.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
 |
| Times of Indian | Sunday | 16-06-2024 |
PATE NI HUNG PIAN KHIAT DAN: Pate Ni ahileh US gam a Spokane khua, Washington State a teng Sonora Smart Dodd kici numei khat in hung pat khiat ahi. 1909 kum a kibawl Nute Ni kikhopna pan ah hung piang khia ahi hi. A pa William Jackson Smart in ta guk (6) nei hi, a ta gukna a suak khiat zaw in a zi in sih san hi. Tua chiang in amahpa’n loukhou in hamsa pipi in pa dinmun le nu dinmun a nih in la khawm in a tate 6 teng hamsapi’n ana enkol tou den hi.
A tate a ding in gim leh tawl leh gentheih liangvaina tampi a thuak te Sonora in a ngaihsut chiang in a pa in a tate itna thupi sa hi, tuachin amahnu’n nute bek pahtawi ding hilou in, pate zong pahtawi di’n kilawm ahi chi’n ngaihsutna nei ahiman in a pa pian ni June 19, 1910 pen Spokane khua ah Pate Ni in ana zang uhi. US kumpi in zong thukimpih ahiman in kum simin June kha Nipini thumna pen Pate Ni ana zang uhi, tualeh leitung buppi ah tuni dong in kibawl paisuak den in Pate Ni chi in kichiamte in kizang denta hi.
NA NGAIHSUN KHA
NGAI EI
🚸 Leitung a naupang
million 25 in pa neilou uhi.
🚸 Teenager
khangdawng mahni kithat (suicide) bawl te 63% te pa neilou te ahi uhi.
🚸 Suam hat leh
migilou 80% te pa neilou te ahi uhi.
🚸 Khamthei guithei
guktat laktat a kipei 75% te pa neilou te ahi uhi.
🚸 High school dropout
71% pa neilou te ahi uhi.
🚸 Khangdawng suangkul taang 85% pen pa neilou te mah ahi kik uhi.
Pa omlou man in innsung khua sung society sung gamsung leh mun tampi tak pen nakpi’n tokbuai pha hi. Tua ahiman in Sanggam te aw hibang a pa omlouna leh pa neilouna ziak a siatna tampi tak tuak a mi million tampi aom lai un nang tuni’n ‘pa’ neilai nahi leh mi hamphatak na hi. Tua ahiman in napa zatak inla napa thu dawng in, napa khasia sak het kei in. Tuni’n na it mel khollou na kepnop khollou mi mai lak a na houpi utlou leh kapa hi nachi nuamlou ‘napa’ pen mitampi te in a nei non lou ahihlam phawk in, tua ahiman in na vangphat lam thei inla akikhelma in napa it inla napa zabawl in tualeh napa kipak sak in, tua hileh Pasian thupha akop kop in nasa’ng ding hi.
PATE POIMOHNA LEH
MANPHATNA
💠 Pa omlouna innsung
pen khopi kulbang neilou toh kibang hi.
💠 Pa omlouna innsung
pen inntung bitlou gua leh dai lut thei toh kibang hi.
💠 Pa omlouna innsung
pen mihing khut leh keng bukimlou toh kibang hi.
💠 Pa omlouna innsung
pen ganta apu neilou toh kibang hi.
💠 Pa omlouna innsung
pen inn teng lak ah inn nuamlou pen ahi.
💠 Pa omlou man in
khangdawng tampi in siatloh uhi.
💠 Pa omlou man in
naupang tampi in genthei hinkhua zang in gilkial dantak thuak uhi.
💠 Pa omlou man in
khangdawng tampi a tunna di tan tung zoulou uhi.
💠 Pa omlou man in
tup mawng hilou in khangnou tampi in a nuntakna uh siatpi loh uhi.
💠 Innsung a pa a om
nonlou chiang in innsung nu zong aphel langkhat beitoh kibang ta hi.
PA LAWHCHING IHI THEHINA DING IN
a) IH TATE THUHIL NI: “Naupang khat a neu lai in lampi dik tuansak leh chin, a tek dongin a lam pial nawn kei ding hi.” (Paunakte 22:6)
Khuasung vengsung a naupang ommaw, omdan theilou te mite’n amuh chiang un nang na min bang e chi masa lou in kua ta nahia chi masa uhi. Tua ahiman in anu apa zalak sak maizum sak masa uhi. Tua ahiman in hih dan te ih tuaklou nading un ih tate aneu tung ua kipat a limtak ah a om didan uh a gamtat didan uh thil bangkim pen ih hil tou den ding uleh ih na mapui tou den ding uh poimoh ahi dan hung musak hi. Nu leh pa pawlkhat in a skulpu te un ahikeileh a Sunday skul teacher te un ana hil na veh un chi thei lai uhi. Eima hil leh midang hil kibanglou hi, tuaahi man in ih tate thuhil ding pen thasia kei ni aziak ih hil thei hun sung pen tomnou khat sung bek ahi. Hih hun tomnou khat sung a lamdik a napui manleh pa lawhchingpa na hi ding hi, ahinla na pui mankei leh pa lawsampa leh pa hepih huai nahi kha ding hi.
