KHALVONTAWI - Voice of the Voiceless from Northeast India

ISKCON Temple | Bengaluru (Photos)

11/14/2023 10:59:00 PM No comments

The ISKCON Temple in Bangalore, also known as Radha Krishna-Chandra Temple, is one of the largest ISKCON temples in the world. It is situated in Hare Krishna Hill, Chord Road, Rajajinagar. The temple is dedicated to Hindu deity Radh Krishna.

ISKCON Temple Bangalore was inaugurated by the 9^th President of India, Shri Dr. Shankar Dayal Sharma on 31st May 1997.

It serves as a major spiritual, cultural, and social center. The temple promotes Bhagavad Gita teachings, devotional music, and spiritual education for people of all ages.

ISKCON Bangalore runs several humanitarian projects, including Akshaya Patra, the world’s largest midday meal program, which provides nutritious meals to millions of school children across India. The temple also conducts youth programs, cultural festivals, and free food distribution (prasadam) daily.

Through its outreach activities, ISKCON Bangalore continues to spread love, service, and devotion to Lord Krishna, inspiring peace and spiritual growth in society.

International Society for Krishna Consciousness (ISKCON) was founded by His Divine Grace A.C. Bhaktivedanta Swami Prabhupada in 1966 in New York City, USA.

He established ISKCON to spread the teachings of Lord Krishna as presented in the Bhagavad Gita and Srimad Bhagavatam, promoting spiritual growth through bhakti-yoga (devotional service), chanting of the Hare Krishna Mantra, and living a life of simplicity and devotion.

Just Rs 35 Only.

A.C. Bhaktivedanta Swami Prabhupada

Sri Chaitanya Mahaprabhu

How to Reach:

Airport: Kempegowda International Airport, Bengaluru – 33 km

Railway Stations:

Bangalore City Railway Station – 6.9 km

Yeshwantpur Railway Station – 2.2 km

Metro Stations: The temple is just 5-10 minutes’ walk from ‘Mahalakshmi’ metro stations.

City Buses:

From Kempegowda Bus Station (Majestic) – 80, 80A, 80B, 80E, 80F, 80G, 252F

From City Market – 77, 77E

From Shivajinagar – 79E

Photograph by:
Bruce K. Thangkhal

Bengaluru | 14 Nov 2023

---------

Click 👇

ISKCON Temple Delhi
ISKCON Temple Bengaluru

Read full story►

KUKI ZOMI LHAGAO AKAP E: Dr Hegin Lhungdim

11/14/2023 10:00:00 PM No comments

TUJINGKAH 9:00 am in Kuki Zomi BDS simlai ho akitep peh bang un University exams ding in Churachandpur Medical College alhung uve. Minute 15 anga jou un DC a ko’n in thu ahung lhung in Questions paper ahunglhung poi, nungsawl jieng un ati in akile taove! Lhagup vaal regular class a loite’n nuom tah a imphal a alah uva eo a te District hospital leh CMC a eimi Jilkungho’n hilthei theiya voluntary a ahoi theipen a classes kilah peh ahiuvin, exams a bawl thei diu ahitai tia DC pa’n 1 week masang a aphon doh chu idia last minute a exams hall a hitheilou di tia announce a bawl bep ham??? Idia i naoteu chu exams hall a aga tou khel2 u ngaai ah ham?? Janlhah chan a Question papers ahung lhun lou leh iti 9am kah a hung lhung mong2 di ham?? Thi le hin kikah a JNIMS, RIMS leh Shija a ko’n a hung jam doh uva tu ni chan mental stress leh trauma ahin thoh jing u chu DC pa’n a hawm tho nalai ham??

“It’s so sad….not a good thing etc” ati in, ken jong, “that’s how you feel but for us, it’s about our lives and our future!! And the million dollar question now is, “HOW CLOSE ARE WE??” tia kadoh leh ima ei donbut ta puoi!! “Eiho leh ama” hi phailang a ten eijou lhep u ham? “Ama leh phailang a te’n”eiho eilhep u joh ahidem?? ti va’ng ama tailou ahe aki um ta puoi!

