Khalvontawi Girl Tops Manipur University BCom Exam 2020

LAMKA,  OCT 26, 2020 -- A young Khalvontawi girl named Carolyn Chingthianmawi secured the top most position in Bachelor of Commerce (honours) Examination 2020 under Manipur University.

MU BCom (Hons) exam results was declared on Monday.

Carolyn Chingthianmawi scored the highest marks in all the papers.

No of Candidates Appeared: Male = 278, Female = 194, Total = 472.

No of Candidates Passed: Male = 208, Female: 152, Total = 360.

This Topper is the beloved daughter of Shri Pauminlianthang, Ex-President of both, Thangkhal Tribe Organisation (TTO H/Q)  and Thangkhal Sinlai Pawlpi (TSP H/Q), Manipur.

Her mother is also a member of Zomi Mothers Association (ZMA), Manipur. 

Miss Carolyn have been recorded as a brilliant student in Rayburn College, Lamka, Ccpur, Manipur.

TSP (H/Q) members led by its president Mr.Khaisuanlam congratulated Miss Carolyn at her residence on Monday, 26-10-2020 evening. 

KV Media wishes her all the very best in her future endeavour.

Share:

Read full story►

Khalvontawi khat in UPSC Prelims zou

Lamka, Oct 25, 2020: Thangkhal Peoples' Organisation (TPO) founding chairman Pu (L) Tunzachin Guite adia atupa, Khalvontawi tangval etton tak M. Johnson Chinminlian Guite S/o  Catechist Lawrence Langkhanpau Guite of Tuaitengphai, in tutung Civil Services (UPSC) Exam 2020 Prelims ah lawhchinna ngah hi.

A lawhchinna tungah Khalvontawi te'n kilungdampih mahmah hi.

Kumthak January 2021 chiang UPSC Main Exam om ding a, tuonah a hong lawhching kik theihna di'n i thumnate ua phawk chiat ni uh chi'n KHALVONTAWI te iki chial uhi.

KHALVONTAWI

VOICE OF THANGKHAL

Share:

Read full story►

KV Media in Dr. Mangzamuan Thangkhal kipahpihna nei

Lamka 2020 October 2020: Thangkhal Nam sung a thuki zaksakna KHALVONTAWI SOCIAL MEDIA (Voice of Thangkhal) in tuni zingsanglam Dak 10:00AM in Tangnuam a Mangzamuan Thangkhal s/o (L) Rev. Khaikhanthang & Pi Donkhanngai, Doctor of Philosophy (Ph.D) Jawaharlal Nehru University, New Delhi in 2019. a azohna tung a kipahpihna in Memento pia uhi, hih zakna MG Thangkhal News Editor, KHALVONTAWI in lamkaih a, Bruce K. Thangkhal, Editor KHALVONTAWI in Memento sim khiatna nei in, Haumuan Founder member KHALVONTAWI in Memento piak khiatna nei hi, Bruce K. Thangkhal in Dr. Mangzamuan @Mangneu Thangkhal in Doctor a zohna tung a kipahpihna mahmah ahih dan gen hi, MG Thangkhal in agenna a, Tulai khang a dia Siamsinna lam a Doctor zou ichi Thangkhal mi nam adia kisak theihpih mahmah ahih dan gen in, nidang a Pu leh Pa te hun lai a, sa man ichi te na lawm jel uah, tukhang a dia Doctor zoute kilawmta ahih na a, Siamsinna lam mah pibawl poimoh ahih dan gen hi. Dr. Mangzamuan in agenna a KHALVONTAWI nasepna pahtat tham ching asak dan gen in, Maban a lungkia louin pan la tou jel dingin ngen hi. Hun tawp a Haumuan Founder member KHALVONTAWI in Thugenna leh Dr. Mangzamuan Thangkhal adia Thumsakna nei in, Paikhawm tengin theitui dawn khawmna nei in hun zou uhi.

MG Thangkhal

News Editor, KHALVONTAWI

KHALVONTAWI

VOICE OF THANGKHAL

Share:

Read full story►

The VIIIth Khalvontawi Meet 2012

---- In Commemoration of the 25th TSP Anniversary ----

Theme:

"Righteousness Exalts A Nation"

D E T A I L P R O G R A M M E

(2:00 PM – 5:00 PM)

Date : 14th November, 2012 

Venue : SSS-I Auditorium, JNU, New Delhi

Compere:

Mr Hausuankhai

Miss Nianlamching

01. Opening Song : NUNBANG NUAM E (TSP Anthem)

02. Invocation Prayer : Upa T Ginlunthang, Local Upa, ZCF Delhi

03. Welcome Address : Mr Kammuanmung, Chairman, KV

04. Special No.: -- Mr T Boboi -- Ms Ngainu

05. Exhortation Speech : Rev T Kamsuanlal, Pastor, MELC Delhi

06. Special No.: Miss Biaklian Buansing

07. Speech : Rev Jangkholun Mangte, Pastor, ZCF Delhi

08. Special No. : SWEET 16

09. MESSAGE & BLESSING : Rev Dr Langkhanthang Lianzaw, Founder & CEO New Beginning Gospel Ministry International, New Delhi

10. Special item : The RUBBER Band

11. Special No.: Mr Suankap

12. KHALPIPA (Father of KV Meet) : Rev Khaikhanthang, Retired Pastor Thangkhal Bible Church, Manipur

13. Special No.: -- Mr Kapbiaklian -- Mr Khanthang -- Mr Kamsian

14. "NUIH DAM THEIHNA" -- Mr Khaipupa, The Great -- Mr Muanneu, The Great Thunder

15. HIP HOP – Nauching & Co.

16. Special No.: Mr Kaiminlun

17. Word of Thanks : Mr Hanglamthang, Finance-cum-Treasurer, KV

18. Benediction: Upa Kamsuan, Laina Gospel Team, Lamka

---------------------- ITNA ANNKUANG IMKHAWMNA ----------------------

EVERYONE is WELCOME

Come ONE Come ALL

Come, Enjoy & Be Blessed

Share:

Read full story►

Khalvontawi Essay Writing Competition Result (Full Report)

Rev Ginkhankap Pahtawina piak in om

Lamka, Sept 5, 2020: Thangkhal sung a thu kizaksakna dia kibawl KHALVONTAWI MEDIA (Voice of Thangkhal) in tuni zinglam Dak 10:00AM in Tangnuam Bethel Veng a Upa Laanghaulian inn (2nd Floor) ah 1st Khalvontawi Essay Writing Competition 2020 Result phuankhiatna leh prize piakna nei uhi.

KHALVONTAWI MEDIA (www.khalvontawi.com) apat Thangkhal haam a Bible New Testament letkhetu (translator) Rev. K. Ginkhankap, M.Th (N.T) pahtawina in Memento piakna leh Puanlaisan khat silsakna Upa Nengsuanthang, President TBC in nei hi.

The 1st Khalvontawi Essay Writing Competition, "Diktatna in nam a tawisa'ng" chih pasan in kidemna 23 July - 15 August 2020 sung ana om hi. Himi kidemna ah mi 10 -- pasal 7 + numei 3 -- pang uhi.

Himi Essay Writing Competition in atup Ieh a ngim ahihleh khangthakte laigelh lamah khantouh semna ding chih ahi.

1st Prize ahileh Mr. Thangliantung s/o Upa Thangsuanpau, S. Geltui in la a, TTO GHQ President in Memento + Rs 2000 piak khiatna nei hi.

2nd Prize ahileh Mr. Thangzakap s/o Mangsianhang, S. Geltui in la a, TYO GHQ in Memento + Rs 1500 piak khiatna nei hi.

3rd Prize ahileh Mr. K. David Suantak s/o Upa Kamkhanhang, S. Geltui in la a, TSP GHQ in Memento + Rs 1000 piak khiatna nei hi.

Consolation Prize mi 7 teng kiangah Pu Thangkhanmang,  President, Thangkhal Tribe Organisation (TTO) GHQ in kipahman in Rs 100 chiat pia hi. President TTO in, "Itna nei nam hih ding, mite ettontak hih sawm ding ahi," chi'n mipite hanthawn hi.

Khalvontawi Essay Competition a Participant-te apat thugenna om hi. Rev. Thangdoulal Suantak, Thangkhal Bible O.T. Translator in "Diktatna in Nam a Tawisa'ng" chih thupi pansanin Pathian thugenna nei hi.

Thangkhal Nampi lamkai - Thangkhal Tribe Organisation (TTO), Thangkhal Youth Organisation (TYO), leh Thangkhal Sinlai Pawlpi (TSP) General Headquarters apat thugenna zong om hi.

Thangkhal Baptist Church (TBC) sik-le-tang in TBC President Upa Nengsuanthang in thugenna a nei zaw in, 2000 kum a Thangkhal haam a kibawl KHALVONTAWI (VAPHUAL) Monthly Magazine ana pankhettute -- Mr Bruce K. Thangkhal (founder editor), Mr T. Chinlunthang (founder member), Mr Ginlunthang (founder member), Mr Kamkhup Mate (founder member & Ex Editor, Vaphual) leh Mr Haumuan (founder member) teng lak ah Mr  Mr Kamkhup, Mr Haumuan leh Mr Minlian Suantak (Ex Editor, Vaphual) te'n programme uap ua, thugenna zong nei uhi. Amau teng thum in KV Media Rs 1000 toh phungvuk uhi.

A thugen khenkhatte uh:

Mr Kamkhup in khatvei Magazine na kisuah zel mahleh typing sung leh word check sung hun sawtpi lut ahihdan gen hi.

