KITAIDEMNA - ~ Rev. S. Thangnou, Pastor, TBC (ABA), Delhi

Kitaidemte a un un a tai ua, hinanleh khat bek in nuamman a mu zel uhi chih theilou na hi uh hiam? Na ngah theihna ding un tuachimah bang in tai un (1Kor. 9:24).

LEITUNG ah technology a san dungzui in KITAIDEMNA ngen in a dim hi. Kidemna khat peuhpeuh ah a gualzou pen, a siam pen, ahat pen ding utna in kidemna damsung om den hi. Taksa kidemna om bang in khalam kidemna zong om hi. Kidemna teng ah a gualzou khat bek om hi.

1Korinth 9:24 sung ah a thu tu'n theihsiam ding poimoh hi. Sawltak Paul in Korinth mite'n a thansak uh Isthmian Games thu gen hi. Tanglai Greekte hun in Korinth khua gei ah  gam neukhat "Isthmus" kichi mun ah Isthmian games a nei zel uhi. Amauh te'n Poseidon, tuipi pasian (sea god) zahtakna leh pahtawina in kimawlna: tai (races), kidou/kisual (fights) leh tumging (music) te ah kidemna nei zel uhi. Kristian te’n zong Pasian  a ding a sil hoih te khalam kidemna tuamtuam a pan khawm ding ahi.

Isthmian games a pang ding te'n a zuih ding thumte: 1. Nek leh dawn pilvanna, 2. Kizilna, 3.Exercise leh kithuzohna poimoh hi (1 Kor.9:25). Lal lukhu sethei, nuamman, delh te’n ahunte aval a zang a, taksa kithunun a, a kisuk hat ding ahi. Mimal lohchinna ahi. Hinanleh Kristian te mipi tup leh ngim nei a pangkhawm a, gospel midangte kiang a hilh ahi (1 Kor.9:23). Paul in hih game a nuamman muhdingte toh Kristian te nuamman muh dingte a tehkak chiang in amauh ate bangmah lou ahi achi hi.

Kristian KITAIDEMNA ah a poimoh zaw pen Kristian hindan a hin, ei mahmah kithunun, asep a septhoh ahi. Isthmian games a kimawl te’n zohna line git (finish line) a kan masak leh khat nahi a, amah bek nuamman mu pai ding hi, hihpen Paul in agennop pen hilou in, mi zousiah in zohna line a galkai thei hi, a khatna'n pangtase keileh zong, Lal lukhu setheilou nuamman, leitung a khalam khualzinna bei chiang in van ah tangtawn nuamman ngahthei hi (1Kor.9:25-26).

Hih thugual mah 2 Timothy 4:7-8 sungah Paul in kidouna hoih leh tai kidemna zou in "Diktatna Lal lukhu" a san ding gen hi. Hihpen Kristian tangkou leh siangthoute a ding ahi.

1 Korinth 9:24 ah 1) Khat bek in nuamman  ngah hi. Tulai kidemna Greek Olympics ah gualzou khat bek om hi. Akidempih/ alangte toh kimawl buchinsak (completing) na maimai a geelte’n gualzou lou a, khatna tumte'n gualzou uhi. A khatna pangte bak hilou in Kristian te zousiah in van gam tang thei hi. Paul in Kristian te tenna ding vangam chiantak in gen hi (1 Kor.9:26).

2) Nuamman mu ding in tuachi bang tai in. Kristiante a damsung ua Krist bang a niteng hinkhua a sem ding leh gualzoute'n a kipumpiak dan uh leh a kisin dante uh zang in, Kristian gualzou a nuamman mu ding a hahkat ding in hanthawnna nei hi. Topa'n Kristian gualzou hi ding in simtute thupha hung pechiat ta hen.

***20112022*

 

Share: