Kangpokpi mun a vuilem hiding

Kanggui, 19 Nov 22 -- Kangpokpi Ward no 18, KT School chung jep a cheng Ng Tingneichong (32) D/o Lenghao Doungel chu along dam sa tuni le Kpi hung kipo lhung di ahin tuma² le alongdamsa vui lem na um ding ahi.

Ng Tingneichong Doungel hi Tamilnadu Combatore a Retaurant khat na natong ahin nisim 16/11/22 (Wednesday) ni a chu aloi chapang khat toh Office kin khat na Scooty a achena hon ahung kile lang hon a vangset ato hon ahin Ng Tingneichong hi damjou talou va ana molem ahi, aloi chapang pa hi Nagaland Lilen vangkho a cheng Sehgoumang Hangshing ahin ama hi kisu kha a Saibaba colony One Care Medical Centre Hospital a Dr ho vetkol nanoi a ana um ahi.

Ng Tingneichong Doungel longdam sa hi amun a um KSO hon ahin boi piu va tujing kah a Bangalore ana lhut uva tuni 10:00AM a chu Bangalore Airport a kon hung kipat doh ding 2:40PM le Imphal Airport hung lhung ding Imphal a pat Kpi achen na inmun hung kipo di ahin tuni ma² le vuilem na um pai ding ahi.

Ng Tingneichong te hi IT Road Chalwa, Kpi District a kon Kangpokpi ward no 18 a hung cheng ahiu vin ECA Houbung a kai ahiu ve.

Adalhah insung mite Pathen in lungmon na peta hen.

~ THE KANGGUI POST

Share: