahihleh innsung vei chih bang ana  omthei zeel uh hi. Huabang natna veite a damtheih kiikna diing un, Suutpi pasian kiang ah ana kithoih uhi. Hibang 'kithoihnate apan a damna mu/tangh i  lak uah tuni tan in muhtheih diing a omlai hi. Aamah ahihleh Pi. Hangngaihching ngoiphai a Pu. Tunchin zi ahi'.4 Hitamahleh Sumtong pasian pen hibang ana hikei hi. Sumtong pasian ahihleh ataktak a chih in i pu-le-pate uh mission ahi. Tuaziak in hih a nuai ah sumtong pasian thu tomkim i kikum diing uh hi.

A. Sumtong Pasian

I na gensa bang un hih Sumtong Pasian ahihleh i pu-le-pate uh missions ahi hi.  Aziak pen, hih Sumtong pasian a lung kimsakte'n leitung thupha a ngah ding uh a, a lungkimsak zouloute'n ngah kei ding uh hi. Hih Sumtong pasian lungkimna diing a a nna septe uh pen ama'uhte a diing in, tulai a eite chih daan hileh missions ahi hi. Tualeh hih Sumtong pasian a hung omdaan pen hih bang in a na kigen hi.

Nidanglai in unau (uta) pasal nih ana om ua, a u pen min Thanghou ahi a, a nau pen min Liandou a kichi hi. Hih uta tegeel pen a pa un a na sihsanbaih mahmah ziak in, tagah hinkhua haksatak in naupang neu nou ahihlai ua pan in a na sintou uh hi. Upanu Khaizaniang in a gendaan in "A kemtu diing a om kei a, ani (aunt) uh kiang ah Thanghou a om a, Liandou pen a omna diing a om kei hi. A gang (uncle) uh pen migiloupi ahihziak in a uta un a beelthei kei uh hi. Tuaziak in Liandou pen a nite inn nuai ah a hung khawsapanta hi. A nek diing uh a om kei a, a haksa mahmah uh hi. Tulai bang a kiloh leh sum zon chihte lah, bangmah a om naikei a,  a genthei mahmah uhi.

Thanghou in a nau inn nuai a khawsa a om pen, a guuk in baalpum-huan, an a nei a a nekte uh a khiatdap zeel hi. Tua bang in a ni'n zong a khiat gige hi. Tuabang a a hung gamtatlai un, a gang (uncle) ni khat tuanghawm ah a hung daileng hi (Nidanglai in dailen buuk chihte a om sese kei a, a tuangpheilai uah, mun khat a hawmsak ua, tua tuanghawm pen niin zousiah khiatna leh dailen na a zong zak ahi). Inn nuai a gilkial leh thawmhautak a om, a u leh a ni baalpum-huan minsa, niin daandaan a, niin paihna tuanghawm a a hung khiat diing uh kinemtak a na ngak zing Liandou in a gang (uncle) tuanghawm a daileng pen a et leh, a chiltang tegeel baal a mu in, e!.. ka ni'n baal ingh khiat e, chi a a gangpa chiltang tegeel a vatuuk/mat leh, a gangpa heh sengseng in, tua ni a kipan in Thanghou leh Liandou a hung delhkheta hi5. Hih ni a kipan in Thanghou leh Liandou in a miimtang leh taangtang phelhawmna diing lam uh theih kholhlouh in a hung zuan panta uh hi.

Awnkap veng churachandpur a om pi Henniang in agen beh zeel na ah, "Thanghou leh Liandou pen a ni un a gangpa uh theihlouhkaal in sun an diing a a an pheltuun tawh a hung vaak a, hibang a haksatak a a hung khawsak kawm-kawm un, Thanghoute uta in lou (singtang lou) a hung bawl uh hi.

Ni khat mupi (eagle) khat in guul khat a tohlai a na laksak uh hi. Tua guul pen neek teitei diing in a koih uh hi. Hilezong tua guul ne diing a a vapailai un, tua guul a na om nawnkei hi. Hinanleh, nitak vaai a hungtun un, a an a tui diing uh bawl in, pitek khat a na buai mahmah hi. Tua chia lamdang sakna tawh kidim kawm in, Thanghoute uta in sil omdaante a hung dongta uh hi. Tuabang a a doklai un, pitek nu'n, amah leh amah a kigen na ah, kei pen mupi (eagle) khut a pan a na hutdam uh guul ka hi achi a, tua chiin hih pitek nu tungtawn in Thanghou leh Liangdou pen gentheihlouh khop in a hung hausata uh hi.  Hinanleh hun bangtan hiam khit in Thanghou in anu (apa asih phat phat a sa-ngak tawh na kizawltai pen) abelgol sung a a siluang a vui ziak in hih pitek nu'n a na nuseta hi. Hih pitek nu'n Thanghou leh Liandou kiang ah thu khaak khat anei a, tua ahihleh, hih mun ah hung na bia zeel-zeel un chih ahi. Tua mun pen Sumtong ahi. Tua chi a Thanghoute unau in Sumtong a biakna a hungpattak un, a teenpih leh giahpih a khomite tengteng in zong, Thanghoute hauhna eng leh deihzawhtak kawm in, Sumtong ah pasian a hung beta uh hi. Hih pen ei pu leh pate'n zong a na zuilai uh hi5. Hauh ding lunggulhna tawh Sumtong ah pasian a na bia ua, Thanghoute thupha a pia pasian pen, sumtong ah a om hi chi in ana be le-uh zong kuamah Thanghoute bang a hauhna mu a om kei ua, zong a hau a na kigenkha kei hi. Tua ahihziak in pasian taktak a hikei chih i theithei uh hi. Pasian taktak mite, leh amah ngak mite adiing a nna sem pasian khoi ah i muta diing uai le? …….

B. Bible Sung a kimu Pasain

Laisiangthou sung a i muh uh Pasian ahihleh, a mite a khotuah-theihna diing a, amah leh amah kitawisang Pa ahi hi (Is. 30:18) chih pen a chiamtehtaak mahmah sil ahi hi. Jawlnei Isai in hih pasian pen hi bang in a na gen hi, "Khangluilai apat a kuamah mawng mawng in zaak zong a na zaak khaak ngailouh, Bil kichi in zong a na zaakkhak ngailouh uh ahi. Nang chihlouh mihingte mit in Pasian dang a na mukha ngai kei hi. Amah (Pasian) ngak zingte (gige) a diing a nna sepsak gige, nang chihlouh kuamah a om kei hi" (Is. 64:4 kuki). Isai in Pasian thupina leh vaangletna kilakna diing in mite'n Pasian a diing a nna a sep diing uh a poimawh louhdaan hih bung-le-taang tungtawn in a kichian hi. Hih pen Pasian in amah thupinate leh vaangletnate tengteng mite lak a tawisang a a omtheihna diing in  mite'n ama (Pasian) nna a sep diing uh a poimawh kei a, hinanleh aman (Pasian in) mite tung ah nna a hung semzaw hi. Adiak in amah ngak mite tung ah ahi.

Isai in a na gen khitsate bangsim in sawltak Paul in zong Athen mite kiang ah hih bang in a chi hi, Pasian "panpih-ngai bang a mihing khut a nna sepsak zong a ngaikei a, mihing tengteng kiang a hinna, naakna leh sil zousiah pepa ahizaw hi (Nas. 17:25).

Pasian ahihleh minthang leh thupitak a hi a, Ama'n (pasian in) ama nna sem diing mi  poimawh kei a, hinanleh, ama'n amau'hte (namte) a diing in kihongtak in a nna uh a sepsak hi. "Mihing tapa na-ngawn mite'n a nna a sepsak diing uh a hikei a, mite nna sem diing leh mi tampite tatna diing a a hinna pe diing a hung pai ahi zaw hi" (Mk. 10:45). Missions pen Pasian nna sep teiteina diing a recruitment project ahi kei a, hilezong, puaknatna leh pasian dangte tung a puakgikna  a kipan a liberation project ahizaw hi (matt. 11:28-30).

Isai in a gen a,  'Hibang Pasian pen leitung ah muh zong a na kimukha ngaikei a, zong a na kizakha ngaikei hi,' a chi hi (Is. 64:4). Tualeh Isai in a etna lam teng a a muh pipen  bang hiam i chihleh pasiante  ahi ua, hih pasiante pen nna sepsak ngaite a hi ua, nna hung sem diingte a hikei uh hi. 

Etsakna dingin: Babylon pasiante, Bel leh Nebo Pasian te:

Hih pen Babylon pasiante a diing a huntawp ahi! Bel leh Nebo zong khatvei biak in ana omta ua; hinanleh tun sabiltung tung a guan ahita uh hi; gantate nungzaang a diing a puakgik ahita uh hi. Milim te ama'uh a kihundam zoukei ua; mat a puak mang in a omzaw uh hi. Ka mite lak a omsun, Jacob suante aw hung ngaikhia un. Na pian ni ua kipan, ke'n k'ung na keem toutou hi. Kei na Pasian uh ka hi, k'ung keem tawntung diing, na teek ua, na sam uh a hung kaan dong in Kei mah bawl na hi ua, k'ung keem ding hi; panpihna leh hutkhiatna k'ung pe diing hi- (Is. 46:1-4; cf. Jer. 10:5).

Hih Pasian tampite leh pasian taktak, Laisiangthou a i muh uh akibak louhnate hibang ahi. Pasian taktak Bible a i muh un eite (mihingte) a hung (pua) keem a, pasian dangte pen mihingte'n i kep (i puak) uh a ngai hi. Pasian taktak in na a hung sem a, himahleh pasian dangte pen a na uh sepsak diing in, mi a om a ngai hi. Pasian ahihleh mihingte khotuah theihna diing a amah leh amah kitawisang Pa ahi a, himahleh, pasian dangte pen a kitawisang theihna diing un, sila tampi a neih uh a ngai hi. Tua ahihziak in Pasian lunggulhna pen mi kua hiam in (athupi) Namte tengteng tung a a vaanglet diing veinatna aneih bang ahi a, hih veinatna in amah a hehpihna ah a puiluut a, tuachiin leitung ah missions phutkhiat teitei diing in a om hi. Aziak ahihleh amah pasian dangte tengteng bang ahikei a, Pasian taktak, amah ginna tawh ngakte a diing a nna sepsak Pasian ahi hi.

TOUPA'N THUPHA HUNG PETA HEN

Share:

Read full story►

NAMTE NUAM UH HEN (E001)

By: Pastor Thangdoulal

THU PATNA

Lungkimna leh lungnopna saang a poimohzaw na hinkhua a om bang hiva na chi ei? Gimgentheihna tuam-tuamte leh i sil deihte uh, i neihtheihna diing ua zum-le-zah khawksalou a i om teitoi ua, i pan chiai chuaidaante uh, na ngaih sut zeel-zeel ei? Na hinkhua zakdaan lamdang nasa ei? Bang ziak a eite hichi ita diing uai le, chih na ngaihsut ngai ei? Ngaihsut diing a poimoh mahmah in ka thei hi.

Mihingte'n leitung a i silbawlte uh, i gentheihnate tengteng uh, leh i omdaan leh hinkhua zakdaante tengteng ki-khaikhawmna bulpi khat a om a, tua pen lungkimna leh lungnopna ahi. Hih lungkimna leh lungnopna i neihtheihna ding un, zum-huaina tampi i thuak mualsuak uhi. Aziak pen zum-huainate mihingte a diing in i gou neihsun uh ahi a, tualeh hih zum-huainate pen i mihing hinkhua uh mizia leh mi hihna zong ahi hi. 

Etsakna dingin:

1. Ta-le-nau deihna in mihingte numei leh pasal kaal a zum-huainate apan a hung kideksak zoukei hi.

2. Gilkialna in nek-le-dawn zumnate a pan ahung kideksak zoukei hi.

3. Sum-le-pai deihna in zumloutak in nna (sil) tuamtuam a hung semsak hi. Tualeh hih zum-huainate apan a hung kideksak zoulou sil tampi a om hi. 

Hibang a mihingte'n zum-huainate zum-huaina a simlou a, lungkimna leh lungnopna i na zon uh ahi. Hinanleh lungkimna leh lungnopna diktak i mu zoukei uhi. Aziak pen, eite'n zum-huainate a pan a i na zon ziak uh ahi hi. Hinanleh eite a diing in lampi khat a omlai a, tua pen Pasian sung ah ahi hi. 

Hih Pasian sung a om lungkimna leh lungnopna mihingte'n i muh ua, i neih ua, i tan diing uh pen Pasian deihna leh lungkimna zong ahi hi. Tuaziak in Pasian in leitung ah, amah lungkimna leh mihingte lungkimna a kituak-theihna diing in a mission (nna sepna) a hung phutkhia hi.

Tualeh, Mission i chih uh kammal pen ei haam in sawlte chih na ahi a, Laisiangthou suutdaan in hih kammal pen "misio dei" chih a pan a kilasawn, Pasian sawlte chihna ahi hi. Tuaziak in mission kichi khat pouh-pouh pen, mihingte a a hikei a, Pasian a ahi zaw hi. Mihingte'n Pasian mission nna i seppih uh ahi a, tuaziak in eite pen 'just partaker in God's mission' (Pasian nna sepna a pangte) i hi uhi. 

Tuabaan ah, 'Missions' chih kammal pen 'pasian nna sepna dinga sawlkhiatna nna septe,' chiin i zang ding uhi. Aziak pen Pasian (mission) sawlte lak ah eite zong i pang uh hi. Hih Pasian mission in atup leh a ngim pipen ahihleh, Nam zousiah, Haam zousiah,  leh mihing zousiah in, Pasian sung a lungkimna leh nuamna i muh chiatna diing uh ahi a, hih pen Pasian lungkimna leh nuamna zong ahi. Tuaziak in "Namte Nuam Uh Hen" (let the nations be glad) chih minpua in hih thu i ngaihsut khawm diing uh hi. Nam zousiah in lungkimna a neih ua, a lungkimna ua Pasian zong a lungkimtheihna diing in, Pasian lungsim zong leh ngaihsut kawm in guntutak in i sim diing uh hi.

Leitung a Sil Thupi Thathoh-huai Khatna

Leitung ah sil thupi leh thathoh-huai a tam in atam a, khat-khat a suut a suut seng zawh ding zong a hikei ding hi. Aziak pen leitung mihingte deihlam leh kilopnalamte a kibangkei a, kei a diing a sil thupi leh thathoh-huaite gen lengh, midangte a diing in a na hou (simple) mahma diing a, midangte'n zong ama'uh a diing a sil thupi leh thathoh-huaite gen le-uh, kei a diing in a na-hou (simple) mahmah maithei diing hi. Tuaziak in, hih leitung a sil thupi leh thathoh-huai pen, ei mihing mit pan a enlou in Pasian mit tawh i et diing uh ahi, chiin i kichial masa uh hi.

Leitung pumpi a saptuam (Churches) kichi zousiah in a tup uh leh a ngim uh a thupi penpen bang a diai? I chih leh, mi taangpite ngaihdaan in missions ahikha diing hi. Aziak pen Pasian nnate sepna ahi hi. Hlezong Saptuam tup leh ngim pipen missions hilou in Biakpiakna (worship) ahi hi. Tualeh Pasian nna sepna tuam-tuamte tuni dong a om a, a hinlai ziak ahihleh, Biakpiakna Pasian piak diing pen a hin tawntunglouh ziak ahi hi. Tuaziak in Biakpiakna pen Saptuam a diing a athupi penpen leh, a bulpi penpen ahi a, Pasian nasepna tuam-tuamte (missions) a na hikei hi. Aziak pen Pasian ahihleh Saptuamte a diing a a bulpi penpen uh ahi a, mihingte a hikei hi. Hih leitung nite a hung bei chiang, sim senglouh hutdamta, a siing a sangte'n Pa Pasian laltouna mai a khupdin a, amai a akuun chiang un (missions) Pasian nasepna tuam-tuamte a om nonta kei ding hi. Hinanleh Biakpiakna pen taangtawn taangtawn in a omden diing hi.

Tuaziak in, Pasian nasepna tuam-tuamte (missions)  kuantoh, leh ngim pipen ahihleh Biakpiakna ahi hi. Biakpiakna kichi, missions tup leh ngim a hihna ziak pen, Pasian thupina sung a nopsatak a Pasian biakna a Nam zousiah puaklut diing deihna ziak ahi hi. Tualeh Pasian nna sepna tuam-tuamte tup-le-ngim laigil penpen ahihleh Pasian thupina leh vaangletna sung a mihonpite lungdamna ahi hi. Laisiangthou in, "Toupa'n vaaihawm hi. Leitung nuam henla, tuikulh gam zousiah kipak hen" (Sam. 97:1) a chi a, "Pasian aw, mite'n nang hung phat hen la, nam zousiah in nang hung phat hen. Namte kipak henla, nuam in laa sa uh hen aw" (Sam. 67:3-4) a chi hi.

Biakpiakna pen missions kuantohna laigil ahi a, biakpiakna tawh Pasian ngaihnatna in, Pasian thugenna (preaching) a piangsak hi. Aziak pen, leitung mihingte'n i lungsim ua om khalou thute a kimokgen theikei hi. Tuaziak in biakpiakna tawh Pasian ngaihnatna lou in kuamah in Pasian thu a hihna bangtak in a genkhetheikei diing hi. Tualeh missionarite'n zong, biakpiakna leh Pasian ngaihnatna panglou in "Nam tengteng aw Toupa ah nuam un" achi theikei diing uh hi. Kuamah in lungtang a kipan lou in, "Kei Toupa ah nuam diing  hi'ing… nang ah kipak leh lung nuam ut hi'ing, tungnung pen aw, na min phat nuam ingh" (Sam. 104:34; 9:2) a chi theikei ding hi. Missions kipatna leh tawpna ahihleh Biakpiakna ahi hi. Tuaziak in hih Biakpiakna pen leitung a sil thupi leh thathoh-huai mahmahte lak ah a khatna ahi i chi uh hi. 

Pasian thupina delh a kalsuanna pen, thupiak bang ahi kei a,  mihing hoihna, lungtang a kipan a deihthohna leh Saptuam a diing a biakna a pawimoh masapen ahihkei leh, mihingte'n Pasian nna a sepna uah semtu hoih hihna a tang ngaikei ding ua, Pasian zong sangtak a pahtawi leh phat in a omkei ding hi. Missions beisak tani hang chi a agen kahi kei a, hinanleh Pasian thupina a lianzaw a phat a a omtheihna diing a gen ka hizaw hi. Pasian biakna diing a, a kilawmna chiangtan a a ki-biak chiang, Pasian biakna pen mei kuang ingh bang ding a, tua biakpiakna mei kuang in missions  ing salhvak pempom ding a, tua mission vaak in, leitung pumpi mial sah bikbek nuai a awm mite ing taan vak ding hi. Tua hun a hung tun ding kal ngaklah na in i kidim uh hi.

Pasian ngaihnatna leh veinatna a kiam a, a haatlah deuh chiang, Mission nna sepnate zong a haatkei hi. Saptuam khat peuhpeuh in Pasian hihna leh zah-omnate leh a hoihnate a laapsan or a tawisangkei leh, "Namte lak ah a thupina phuang un" (Sam. 63:3) chih thu a lung-gulhtheih tei tei ding uh hi.

Leitung A Sil Thupi Tha Thoh-huai Nihna

Missions sung a diing a ngaihtuah leh kikup diing a poimawh leh thukhok mahmah khat ahihleh, "Saptuam laizang laigil laitak a Pasian a omna" chih hi. Mi zousiah in Pasian thupina leh vaangletna lamdang a saktheihkei uh leh bangchiin ama'un, "Toupa a vaanglian a, thupitak a phat ding ahi; amah Pasian dangte tengteng saang a lauzawk ding ahi" (Sam. 96:4) achi thei ding uai? Missions ahihleh amasa pen leh a poimawh pen a hikei a, hinanleh Pasian ahi zaw hi. Hih thudik pen, missionarite tungtawn a muhtheih diing in a om hi. Aziak pen missionarit'en sih tanpha a ana thuakna un Pasian thupina leh vaangletna agen hi. William Carey, modern missionpa chih min piak a om pa'n, England apan in India ah 1739 in long (tui tung apai nate) zangh in ahung pai a, amah thugen tawh zong hih thute in ki-chimatna anei hi, hih anuai ah i en ding uhi.

England ka nutsiat in, India pianthakna (kikhekna) diing a ka kinepna a lian mahmah  hi; hilezong  tuate lak ah haksatna tampi a om hi. Pasian in a hung chihpihkei leh, hih pen a sithei (beithei) lel ahi. Hilezong Pasian ka nei a, a thu zong a muan huai hi. Mi zousiah in hung taimangsan in, thuakgimna chinteng hung thuaksak le-uh zong, ka ginna, a muan huai Pasian thu sung a om pen in, gentheihna zousiah leh hatsatna chiteng a pan a hung thousak hi. Pasian nna leh silte in a gualzou zeel ding hi.1

Carey leh amah bang a tuul a simte'n Pasian gualzohna leh lawhchinna thupitak muhkholhna in nna a semsak a, a lam uh zong a kaihsak hi. Hibang muhkholhna a om masak teitei ding ahi. Aziak pen, muhmasakna in tha a hung guan a, tua tha mah tawh maa a kitun zou hi. Pasian biakpiakna a limna leh chi bang a a alna pen missions kekletna leh khantouhna ahi hi.

Leitung a om taangthu zousiah, tup-le-ngim khat nei in a pai a, tua pen leitung leh a sung a om mi zousiah lak a Pasian tapa Jesu Khrist leh Pa Pasian thupitak a biakna diing ahi.

Mission ahihleh, i ngimna uh leh i tuppipen uh ahi kei a, hilezong a lampi ahi zaw hi. Tua ahi leitung a silthupi tha thoh-huai nihna.

TOUPA'N THUPHA HUNG PETA HEN

Share:

Read full story►

NAMTE NUAM UH HEN (E001)

By: Pastor Thangdoulal

THU PATNA

Lungkimna leh lungnopna saang a poimohzaw na hinkhua a om bang hiva na chi ei? Gimgentheihna tuam-tuamte leh i sil deihte uh, i neihtheihna diing ua zum-le-zah khawksalou a i om teitoi ua, i pan chiai chuaidaante uh, na ngaih sut zeel-zeel ei? Na hinkhua zakdaan lamdang nasa ei? Bang ziak a eite hichi ita diing uai le, chih na ngaihsut ngai ei? Ngaihsut diing a poimoh mahmah in ka thei hi.

Mihingte'n leitung a i silbawlte uh, i gentheihnate tengteng uh, leh i omdaan leh hinkhua zakdaante tengteng ki-khaikhawmna bulpi khat a om a, tua pen lungkimna leh lungnopna ahi. Hih lungkimna leh lungnopna i neihtheihna ding un, zum-huaina tampi i thuak mualsuak uhi. Aziak pen zum-huainate mihingte a diing in i gou neihsun uh ahi a, tualeh hih zum-huainate pen i mihing hinkhua uh mizia leh mi hihna zong ahi hi. 

Etsakna dingin:

Ta-le-nau deihna in mihingte numei leh pasal kaal a zum-huainate apan a hung kideksak zoukei hi.

Gilkialna in nek-le-dawn zumnate a pan ahung kideksak zoukei hi.

Sum-le-pai deihna in zumloutak in nna (sil) tuamtuam a hung semsak hi. Tualeh hih zum-huainate apan a hung kideksak zoulou sil tampi a om hi. 

Hibang a mihingte'n zum-huainate zum-huaina a simlou a, lungkimna leh lungnopna i na zon uh ahi. Hinanleh lungkimna leh lungnopna diktak i mu zoukei uhi. Aziak pen, eite'n zum-huainate a pan a i na zon ziak uh ahi hi. Hinanleh eite a diing in lampi khat a omlai a, tua pen Pasian sung ah ahi hi. 

Hih Pasian sung a om lungkimna leh lungnopna mihingte'n i muh ua, i neih ua, i tan diing uh pen Pasian deihna leh lungkimna zong ahi hi. Tuaziak in Pasian in leitung ah, amah lungkimna leh mihingte lungkimna a kituak-theihna diing in a mission (nna sepna) a hung phutkhia hi.

Tualeh, Mission i chih uh kammal pen ei haam in sawlte chih na ahi a, Laisiangthou suutdaan in hih kammal pen "misio dei" chih a pan a kilasawn, Pasian sawlte chihna ahi hi. Tuaziak in mission kichi khat pouh-pouh pen, mihingte a a hikei a, Pasian a ahi zaw hi. Mihingte'n Pasian mission nna i seppih uh ahi a, tuaziak in eite pen 'just partaker in God's mission' (Pasian nna sepna a pangte) i hi uhi. 

Tuabaan ah, 'Missions' chih kammal pen 'pasian nna sepna dinga sawlkhiatna nna septe,' chiin i zang ding uhi. Aziak pen Pasian (mission) sawlte lak ah eite zong i pang uh hi. Hih Pasian mission in atup leh a ngim pipen ahihleh, Nam zousiah, Haam zousiah,  leh mihing zousiah in, Pasian sung a lungkimna leh nuamna i muh chiatna diing uh ahi a, hih pen Pasian lungkimna leh nuamna zong ahi. Tuaziak in "Namte Nuam Uh Hen" (let the nations be glad) chih minpua in hih thu i ngaihsut khawm diing uh hi. Nam zousiah in lungkimna a neih ua, a lungkimna ua Pasian zong a lungkimtheihna diing in, Pasian lungsim zong leh ngaihsut kawm in guntutak in i sim diing uh hi.

Leitung a Sil Thupi Thathoh-huai Khatna

Leitung ah sil thupi leh thathoh-huai a tam in atam a, khat-khat a suut a suut seng zawh ding zong a hikei ding hi. Aziak pen leitung mihingte deihlam leh kilopnalamte a kibangkei a, kei a diing a sil thupi leh thathoh-huaite gen lengh, midangte a diing in a na hou (simple) mahma diing a, midangte'n zong ama'uh a diing a sil thupi leh thathoh-huaite gen le-uh, kei a diing in a na-hou (simple) mahmah maithei diing hi. Tuaziak in, hih leitung a sil thupi leh thathoh-huai pen, ei mihing mit pan a enlou in Pasian mit tawh i et diing uh ahi, chiin i kichial masa uh hi.

Leitung pumpi a saptuam (Churches) kichi zousiah in a tup uh leh a ngim uh a thupi penpen bang a diai? I chih leh, mi taangpite ngaihdaan in missions ahikha diing hi. Aziak pen Pasian nnate sepna ahi hi. Hlezong Saptuam tup leh ngim pipen missions hilou in Biakpiakna (worship) ahi hi. Tualeh Pasian nna sepna tuam-tuamte tuni dong a om a, a hinlai ziak ahihleh, Biakpiakna Pasian piak diing pen a hin tawntunglouh ziak ahi hi. Tuaziak in Biakpiakna pen Saptuam a diing a athupi penpen leh, a bulpi penpen ahi a, Pasian nasepna tuam-tuamte (missions) a na hikei hi. Aziak pen Pasian ahihleh Saptuamte a diing a a bulpi penpen uh ahi a, mihingte a hikei hi. Hih leitung nite a hung bei chiang, sim senglouh hutdamta, a siing a sangte'n Pa Pasian laltouna mai a khupdin a, amai a akuun chiang un (missions) Pasian nasepna tuam-tuamte a om nonta kei ding hi. Hinanleh Biakpiakna pen taangtawn taangtawn in a omden diing hi.

Tuaziak in, Pasian nasepna tuam-tuamte (missions)  kuantoh, leh ngim pipen ahihleh Biakpiakna ahi hi. Biakpiakna kichi, missions tup leh ngim a hihna ziak pen, Pasian thupina sung a nopsatak a Pasian biakna a Nam zousiah puaklut diing deihna ziak ahi hi. Tualeh Pasian nna sepna tuam-tuamte tup-le-ngim laigil penpen ahihleh Pasian thupina leh vaangletna sung a mihonpite lungdamna ahi hi. Laisiangthou in, "Toupa'n vaaihawm hi. Leitung nuam henla, tuikulh gam zousiah kipak hen" (Sam. 97:1) a chi a, "Pasian aw, mite'n nang hung phat hen la, nam zousiah in nang hung phat hen. Namte kipak henla, nuam in laa sa uh hen aw" (Sam. 67:3-4) a chi hi.

Biakpiakna pen missions kuantohna laigil ahi a, biakpiakna tawh Pasian ngaihnatna in, Pasian thugenna (preaching) a piangsak hi. Aziak pen, leitung mihingte'n i lungsim ua om khalou thute a kimokgen theikei hi. Tuaziak in biakpiakna tawh Pasian ngaihnatna lou in kuamah in Pasian thu a hihna bangtak in a genkhetheikei diing hi. Tualeh missionarite'n zong, biakpiakna leh Pasian ngaihnatna panglou in "Nam tengteng aw Toupa ah nuam un" achi theikei diing uh hi. Kuamah in lungtang a kipan lou in, "Kei Toupa ah nuam diing  hi'ing… nang ah kipak leh lung nuam ut hi'ing, tungnung pen aw, na min phat nuam ingh" (Sam. 104:34; 9:2) a chi theikei ding hi. Missions kipatna leh tawpna ahihleh Biakpiakna ahi hi. Tuaziak in hih Biakpiakna pen leitung a sil thupi leh thathoh-huai mahmahte lak ah a khatna ahi i chi uh hi. 

Pasian thupina delh a kalsuanna pen, thupiak bang ahi kei a,  mihing hoihna, lungtang a kipan a deihthohna leh Saptuam a diing a biakna a pawimoh masapen ahihkei leh, mihingte'n Pasian nna a sepna uah semtu hoih hihna a tang ngaikei ding ua, Pasian zong sangtak a pahtawi leh phat in a omkei ding hi. Missions beisak tani hang chi a agen kahi kei a, hinanleh Pasian thupina a lianzaw a phat a a omtheihna diing a gen ka hizaw hi. Pasian biakna diing a, a kilawmna chiangtan a a ki-biak chiang, Pasian biakna pen mei kuang ingh bang ding a, tua biakpiakna mei kuang in missions  ing salhvak pempom ding a, tua mission vaak in, leitung pumpi mial sah bikbek nuai a awm mite ing taan vak ding hi. Tua hun a hung tun ding kal ngaklah na in i kidim uh hi.

Pasian ngaihnatna leh veinatna a kiam a, a haatlah deuh chiang, Mission nna sepnate zong a haatkei hi. Saptuam khat peuhpeuh in Pasian hihna leh zah-omnate leh a hoihnate a laapsan or a tawisangkei leh, "Namte lak ah a thupina phuang un" (Sam. 63:3) chih thu a lung-gulhtheih tei tei ding uh ahi. 

Leitung a Sil Thupi Thathoh-huai Nihna

Missions sung a diing a ngaihtuah leh kikup diing a poimawh leh thukhok mahmah khat ahihleh, "Saptuam laizang laigil laitak a Pasian a omna" chih hi. Mi zousiah in Pasian thupina leh vaangletna lamdang a saktheihkei uh leh bangchiin ama'un, "Toupa a vaanglian a, thupitak a phat ding ahi; amah Pasian dangte tengteng saang a lauzawk ding ahi" (Sam. 96:4) achi thei ding uai? Missions ahihleh amasa pen leh a poimawh pen a hikei a, hinanleh Pasian ahi zaw hi. Hih thudik pen, missionarite tungtawn a muhtheih diing in a om hi. Aziak pen missionarit'en sih tanpha a ana thuakna un Pasian thupina leh vaangletna agen hi. William Carey, modern missionpa chih min piak a om pa'n, England apan in India ah 1739 in long (tui tung apai nate) zangh in ahung pai a, amah thugen tawh zong hih thute in ki-chimatna anei hi, hih anuai ah i en ding uhi.

England ka nutsiat in, India pianthakna (kikhekna) diing a ka kinepna a lian mahmah  hi; hilezong  tuate lak ah haksatna tampi a om hi. Pasian in a hung chihpihkei leh, hih pen a sithei (beithei) lel ahi. Hilezong Pasian ka nei a, a thu zong a muan huai hi. Mi zousiah in hung taimangsan in, thuakgimna chinteng hung thuaksak le-uh zong, ka ginna, a muan huai Pasian thu sung a om pen in, gentheihna zousiah leh hatsatna chiteng a pan a hung thousak hi. Pasian nna leh silte in a gualzou zeel ding hi.1

Carey leh amah bang a tuul a simte'n Pasian gualzohna leh lawhchinna thupitak muhkholhna in nna a semsak a, a lam uh zong a kaihsak hi. Hibang muhkholhna a om masak teitei ding ahi. Aziak pen, muhmasakna in tha a hung guan a, tua tha mah tawh maa a kitun zou hi. Pasian biakpiakna a limna leh chi bang a a alna pen missions kekletna leh khantouhna ahi hi.

Leitung a om taangthu zousiah, tup-le-ngim khat nei in a pai a, tua pen leitung leh a sung a om mi zousiah lak a Pasian tapa Jesu Khrist leh Pa Pasian thupitak a biakna diing ahi.

Mission ahihleh, i ngimna uh leh i tuppipen uh ahi kei a, hilezong a lampi ahi zaw hi. Tua ahi leitung a silthupi tha thoh-huai nihna.

TOUPA'N THUPHA HUNG PETA HEN

Share:

Read full story►

NAMTE NUAM UH HEN

NAMTE NUAM UH HEN (E001)

By: Pastor Thangdoulal

Asung A Thu Omte

1.     Thupatna

2. Leitunga Sil Thupi Tha Thoh-Huai Khatna

3. Leitunga Sil Thupi Tha Thoh-Huai Nihna

3. Pasian A Pasian A Diing A A Puannatna, Eite Kiphuh Khiatna Bulpi Ahih Ding Ahi

5. Missions Tha Haatna Ahihleh Biak Piakna Ahi

6. Pasian Khat Chauh In Amah Ngak Mite A Diing In Nna Asep Sak Hi

A. Sumtong Pasian

B. Bible Sung A Kimu Pasian

7. Leitung A Message Genzaaktheih Pen

8. Pasian Nna Sepna Diing A Sawlkhiakna Nasepte Tung A Pasian A Thupi Penpen Ahihna, Laisiangthou In A Gendaan. 

9. Amin Ziak A Inn Leh Lou Nutsiatna

10. Pasian Min A Kizahtatna Diing A Missionary Thu-Ngetna

11. Amin Ziak A Bangzah A, A Thuakgim Diing Hita

12. Namte Lak Ah Amin Ziak In

13. Kha Mangthang Itna A Haatlouh Ni A Mission Tha Haatna

14. Kahitui Pawtsak Ittna Lamdang

15. Pasian Sapna 

THU PATNA

Lungkimna leh lungnopna saang a poimohzaw na hinkhua a om bang hiva na chi ei? Gimgentheihna tuam-tuamte leh i sil deihte uh, i neihtheihna diing ua zum-le-zah khawksalou a i om teitoi ua, i pan chiai chuaidaante uh, na ngaih sut zeel-zeel ei? Na hinkhua zakdaan lamdang nasa ei? Bang ziak a eite hichi ita diing uai le, chih na ngaihsut ngai ei? Ngaihsut diing a poimoh mahmah in ka thei hi.

Mihingte'n leitung a i silbawlte uh, i gentheihnate tengteng uh, leh i omdaan leh hinkhua zakdaante tengteng ki-khaikhawmna bulpi khat a om a, tua pen lungkimna leh lungnopna ahi. Hih lungkimna leh lungnopna i neihtheihna ding un, zum-huaina tampi i thuak mualsuak uhi. Aziak pen zum-huainate mihingte a diing in i gou neihsun uh ahi a, tualeh hih zum-huainate pen i mihing hinkhua uh mizia leh mi hihna zong ahi hi. 

Etsakna dingin:

Ta-le-nau deihna in mihingte numei leh pasal kaal a zum-huainate apan a hung kideksak zoukei hi.

Gilkialna in nek-le-dawn zumnate a pan ahung kideksak zoukei hi.

Sum-le-pai deihna in zumloutak in nna (sil) tuamtuam a hung semsak hi. Tualeh hih zum-huainate apan a hung kideksak zoulou sil tampi a om hi. 

Hibang a mihingte'n zum-huainate zum-huaina a simlou a, lungkimna leh lungnopna i na zon uh ahi. Hinanleh lungkimna leh lungnopna diktak i mu zoukei uhi. Aziak pen, eite'n zum-huainate a pan a i na zon ziak uh ahi hi. Hinanleh eite a diing in lampi khat a omlai a, tua pen Pasian sung ah ahi hi. 

Hih Pasian sung a om lungkimna leh lungnopna mihingte'n i muh ua, i neih ua, i tan diing uh pen Pasian deihna leh lungkimna zong ahi hi. Tuaziak in Pasian in leitung ah, amah lungkimna leh mihingte lungkimna a kituak-theihna diing in a mission (nna sepna) a hung phutkhia hi.

Tualeh, Mission i chih uh kammal pen ei haam in sawlte chih na ahi a, Laisiangthou suutdaan in hih kammal pen "misio dei" chih a pan a kilasawn, Pasian sawlte chihna ahi hi. Tuaziak in mission kichi khat pouh-pouh pen, mihingte a a hikei a, Pasian a ahi zaw hi. Mihingte'n Pasian mission nna i seppih uh ahi a, tuaziak in eite pen 'just partaker in God's mission' (Pasian nna sepna a pangte) i hi uhi. 

Tuabaan ah, 'Missions' chih kammal pen 'pasian nna sepna dinga sawlkhiatna nna septe,' chiin i zang ding uhi. Aziak pen Pasian (mission) sawlte lak ah eite zong i pang uh hi. Hih Pasian mission in atup leh a ngim pipen ahihleh, Nam zousiah, Haam zousiah,  leh mihing zousiah in, Pasian sung a lungkimna leh nuamna i muh chiatna diing uh ahi a, hih pen Pasian lungkimna leh nuamna zong ahi. Tuaziak in "Namte Nuam Uh Hen" (let the nations be glad) chih minpua in hih thu i ngaihsut khawm diing uh hi. Nam zousiah in lungkimna a neih ua, a lungkimna ua Pasian zong a lungkimtheihna diing in, Pasian lungsim zong leh ngaihsut kawm in guntutak in i sim diing uh hi.

Leitung a Sil Thupi Thathoh-huai Khatna

Leitung ah sil thupi leh thathoh-huai a tam in atam a, khat-khat a suut a suut seng zawh ding zong a hikei ding hi. Aziak pen leitung mihingte deihlam leh kilopnalamte a kibangkei a, kei a diing a sil thupi leh thathoh-huaite gen lengh, midangte a diing in a na hou (simple) mahma diing a, midangte'n zong ama'uh a diing a sil thupi leh thathoh-huaite gen le-uh, kei a diing in a na-hou (simple) mahmah maithei diing hi. Tuaziak in, hih leitung a sil thupi leh thathoh-huai pen, ei mihing mit pan a enlou in Pasian mit tawh i et diing uh ahi, chiin i kichial masa uh hi.

Leitung pumpi a saptuam (Churches) kichi zousiah in a tup uh leh a ngim uh a thupi penpen bang a diai? I chih leh, mi taangpite ngaihdaan in missions ahikha diing hi. Aziak pen Pasian nnate sepna ahi hi. Hlezong Saptuam tup leh ngim pipen missions hilou in Biakpiakna (worship) ahi hi. Tualeh Pasian nna sepna tuam-tuamte tuni dong a om a, a hinlai ziak ahihleh, Biakpiakna Pasian piak diing pen a hin tawntunglouh ziak ahi hi. Tuaziak in Biakpiakna pen Saptuam a diing a athupi penpen leh, a bulpi penpen ahi a, Pasian nasepna tuam-tuamte (missions) a na hikei hi. Aziak pen Pasian ahihleh Saptuamte a diing a a bulpi penpen uh ahi a, mihingte a hikei hi. Hih leitung nite a hung bei chiang, sim senglouh hutdamta, a siing a sangte'n Pa Pasian laltouna mai a khupdin a, amai a akuun chiang un (missions) Pasian nasepna tuam-tuamte a om nonta kei ding hi. Hinanleh Biakpiakna pen taangtawn taangtawn in a omden diing hi.

Tuaziak in, Pasian nasepna tuam-tuamte (missions)  kuantoh, leh ngim pipen ahihleh Biakpiakna ahi hi. Biakpiakna kichi, missions tup leh ngim a hihna ziak pen, Pasian thupina sung a nopsatak a Pasian biakna a Nam zousiah puaklut diing deihna ziak ahi hi. Tualeh Pasian nna sepna tuam-tuamte tup-le-ngim laigil penpen ahihleh Pasian thupina leh vaangletna sung a mihonpite lungdamna ahi hi. Laisiangthou in, "Toupa'n vaaihawm hi. Leitung nuam henla, tuikulh gam zousiah kipak hen" (Sam. 97:1) a chi a, "Pasian aw, mite'n nang hung phat hen la, nam zousiah in nang hung phat hen. Namte kipak henla, nuam in laa sa uh hen aw" (Sam. 67:3-4) a chi hi.

Biakpiakna pen missions kuantohna laigil ahi a, biakpiakna tawh Pasian ngaihnatna in, Pasian thugenna (preaching) a piangsak hi. Aziak pen, leitung mihingte'n i lungsim ua om khalou thute a kimokgen theikei hi. Tuaziak in biakpiakna tawh Pasian ngaihnatna lou in kuamah in Pasian thu a hihna bangtak in a genkhetheikei diing hi. Tualeh missionarite'n zong, biakpiakna leh Pasian ngaihnatna panglou in "Nam tengteng aw Toupa ah nuam un" achi theikei diing uh hi. Kuamah in lungtang a kipan lou in, "Kei Toupa ah nuam diing  hi'ing… nang ah kipak leh lung nuam ut hi'ing, tungnung pen aw, na min phat nuam ingh" (Sam. 104:34; 9:2) a chi theikei ding hi. Missions kipatna leh tawpna ahihleh Biakpiakna ahi hi. Tuaziak in hih Biakpiakna pen leitung a sil thupi leh thathoh-huai mahmahte lak ah a khatna ahi i chi uh hi. 

Pasian thupina delh a kalsuanna pen, thupiak bang ahi kei a,  mihing hoihna, lungtang a kipan a deihthohna leh Saptuam a diing a biakna a pawimoh masapen ahihkei leh, mihingte'n Pasian nna a sepna uah semtu hoih hihna a tang ngaikei ding ua, Pasian zong sangtak a pahtawi leh phat in a omkei ding hi. Missions beisak tani hang chi a agen kahi kei a, hinanleh Pasian thupina a lianzaw a phat a a omtheihna diing a gen ka hizaw hi. Pasian biakna diing a, a kilawmna chiangtan a a ki-biak chiang, Pasian biakna pen mei kuang ingh bang ding a, tua biakpiakna mei kuang in missions  ing salhvak pempom ding a, tua mission vaak in, leitung pumpi mial sah bikbek nuai a awm mite ing taan vak ding hi. Tua hun a hung tun ding kal ngaklah na in i kidim uh hi.

Pasian ngaihnatna leh veinatna a kiam a, a haatlah deuh chiang, Mission nna sepnate zong a haatkei hi. Saptuam khat peuhpeuh in Pasian hihna leh zah-omnate leh a hoihnate a laapsan or a tawisangkei leh, "Namte lak ah a thupina phuang un" (Sam. 63:3) chih thu a lung-gulhtheih tei tei ding uh ahi. 

Leitung a Sil Thupi Thathoh-huai Nihna

Missions sung a diing a ngaihtuah leh kikup diing a poimawh leh thukhok mahmah khat ahihleh, "Saptuam laizang laigil laitak a Pasian a omna" chih hi. Mi zousiah in Pasian thupina leh vaangletna lamdang a saktheihkei uh leh bangchiin ama'un, "Toupa a vaanglian a, thupitak a phat ding ahi; amah Pasian dangte tengteng saang a lauzawk ding ahi" (Sam. 96:4) achi thei ding uai? Missions ahihleh amasa pen leh a poimawh pen a hikei a, hinanleh Pasian ahi zaw hi. Hih thudik pen, missionarite tungtawn a muhtheih diing in a om hi. Aziak pen missionarit'en sih tanpha a ana thuakna un Pasian thupina leh vaangletna agen hi. William Carey, modern missionpa chih min piak a om pa'n, England apan in India ah 1739 in long (tui tung apai nate) zangh in ahung pai a, amah thugen tawh zong hih thute in ki-chimatna anei hi, hih anuai ah i en ding uhi.

England ka nutsiat in, India pianthakna (kikhekna) diing a ka kinepna a lian mahmah  hi; hilezong  tuate lak ah haksatna tampi a om hi. Pasian in a hung chihpihkei leh, hih pen a sithei (beithei) lel ahi. Hilezong Pasian ka nei a, a thu zong a muan huai hi. Mi zousiah in hung taimangsan in, thuakgimna chinteng hung thuaksak le-uh zong, ka ginna, a muan huai Pasian thu sung a om pen in, gentheihna zousiah leh hatsatna chiteng a pan a hung thousak hi. Pasian nna leh silte in a gualzou zeel ding hi.1

Carey leh amah bang a tuul a simte'n Pasian gualzohna leh lawhchinna thupitak muhkholhna in nna a semsak a, a lam uh zong a kaihsak hi. Hibang muhkholhna a om masak teitei ding ahi. Aziak pen, muhmasakna in tha a hung guan a, tua tha mah tawh maa a kitun zou hi. Pasian biakpiakna a limna leh chi bang a a alna pen missions kekletna leh khantouhna ahi hi.

Leitung a om taangthu zousiah, tup-le-ngim khat nei in a pai a, tua pen leitung leh a sung a om mi zousiah lak a Pasian tapa Jesu Khrist leh Pa Pasian thupitak a biakna diing ahi.