Mr Haumuan in magazine  kichi nam adia gou manpha leh ham-le-pau/ literature kepbitna ahi chi. Whatsapp leh Facebook lak ah laigelh zualte in Literature diktat leh zang taktak na omlou, printed magazine ahih chia Literature diktat pawt a khangsawn te et thei dia zong history a dia pawimoh ahi chi.

Mr Minlian Suantak in sum-le-pai haksat ziakin Vaphual Magazine in maban sawn theilou a om kha ana hihdan gen a, tukhang bang hileh mazagine nuamtak a kibawl zou ding ahi chi hi.

Programme a hong pang theilou uh,  Hyderabad a om Mr Paulianhang @HangP, Administrator, Khalvontawi Media leh Tengnoupal district a om Mr Bruce K. Thangkhal, Editor, Khalvontawi Media te apat message "simkhiatna" KV Media News Editor MG Thangkhal in nei hi.

Administrator' Message: 

-----------------

CHIBAI ! 

TOUPA THUPHA !

Pasian ompihna toh 1st Khalvontawi Essay Writing Competition lawhchingtak a 

jou thei a, tuni a kipakman(prize) te hawmkhethei ding a omta ihihman in vansangpen a om iToupa Pasian kiang ah kipakthu kagen masa hi.

Hih essay writing competition apat in Thangkhal ham a laigelh pen kuamah kisiam nailou ahi chih muhtheih in om hi. Competition ah laiteng/laimal zatdan, athu (contents) leh laizekdan chihte ki en tangpi hi. Tuni a winners te'n jong laigelh dan leh iham gelhdan zilbeh ding theihbeh ding tampi neilai ihi chih manghilh lou in, ilaigelhdan leh iham gelhdan puahphat ding dan kijil ding in 

kung ngen hi. Thangkhal ham a laigelh ding pen kei mahmah in jong haksa kasak pen khat ahi. Abaihlam pen a gending in J leh Z jat ding dan, O leh AW jat ding dan chihte bang theih haksa pikhat ahi. Social media – Whatsapp, Fb lak a 

thu ki post te imuh chiang in sim haksa mahmah a, khat veivei bangpen genna ahia chihjong kithei joulou phial hi. Tuajiak in literature society hoihtak nei in namdangte bang in High school ah syllabus vanei jou kei mah lehang jong laigelh dan kichian neihna ding tanbek pen poimoh kasa mahmah hi. I Thangkhal ham pen athu a igen(spoken) chiang in abaihlam a, igen dan tawh kituakchet a va 

gelh ding pen baihlam lou hi.

Inam sung a pawlpi tuamtuam te'n kou KV media te nung na theihsiam ding un Khalvontawi media min in kung ngen hi. Kithupisakna/kiletsakna dan leh publicity dan a hih essay comptetition kisai ahikei a, inam iham a laigelhdan themkhat bek phattuamna a om khak leh chia inam ngaihnatna jiak liuliau tawh 

hung kisai ahijaw hi. Cash prize ding jong bangmah neihsa akinei tuan kei a, inam sung a mikiphal mun tuamtuam a om mi bangjah hiamte apat kingen khawm maimai ahinalai a, amaute tung ah inam angaihnat na jiak un kipakthu kagen hi. Duhthusam gen jual ta maimai le hang, literature society inei kei ta jong in, inam sung a pawlpi tuamtuam te bang in literature tawh kisai workshop 

neuneu neithei jel henla tua hun ah iham diktak a gelh ding dan chihte kihilh thei lehang saupi phatuam inteh kachi hi. I Thangkhal nam khantouhna lampi ah ipantheih na teng a pang chiat ding in iki ngen hi. Khalvontawi Media panlakna tawh tuchiang in tulai a khovel pumpi in mipil bang a ajat, dot theih dotmawh adot uh Google sung ah Thangkhal/Khalvontawi chih thumal te ijong (search) leh eima ham a muhtheih/simtheih ding thu leh laa hunkhop omthei tahi.

Atawpna ding in eite iham mah in hung kankhawm ahihman in pawlpi leh biakna hitaleh jong kuamah kikhentuam lou in Thangkhal ham teng huop jou gige ding in lungsim ngaihsutna kuah thei chiat lehang chihpen deih huai mahmah hi. Kua hileh inam a ding a pan ilak nate ah gen leh sak tampi omtham 

ding a, hilehjong huate pen lungneuna/thadahna a lalou a, ei leh ei kisuk thathouna, panlak thakna a neithei jaw ding in ikichial hi. Tuni a panmun neuneu ilak nate khatvei chiang in sil thupi hung suak ding hi...tuimal neuneu 

te'n tuipi abawl chih thupil kemching gige ni. Lungdam ingh !

~ Hangpi 

Hyderabad, India. 

Administrator, 

www.khalvontawi.com

--------------------

Editor' Message:

----------

"Amasape'n in hibang hun manpha ipia ibiak Pasian min phat in om masa hen. Tualeh tuni program ngai poimaw tak a ikalsuan tengteng KHALVONTAWI MEDIA min in ZAHTATKNA chibai kung buk hi.

KHALVONTAWI MEDIA -- Website, Social Media, YouTube -- ahileh THANGKHAL adia Media lam a pan theih tantan a maa ana khuatkhuat khat ahi.

Masang lai in INTERNET/ GOOGLE ah THANGKHAL kichi toh kisai a kizon (search) chiang kimu zoulou hi. Kum 2000 apat internet ah Thangkhal kichi Yahoo Search ana kibawl a, kimu zou lou. Akimu sun chuh "Mulam" ahi. Ei Mulam ana hilou lai!

Tuaziakin Thangkhal toh kisai Thu-le-Laa, Photo, Video, Audio, etc kaihkhawm (collection) theih dandanin kibawlin i website uh www.khalvontawi.com ah kikhum zelzel hi.

KHALVONTAWI.COM ahileh Thangkhal toh kisai khempeuh "Online  Documentation" (internet tungtawn in kikembit) kibawl hi. Kum 15 val bang ana kibuaipih khin hi. Tun internet/ Google ah THANGKHAL kichi muhthei in umta hi, chi mipite kung zasak nuam uhi. Pasian min thupi ta hen!

Tutung a 1-veina Khalvontawi Essay Writing Competition: 23 July - 15 Aug 2020 sung, "Diktatna in nam a tawisa'ng", cih thupi a pansan in kinei hi.

Himi Essay Competition in atup ahileh "Khanglaite adiak in Khalvontawite thu-le-laa "gelh (writing)" lam a masawn semna ding deihna toh hung kibawl ahi.

Maban ah athupizaw sem a bawl kisawm a, Khalvontawite zong thanuam tak hung pang tou zel ding in ikitheisah uhi. I nam khantouh semna di'n i omna chiat ua panlah chiat ta ni hang", chi'n Bruce K. Thangkhal in a message ah taklang hi.

----------------------

Delhi ah zong 2006 kum in monthly newsletter KHAL-VONTAWI chi'n Mr Bruce K. Thangkhal, Mr Zamin K. Thangkhal leh Mr Mangneu Thangkhal (Dr Mangzamuan) te'n kum bangzat hiam tak ana suah uhi.

Tuni'n Rev. T. Chinminlian,  Executive Director, TBC in KV Essay Competition Organiser-te,  KV Social Media Admin-te banah Essay Competition a participant teng a di'n thumsakna nei hi.

Mr MG Thangkhal in agenna ah lamkai masate ziak a Thangkhal Nam hitan tung ahi a lamkai masate zahna sangpen ipia uhi chi. KHALVONTAWI Magazine a lamkai masateng leng zahtakna sangpen pia ahihdan gen in maban ah zong Thangkhal nam sunga Essay Writing Competition neih sawm zel uh ahih dan gen hi. Essay Topic ding ahileh Saptuam lamkaite leh Nam lamkaite dot a kalsuan tou zel ding ahi chi.

Tuni programme ahileh feltak in Mr Mangpi Thangkhal, Admin, Khalvontawi Social Media, makaihna nuai ah kinei a, Upanu Niangngaihnuam, Woman Chairperson, TBC Central in Bible sim in Pathian kiang a programme latna nei in hun pat in um hi.

Vote of thanks ahileh Mr MG Thangkhal in nei a, Upa Kamminthang, Recording Secretary, Thangkhal Baptist Church GHQ in thumna toh hun khak in om phawt hi.

Programme teng lohching tak in kizou a, kipaktak leh maitai tak in theitui kidawn khawm hi.

(Note: Himi report ah thugen teng a kitaklang zou kei a, tuaziakin video recording te Khalvontawi YouTube ah kikoih hi.)

~ Khalvontawi Media

Share:

Read full story►

1st KHALVONTAWI ESSAY COMPETITION WINNING ENTRIES

CLICK RELEVANT PHOTO TO READ THE ENTRIES    

1st Prize Winner

2nd Prize Winner

3rd Prize Winner

Share:

Read full story►

1st Prize Winner Essay Competition - Mr. Francis Thangliantung

DIKTATNA IN NAM A TAWISANG

DIKTATNA :

Pasian hihna(attribute) te lak a khat ahihleh Diktatna ahi. Pasian pen diktatna lam ah buching(perfect) hi. Pasian adiktat mahbang in amah muang a kalsuante zong diktak a kalsuan ding pen athupi pen ahi.

Diktatna ichih chiang in diktaktak a gamtang a khosa cihna ahi a, Hamkamsuak guak a diktat hilou in a gamtatna a zong diktat ahi. Mi diktat in thilhoih leh dik guak bawllou in a Sahkhua a dante zong kiptak in kem in tu tinten tawntung hi.

Bible sung a muhtheih mah bang in Diktatna pen gingtute a ding in poimoh mahmah a, Pasian thu sung a diktatna kigen tuamtuamte i en zual ding uhi.