b) BANGTHU BANGLAA HIL DING IH HIA: “Tate aw, na pate uh hung hil nate ngai unla, thu na tel theih na ding un lim takin ngaihsun un.” (Paunakte 4:1)
Laisiangthou in na pate uh hung thuhil nate chi hi, tua in a gen nuam ahileh thil tuam tuam leh lam tuam tuam a thu hil nate ahi. Laisiangthou in hilam thu hualam thu a chi kei hi, tua ahiman ei mani hithei na zah zah toh ih tate khalam hi’n taksa lam hitaleh thil tuam tuam a ih na hil tou den ding uh ahi dan hung musak hi. Tua jiak in tate thuhilna pen adiak in Pasian in pate liangtung ah hung koisak hi. Tua jiak in hih a thupi leh a poimoh mah mah ih mopukna tate thuhil ding pen ih bawl keileh ta ih neiman jong thaman omlou toh kibang ding hi. Ajiak Pasian in ih kep ding ih hil ding a hung piak ih tate ahi, tualeh tate thuhil zohna in pa dinmun zohna namkhat ahi hi.
c) BANG HUN A HILH
DING AHIA: “Thu hung man theih lai in na
ta thuhilh in, na hilh kei leh a siat na ding a deih na hi hi.” (Paunakte
19:18)
Ih pu ih pate in sik asat laipet in sat in chi paunak ana nei uhi. Tuamah bang in ih tate zong a hil thei hun omhi, tualeh thuhil thei hun sung pen sawt lou hi. Kum thum aphak uapat kum sawmlehni aphak hun sung uh ahi tan’gpi hi. Tua ahiman in hih atom mah mah hun pen mansua lou in ih tate limtak in thuhil ditdet ni, aziak ahun sung pen tawl khatsung bek ahi, tualeh hih hun tom leh manpha mah mah sung a ih tate sung a khaichi manpha ih na tuh manleh pa lawhching kihi ding hi. Tua jiak in hih golden period a neu hun sung uh khasua lou in ih tate ahithei zah zah hil in ih tate toh kizopna hoih bawl sawm ni. Aziak hi hun a thuhil napat keileh khonung in hui nungdel leh sialsi nung a sialdai kai na bang lel ding hi.
d) BANGZIAK A THUHIL DING IH HIA: i) Tate a thuhil nuam lou te in a tate a mudah hi a, a ta a it te in lim takin thuhil hil uhi.” (Paunakte 13:24)
Tate ih thuhilna in ih itna lak khiatna ahi, ahin eite ih tate pen neulai uh chi’n kiduat kha den hi. Khenkhat in a gol chiang un ki thuhil naven chi lai uhi. Ahinlah a hung pichin nung un thuhil in vau in phawk lei loi nuak leh loi kilak khial hung bang ta uhi. Eite’n ih tate it kisa in sat ngamlou leh phawk ngamlou a ih omkal un ih tate lam diklou lam a apui pui ana kihi khin ta hi. Tuajiak in ih tate pen ih iit tak tak leh thuhilna toh pan ni.
ii) “Naupangte sat ding in khongai tadi kei in; satna
hangin shi lou ding hi. Chiangduai tawh sat leh chin, a nuntak lawhzaw ding
hi.” (Paunakte 23:13-14)
Ih tate thuhil ding bek hilou in sat a ngaileh sat ding phawk a ngaileh phawk ding hi hang. Hidan a ih na mapui khak keileh hung let nung chiang un innpan in singkhua toh hung delpawt ding uhi, tua bek hilou in na tate lau in inn tung ngamlou ding na hi. Hibang teng a pianglou nang in aneu tung ua pat in thuhil ni. Tu hun in mi lawhching pawlkhat te in a lawhchinna uh thu agen chiang un ka neulai a kapa in hung it man a hung sat man a ana lampial khalou kahi, kapa thuhilna leh satna hang a misuak kahi chi bang jong tampi om hi. Tua jiak in tate thuhil ding pen neu ngaisut kei ni.
iii) “Na ta thuhilh in phawk leh chin, amah hangin na
kipak ding a, na lung hung kimsak ding hi.” (Paunakte 29:17)
Tate thuhilna pen tate a ding a hamphatna bek hilou in ei a hiltu te a ding in zong hamphatna lianpi ahi hi. A tate a thuhil nuamlou te pen a tate hung pichin nung chiang un a tate uh hang in lungkham den ding uhi. Tua ahihman in tunin nang ma khutsung ah na mailam a kipak nang leh lungkham nang om hi, khoi pen na teel zaw dia, na kipak ut a na lungdam nopleh na tate thuhil kipan ngal in.