Mission ahihleh, i ngimna uh leh i tuppipen uh ahi kei a, hilezong a lampi ahi zaw hi. Tua ahi leitung a silthupi tha thoh-huai nihna.

Share:

Read full story►

NAMTE NUAM UH HEN (E003) TOPIC: Missions Tha Haatna Ahihleh Biakpiakna Ahi By: Pastor Thangdoulal Suantak

Pasian in a dinmun leh thu neihna saang pen a neihdaan a ngaihsut leh koihna sung ah, itna a omsak a, tualeh hih Pasian lunggil sung pen, itna a hung kipatna leh itna a pumdim, leh itna zungpi zong ahi hi. Hih Pasian lungkimnna bukimtak pen amah (Pasian) a om bukimnate ah a om hi. Hih amah (Pasian) a om bukimnate ah Pasian lungdamna leh nuamnate a hung luangleet a, hih Pasian lungdamna leh lungkimna luangleet pen Nam zousiah kiang a genzaak leh Namte tengteng tawh kipak leh lungkimtak a omkhawm diing pen Pasian deihlam leh kipakna lamtak ahihbaan ah, Pasian in a lunggulh mahmah sil zong ahi hi. Tualeh i na gen taaksa mahbang in Biakpiakna ahihleh eite kha-lam, a hung kuantohtu leh hung haatsaktu ahihna baan ah, hih biakpiakna in eite missions ah a hung puiluut hi, aziak ahihleh Biakpiakna pen Pasian tha thousaktu leh kipaksaktu ahi a, tualeh Pasian in leitung a mission nna sep a hung patkhiat a, mission a hung bawlna diing a tawsot/kangsaktu pipen zong Biakpiakna mah ana hihziak ahi hi.

Biakpiakna in eite Pasian mission a a hung puiluut tawh kiton in, Biakpiakna pen Pasian tup leh ngim thupi pen a hung hita hi. Tua ahi eite'n Missions i bawlna ziak diktak uh. Biakpiakna in eite Missions ah a hung puiluut hi. Aziak ahihleh Biakpiakna in i Pasian uh Missions ah a pui/kaihluut hi.

Pasian in Pasian a diing a a veinatna leh puaknatnate tengteng akipan in Missions a hung piangkhia or momkhia a, tualeh hih Pasian lunggil sung a kipan a hung piangkhia or momkhia Missions sung ah, Namte tengteng in zong dinmun poimawhtak a tuuk diing uh or panna a neih teitei diing uh pen, Pasian in Amah sung ah veinatna taktak anei hi. (Laisiangthou en ut te adingin: Johan. 15:11; 17:13, 26; Mathai. 25:21, 23). 

Missionary enterprise tuamtuamte leh Pasian nna sepna tuamtuamte tengteng hihtheihna, thu neihna leh tha haatna zousiah pen, Pasian mission naa sem diing a tawsottu (God's fuel) leh Pasian tup leh ngimte (God's goal) kigawm khawmna leh kipum khatna a kipan a hung potkhia ahih teitei diing ahi a, tua pen ahih leh Biakpiakna a kipum khat diing chih na ahi. Tuaziak in Biakpiakna pen Missions tha haatna bulpi leh zungpi ahi hi.

Toupa'n Thupha Hung Peta Hen

KHALVONTAWI

VOICE OF THANGKHAL

Share:

Read full story►

Pasian Phatna leh Biakna. By: Pastor Thangdoulal

"Pasian  ahihleh kha ahi a, a bia mite'n kha leh thutak a a biak diing uh ahi" john 4:24

Thupatna

 

Tulai in Pasian phatdan a tuamtuam tampi a om a, i theih ngai leh i muh ngailouh uh biakpiakna muhthak diing leh theihthak diing a nisial phial in omta hi. Sahkhua dangdangte genlouh Khristian sahkhua zuite nasan in zong, eima eima saptuam paidan (thugin) dungzui in Phatna leh Biakpiakna dante a kinei chiatta hi. Tua ahihziak in phatna/biakpiakna diktak bang chi neihtheih diing e? chih mi tamtakte lunggel ahita hi. 

Bible in, "1 Toupa phat un! Pasian a mun siangthou ah phat unla; huihkhua a a vangletna ah amah phat un! 2 A silbawl thupitakte ziak in amah phat unla; tehpihbei a a vangletna tawh kituak in Amah phat un! 3 Pêngkul ging tawh amah phat unla; tumging guisawmnei leh gawsemte tawh amah phat un! 4 Laam leh khuangta bekthawh in amah phat unla; tumging guineite leh theilee in amah phat un! 5 Sikdaak-tahtuah ging zuazuate tawh amah phat unla; sik tahtuah gin-ngaihte tawh amah phat un! 6 A nak thei zousiah in Toupa phat uhen! Toupa phat un!" (Laate 150: 1-6) in a na chi ahih man in phatna omdante enthak ni:

1. Kha tawh Pasian phatna, 

2. Hinna tawh Pasian phatna leh 

3. Pumpi tawh Pasian phatnate Bible ah kimuthei hi.

Pasian thu in a gen bang in, "Na kha uh leh, na hinna (lungsim) uh leh na taksa (pumpi) uh, i Toupa hung pai chiang a gensiatbei diing in…." (1Thes. 5:23) a na chih bang in mihingte pen, thum gawm khat: Kha, Hinna, leh Pumpi nei a bawl i hi uh hi. 

I Kha uh ahihleh a piangthak pen ahi a, Pasian Kha Siangthou teenna ahi hi. I Hinna uh pen, I lungsim uh leh, I thathohnana uh, kilawpna hung pia pen ahi. Tualeh I Pumpi uh pen, leitang ahi a, leitung a hung hingsakthei pen ahi. (Leitang I hihziak ua leitung a hing leh dam a omthei I hi uh hi).

Eite pen, Laate 103:1na a Kumpi David genbang a, i pumpi uh, i kha uh, leh i hinna ua Pasian phat diingte i hi uh hi. Thukhunthak ah zong, "Na pumpi uh leh na kha uh tawh Pasian phat un, huate pen Pasian a ahi," (1Kor 6:20) a na chi hi.

Akhoi-abang hitaleh, phatna tawh kisai a theihna kichianzaw i neihna diing un hih a nuai a thugualte en in, thusuutna i nei diing uh hi.

1. KHA TAWH PASIAN PHATNA:

John 4:23 Hinanleh ahun hung tung ding ahita, tu mahmah in zong atung hi, hua hun chiangin abe taktak ten Kha leh thutak in Pa abe-ding uhi, aziak pen Pa in hibang mi Amah be-ding a zong hi. 24 Pasian ahihleh kha ahi a, abia miten Kha leh thutak a abiak ding uh ahi, achi hi. 

Hih Kha tawh Pasian Phatna pen, tu dong a biakna paidante hikhalou ahi- Laisiangthou Thukhunlui hi-in Thukhunthak hitaleh, Pasian I biak diing dan uh tangtak a hung hilhna ahihke'h a kigenna, Kha leh Thutak, chihlouh a omkei hi. Saptuam khenkhat in Pasian biak diingdan ama'uh saptuam ah a septuam ua, tuate ahihleh; Mipi laa sak khawmnate, Bible simnate, Khuailu veivaak detnate, Gimnamtui haalnate, Bukimtheihna diing a bang hiam koihnate, Thukhunte, Zem tuamtuamte, Maitaam leh Sil chii tuamtuam, Upate leh Pastorte, Evangelistte, Missionaryte kizep diing dante a nei ua, mipite'n lah Nipini Puansilh a nei tuam uh hi. Baptist saptuamte'n a taangpi in Biakna laa sak khawmna leh thugenna (sermon) chihte a paipih deuh ua, tumging tuamtuamte zang in Pasian biakna a nei uh hi.

Hih a tung a i gen uh biakna dante pen, saptuam in zuih diing a a bawlthoh biakna, eima hihtheihdan tawh kituak a kizakna, tumging siamte tumginglam ah, laa siamte laa sakna lam a i kizakdante uh ahi a, hihte pen Biak-inn sung kizaknate ahi. Kha leh Thutak a Pasian phatna pen hibangte hikhalou hi.

2. HINNA (Lungsim, Utna, Thathohna) TAWH PASIAN PHATNA:

 

"Ka hinna aw, Toupa phat inla, ka sung a om tengteng aw, a min siangthou phat un," Laate 103:1.

Eite pen, thathohna/kilawpna neithei mihingte i hihziak un Pasian in i hinna uh Amah phatna a dim diing in deih hi. Biakpiakna diing in tumgingte  poimawh masapen kei lezong, a chii (thu) a diing a lei (hinna) bawl masa or a lou khou masatu ahi.

2Kumpite 3:15; "Hilezong, tumging tumsiam khat hung zawhpih un," a chi hi.Tua tumging tumsiam in tumging a tum leh, Toupa sil bawltheihna a tung ah a hung om hi."

Tumging i chih uh leitung a sil bawltheitak leh mite thuzawhthei, a thakhauh mahmah silk hat ahihziak in, Star Spangled Banner chihte, Seregamapa chihte, leh ei gam a band khenkhatte bang, ama'uh hunlai in a minthang mahmah uh hi (Mite hinna (lungsim, utna, thathohna) zou gawp ngiingeei chihna ahi). Tua ahihziak in Setan in gamtat hoihlou (Pasian thukhun khengval a gamtatna) a mite kaihlutna diing in pilvangtak in zang hi.

Saptuam sung ah zong, hinna a thathohna /kilawpna pen kha-mitna or Pasian kha ompihna tanna dan a ngai in, tamveipi i theikhial uh hi. Tumging tawh kisai a chiindan khenkhat ahihleh, kha-mitna dan in kimukhial thei hi. Tualeh kha-mitna hibang diing ahi chi a Pasian in a na guat bangmah omlou ahihlam kitheilou kha-zel mawk hi. Biakna late hi-in Pasian it late hitalezong, laa kihotte, laa nguuite, leh Southern gospelte hita le-uh zong, Pasian tapna leh ompihna pen, kha leh thutak ah chihlouh in omlou hi.

Sap laa sa minthang, Southern Gospel Band, Hill Songs, Brownsville Music Band, Bill Gaither, Fred Smith, leh Sunshine Boys, i chihte uh zong, kha leh thutak a Pasian i biak theih na diing ua a lei (Hinna: lungsim, utna, thathohna) khou masa leh bawlte ahi uh hi. Saptuam lamkai minthang Lyle Shaller in, "Tulai saptuam sungte ah, thuginpi panna diing mun ah tumgingte a pangta hi," chi-a a gen bang sim in, saptuam tamzawte ah, i biakna neihdante uh i kilasawn ua, kikhop chiang a i vaiguan paidante hibang diing hikei, hibang diing hizaw, chih bang a tam mahmah hi. Hibang ahih ziak in, Saptuam khenkhat in "Traditional Service, leh Contemporary Service," a neihlawh uh hi.

"Tuachi`n Jesu`n akiang uah, 'Tuaziak in laigelhmi van-gam hilh a om zousiah, innneipa a goubawm a kipan a sillui leh silthak hung pholhkhe bang ahi,' achi hi."

Biakna tawh kisai in khenkhatte'n Pasian it late, Biakna late, Laa Siangthoute pen, saktaak i sakei ua, halhthakna laa, laa tom, laamtheih paina diing laate i deih bawlzaw uh hi. Tuaziak in i laa sak utte uh a kibang kimkei hi. Hilezong a taktak a chih in, Pasian phatna laate leh tumgingte i neih uh sil hamphat huai mahmah khat ahi a, tualeh hoih i sak chiat uh leh I deih chiat diing uh ka taksang hi. Hitalezong, "Kha leh Thutak" a Pasian biakna pen, ei utdan, ei kilawpdan, ei hoihsakdan bang ahikei a, Pasian hoihsakdan, deihdan, leh utdan biakna a hizaw hi. 

3. Taksa tawh Pasian Phatna:

I taksa uh pen, phatna leh biakna vanzak manpha a hih diing ahi. Hih tawh kisai thu, Bible in a na hahgen mahmah hi. Tuate ahihleh hih a nuai a bang ahi:

1. "Mi zousiah aw, na khutte uh beeng un…" Laate 47:1.

2. "Kipakna aw tawh Pasian phat in kikou un." Laate 47:1.

3. "Aw hungpai un, kuun in i be diing uhi, 

4. Toupa eite hungbawlpa mai ah i khupdin diing uhi!" Laate 95:6.

5. "Upa sawmnih leh lite pen laltouna tung a tou-pa maiah khupbok in tangtawn tangtawn a hingjingpa abia," Kil 4:10

6. "Ka khutte domsang in na min ka lou diing hi." Laate 63:4

7. "Laam leh khuangta bekthawh in amah phat un" Laate 150:4  

ETSAKNA:

1. Barak (HB): Phatna leh pahtawina lahna diing a khupdinna, kipakpihna, or Salaam bukna- Vai 5:2-3

2. Yadah (HB): Bante laamtou a phatna/Biakna- Laate 67:3; 107:8,15,21,31.

3. Towdah (HB): Bante laamtou a phatna- Laate 100.

4. Shabach (HB): Kam a Phatna Phuanna- Laate 63:3

5. Halal (HB): Kilahkhiatna or mimaw omdan tawh kibang phatna- Laate 22:23; 119:164; 1Khang 16:4,7,25,36; Ezra 3:10; Neh 12:24.

6. Guwl (HB): Lungsim kilawpna ziak a kipumpeina- Zeph 3:17b; 1Khang 15:29; 2Sam 6:14.

7. Shachah (HB): Khupbok, Bokbak, Tualpuang a kiliik zen a phatna leh zahna piakna- Laate 29:2; 95:6.

Hibang teng ahihziak in, Biakna in eite leh Pasian hung kisamatsak hi.

Ngaihtuahna Tawpna:

Vaangam ah laisimna, thungetna, an ngawlna, Jesu theihpih a panna, leh silpiakte piakna chihte a om nawnkei diing hi. BANG I BAWLTA DII UAI LE? … "Hua ganhing li, kha gukchiat neite pen a kimkual leh a sunglam ua mit a dim ahi ua, tualeh ama'un sun leh zan a tawlngalou in: "Siangthou, siangthou, siangthou, Toupa Pasian bangkim bawlthei, omsa leh omzing leh hung om diing," achi uhi. Hua ganhing lite`n laltouna tung a tou-pa tangtawn a hingzingpa kiang ah thupina leh zahna pia a kipahthu a gentak un, upa sawmnih leh lite pen laltouna tung a tou-pa mai ah khupbok in tangtawn tangtawn a hingzingpa abia ua; tualeh hua laltouna mai ah a lallukhute uh koihkhia in, "Aw Toupa nang pen, thupinate, zahnate, leh thuneihna tangtaak na hi, aziak nangman sil zousiah nabawl a, tualeh nangma deihna bang a siam ahi uh," achi uhi. Kil. 4:8-11.

Toupa'n Thupha Hung Pia Hen

KHALVONTAWI

VOICE OF THANGKHAL

Share:

Read full story►

PASIAN IN APASIAN ADINGA APUAK NATNA EITE KIPHUH KHIATNA BULPI AHIH DING AHI

Pasian in a pasian a ding a a puaknatna ngaihsut khalou leh theih phak a zong neilou in Pasian nna sepsak theih na ding in, chi-in tulai mi tamzawte'n missions (Pasian nasepna dinga solkhiakna nasep tuam tuam te) i bol ua, hih pen mimal a pat a mission thak i patkhiatna bek uh hilou in, organization tuam tuam ah zong a awm thei hi. Bangteng hitaleh, uang tak a i gen ut pipen uh ahihleh, Pasian in Pasian a ding a a puaknatna ah eite'n zong i zung uh khawh in, amah (Pasian) nasep kipan theizawta lehang i chizaw uh ahi. 

Hia'h, Pasian in Pasian a ding a puaknatnate eite kiphuh khiatna bulpi ahih diing Pasian deihlam ahihdan leh, Pasian in mi khat leh saptuam khat sung ah, ataktak ahihdan atak langh ut mah mah a, hilezong ama'uhte'n phokkhak leh theihphak in ana nei khakei uh a, tua pen sapte chih dan hileh 'stunning realization' chih ding ahi a. Hih pen Pasian a diing in zong dik mahmah khadiing in ka gingta hi. Aziak ahihleh, mission naseph pen eite'n mohpuakna dan a i ngaih taak man un ahi. Hinanlezong Pasian naseph pen mawhpuakna lam saang in veinatna ahizaw hi.

Bang ziak e i chih leh, Pasian naseph na diing a solkhiakna naseph tuam tuamte (Missions) Pasian tup leh ngim leh lunggulh pipen ana hikha kei a, hitamahleh, Biakpiakna (worship) ana hizaw hi (Missions is not God's ultimate goal, worship is).

Tua ahihziak in (mi kua hitaleh) mi khat pouh pouh lungtang sung a hih sil thupi tak "Pasian Biakna Teng Teng Piak" a poimawh dan leh Pasian a diing a apoimawh pen ahihdan alut a, a tuitum theih leh, amah a diing in sil zousiah a kilamdang mangsiang diing a, zong a kikheng siangta diing hi. Tualeh sil dang tengteng saang in vaannuai pumpi Pasian a diing a zohna diinglam ah amah a hung lunglut zawta diing hi. Tuachiah, sil teng teng (the universe) a muhdan leh a etdan a hung kilamdangta diing a, tualeh missionary enterprise tuam tuamte na-ngawn zong a muhdan leh a etdan  ni dang a te tawh kibangloutak  in a hung kilamdang mangsiangta ding hi.

Tuaziak in, eite'n Pasian min thupitak Namte tung a tawisang a a om i muh diing uh pen, i veinatna uh leh i puaknatnate tengteng uh a hung kiphuh khiatna bulpi ahih diing ahi a, hih pen Pasian in amah leh amah Namte tung ah leh, Namte tengteng in Amin thupitak a, a tawisangna diing ua, a kipuak natna zong ahi hi. Tualeh Pasian pen  mi khotuahsiam, itna bukim nei leh sil zousiah tung a thupi pen leh thu nei pen ahi a, Amah (Pasian) lunggil sung ah Amah bang a lalna leh thupina nei a, ahihna akituhpih theih diing bangmah leh, kuamah a omkei hi. Amah ahihleh a penpen Pa ahi hi. Tualeh Amah (Pasian) pen milim leh sil tuam tuamte bia a hikei a, Aman Ama thupiak masa pen leh lian pen nialna mawng mawng zong a neikei hi. A lungtang tengteng in, a kha tengteng in, a hatna tengteng in leh a lungsim tengteng in, a mi hihna thupitak leh bukimna tuam tuamte tung ah, akipak a, nuam a sa hi.

Leitung mihingte'n zong hih bang in Pasian thupiak masa pen leh lian pen ah kipak in nuamsa thei lehang, i tung uah Pasian a kipak mahmah diing a, i hinkhua uah zong Pasian a thupi pen ding hi. Hih sil zousiah tung a thupit pen diing chih pen, Pasian in amah a diing a a puaknat mahmah lian pen zong ahi hi. Leitung pumpi leh a sung a sil siam zousiah in Pasian a diing a veinatna/puaknatna a neih theih diing uh zong Pasian deih leh lunglamtak ahi hi. Aziak ahihleh leitung khua vaannuai in Pasian a diing a puaknatna taktak leh veinatna taktak a neih theih diing uh pen, Pasian lunggulhna thupitak ahi hi.

Missions (Pasian nna sepna diing a sawlkhiatna naseph tuam tuamte) tawh kisai a, a taktak leh a diktak ahi chi a, sil dang tamtakte sang a ka theihsiam zawk leh muh chet zawk, Pasian thu in a zoh dimdem mi leh Pasian a diing a hung kipia mite chiamtehna suai (Signature) ahih leh Biakpiakna ahi a, hihpen missions kuantawhtu leh hatsaktu zong ahi hi. Tualeh bang ziak a Pasian a diing a i veinatnate uh leh i puaknatnate un, missions a hatsak a, a kuantawh e? chih hoihtak leh thuktak a i ngaihtuah leh, hihpen Pasian in Pasian a diing a a puaknatna leh veinatna in missions haal in, a hung kangsak a, tuachiin a hung kuang in, a hung hatsak semsem hi. Hia'h Pasian in Pasian a diing a a veinatna leh puaknatnate eite, a diing in Pasian naseph na sung ah, i hatna uh leh, i khantouhna uh bulpi ahih teitei zawk ding ahi. Huabang hilou a, nasepdan a sepna in a hung khangtousak kei maithei diing hi. Pasian lungtang leh lungsim leh veinatnate tengteng eimah a, a om keileh i Pasian naseph na uah i bah un i khangtou theikei diing uhi.

Tun nang diing in, Missions i chih uh, Pasian nna sepna diing a solkhiakna nasep tuam tuamte bang ahi tai le!..... Missions i chih uh i saptuam uh leh i pawlpi un i neihte uh, a khantouh theih na diing in Pasian lungsim puak ngai/poimoh nasa tai le? Ngai or poimawh talua ahi. Pasian lungsim pawtheilou a, Pasian nasemte i hihkhaak diing uh lau huai hi. Aziak pen Pasian gam khangtou theilou diing chihna ahi. Tuaziak in, a taktak a chih in Missions ahihleh, Pasian sung a i kipakna uh luangletna or dimletna ahih diing ahi. Aziak ahihleh Pasian nna sepna diing a sawlkhiakna nasep tuam tuamte pen, Pasian in a Pasian hihna sung a a lungdamna luangletna ahi hi. Tualeh (Missions) Pasian nna sepna diing a sawlkhiakna nasep tuam tuamte tup leh ngim thupi pen pen ahihleh Biakpiakna (Worship) ahi a, hihpen bang ziak hi ding hiam chi a, aziak diing, a thukthei pen a i ngaihsut leh, hih Biakpiakna (Worship) pen Pasian tup leh ngim thupi pen ana hi a, (missions) Pasian nna sepna diing a sawlkhiakna nasep tuam tuamte a na hikha kei hi. Nam zousiah in Pasian a phat ua, a biak diing uh deihna ziak a tawlnga mawng mawnglou a, Pasian in Namte tuni tan a, a nung uh a zuih tawntungna pen, Laisiangthou in agen dan dung jui in eite zong hih *"Nam zousiah in Pasian a biak diing uh"* tupna leh ngimna nei diing a theih chetna tawh laklut i hi uhi. "Nam teng teng aw, Toupa phat un; mi teng teng aw amah tawisang un" (Sam. 117:1). Hih Pasian tup leh ngim ahih taak leh, eite a diing a zong i tup uh leh i ngim uh a hih diing ahi (If it is God's goal, it must be our goal).

TOUPA'N THUPHA HUNG PIA HEN....

By: Pastor Thangdoulal

KHALVONTAWI

VOICE OF THANGKHAL

Share:

Read full story►

JESU MIN A NA KIKHEELNA GEN DIING NA NEI HIAM? By: Pastor Thangdoulal

Jesu Khrist nung ka zuihkhawmpih saptuamte, i Pa Pasian, Tapa Pasian, Kha Siangthou Pasian min in, kei leh ka innkuante'n lung kituaktak in, Innmun pan in chibai ka hung buk hi.

BIBLE: Nas. 2:8, "Bang chidan a i un ua i pianpih ham chiat ua i zak theih uh e?"

Jesu Khrist gingta a, Jesu nungzui diing a kipia a, Pa Pasian, Tapa Pasian, Kha Siangthou Pasian min a baptima tangte hinkhua pen, a taktak a chih in 'Kibungbukleh' hinkhua ahi.

Etsakna:

 

1. Sawltaak Paul: Paul in a hinkhua a Jesu Khrist a kituahpih masang in Jesu Khrist a hinna taangthupha gente leh a gingtate gawt a, Jesu Khrist a kituahpih khit in, amah-mah a gen pen leh a gingta pen in pang hi.

2. Sawltaak Matthew: Matthew pen sawlkal nna sem, siah khon a pang mi khat ahi. Jesu tawh a kituah ua kipan in a nna sep nusia a, Jesu nung zui hi.

3. Kei: Kei pen ni danglai a teep-le-muam zongsang mi khat ka hi a, a tomlam a gen in, khase baih, hehbaih, leh mi dangte theihsiamna neilou mi ka hi hi. Ni dang a ka zongsat nna leh silte Jesu min in ka tawpsan a, Ka hinna Jesu a diing a ka app dungzui in Jesu'n ka hinkhua awl-awl in a hung kheelsak a, hilezong bukimlou ka hihman in, Pasian a ka kisukdikna diingte a kisudik kawm-kawm in, Jesu min in pan ka la hi. 

India a gaalkaap diingte'n, India gaalkaap diing a kipiakna thuchiam (kosom) a neek bang un, Jesu a diing a kipete'n zong, kei pen Jesu a ka hita chih mi zousiah mai a latsakna diing in baptisma i tangh uh hi. Nang bang na chi a? Jesu tawh na kizopna (link na) mite mai a gen diing na nei hiam? Jesu'n na hinkhua ah panmun (part) a nei hiam? Jesu a na pianthak masang leh na pianthak nung hinkhua a kibaklouhna bangbang a om a? Na hinkhua pen Jesu a diing in na zangkha na hiam? Jesu nungzuite hinkhua pen, Jesu nungzui ahih masang ua tawh et in, kibungbuleh hinkhua suak hi. I theihsiam zawkna diing un hih a nuai a bang in i ensuk diing uh hi.

JESU NUNGZUITE KIKHEELNA

1. Nungzuihna pan a Sawltaak Hihna:

Gospel laibu lite i et leh, nungzuite pen nungzui taktak ahi ua, Jesu bawlte en in, a paina ah a zui uh hi. Hilezong nasepte laibu i et leh, gamtuam khat a om mahbang in a na kikheel hi. Nasepte laibu ah, Jesu nungzuite pen nungzuite ahi nawnkei ua, a mi kibang napi mithak hihna a neite uh hi.

A. Ama'uhte nungzui ahi nawnkei ua, Sawltaak ahita uh hi.

B. Ama'uhte Jesu thu gen ngaikhete ahi nawnkei ua, thu gente ahita uh hi.

C. Ama'uhte ni dang in, thu zilte, nungzuite ahi ua, tu'n thuhilhte leh lamkaite ahita uh hi.

2. A Kikheelnate Uh:

A. Ni dang a LST theisiamlou a, Jesu kiang a na thu gente bang na chihna e? chi a dongte ahi ua, tu'n LST theihsiamna a neite uh hi (Matt. 13:36).

B. Ni dang a bangmah bawltheih neiloute ahi ua, tu'n Biakpiakna a Sil Bawltheihna Thak a neita uh hi. Ni danglai a a lawhsapnate uh hih Bible taangte ah muhtheih in om hi; Matt. 10:1; 17:14-21. A tuali uate; Nas. 3:1-10; 5:1-10; 8:20-23; 13:10-12; 9:36-42.

C. Ni dang a mi meipuahte ahi ua, theihpihmi diing a zong chinglou chih ut-huai phialte ahi ua, tu'n Jesu Khrist Theihpihmi Hihna a Hangsanna Thak neita uh hi (Jn. 20:19; Nas. 4:19-20; 5:29).

Jesu nungzuite pen, Jesu nungzui ahih masang uh leh Jesu nungzui ahih nung uh hinkhua i et leh, "Kibungbuleh" vawt hi. Tuaziak in mite'n lamdangsatak in, "Bang chidan a i un ua i pianpih ham chiat ua i zak theih uh e?" chih lawh uh hi.

Nang bang na chi a? 

Na pianthak masang a na duhte mah na duh veve maw? 

Na neekte mah na ne veve maw? 

Lungsim hoihlou mah na paw veve maw?

Na khasiatna diing bek mah na zong veve maw? 

Na teep-le-muamte mah na teep in na muam veve maw? 

Na dawn ngai zute mah na dawn veve maw? 

Na sumduh ngai daan mah in na duhlai veve maw? 

Na thu neih ut ngailai bang mah in, na utlai veve maw? 

A lian pen hih diing na utna bang mah in, na utlai veve maw?

JESU IN NA HINKHUA A KHEELNA BANG E??

Na dawnna tawh kituak in, Toupa'n Thupha Hung Pia Hen…

KHALVONTAWI

VOICE OF THANGKHAL

Share:

Read full story►

JESU KHRIST AH HINNA THAK NA NEITA HIAM? By: Pastor Thangdoulal Thangkhal

Jesu Khrist nung ka zuihkhawmpih saptuamte, i Pa Pasian, Tapa Pasian, Kha Siangthou Pasian min in, kei leh ka innkuante'n lung kituaktak in, Innmun pan in chibai ka hung buk hi.

"Jesu Khrist a hinna thak" i chih uh Pianthakna genna ahi a, hih Pianthakna kichi Sahkhaw zousiah (Biakna zousiah) a diing a thu poimawh penpente lak a khat ahi. Hilezong tuni in Sahkhaw dawngte (Biakna dangte) a diing a Pianthakna kichi bang e, chihlam enlou in Bible gingta a Bible thu zuite i hihman un, Bible in Pianthakna a chih bang e? Chihlampang i enzaw diing uh hi.

Bible a i muh uh Pianthakna pen, "Lungsim lui pen omna mun a lungsim thak koihna (Repositioning the Concept) ahi a, hih pen lungheina, lungsim kheelna, leh hindaanthak a hinkhua zakna chihte ahi. Hibang a hindaan lui a kipan a hindaan thak a kipum kheelna pen Jesu Khrist ginna or taksanna ziak a, Kha Siangthou piak lungsim thak puakna pen, deihthu a neihtheih ahikei a, utthu a zong neihtheihlouh ahi. Tuaziak in, mi khat in a hindaan luite nusia, a lungsim lui pen nusia a, lungsim thak pua a, hindaan thak a hinkhua a zaktheihna diing in thu poimawh mahmah a pom teitei diing thu, hih a nuai a bang ahi.

1. Mi Zousiah Mi Khial Ahi.

1Kum. 8:46… "Kuamah sil bawl khiallou a omkei hi…" Laate. 14: "2Toupa'n vaan a kipan in mihingte lak ah, theihsiamna nei a Pasian zong a om na uai, chi'n a ensuk hi. 3 Hinanleh mihingte a hilou lam a pai in, a unsiang un a na kilehngat mangsiang ua; sil hoih bawl khat zong a omkei ua, khat beek a om kei hi." Rom. 3:23, "… mi zousiah in sil a bawlkhialta ua, Pasian thupina a tangzou kei uh hi." (Bible etbeh na ut leh; Is. 53:6; Elcc. 7:20; Is. 64:6; Ja. 2:10; 1Jn. 1:8; Rom. 3:12). Hih Bible thute'n a gen ahihleh mi zousiah mi khial i hi uh achi ahi. Hih Bible thudik na pomtheih kei leh na Piangthak-thei ngaikei diing hi. Thu khat pouh-pouh a dik i kisak valvalna pen i khelhna lian pen uh ahi.

2. Khelh Man Sihna (Pasian tawh Kikhenna) Ahi.

Rom. 6:23, "… khelhna man sihna ahi…" Is. 59:2, "Na tatsiatnate un na Pasian ua pan in a hung khenkhia a, na khelhna un a meel a liah hi." 2Thes. 1:8, "Meikuang ahung kilak chiangin, Pasian theiloute leh i Toupa Jesu Khrist tangthupha thu mangloute tung ah phuba la in. 9 Hihte zousiah Toupa mai ah leh asil bawltheihna thupitak a kipan in tangtawn manthaina ah gawt in a om ding uhi." Eph. 2:1, "Noute pen, na gamtatvalnate uleh na khelhnate uh ziak a si…" a hung chi hi. Bible in na khelhnate uh ziak a Pasian tawh kikhen, a si ahung chih leh, a chih ahi a, a dik ahi. A khiallou kuamah i omkei uh hi. (LST na etbeh ut leh; Jn. 3:7; Rev. 20:14-15; Ezk. 18:20; 2Kum. 14:6; 22:16-20; Deut. 24:16; Ezk. 18:4; Jer. 31:30; 1Kum. 8:32; Is. 3:10-11; Matt. 16:27; Rom. 2:6-9).

3. Vaangam Pen Mun Siangthou Ahihziak In Mawhna A Omthei Kei Diing.

2Pet. 3:13 ah, "Vaangam pen Diktatna Inn," chi ahihman in mawhna omthei lou diing hi. Rev. 21:27, "Huasung ah bangchik mah in silsianglou, ahihkeileh kihdak-huai leh zuau bawl mawng mawng alutkei ding a. Hinanleh Belamnou laibu a min kigelhte bek a luut diing uh hi." Mawhna kichi a luutlouhna vaangam ahihman in, mawhna a keemdap, a vomdapte vaangam luutlou diing hi.

4. Pasian Bawlsa Vaangam Luutna Diing Mihing In Bawltheih A Neikei Hi.

Eph. 2:8-9, "Pasian hehpihna ziak a ginna tungtawn a hutdam," mihingte i hi ua, ei a pan a bawl diing hiam, sep diing hiam bangmah omlou hi. Gal. 2:16, Dan silte bawl ziak in mi siamtansak in a om kei a, hinanleh Jesu Khrist gintatna liuliau in siamtang in a om uh chih i thei uhi. En zong dan silbawl ziak hilou a, Khrist ginna ziak a siamtang a i omtheihna ding in Jesu Khrist pen i gingta uhi, aziak dan silte bawl ziak in kuamah siamtang in a om kei ding hi." Titus 3:5, "Diktatna eiten i bawlte uh ziak hilou in, pianthakna silna leh Khasiangthou a siamthakna in, leh a (Pasian) zahngaihna dungzui in ahung hundam hi." Hutdam a i omtheihna diing un, bangmah i bawl diing uh omlou hi. An ngawl a kizon ngailou hi. Aziak pen, an ngawlna ahihleh nna sep ahi. Hutdam hihna diing in nn sep poimawh lou a, Bible thu diktak a (Lungsim taktak a pomna) pomna poimawh zaw hi. 

5. Jesu'n I Mawhman Uh Bukimtak A Hung Piaksak In, A Diktatna Hung Pia Hi.

2Kor. 5:21, "Aziak amah (Jesu Khrist a) ah Pasian diktatna i hung hih theihna diing in, khelhna mawng mawng theilou amah (Jesu) pen Pasian in eite ziak in khial in a bawlta hi." Is. 53:6, "I unpi un belaam bang in i vaakmang ua, eima lampi chiat ah i pialmang uh hi. Hilezong Toupa'n Ama tung ah eite mawhna zousiah a ngata hi." 1Pet. 3:18, "Aziak pen Pasian kiang a ahung puitheihna dingin Khrist in zong khialhnate ziak in khatvei a thuakta a, midik in midiklou tangin, taksa in hihlup in a om a, hinanleh kha a suk-hing in a om hi." Hih Bible taangte'n a hung hilhna ahihleh, Jesu'n eite mawhna a pua hi, chih a hi. (Hih tawh kisai a theihbeh ut na neih leh; www.khalvontawi.com ah, Jesu sihna a a mawh kua e? chih thu a na sim in).

6. Hutdam I Hihna Diing Ua Mi Zousiah In I Bawl Diing Uh Ahihleh, Jesu'n Ei A Diing A A Bawl Pen Taksan Diing Ahi.

Jn. 3:16, "Pasian in leitung a it mahmah a, tuachi`n a Tapa tang neihsun apia hi, tuachia Amah gingta zousiahte'n mangthang lou a tangtawn hinna a neih zawkna ding un." Jn. 6:47, "Adiktak in, adiktak in k'ung hilh ahi, kei hung gingtate'n tangtawn hinna aneita uhi." Jn. 1:12, "Amah taksang a, Amin gingta zousiahte, Pasian tate suahsak theihna ding, thuneihna apia hi." Jn. 6:28, "Tuachi`n amau`n akiang ah, Pasian nna ka septheihna ding un bang ahia ka bawl ding uh? achi uhi. 29 Jesu`n adawng a akiang uah, Pasian nasep hih ahi, A hung kisawl mipa taksang un, achi hi." Ginna or taksanna omlou in hutdamna a omkei hi. (Bible na etbeh ut leh; Phil. 3:9; Gal. 3:22-26; Rom. 5:1, 8-11; Nas. 13:38-39).

7. Taangtawn Hinna Na Neita Chih Na Theithei Diing Hi.

(Bible; Rom. 6:23; Jn. 3:16; Jn. 6:47; 1Jn. 5:13, "Tangtawn hinna na neita uh chih na theihna ding un, nou Pasian Tapa min gingtate kiangah hih thute ka gelh ahi, tualeh Pasian Tapa na gintat zing theihna ding un."). Jesu Khrist min taksanna ah taangtawn hinna i nei uh hi. Hilezong ka gingta chi a Jesu nungzui utlou pawl khat a ki-omthei a, hibang mite pen, Pasian kheemte ahi uh hi. 

Jesu Khrist ah hinna thak na neita hiam? Jesu Pasian tapa ahi chih na taksang hiam? Na taksanna in nna a hung semsak diing a, na nna septe'n na Pianthakna or Jesu Khrist a hinna thak na neihna a taklangh diing hi.

TOUPA'N THUPHA HUNG PIA HEN

Share:

Read full story►

Aimol Tribe Costume

via facebook

 

Share:

Read full story►

MINSIATNA OMLOU IN JESU NUNGZUIHNA A BUKIMTHEI DIAM? By: Pastor Thangdoulal Thangkhal

Jesu Khrist nung ka zuihkhawmpih saptuamte, i Pa Pasian, Tapa Pasian, Kha Siangthou Pasian min in, kei leh ka innkuante'n lung kituaktak in, Innmun pan in chibai ka hung buk hi.

BIBLE: 

"Matt.10:22, ka min ziak in mi zousiah huat na hidiing ua, hinanleh kuapeuh a tawptan a thuakzoute hundam ahi diing uh hi. Matt. 10:25, Innneipa bawn Beelzebul a chih uleh, a inn kuanpihte bangzah in a chi tazen ding ua! Matt. 19:29, Mi zousiah in ka min ziak a a inn, a sanggampa, a sanggamnu, apa, anu, azi, atate, gamte nusia in, a lehza amu diing ua, taangtawn hinna a tang diing uh hi. Matt. 10:37, Mihing kuahileh, kei saang a anu ahihkeileh apa itzaw a omleh, amah pen ka mi hitaak ahikei hi. Tualeh kuahileh atanu ahikeileh atapa kei saang a itzaw a om leh, amah pen ka mi hitaak ahikei hi."

Share:

Read full story►

KHAMLOUH ITNA (Series 3) Topic : Khamching Itna Khoi-a Om E? By: Pastor Thangdoulal Thangkhal

Jesu Khrist nung ka zuihkhawmpih saptuamte, i Pa Pasian, Tapa Pasian, Kha Siangthou Pasian min in, kei leh ka innkuante'n lung kituaktak in, Innmun pan in chibai ka hung buk hi.

Na khamkhop or khamching diing itna a omna mun na thei taktak hiam? Hih khamching itna pen Innkuan tamtakte buaina  ahih a, hibang itna khamching lunggulh mahmah napi a a neihlouh ziak un, Innkuan kikhenna, kihuatna, kikawmlouhna leh kikhasiatsuahna tun hi. 

Leitung ah nute itna saang a lianzaw omkei chi in mi tamtak in gen thupi in a nei uh hi. Hilezong hih nute itna pen, sihpih ngam itna hilou ahihman in nu tamtakte'n, a vaangsiatni chiang un a tate uh nusia uh hi. 

Share:

Read full story►

TSP Delhi President in theihsakna bawl

Delhi 2020 April 18: Thangkhal Sinlai Pawlpi Delhi President Pa Khamkholianthang leh a innkuan pihte'n theihsakna leh ngetna bawl uhi, Theihsakna in atak natna a Lock dawn ziaka na sepna tuamtuam nei te'n maban sunzom theilou ahih man in, Inn sung a sunsamthei ding dinmun a om, nek leh tak a haksatna tuak, adiak a Company asem leh laisim a om (Student) haksatna tuak aom leh panpihna pia ut ahih dan taklangin, Kua hiam, Ann huanding neilou Delhi a Thangkhal Mi-leh-sa aom leh Anntang leh Daal(Havai) pia ut ahih dan gen in, H.No.586, 1st floor, P.K Malik Building (above Thangkhal Baptist Church), Munirka, N.D-110067 a kisuang lah lou tak a la dingin theihsakna leh ngetna bawl a Ph.:9953831282. Tungtawn a thuzak thei gige ding ahih dan tak lang hi.

KHALVONTAWI ADMIN

KHALVONTAWI

VOICE OF THANGKHAL

Share:

Read full story►

Na Nupa Kaal Itna Na Kham Hiam? KHAMLOUH ITNA (Series 2) Pastor Thangdoulal

Jesu Khrist nung ka zuihkhawmpih saptuamte, i Pa Pasian, Tapa Pasian, Kha Siangthou Pasian min in, kei leh ka innkuante'n lung kituaktak in, Innmun pan in chibai ka hung buk hi.

Leitung ah a nu-le-pa itna khamloute, Tate itna khamloute, Sanggamte itna khamloute, Innsung mite itna khamloute, Lawmta kaal itna khamloute, Zi itna khamloute, Pasal itna khamloute a ki-omthei a, hibang itna khamlouhna in khasiatna ah a hung kailuut a, khenkhatte bang ki-ngaisia in, ama'uh hinna ah, siatna diing bek a ngaihsun uh hi. Khenkhatte'n lah, an bang a ngawllawh ua, gentheitak in hinkhua a zangh uh hi. 

Share:

Read full story►

Thangkhal Missionary Haansuang vehna nei

Lamka April 16, 2020: Thangkhal Minam (Thangkhal Ham leh Pau) zangte lak a Gospel (Tangthupha) pualuttu Missionary Pastor Thawngluan zi (L) Thuangkhongai  Haan vehna tuni New Lamka Haanmual a nei uhi, Hih hun a Thawngluan tu-leh-ta ten haan tung ah pakkhi koihna nei uah, a si apat kum khat achin na ahih tawh ki zokin Thangkhal Missionary Thuangkhongai theih gige na dia Thawngluan tate leh tuten hun zang uh hin kigen hi. 

KHALVONTAWI MEDIA MG Thangkhal

Share:

Read full story►

KHAMLOUH ITNA (Series 1) By: Pastor Thangdoulal Thangkhal

Jesu Khrist nung ka zuihkhawmpih saptuamte, i Pa Pasian, Tapa Pasian, Kha Siangthou Pasian min in, kei leh ka innkuante'n lung kituaktak in, Innmun pan in chibai ka hung buk hi.

BIBLE: Rom. 5:8… "Pasian in eite a hung itna hibang in ahung sulang hi. Eite mikhial i hihlai un, Khrist eite a diing in a hung si hi."

Share:

Read full story►

SAPTUAMTE KIANG A NGETNA | Pastor Thangdoulal

Meghalaya khopi Shillong a Covid-19 vei om ahihlam kithei ngailou a, theih ahih a pan a dakkal 24 sung in sihna om hi.

A sipa: Dr. L John Sailo.

Sailo tawh kizopna nei mi 90 valte sample test bawlta uh hi. Sailo makpa (Pilot a pangpa'n a lai gelhna ah, a innkuan mi kuate covid-19 positive hi in gelh hi). Tualeh a contacts mi 2000 val sui kheta uh hi. 

Meghalaya khopi Shillong a covid-19 omlou chi a lungmuang, khamuang a a omlaitak un, covid-19 ziak a sihna tung hi. 

Lamka ah zong covid-19 omkei chi in mawk muan ken, a om a kitheih chiang in a vei khin hita maithei diing na hi.  Tuaziak in SAPTUAMTE kiang ah, government thupiak, pawtkhiat louh diing chi thute zui diing in ngetna k'ung bawl hi.

By:-

Pastor Thangdoulal, Thangkhal Bible Translator

KHALVONTAWI

VOICE OF THANGKHAL

Share:

Read full story►

KA INNKUANTE MUHDAHPA HITANGH! By: Pastor Thangdoulal Thangkhal

Jesu Khrist nung ka zuihkhawmpih saptuamte, i Pa Pasian, Tapa Pasian, Kha Siangthou Pasian min in, kei leh ka innkuante'n lung kituaktak in, Innmun pan in chibai ka hung buk hi.

Ni danglai in pasal naupang, hung tangvaaltou diing a kisa panpan kum sawm-le-sagih mi khat a om a, a sanggam pasalte lak ah, a tunpenpa tung a ahi, Amah pen Pasian it leh ngaina mahmah mi khat zong ahi hi. A pa zong Pasian hing bia, tu a eite Pasian mah Pasian a nei leh bia ahi hi. Hih khangdawngpa in a pa Pasian a bia a, gin-omna, chihtakna, diktatna, leh itna tawh a Pasian a diing leh a innkuante a diing in nnate a sem a, tuachiin Pasian deihsakna hung tangh hi. Hibang a Pasian deihsakna mu a a kilat chiang in, a Innsung mite muhdah in om a, a ute mahmah a kipan in zong, thangsiatna ziak a huatna leh muhdahna ngah hi. Tuachiin sanggamte gawtna innlam leh lou-lam ah a thuak a, hilezong a Pasian minsuang in hih gawtnate thuakzou hi.

Share:

Read full story►

Thangkhal news

I nam THANGKHAL adia media om sun tegel :- 

(1) WWW.KHALVONTAWI.COM [Online Documentaion = Internet ah Thangkhal thu leh laa kepbitna]. 

(2) KHALVONTAWI YOUTUBE (Thangkhal toh kisai Laa, video/interview, leh thu tuam2 te koihkhomna). Hitegel pen KHALVONTAWI MEDIA chiin Pu Nengmuanlal Guite @MG Thangkhal leh Pu Khuplianlal Suantak @Bruce K.  Thangkhal te'n puahtheih dandan a ahung puah uh ahi.

KHALVONTAWI

VOICE OF THANGKHAL

Share:

Read full story►