Heng e, Medical fraternity ho kalung u aha’ng behseh in hiche vang hi ngai ne’p thei ahipuoi katiuvin, i student bodies hou approach taote kakitiuve. Kahung kihei phei uleh approach di kamah mo taove. JSB, KSO, ZSF, ZSP, HSA, GSO etc. Sun nilhum a hospital medical duty kahijeh a group messages veman lou chu kagah online leh KSO in JSB in KSO vice versa kidem tuo na ngen kasim doh, chomkhat jouva video khat hung viral, hichu ehsante local news Anchor pa’n kithalo’p tah a Churachandpur ah Kuki le Zomi te jong abung abung in akikhen tel taove tia pho’ng doh. Gaal um tiil a pat a athupho’n lah a adih pe’n loi tah khat hiding in katahsan in hopeless tah in khut kabe’ng e!! A koi ko’m ah ipi gakisei in gakitom jong leuhen Tomba ja’t jong phalou te, akilungtoh lou te leh akidem to te chu kon bah ei khohsah diu ham?? Achung a kaminphah pa jong ii tobang in mo jong leh ka oimo ngam ta puoi, ti’n ka guolpa kasei peh e.

Ama’n (Dr skl), nasei kha e! A chuti leh ipi future kinepna inei uvem?? tin ei dong e.

Ken jong, “Koichu Kuki ihiuva, Koi chu Zomi ihiu clear cut definition dih chet pethei i um diuvem?? Umpon te”. Hitobang a kibungkhenna leh mitthahteni bang a chungnung kichuuna virus hi ithaa lou uleh akichaaisa ihiu ahi. Gaal masang chun hiti chun ina um uvin, May to July sung vaang ki ngailutah in i luong khawm uve. August a pat in i buoi kit taove. Koiyin ei kaan khawm diu hitaam??

Hiche natna hi Houlamkai ho’n boipi kham isah lou uham? Or iki hedmo sah u ham?? Or kichaat inei uham?? Hiche virus hi ithaa lou uleh i chateu future a um ta puoi!!

Pathen bouvin i damna diu aneiye ti chu ipomsoh diu ahi’n aleh idia hichu iki thuum doh jou lou u ham?? Pathen in Hou lamkai le Nam lamkai ho hilaai mun ah hung khawm uvin “KILUNGKHATNA leh KINGAILUTNA” lhagao napeu ving e, Keima nei kilamkai sah lou uleh nang maho kilamkai thei pouvin nate” tia asei lhangsap dia einganse chu tuni chan in kasei jing in mipi atam jo’n ihe thiem taovin, Lamkai atamjon i saang thei nai pouve. Ajeh pipe’n khat chu ahileh, “Hou natong ho’n hiche kouna chu Pathen a ko’n ahipuoi!” ati jeh u ahi e. Thilhate’n eiho i kilungtuo nadiuvin phatthei eiboh nuom mong2 na diu vem??

Pathen kouna O kichehtah chu a sa’ng di leh a tosot diho a dem a apan a, a hethiem di cha2 a lungnoh phah pe’n a apan tieng leh Manthahna chu kotbieng a ding a, Kinah a chu innsung a hung luutman ahitai!!

“Kilungtoh theilou leh Panpi mo he’l” a i um jeh uvin KUKI ZOMI lhagao akap e!!! KOI HAM ALHE’M BI DING??

~ Dr Hegin Lhungdim, Chairman, HFT | 14.11.'23

Read full story►

𝑮𝑨𝑴 𝑮𝑰𝑴𝑵𝑬𝑰 𝑻𝑯𝑼𝑺𝑶𝑯 𝑳𝑨𝑯𝑲𝑯𝑶𝑴 (in Thadou-Kuki)

11/14/2023 10:00:00 PM No comments

(𝐿𝑜𝑙ℎ𝑖𝑛𝑛𝑎 𝑃𝑎𝑘𝑎𝑖𝑦𝑎 𝑘𝑜𝑛 𝑎ℎ𝑖)

𝑵𝒐𝒗𝒆𝒎𝒃𝒆𝒓 14, 2023 (𝑻𝒖𝒆𝒔𝒅𝒂𝒚) --- Thusoh sim jouse nabon chauvin nilhahpha kahin peuve. Nitin a eiho het dinga pha isuhkhom banjom in tunia thilsoh ihet hou anasim kit tauve.