e) BANGZIAK A ANEU
UA PAT A THUHIL NGAI AHIA: “Naupang khat
a neu lai in lampi dik tuansak leh chin, a tek dongin a lam pial nawn kei ding
hi.” (Paunakte 22:6)
Laisiangthou in a pichin nung in hil in chi lou in a neulai in chi seh seh hi, tua ahiman in aneu ua kipat thuhil ding ahi. Ajaik naupang pen piching toh teh in thuhil nop a, thu zong mangzaw uhi. Mihing hi’n ganta hitaleh a nu te un a neu tung pan un ana hil uhi, tua ahiman in hih a neu tung uh na angsung ah aom nuam sung teng leh na thugen a ngaih nuam sung teng in limtak in nate te thuhilna na piak ding kisam hi. Tua dan a na bawl leh pa lawhching khat na suak pelmoh ding hi.
THUKHITNA: Pasian in pa teng teng ih tate chiat thuhil zou sem ding leh thuhil zing zou ding in thupha hung pia ta hen.
PATE NI ZAK NOP CHIAT NI!
~ TBCD NEWSLETTER | 16-06-2024
Tuni a i tate uh hinkhua a panmun poimawhtak nei a, tate a diing a kha-muanna nu-le-pa hi a, i tate kepna ua lungkim leh kha-muang a i om chiat theih diing uh deihna in Pate tengteng zahna salaam ka hung buk hi. Tate keem a mawhpuakna saang pen, Pasian a kipan a ngahte i hihna uah, i lungkimna zah un i tate uh i keem na uh hiam? Tualeh i tate uh zong i kepdan uh leh i limsakdante uah a lungkim na diing uh hiam? Chih ngaihtuah kawm in, Pa hihna a i mawhpuakna uh i zawhtheihna diing un, hih a nuai a thu sawmte i na sim diing uh hi. Tualeh hihte’n na zi-le-tate uh tawh na kaal uah, ki-itna, kilainatna hoihzaw a hung tut diing k’ung kineppih hi.
Khatna: Na Tate Nu
Zahbawl In
Pa khat hihna ah, na tate a diing a na bawltheih tampite lak a a hoih penpen ahihleh a nu uh na itsak diing ahi. Na kiteenna uh na khauhsak/ damtheitak a na omsak diing ahi. Nu leh Pa kizahtaattuahna leh ki-itnate pen tate’n a muh diing un, a theih diing ahi. Na nupa kaal uh damna pen na tate a diing a zong damna, na zi a diing a zong damna, na u-le-nau a diing a zong damna ahi chih thei kawm in na tate nu it in. Hih tawh kisai a theihbeh ut na neih leh “protecting your marriage” chih a na sim in.
Nihna: Na Tate Tawh
Hun Zangtam In
Matt. 6:21: Na gou omna uah na lungsim uh zong a om hi.
Tate tawh hun zaktam diing chih pen Pa khat a diing a thubaih hilou ahi chih theihsa ahi. Tualeh i singtaangpa tawndan uh tawh zong kituak khollou chih diing hiam in zong om hi. Eimite lak ah, Pa khenkhat pen, tate tawh kigop diing a ngaisiamlou pawl ki-omthei hi. Hilezong a taktak a chih in, tate’n Pa itna pen a hun zakkhawmna ua kipan in sim uh hi. Na tate’n na itna a muh ua, ka pa’n a hung it in, a hung ngaina taktak hi, chih a theihna diing un nah un a tamtheibang in na tate tawh zangkham in. Ta itte’n a tate uh tawh omkhawm nuamsa ua, a itloute’n tate tawh omkhawmlouh pen khawksalou uh hi. Ta itte’n a tate uh tawh hun a tamtheibang pen a zakkhawmna diing ngaihsun ua, a itloute’n ngaihsun lou uh hi. Na gou omna uah na lungsim uh zong a om hi,’ chi ahihman in, na tate Pasian a pan a na gou ahi uh chih na pomtheih leh, na tate tawh nah un zangtam in.
Thumna: Ngai Masa
Inla, Tuachiang In Gen In
Ei mite lak ah, nute tawh tate kihou mun bang in Pate leh tate kihou tam khollou hileh kilawm hi. Pate’n tate a houpih chiang un, a taangpi in tate a buai hun uh ahi deuh hi. Tuaziak in nute’n tate kiang ah, na pa’n hung tua chih diing ahi, chihbang in thuhilh uh hi. Tuaziak in Pate’n ngaihsut ni hang in, i tate uh haksatna leh buainate ngaihkhiatsak masa ni. Aziak pen ama’uhte i ngaihkhiat masak leh, ama’uh khamuang in, a haksatna uh i theihpih uh chih a muthei uh hi. Hibang a hihziak in tate lungsim leh ngaihdante ngaikhe ni hang in, tua khit chiang in houpih le-hang, a hung khantouh dan bangzeel un a nisial hinkhua ua haksa a sakte uh pen, a puakdan hung siam deuhdeuh diing uh hi.
Lina: Itna Tawh Na
Tate Thunun In
Naupang zousiah in thuhilhna leh thununna a poimawh ua, gawtna a kisamkei uh hi. Na tate sil bawl hoihlou omte a hoihlouh dan theisak inla, tua hoihlou in gah a neihdante hilhchianzaw in. Huhamna leh hugiikna omlou a, tate nemtak a thununna in Pate itna tate tung ah kilangsak mahmah hi. Hih tawh kisai a theihbeh ut leh, “8 Things to Know About Disciplining Your Child.” Chih article a na sim in.
Ngana: Na Tate Diing A
Pa Ettontaak Hi In
Nu-le-Pate pen, i tate ua diing a ettontaak a hi tawntungte i hi uh hi, chih nu-le-pa in theih masak diing ahi. Tuaziak in naupang khat in a nu leh a pa tawh kibakna mizia tamtak nei hi. Hibang ahihman in tate hoihna leh siatna tawh kisai in nu-le-pa in panmun leh mawhpuakna thupitak nei hi. Tuaziak in nu-le-pate’n i omdante ua kipan a tate, ki-ngaimkhiatnate, gin-omnate, chihtaknate, leh Pasian deihna tawh kituak khankhuate hilhzaw le hang hoih mahmah diing hi.
Gukna: Na Tate Diing
In A Teacher Uh Hi In
Kithuhilhna diing in saang-inn a poimawh pen kei a, eima innsung chiat poimawh masazaw hi. Pa khat i hihna uah, i tate uh hoihtak a i thuhilh diiing uh ahi a, dik leh dikloute, hoih leh hoihloute tawh kisai a thuhilh a, a diklam leh a hoihlam a teel uh hiam chih i etchet diing uh ahi a, tualeh tate’n deihteelna hoih a neih ua, silsia saang a sil hoihte bawl diing a utzawkna dding ua, ni sial a i makaih ua, ama’uhte i panpih diing uh ahi.
Sagihna: Innkuan A An
Neekkhawmna
Innkuan a an neekkhawmna pen eimite lak ah tam gen ngai diing in
ka gingta kei hi. Aziak pen innkuan a ankuang umkhawmte i hi uh hi. Hih innkuan
neekkhawmna in a deih pen ahihleh kilungkhatna diing, duh-le-ngaih kitheihtuah
a, khat-le-khat kitheihchian zawk semsemna diing chihte leh a dang tami a om
hi.
Giatna: Na Tate Khankhua Simdan Siam In
Tate hinkhua leh lungsim luahdim bangbang a om a, chihte pen nu-le-pate’n i sim diing uh ahi. Tuabang a tate hinkhua i simkhiatnate uh tungtawn a thu hilh a, a hung khanlet deuh chiang ua ama’un a hinkhua uh a simsiamna diing ua panlak diing ahizaw hi. Hih tawh kisai a theihbeh ut na neih leh, “6 Tips on How to Show Your Child Reading is Awesome,” chih article a na sim in.
Kuana: Na Lainatna
Kilangsak In
Naupangte khamuanna hung kipatna pen, a innkuante’n a it uh, a ngaina uh, chih leh a hehpihna hi chih a theihna ua hung kipan ahi. Tuaziak in Pate aw, i tate un i itna uh muh diing a nei uh hiam, i tate’n i itna uh a kham uh hiam? Tate khavaatak a omsak nu-le-pa i hih khakdiing uh lau-huai hi.
Sawmna: Pa Nna Sep Pen
Zousiangta Chih Omthei Lou Ahi Chih Thei In
Tate a pichin ua, inn nusia a, ama’uh utna bang a om diing a kimansa hitale-uh zong, ama’uhte’n Pate thumopna leh pilnate a mitsuan tawntung hi. Ama’uhte’n a laisimnate a sunzomta zong un, zi a neita zong un, ahihke’h nna (sepna) a neita zong un a hinkhua uah a pate un mun poimawhtak luahdim veve hi. Tuaziak in Pate pen tate a diing in poimawh uh hi. Hibangteng ahihna ah, pate nna septe leh mawhpuaknate pen tate pichin ziak a zouta hilou in, a kizoukim theilou, damsung a sual diing mawhpuakna ahi.
A tung a i gen uh thu sawmte lak ah khoi pen nang a diing in a haksa pen a?
Hih thute na simna tungtawn in Toupa Pasian in thupha hung peta hen.
~ TBCD NEWSLETTER | 16-06-2024
.jpeg)
.png)
.jpeg)
