US-a awm Rebecca Fanai hian The compassion Project hmangin November 6 atang khan Mizoram State hmun hrang hranga raltlan Camp te tlawhin chawlhkar 3 chhung chhawmdawlna hlanin a tlawh a, November 23 khan hlawhtling taka a hnu a khar thu hriat a ni.
Rebecca Fanai leh a thawhpui te hian Mizoram District 6; Aizawl, Mamit, Kolasib, Lunglei, Lawngtlai leh Champhai-a raltlan camp hmun 20-ah Myanmar atanga ralltante hnenah chhawmdawlna chi hrang hrang an pek thu hriat a ni bawk.
The compassion Project hian thil 3 a nei a, raltlante tan damdawi hmanga enkawl te, hriselna zirtirna bakah naupang leh hmeichhe lam mamawh thil chi hrang hrang a tul anga tanpui a ni a.
The compassion Project leh Rebecca Fanai leh a thawhpui; Chin Health Organization (CHO), Myanmar Refugees Relief Committee-Mizoram (MRRCM), NGO United for Democratic Myanmar(NUDFM), Kalay Crisis Support Team(KCST), Youth For Myanmar(YFM), Matupians, Sevenday Adventist damdawi in leh tlawmngai hrang hrang ten an tawiawm thu hriat a ni.
Rebecca Fanai hian hun rei lo teah US-ah kir leh a tum a. The compassion Project feh chhuahnaa a thawhpui te hnenah lawmthu a sawi nasa hle.
Myanmar-a Military council ten kum 2021 February 1 atanga sorkarna an lak atang khan Rebecca Fanai hian an Talen tha tak hla sak hmangin Revolution a beih thu hriat a ni.
~ The Tahan Post | 29 Nov 2022
.jpeg)
.jpeg)
.jpeg)
No comments:
Post a Comment
Comments not related to the topic will be removed immediately.