1. Janhi nikho a Pu Thongsei Haokip @ TS Haokip, Defence Secretary, KNO/KNA in damlou jeh a New Delhi mun a a-insung mite leh anam mite eina dalhah uhi nampi adingin it a um lheh jengin apamai lheh jengin ahi. Centre Government le KNO/UPF in Talk anei ban laitah uva, thuning thukah hetgilna nei mi leh Signatory member Top leader khat in eidalhah u ahi jeh in apamai naleh aman tam naho hi seijou thei ahipon ahi.

Tuni chun along damsa chu New Delhi a um Kuki Inpi, Delhi & NCR, KSO Delhi le kiloikhomna dang dang ho hapan najal in Indira Gandhi International Airport, New Delhi apat in Huilengkong chungah ahin po uvin, Aizawl Khopi chan ahin pol hung un ahi. Aizawl apat Kangnei (Gari) a Lamka khopi ahin po kit uvin tuni jan lang leh Inmun ahin poh lut diu ahi. Aman eidalhah nao hi muntina a Namsunga nam gollhang hon ama ama camp cheh ah Nampi Lunlai khat hinan Nampi min in jana Salam anapeuvin ahi. Hiche toh kilhon chun 3rd Battalion Sinai Camp mun'a um Kuki Army hon aum talou Pu TS Haokip lhahna kin gon ana mang'un ahi.

Kuki National Organisation, KNO Defence Secretary Pu TS Haokip in Cancer natna jeh a eina molliem San nau chung ah 3rd Battalion Sinai Designated Camp a um Kuki Army hon lhahna kin ana nei uvin ahi. Kin gon chu Camp Secretary Pu Paolien Haokip in ana lamkai in, ahoulimna ah aum talou Defence Secretary Pu TS Haokip in adamlaiya Organisation ding leh Kuki nam adia apan lah dan thu ah houlimna chom cha ana neiyin, ahomtho naleh a it dan thuphon ana neitoh kilhon in adalhah a insungmite jouse Chung Pathen in lungmon naleh lhamon na bukim hinpe jing tahen tin jong lhamon na thuphon jong ana neiye. Gal le tol lai ahi jeh in Nam Sepai jouse Frontline ah Kukite gam huhbit din Duty apo uvin, hijongleh Camp mun na um cheng in NAM SEPAI lamkai Pu TS Haokip chu Pummei jin lhahna jong ana nei uvin ahi.

Kin gon chaijin, Pu Paolen Khongsai, Chaplain Sinai Camp in Pu TS Haokip in adalhah innsung mite din Pathen heng ah taona ana neijin Condolences program chu ana mang chai uve. Hiche keu hilouvin Gamnom Camp a um 7th Battalion Kuki Army hon jong Nam Sepai lamkai Pu TS Haokip Defence Secretary KNO Lhahna ana neiyun ahi. Kangpokpi District Lhungtin Sub. Division a um 7th Battalion Kuki Army, KNO-KRA Nam Sepai hon jong tuni chun aum talou Nam Sepai lamkai Pu Thongsei @ TS Haokip, Defence Secretary, Kuki National Organisation, KNO lhaha Condolences program ana mang uvin ahi. Gamnom camp mun na Nam Sepai lamkaipu lhahna Condolences kigon chom cha chu Home Secretary KNO/KRA in ana makaijin, aum talou Pu TS Haokip, Defence Secretary KNO hi nampi adia lamkai poimo tah leh Kukite makho ding gelkhohna jal a pan la kineppi umtah lamkai khat chu ahi in, aman gal laitah a eidalhah uhi Thom Hao aumna chung chon a Kuki Nam mite ding a vangsetna lentah chu ahi ati.