1.Mi diktat in golgukna/nekgukna kichi mongmong lalou.(Exo.28:8)

2.Mi diktat in deihsak tuam neilou.(Prov. 18:5)

3. Mi diktat in thuakgimna tampi anei a hilehjong tuate tengteng apat in Toupa’n ahunkhia hi.(Prov. 34:19)

4. Mi diktat gouneih manpha hi.(Prov. 37:16)

5. Mi diktat khotuahsiam leh nunnem uhi.(Prov.29:7, 12:10)

6. Mi diktatte tung ah Pasian deihsakna atuung(Psalm 84:15), tualeh a kalsuannate a detsak hi.(Psalm 37:23)

7. Mi diktatte pen kumtawn a kithei gige ahi.(Psalm 112:6)

8. Midiktatte’n thuneihna atuk chiang un mipite kipak uhi.(Prov. 29:2)

Bible sung a diktatna thu tampi muhtheih ding a um a, igenseng kei ding hi. Tua atung a itaklat Bible bung leh thangte bangjah hiamte tungtawn apat in Diktatna thu umjia itheihna ban ah hungpanpih khak leh chi a itaklat ahi a, tualeh ithupi uh zong ahi.

I thulu a diktatna in nam a tawisang chih ahi a, nam tawisang na ding a poimoh pen ahihleh diktatna ana hi ahi. Diktatna in lawmhoih leh panpihtu hoih mah mah khat nei a, huapen ki-ukna/ki-thununna(discipline) ahi. Kithununna panglou in kuamah a diktak zou kei uhi. Tua ahihman in, kithununna ziak in diktatna ahung siamkhia a, mi mahni kithunun joulou pen diktatna lampi juijou lou ahi. Mi kuapeuh amah utna a apai chiang in diktatna lampi nusia in diktatlouhna lampi ah ana kalsuan jojel uhi. Namsung leh khotang kivai puakna ah ki-thununjohna leh diktatna poimoh mahmah hi. Mihing khat hihna a poimoh mahmah khat ahihleh mahni/eimah ki-thununjohna ahi. Tuajiak in diktatna siamkhiatu ki-thununna a hung omlouh chiang in nampi le khotang vaiteng buaizak zel hi.

Diktatna pen kum tungtawn a hung piang khia hijawlou in a zil a zilkhiat thoh jawk ding ahi. I nam uh diktatna toh kalsuan ding chi ihihleh hung khangtou momnoute diktatna lam a kalsuan ding a zilsak ding ahi. Bible sung ah muhthei bang in “Naupang a paina ding lampi a chil in, a upat dong in jong tuate akipat in a paimang kei ding hi”. (Prov 22:6).

Hihsung a imuh mah bang in naupangte diktatna lampite ah kalsuan dan sinsak a panlak masak poihmoh mahmah ahi. Amaute tunung chiang a lamkai dingte ahihman un, sinsakna hoih piak poimoh ahi. Tualeh Romte 11:16 ah “...azung asiangthou leh, abate zong tuachihmah bang in asiangthou hi...”. I nam sung uh puahphatna ding in abulpi puahphat masak angai a, tuahileh maban ding zong hung hoih touzel ding ahi.

Diktatna a ikilam thak ding uh poimoh mah ahi a, tua ahiman in kipat hun mahmah tah hi. Singtuailai ut dandan a khiakkoi ahithei a, aletchiang a bawltheih nonlouh ahihbang in inam diktatna a ikilamthakna ding in tuhun apat a khangnoute diktatna lampi jilsak ding ahi. Diktatna lampi kithuhilhna ding in sehtuam mi a om sese tuankei a, ahihta in jong, mawhpuakna lianpen nu-le-pate khut ah akinga hi. Nampi khat diktatna lamna ding in Nu-le-pate khut a om ahi. Inn sung a diktatna jilsak masa kihileh nampi lamkai hung hihchiang in diktatna mah hung pibawl a hung kalsuan chiangun, i nam etlawmna leh gualtung tuanna i neithei ding uhi.

DIKTATLOUNA

I khotang leh gam a chin tampi ineih te jiak un igam khangtou theilou a, tuate lah a lauhuai leh a khok pen diktatlouhna leh nekgukna ahi. Hihte in inampi min zahlaksakna leh khanmohbok suak sak hi.

Diktatlouhna munkhempeuh a muhtheih in um a, kivaipuakna sang mahmah leh zahtakhuaite a zong om veve hi. I lungtang tawngte a hihte diktatlouhna lungtang ihua chiat ua, ahinlah mahni angkhualna leh hamphatna ding om chiang in diktatna lungtang kineithei nonlou hi. Hichibang thil namkhat peuh sung ah muhtheih in om ah, tuate ziak in midiktatte khut sung ah ki omlou in midiktatloute nuai a ki om jaw hi.

Diktatlou a gamtatna te ziak in ikivaipuakna te a buaina tampi piangzel in khotang leh mimal hinkhua tampi te susia theijel hi. Hichibang a diktatlouhnate ziak in nampumpi midangte muhniam leh mite ngaihsang kihi theilou lou a, i nam a minsiatna leh thuak ding kua dang hilou in eimah kihi a, mite mai ah maizumna leh mahni kimuanngamnate kiam in tuate ziak in kineu suksuk lawh ding hi. Nampi lamkaite kivaipuakna a mimal metna leh diktaklouhna toh a ahung gamtang a om chiang un, paidan lemlou leh lungtunglou a lungkimlouhna hungpiang chiang in khotang kivaipuakna hong subuai in siatna tampi tuntou jel hi.

Hichibang a diktatlouhna hang/ziak a inam sung abuai vengvung chiang in kuan hung hunkhia thei ding ahia? Kuamah dang omlou in eimah mah bawl ding ahi. I dinthak kiktheihna ding in thudik leh hangsan tak a panmun khoh a, mai-et tuam omlou a adik-atang a thukhen zok ding ahi. Thutak a vai ihom theih a diktatlouhna kipatna bul ibawhkhiat chiang un nampi kilamthakna hung tungthei ding a, lam-etna bei le sangdak ngamloute a ding in lam-etna nisuak hung hita ding hi.

THUKHITNA:

Nampi khat kilam thak theihna ding in mitphiat kal a lamkhiat theih hilou hi. Sapte/mikangte thupil khat in ana genna ah “Rome was not built in a day” chih ahi. Hih thupil in agennop pen ahihleh thil thupi leh lian, hunsawtpi theihden tawntung a om ding, minthang leh akhang-akhang a gentham ching ding khat sepsuah khiat leh bawlkhiat theihna ding in hun-le-tha lut mah mah ding agenna ahi. Tuachi mah bang in inam tawisangna ding leh lamthakna ding in hun lut ding a, diktatna a kilamthak hunjong hunsawt maithei ding ahi. I nam khantouhna ding in, ikalsuanna ah dawhjawhna leh migitna tawh diktatna lampi haksa mahleh kalsuan hamham som ding ahi. Haksatna leh gensiatnate ithuak ding ua, ahinlah lawhchinna pen a tawptan taite a ding ahi.

I Toupa Pasian in diktatna tawh inam sung uh vai hunghawm henla, tualeh eimah jong diktatna lampi tuan kawmkawm in kalsuan jousem di’n thupha hung pia tahen.

(Note: Hih Essay ahileh the 1st Khalvontawi Essay Writing Competition 2020 ah "1st Prize Winner" ahi. Admin te phalna louh leh hih khalvontawi media source credit pelou in mundang a suahsawn/piaksawn phal ahikei hi.
- Admin, www.khalvontawi.com)

Share:

Read full story►

2nd PRIZE WINNER ESSAY COMPETITION - MR. THANGZAKAP

DIKTATNA IN NAM A TAWISANG

Proverb:14:34.

Amasa pen in hibang hun hoih leh hun manpha hung piatu ibiak Pa Pasian kiang ah kipak thu katun Masa hi. I tenna leitung hih COVID-19 natna ziak in buai vengvunga a om Lai in eite’n hibang hun manpha leh hun hoih imuhthei laipen hamphat huai isa mahmah uhi. Tualeh hih kawmkal a khalvontawi admin te’n hibang essay kidemna nung sai theih pen uh hoih kasa mah mah a, tualeh kei jong pangthei kahihman in hampha kaki sa mahmah hi. Siam leh siamlouh, pil leh pil louh thu hilou in, ka lunglut man in ken jong ka theih khamkham in kung gelhsuk ding hi.

DIKTATNA ICHIH BANG AHIA.

Diktatna ichih pen aneu alian in itheihsa thumal ahi. Hilehjong itheihdan uh kibang kim lou ding hi. Kei muh dan leh kei theihdan in diktatna ichih pen juou panglou a gamtatna, aki gen bangbang leh aki hilh bangbang a gamtatna ahi. Tualeh diktatna pen chi tampi in kikhen thei lai hi. Etsakna'n sum-leh-pai thu a diktatna, nu-leh-pa tung a diktatna, Pasian tung a diktatna, siate tung a diktatna, lawmte tung a diktatna. Hihdan deuh in diktatna pen tampi in ki khen thei lailai hi.

