TUCHUNG GAL HI MINGOL LE MICHING IPANKHOM UVA JOTEI DING IGOT U AHI
(Kinah nale boina hi hoiya hung kon ji ham?)
Thangkhomang Suantak
(L.Semol 19/3/2025)
Jalhang hinkho (Society) kiti hi michingle mingol kithoa kisemkhom ahi. Hijehchun miching jaona louvin jalhang hinkho aumthei pon, mingol jaona louvin jong jalhang hinkho aumtheipoi.
*Hijehchun, jalhang hinkho hi,
1. Mingol in ajoteng kinahna soh doh ji a, miching in ajo ji teng chamna um ji ahi.
2. Mingol in miching ahin phindoh teng kinahna soh doh ji ahin, mingol in miching aphindoh lou lai se-a chamna um ji ahi.
3. Itobanhg in ching jong leh mingol in alhep lhah a akinah pi ji teng miching jong chu mingol kisoh ji ahitai. Hinlah miching kinahpi thei mingol vang miching akisoh deh kit poi.
*Tuchung gal hi miching le mingol ipankhom u ahi:*
Tuchung gal hi miching hon ih-mumo jankhang moa chihna mang cha a gal asat u ahi. Alang khat a aching lou jep se sen thal ginna lang le boina mun ho kidel lut ji a molthoh le athia ga kipang kit ji ahi. Boina aumlou kom jong leh boina sem a kipang kit ji a thoh leh athia kipang kit ji ahi. Hinlah abon a hi nampi lungtup molsona dia manchah phatah hicheh ahi.
*Gal hi ni ineiyu ahi;* *(1) Namsung gal (Intra-war) chuleh (2) Melmate (Meitei gal/ SA Movement):*
*(1) Nam sung gal:* Tupet inam sung uva itou namsung a kihetkhelna hohi vannoiya namjousen atocheh ahi. Vanoiya jalen galsat jousen hiche galni ahi adou cheh ahi. Nam jouse hi nambah leh phung tampi kigomkhom cheh ahin, hijehchun insung khat bang a kitoh del theilou ahi. Hijeh chun namkal sung a kihetthem lou laitah a ijemtia jukham sava jeh a mi tildoh leh molthoh chuleh thina chan nahinto khah jong leh miching hon athu hin tan untin, nalong man na insung miten ahin phat chompi ding nang thisan chu namsung a vainung a kipumkhat na leh kihetthemna a hung pang teiding ahi, hinlah hiche hamphatna jouse chu nachan phah lou ding, khopho louva thi nahikhah leh tonsot a damun a naumkit ding ahi ti sumil hih beh in.
*(2) Meitei gal/ SA Movement:* Ijemtia koima sol louva lungnat man le jukham sava man a boina mun nadellut a / boina sem a napan a molthoh a napan khah a thina chan nato jong leh miching hon nathu hinseiyuntin, na insung miten compensation hinmun tin, nathisan chu nampi lungtup molsona din jong phachom teiyinte. Hinlah hiche hamphatna jouse hi nang nachanphah lou ding, nabol khelleh tonsot damun najot kit ding ahi ti sumil hih in. (Tuchung gal a thijouse hi mingol ahiuve katina ahipoi. Ipan lah dan u jatnia kahopkhen joh ahi.)
*THUGEILHE:*
*Suhmillou ding chu*:
(1) Inam sung uva khat le khat iki musit uva iki chouto uleh, kinah nale kibaona sohdoh ji a thina chan ilhut jiu ahi. Ama vang Pathen ihin taitom,uva ihin kichoudoh khah uleh hoilang SA malah Israelte bang a kum 40 isohchan be kit diu ahi ti sumil poute.
(2) Mingolhon jalhang hinkho ah boina le thina asodoh jiuvin ajona leh amaho thina ding jong akiboldoh jiuve. Miching ho vang achihnau vin ahinsouvin amahojeh in jong jalhang hinkhoah sochat na le kihinsona asoh doh ji e.
(3) Ijemtia miching lah a ipan theilou uva, "Katahsa le kathisan beh ka insung le ka nampin phat chompi teihen…" tia iki kat doh nom tah jong leh i lhagao beh tonsot vangam a acholdo theina din i lhagao hinkho kisuh chet masat teiyute.
(4) Mihem hinkho hi thing mit bang a mit kit thei le don kit thei lou ahijeh in, lungnat man le lung sou man in thidin kimoh peh doh jeng hih in; Pathen nasempan ipi boldia nahin sem ham ti geldoh masa tei teiyin.
*Hijehchun tuchung gal hi miching le mingol kithoa gal hi jotei ding igot u ahi. Hinlah Pathen thahatna le A mingailutnan bou gal eijopeh diu ahibouve ti sumil poute.*
(Kinah nale boina hi hoiya hung kon ji ham?)