Pu TS Haokip longdamsa hi jing nikho November 15, 2023 (Wednesday) nikho leh achenna inmun B. Vengnom a Houthu dol a kilamkaina a Houbung mite makaina a Loupi tah a vuilemna umding ahitai.

2. Janhi November 13, 2023 (Monday) ni a Meitei ten thu khat anakithan sah uvin hichue ahileh Ningthoukhong leh Thinungei area akona phone ana kihou nauvah Leimata langa um Meitei tehse mini chu ageina kihe louvin a umtai atiuve. Hiche ageina kihelou Kuki hon atha hiding aginmo teniu chu :- Pukhrambam Birchandra Singh(75) of Ningthoukhong ward no 8, amahi ajipa ahi atiuvin chule khat chu Sagolsem Pishakmacha Devi(70+) of Thinungei Ward No. 6, Meitei pa dinga aji anina nu ahin amani hi ni 5 masanga kihol mo lhon ahitai ativuin ahi. Chule amani hi a Mobile phone lhonjong ni 5 masanga pat che talou ahi atiuve. Pukhrambam Birchandra Singh hi Power House Leimatak a worker khat hin anatoh na kon a retired anahi ahitai akiti. Ajia masa nu hi Ningthoukhong ho ahin tua aji thah nuto hin Court marriage anabol lhon ahi akiti. Thuboi masanga pat a Leimatak a umlhon ahi akitin, tuhin OC Loktak lamkai nan ahol uvin hinlah a um na cheh akimu jou poi atiuve. Tunjong amani hi akihol jing in hinlah ageina lhon akimu jou naipoi tin Youth of Manipur ten aseijun ahi.

3. Janhi November 13, 2023 chun University Grant Commission (Minsitry of Education, Govt. of India) Bahadur Shah Zaffar Marg, New Delhi a kon Memo No. F.2-10/2023(AC-Policy) dated 13 Nov. 2023 dungjui in UGC in Manipur University chu lekha ana thot in, Churachnadpur a um Rayburn College, BSF Gangpimual Churachandpur Manipur – 795006, affiliated to Manipur University chu nikho 30 kah a Conferment of Autonomous Status grant ana bol dingin hetsahna ana neitan ahi. Hiche hi Kuki-Zo chate dia kipa umtah hung hiding ahi. Hiche College in Autonomous Status amuthei nading dan hi UGC in November 3, 2023 nikho a Delhi mun a meeting ananeija kona recommendation chu approved anabol ahitai. Hiche hi kum 5 adia academic session – 2024-2025 to 2028- 2029 hi Clause 7.4 of the UGC (Conferment of Autonomous Status Upon College and measures for Maintenance of Standards in Autonomous Colleges) Regulation, 2023 dungjuia amu thei ahi. Tuhin Conferment hi hichet hih lai jong leh aban process ahung chelhah nading nikho hi sot talou ahin kipa umtah ahitai.

4. Tuni chun COTU in Press Note apehna ah, Govt. Authority hon Kuki-Zo mini themmona beija Police in anama tuva, alha doh nadiuva ngehna anakinei jing ahin hinlah Economic Blockade jong ana kikouvin hiche a jong akingehna ho nahsah in anei deh pouve tin Government themmo achan in ahi. Kiphinna kibol a themmo na neilou teni kiman teni ahinlha doh lou jeh uva jing nikho 15th November 2023 apat National Highway teni i.e NH-2 le NH 37 teni a Economic Blockade phat tep louva kibol kit ding ahitai tin phondohna ananei tauvin ahi. Gamsung mipi te jousen hiche tohgon hi a support cheh diuvin temna jong ahi neijun ahi.