DIKTATNA POIMOH DAN

Tuhun in itenna khovel a diktatna pen om nonlou hileh kilawm tahi. Saptuam vai hi in politics vai hitaleh jong diktatna pen om nonlou hileh kilom tahi. Mi’n hung muh kei nak leh khok kei e, achithei mi kitam ta mahmah hi. Tua ahihman in diktatna pen nakpi in ki poimoh ta mahmah hi. I niteng hindan leh gamtat dante ah diktatna pen muh ding vangta mahmah hi. Pastor khat in pulpit tung a guktat louh ding thu agen gen a, tualeh diktat un chi’n mipite hilh hi. Hinanleh jong ama’n a inn a mi aak khat guksa in koih khin hi. Tualeh kikhop tawp in azi in guktat hoihlou dan theita ahih man in a pasal aak guk pen ana khahkhe tahi. Tualeh a pasal hung tun in i aak la ka mu non kei in ahung chi a, azi in nathu gen guktat ahoih louh man a kana kha khiat hita hi chi hi. Tua leh a pasal in mimaw, bang di’a na khah la, kathugen pen ei a ding hilou mi a ding chihsan hi. Tuadan mah in tulai khovel ah jong mitampi om tamawk hi. Tua ahihman in igam inam damthei lou in khang jong khangtou theilou hi. Ei Thangkhal minam mawlpen leh tawmpente sung ah jong tuabang mi om ahihman in ki machal thei lou hi. Bang ziak a diktatna igam leh inam sung in poimoh ahia nachi maithei hi. Diktatna pen igam leh inam sung in poimoh mahmah hi, aziak diktatna omlouh na mun ah thuman-thutak jong omlou hi. Tualeh midiktat jong omlou hi. Tua ahiman in diktatna neilou mi leh namte pen khopi kulh baang neilou bang ahi uhi. Leitung a gam thupi leh gam nuam ichihte pen diktat tak a vai kihomna gam leh mi diktat tamna gamte ahi. A dahhuai mahmah khat chuh tulai khovel a politiciante maimai mi diktatloute hinonlou in saptuam sung a jong mi diktat lou hunkhop khat ki omta hi. Tualeh Pasian min suang a zuou gen leh mi khem chihte jong khoksalou mi hunkhop khat jong om khin ta hi. Tua ahihman in dahhuai isa mahmah uhi. Aziak hih bang mite in pawlpi suminsia in vang jong hung beisak thei hi. Tua ahihman in hibang te ei sung ah omdah leh ichi ngutngut uhi. A dahhuai kik khat chuh thuman-thutak theinapi a gum ngam lou, gen ngam lou, tualeh thutak lou ahi chih theinapi a gum teitei mi hunkhop khat jong ki om khin hi. C. K Khai in athu genna khat a hichi’n gen hi, thuman-thutak nagen leh mitawh kisel in, ki buai niteh chi hi, dik mah hi, tua ahihman in thudiklou khat gup a mitawh kisel kinial sang in thutak dinpih ngam in thuakpi ngam lei bang ziak in Toupa’n hung guawlzawl lou ding ahia. Tua ahihman in, ana dinpih ngam photphot lei hun asak chiang in Toupa’n hung lamsang in hung domtou veve ding hi. Tua ahihman in thutak dinpih ngam di’n naki mantai? I kiman naknak a ahihleh maban ah Toupa’n hung mawk koih maimai lou ding hi chi ngam ing.

Diktatna apoimoh dan leh ahoih dan hihbang in Bible sung a jong kimu lai hi. Noah pen leitung bup a midiktat omsun ahihman in tuizin pan in suakta hi( Genesis:6:9). Diktatna pen khalam a ding maimai in phatuamlou a salam a ding in jong phatuam hi, Joseph pen Jesu pa ahihthei na di’n chitna khat aneih ngai ahi, a chitna ahihleh apil man, asiam man, ahauh man hilou in adiktat man hijaw hi( Matthai 1:19). Tuamah bang in ei THANGKHAL te zong mi nam dang tengteng sang in mawlpen in, zawng pen in, tawmpen lei zong Toupa masang ah na diktat photphot lei Aman hung taisanlou ding hi. Aziak Pasian pen mi zuou theite Pasian hilou in mi diktat te Pasian hijaw hi. Bible sung a mihingte khansau theih na’ng, kei theihdan in chi thum om hi, tuate ahihleh Pasian zahtatna, nu-leh-pa zahtatna leh thuman-thutak leh diktak a gamtatna ahi. Diktatna jong khansau nadi’n lampi khat ahihman in diktat ding pen hanchiam zing ni, inam, ipawlpi akhansau ding ideih leh tuni apa’n in diktatna lampi pen jui jing jou ding in kisa ni.