Thangkhomang Suantak
(L.Semol 19/3/2025)
Jalhang hinkho (Society) kiti hi michingle mingol kithoa kisemkhom ahi. Hijehchun miching jaona louvin jalhang hinkho aumthei pon, mingol jaona louvin jong jalhang hinkho aumtheipoi.
*Hijehchun, jalhang hinkho hi,
1. Mingol in ajoteng kinahna soh doh ji a, miching in ajo ji teng chamna um ji ahi.
2. Mingol in miching ahin phindoh teng kinahna soh doh ji ahin, mingol in miching aphindoh lou lai se-a chamna um ji ahi.
3. Itobanhg in ching jong leh mingol in alhep lhah a akinah pi ji teng miching jong chu mingol kisoh ji ahitai. Hinlah miching kinahpi thei mingol vang miching akisoh deh kit poi.
*Tuchung gal hi miching le mingol ipankhom u ahi:*
Tuchung gal hi miching hon ih-mumo jankhang moa chihna mang cha a gal asat u ahi. Alang khat a aching lou jep se sen thal ginna lang le boina mun ho kidel lut ji a molthoh le athia ga kipang kit ji ahi. Boina aumlou kom jong leh boina sem a kipang kit ji a thoh leh athia kipang kit ji ahi. Hinlah abon a hi nampi lungtup molsona dia manchah phatah hicheh ahi.
*Gal hi ni ineiyu ahi;* *(1) Namsung gal (Intra-war) chuleh (2) Melmate (Meitei gal/ SA Movement):*
*(1) Nam sung gal:* Tupet inam sung uva itou namsung a kihetkhelna hohi vannoiya namjousen atocheh ahi. Vanoiya jalen galsat jousen hiche galni ahi adou cheh ahi. Nam jouse hi nambah leh phung tampi kigomkhom cheh ahin, hijehchun insung khat bang a kitoh del theilou ahi. Hijeh chun namkal sung a kihetthem lou laitah a ijemtia jukham sava jeh a mi tildoh leh molthoh chuleh thina chan nahinto khah jong leh miching hon athu hin tan untin, nalong man na insung miten ahin phat chompi ding nang thisan chu namsung a vainung a kipumkhat na leh kihetthemna a hung pang teiding ahi, hinlah hiche hamphatna jouse chu nachan phah lou ding, khopho louva thi nahikhah leh tonsot a damun a naumkit ding ahi ti sumil hih beh in.
*(2) Meitei gal/ SA Movement:* Ijemtia koima sol louva lungnat man le jukham sava man a boina mun nadellut a / boina sem a napan a molthoh a napan khah a thina chan nato jong leh miching hon nathu hinseiyuntin, na insung miten compensation hinmun tin, nathisan chu nampi lungtup molsona din jong phachom teiyinte. Hinlah hiche hamphatna jouse hi nang nachanphah lou ding, nabol khelleh tonsot damun najot kit ding ahi ti sumil hih in. (Tuchung gal a thijouse hi mingol ahiuve katina ahipoi. Ipan lah dan u jatnia kahopkhen joh ahi.)
*THUGEILHE:*
*Suhmillou ding chu*:
(1) Inam sung uva khat le khat iki musit uva iki chouto uleh, kinah nale kibaona sohdoh ji a thina chan ilhut jiu ahi. Ama vang Pathen ihin taitom,uva ihin kichoudoh khah uleh hoilang SA malah Israelte bang a kum 40 isohchan be kit diu ahi ti sumil poute.
(2) Mingolhon jalhang hinkho ah boina le thina asodoh jiuvin ajona leh amaho thina ding jong akiboldoh jiuve. Miching ho vang achihnau vin ahinsouvin amahojeh in jong jalhang hinkhoah sochat na le kihinsona asoh doh ji e.
(3) Ijemtia miching lah a ipan theilou uva, "Katahsa le kathisan beh ka insung le ka nampin phat chompi teihen…" tia iki kat doh nom tah jong leh i lhagao beh tonsot vangam a acholdo theina din i lhagao hinkho kisuh chet masat teiyute.
(4) Mihem hinkho hi thing mit bang a mit kit thei le don kit thei lou ahijeh in, lungnat man le lung sou man in thidin kimoh peh doh jeng hih in; Pathen nasempan ipi boldia nahin sem ham ti geldoh masa tei teiyin.
*Hijehchun tuchung gal hi miching le mingol kithoa gal hi jotei ding igot u ahi. Hinlah Pathen thahatna le A mingailutnan bou gal eijopeh diu ahibouve ti sumil poute.*
.jpeg)
.jpeg)
No comments:
Post a Comment
Comments not related to the topic will be removed immediately.