Tedim khuapi lutna Welcome Gate Mual a mun ala Ngongtat_ Misok (SAM/ SAC) te Nov 27, 2025 zingsang nai 8:00 pan in Mipi Galkap PDF-Zoland leh abelpawlpih CB te' kikaal ah kikapna piang hi.
Tua kikapna pan in Mipi Galkap CB (PDF-Zoland) lampan Pasian' hong kepna tawh aliam-abaai omlo hi. Tua kikapna pan in thauvui-thautang leh van tuam² te ngah bek tham lo, Ngongtat Galkapte zong pawlkhat hingmat uh hi.
Etkikna: Saimual ah Kawl Galkap 30 kiim khawng in Gate bawl in, khualzinmite' tung ah sum la uh ci hi. Mawtaw neute khat ciang in Tengh 3 kiim bang la in, mawtaw liante pen Tengh 5 kiim bang la uh ci hi. Tedim lampan in Saimual anawk nuam mawtaw khempeuh in Tedim ah laidal thauhkhansa (ထောက်ခံစာ) la phot in, tuaciang bek in nawksak uh ci hi.
Saimual ah Kawl Galkapte om nawn kei leh Mipite suaktatak in khualzin thei ding uh a, Zoland te a di'n zong kizopna ol tuam mah² ding hi.
.jpg)
.jpeg)
.jpeg)
No comments:
Post a Comment
Comments not related to the topic will be removed immediately.