DIKTATNA IN NAM A TAWISANG DA'N

Israelte khangthu a Leng hoih leh ginom Pasian jahdan siam leh adaan thupiakte lim tak a juikim sipsep pen kumpi David ahi. Tua ahihman in Pasian in kalung tang bang pua hialpa chi hi. David in mawhna khat vei maimai bawl kha hi( 1King:15:5).Uriah tung leh azi tung a akhelhna chih louh ngal khelhna dang neilou hi. David in( Samuel Nihna 22:21) na a hi chi’n gen lai hi, Sildik kabawl man in Toupa’n nuamman hung pia a, midik kahihman in Ama’n hung gualjawl hi chi hi. Tang 23 na hichi’n genlai hi, Adaan thupiakte ka jui kim sipsep a, athupiakte ka palsan kei hi chi lailai hi. David in ahihleh jahtak a Pasian thupiakte na limsak in na jui kim sipsep ahihman in Pasian in amah jiak in anam leh agam uh thupha pia in tawisang hi. Israel gam leh namte hung khangtou tou in kumpi Solomon hun in nakpi tak in hung thupi in mite theiphak hung hita uhi. India khangthu a Ashoka hun pen Sanakhang kichi hi. Tua mahbang in Israelte khangthu ah jong Solomon hun pen Sanakhang kichi hi. Solomon in kum khat sung in Sana sekel 666 muzou hi. Tua leh tualou jong goumanpha tampi neilai hi, tualeh hih hun in Israel gam leh mite pen leitung a midang nam dangte theiphak hung hita uhi. Akim apam a om, anai agamla a om, mite leh gamte’n israel gam thupidan, hauhsat dan leh akumpi pa uh thupi dan leh pildan hung thei khia uhi. Hih zahtaka Israel gam leh mite pen midangte theiphak leh gam hausa hung hih theihna pen bangmah dang hilou in kumpi David in diktat tak a Pasian ana biak man hilel tak hi. Mikhat hang in Pasian in gualzawl in agam uh thupha pia in amite jong tawisang hi. Hih ah kipan in DIKTATNA IN NAM A TOISANG Dan kimu thei hi. Ei Thangkhalte jong Pasian in igam inam hung tawisang in, mite tung a ilen na’ng in mi diktat tampi kisam lou hi. Mi diktat votvot khat mai mai om leh jong hithei ding hi,tualeh tua

mi diktat hiding in nang leh kei ikiman ta ama? chih jong ki en thak ni, aziak nang leh kei diktatna ziak in pasian in inam igam thupha pia in mite tung a hung domsang thei mahmah ding hi. Tuajiak in tuni in nang leh kei ana diktat som phot phot ni, aziak ih diktat nak leh hunasak chiang in Toupa’n hung lamsang in mite theiphak leh,i ki lam et sang ah thupi jaw in thupha hung pia ding hi.

DIKTATLOUHNA ALAUH HUAI DAN

Diktatna bang dia inam leh igam leh ipawlpi khantouhna di’a poimoh ahia ichih leh, diktatlouhna pen a lauhhuai man ahi. Khatna ah diktatlouhna pen mimal a ding in lauhuai a tuaban ah pawlpi leh minam tanpha a di’n jong lauhuai mahmah hi. Diktatlouhna alauhuai dan hiah anuai a bang in kimuthei hi.(Nasepte:5:1-11) sung a Annania leh Sapharia te nupa thu kimuthei hi. Ama’u nupa pen sum thu a adiktatlouh man un sih lawh uhi. Anupa un zuou thu in kithutuak uhi, ahihhang in bangmah phatuamlou hi. Tuamah bang in ei jong zuou thu ah iki thutuak leh phatuamlou veve ding hi. Gehazi, Elisha suakpa jong adiktatlouh man in Naaman phak natna teng amah leh akhak asuante tung ah tu hi(2king:5:26-27). Tuamah bang in idiktat kei leh maban a khangsawn hung momtou ding te’n jong eite diktatlouh man in thuak lawh thei ahihlam uh thei zing ni. Tuajiak in tuni apat in Thangkhal ka it hi ichi leh diktat sawm chiat ni.

THUKHITNA

Diktatna apoimoh dan, ahoih dan leh ahoihlouh dante tampi igenta uhi. I diktat uleh hung gualzawl ding a idiktat kei leh hung gawt thei lailai Pasian ahihman in, ahitheih liai leh tuni apat in diktat ding dan akua-kua in sawm chiat hamtang ni, ajiak Pasian in Amah bang a diktat ding a hung siam ahi, imelmapa bang a zuoutat ding hilou in. (Matthai:6:33)Pasian gam leh adiktatna jong masa photphot un, achih bang in, tuni akipan in ei THANGKHALte jong aneu-alian in Pasian gam leh adiktatna jong sawm chiat ding in hanchiam ni, tualeh Aman ideih leh ngaih teng hung piak behlap ding a, I gam inam thupha pia in hung tawisang ding hi. THANGKHAL ka it hi na chih leh sum-leh-pai tha-leh-jung in na pangjou kei in jong phamawh kei, apoimawh pen na omna mun khempeuh ah ana diktat tawntung ta in. Pasian in THANGKHAL te maban ah hihsang a diktat jou semsem ding in thupha hung pia in hung vangbuak tahen. Lungdam.

(Note: Hih Essay ahileh the 1st Khalvontawi Essay Writing Competition 2020 ah "1st Prize Winner" ahi. Admin te phalna louh leh hih khalvontawi media source credit pelou in mundang a suahsawn/piaksawn phal ahikei hi. - Admin, www.khalvontawi.com)

Share:

Read full story►