5. Saikul-Molvom Road chungchang a hetsah le temna chu ahileh jing nikho leh Kaithelmanbi-Saikul Road chu jinglam nidan 10:00am - 4:00 pm sung lampi kikhah chah kheh ding ahi. Akisei phat sunga hi Molvon kho kom’a lamtou laitah chu kisem ding ahin, hijeh chun Gari ahung aumleh akisem chai tokah a aga ding ahijenge. Lampi kisem nalai tah hi apel na dimun um louna laitah ahi tin Finance Committee Saikul in hetsah na ahin neije.

6. Jing nikho November 15, 2023 tengleh ITLF ho makai na a Lamka Khopi sunga Mass Rally um ding ahi. Hiche Mass Rally hi Mass Rally Against the Atrocities on Kuki-Zo Tribals ti thupi noija kijotna umding ahi. Khopi sungleh gamsunga cheng Kuki-Zo chate jousen amun a che a pan lah cheh dingin temna leh hetsah iviuve. Ahi thei leh hiche Mass Rally ajao ding jousen Personal Integrity le Community Integrity hoitah a maintain cheh ding, jat le nam sung kah a kihet khel nathei leh engset kahnset lunggel neilou hel a kilungkhat tah a Indian National Flag talou Flag dang mancha a engkhan le gitlou ibol thei loudiu ahi.

7. Tunikho November 14, 2023 (Tuesday) hin Churachandpur/Lamka SP Karthik Malladi hi Thoubal SP toh Sugnu ah meeting ananei uvin ahi. Asunga ipi agenda uma meeting anei uham tivang het chen a um naipoi. Boi kipat til apat ana kikhah chah kheh Sugnu Lei a thopla kikhah chah kheh chu ipi iti dan a SP Churachandpur in appal keh ham tihi lungdam umlou khat chu ahi. Ajeh chu hihce Sugnu mun hi main buffer Sone leh Red Zzone khat ahin gamkai volunteer ho phalna beija hiche gamsung appal keh hi phamo akisai tin Makhao Area Defence committee, Sangaikot Defence Committee chule Sangaikot Block Chief Association hon anaphongdoh uvin ahi. Chura-Sugnu Bridge hi ki boilaitah a chu Meitei ten ahallhah u ahin, chujeh a side teni hi amun a um Centre Force's hon alangto gel a koima che le vale nathei lou dia thopal/fencing akibol cheh u ahin nomphu a Lamka SP pan aphet lhah sah uva Sugnu a meeting aneiju ahi khonunga thilse hung soh thei ahi. Hiche jeh hin agamsung mihon nopmo aki salheh in tunung tuma leh information beija ahin velbol kit leh thilse hung lhung ding jouse Churachandpur/Lamka SP Karthik Malladi in mo akipoh ding ahi tai tin N.Baite Cluster Commander, Makhao Area Sangaikot Block in phondohna ahin neije.

8. Tunia Lomlhang Som in Ukha Loikhai Village document (Patta0 kiguhdoh thua thuphon Ref. No. 01/LLS/PR/2023 dated 14th November 2023 abolna ah, Churachandpur District Administration in Ukha Loikhai te Land Ownership document (Patta) ho Manipur Police ho mangcha a collect ahung bol nau chungah sangtah in demna ahin neijun ahi. LLS in Pu Thenkhomang Haokip, chief of Ukha Loikhai, Thangting Lhaang gamneipa koma Chief Minsiter kom jenga jong gam lekha ho apeh loudia ana kisei sa ahitai ati. Kuki-Zo te chenna Songppi- Lamka (Ccpur), Pherzawl, Kanggui (KPI)Chandel, Tengnoupal leh Ukhrul-Kamjong District ho henga hetsah chu ahileh ipi thu umjongleh Gam lekha Land Ownership documents kiti phot phot chu Manipur Government komapeh lut louhel ding ahi tin jong hetsah na ahin neijun ahi.

9. Janhi langa pat Mynamar Junta Army holeh PDF/CBA/KNA-B ho kah a kikaptona achelhah jing jeh in Mizoram Police hon Myanmar Army mi 42 ho in gamsung ahinkho khel jeh un ana man tauve. Hiche Myanmar Army ho Mizoram Police in anamat ho chu ana henden uvin tuni chun Assam Rifles ho khut ah pehdohna ananei tauve. Chua kon chun Assam Rifles hon Camp a ana umsah un chomkhat jouvin Ministry of Home Affairs order dung jui in hiche Myanmar army 42 hochu Indian Sepay Assam Rifles hon Helicopter mangcha in Myanmar Gamsugn mama ah ana lethah lut tauve tin Mizoram Inspector General of Police Shri Lalbiakthanga Khiangte, IPS in hetesahna aneijin ahi. Hiche kikaptona achun Myanmar Army hon Mizo-Myanmar Boder lah Bomb ana kheh nauvah Mizoram jong anatongkha e akitin ahi. Chule tulah hi Mizoram-Myanmar Border dunga Junta Army tampi jong PDF khut ah surrender ana kibol uvin ahi. Tu masang jepa jong Myanmar Sepoy toh pangkhom Meitei militants phabep jong Aivom kho outer Manipur a hung jamlut uva, Sehlon a Assam Rifles Camp a ana jamlut u ahitai.

10. Tunia KKL teng ngehna ahin nei nauvah ahunglhung ding Jing nikho 15/11/2023 (Wednesday) nikho a ITLF in Public Rally /shutdown aboldiu le PU TS HAOKIP ( Defence Secretary KNO) long damsa vuilem na kin achen na B. VENGNOM khomun a a um ding akitokhah tah jeh in volunteer ho heng a kahin ngeh nom uchu , Jaumtah lamkaipu longdamsa jabolna le vuilem na kingon a hung kalsong ding insungmi hitahen,angailut aloi apai te ho hitahen, neina hetthem peh uva ana suboi lou ding le ana lhakang ding in KUKI KHANGLAI LAWMPI min in ngehna kahin bol uvin ahi. Muntin a NAMPI ngailu volunteer hon kataonao moltah hi neina sanpeh uva neina suhboipeh loudiu kinem in avel in kahung taokit e tin Information & Publicity Department KKL - GHQ in ahin neijun ahi.

11. Janhi chun Meitei students kiloikhomna 6 hon Manipur a boin toh internet kiikha hi akimat na a um tapon agang thei pen a Mobile internet govt.in alha din gihna anei tauve. Mobile internet akikha vangin ammihaosa alen alal jousen Broad band aman jeh uvin akimu ding akiso ding jouse akiso thou thouve atin hiche hi gamsung kgantouna asuh nem joh ahi tin hetsahna le gihna aneijun ahi.

12. Jing nikho Nov. 15, 2023 (Wednesday) jinglam nidan 11 tengleh Zomi Council Steering Committee makaina a Zoro Home Department, Zomi Council Cabinet Committee, Zomi Council Steering Committee, Zomi Chief Assn, Guite Kaul Chief Assn hon IDP thu a ZCSC HQR Hebron Veng New Lamka kihouna anei diu ahi.

-0-

Read full story►

Kuki Khanglai Lawmpi: Public Appeal

11/14/2023 09:56:00 PM No comments

NGEHNA | 14/11/2023

Ahunglhung ding Jing nikho 15/11/2023 (Wednesday) nikho a ITLF in Public Rally /shutdown aboldiu le PU TS HAOKIP ( Defence Secretary KNO) long damsa vuilem na kin achen na B. VENGNOM khomun a a um ding akitokhah tah jeh in volunteer ho heng a kahin ngeh nom uchu , Jaumtah lamkaipu longdamsa jabolna le vuilem na kingon a hung kalsong ding insungmi hitahen,angailut aloi apai te ho hitahen, neina hetthem peh uva ana suboi lou ding le ana lhakang ding in KUKI KHANGLAI LAWMPI min in ngehna kahin bol uvin ahi.

Muntin a NAMPI ngailu volunteer hon kataonao moltah hi neina sanpeh uva neina suhboipeh loudiu kinem in avel in kahung taokit e.

Information & Publicity Department

KKL - GHQ