Alompat toh kum thum val um... Kathuo zou nonsih hing panpi'n chiin Zogam Today kunga dahkal 3 val a genthei thuo dante ip neilou in tautau hi. Amah nu mi ngaihbang hieuhiau…
Ka tun chil lai in koulam mite ka bel hi. Amau apat in sepna di ka sui koikoi hi. Nikhat ka Ka tun chil lai in koulam mite ka bel hi. Amau apat in sepna di ka sui koikoi hi. Nikhat ka interview na khat ah eimi melpuo ka musih a, thomhau kaki sa hi. Ka dap dah koikoi leh eimi pasal khat toh ka kimu uhi. Ei leh ei chi dan in kang kimelthei ngal uhi. Ama khu'n Bhutan a hing kipan ka hi a chi a, ken zong ka umna ka hilta hi. Tuachi'n phone nambal te ka kipe tuo uhi. Huni khu kani uh ka chingsih ua, ka hing kileh ta uhi.
Amun le amuol ki theilou, numei hina banah silnopmoh tampi kituoh zel hi. Sepna ding a awng a um te kihil tuo zel di'n kang ki mangpha phot ta uhi.
Ka umna lah pasal ngen tang, keilah nasepna mu pei ngallou lai, amau ulah nasem ngen ahi ciah khat beh in hing kuanpi theilou. Theilou kalin kaal nih ang bei ta hi.
Zingkal khat phone ang ging a, 'Hello, Meriam, tuni dah 10 apat interview kilah na'ng um ei. Na ut ei?' chi'n eimi bangpa'n ang hil a. Ken jong ut e, a pei ding dan leh amun chieng tah in hing hil ou, ka chi a. Aman zong tomloukal in ang sms a, ka sim leh a UP chi a tawp a akigelh a, gamlat tuo sam e ka chi ta hi. Ahin a gen bang in bang in bus ah katuong a, tuo zou in rekso khat ah ka tou ta hi. Rekso tolpa pute khat ahi a, gintat sang in katunna ding hing tunpi sam hi.
Ofis sung kalut leh mi ana dim phing pheng a, eimi melpuo zong nih-le-thum vel ka mu hi. Ka loipa pen ka mu sih a, gohori ka etleh 11.50 am ana ging hi. Kei zong ka resume (nasep zon chieng kitoi lai, eima bio-data/ eima tanchin tomkim chi mai vai) ka pelut hi. Interview ding nga in ka tou khinkhien hi. Tuonia interview mi 80-100 lah hiva ka chi, ka gei a toute kihou dap nate kaza a um a, call centre adia company hoi mama loi in a gen uhi. Kei zong Pasian kung thumna ka dap nei ta hi. Ka Amen zou sawtlou in ka loipa ang pawt a, tua hing tung pan maw ka chileh, hilou ava interview ka khu chi'n ang dawng hi. Ka ching dih kigingta sing, achi a, ka nervous sim a, ang chi hi, khumi'n ka dip a kaw sah hi.
Gintat sang in asap zou uah kava lut a, pasal khat in ang interview hi. Second round na ngah in, na chin leh a final round umlai di. Tam final ah HR-pa'n ang nei di hi. Dah bangzat ah ka chia, dah 4pm ah, a chi hi.
Kipahtah in ka pawt a, ka loipa kunga ka genleh, second round na chingleh chingsuo vateh ang chita hi. Lung thomhau ke'n kang ngah di hi na zaw tantan chi'n ang hamuon a lungnuom tah in ka nga ta hi.
Dah 2 chet in ka interview kit a, tuonah numei melhoi tah khat leh pasal thau meimoih khat in a utteng uh ang dong uah, ke'n zong ka dawng thei tantan in ka dawng hi. Numeinu'n bang pen tup a Delhi hing kalsuan ne ang chi a, 'Ma'm, call centre a hoi tah a sep ka ut a, kalaw sunsun toh ka inkawte ka chom hi' chiin ka dawng a, good, very good ang chi hi.
Tuozou chet in, tuo mithaupa'n 'please tell me something about your family' (Na innsung uh tamlou nang gen thei diai) ang chi kha a, ken zong siltampi ka ip in a pu da'ng ten beh ka gen ta hi.
Pianpi unau ka nei sih a, kanu leh kapa kum 3 leh ha 5 ka hi'n akikheng ua, kei pen ka pa'n ang tang a, kapute kuah ka om hi. Kanu khu tangval khat toh a kiteng hi. A kiteng kum 6 zou in ka khua ua a inmai uah sepaite'n singnuaimi khat zanlai a delna lam uah a kap uleh thautang in kapa alupna tung a lumlai pe'n ava kha in, kanu thakhat a dii in akhahlaw leh kapa lu a siluang a mu in, ana shi khin hi. Kanu'n tapa 3 leh numei 1 nei hi. Keima piannapa khu sumkawlvaimi ahi a, a zin koikoi a, kanu toh lawm ngaih tuotuo in akigingmaw uah, akihau gige uhi. Atawptawp in ang kikhenlaw uhi. Kanu pasal pen singnuaimi ana panglui atawp apat garibawlna workshop ana lut in, aman workshop neukhat a nei in a hunkhop a nawp asah veve uhi.
Ahin ka interview na ah tam teng ka gen sih a, unau kei chouh ka hi, tup kanei zieh a hing pei ka hi, chouh ka chi hi. Tuo mithau pan zong hoi mama eh, atawpna round ana nga hamham in, best of luck (vangpha tan) ang chi hi.
Dah kal thum val um lai, singpi va dawn vai chi'n apulam ah ka pawt ta uhi. Ofis a pat gamlalou mun khat ah singkung ngat zitzet nuai ah singpi nou khat tuo leh samosa (singgra) nih tuo toh tomkhat ka va ki-ong ha ta uhi.
Nisat toh amun kholna di a lemlou toh, ofis sung mah nuomzaw AC (hui vawt hiuhieu) nuai hi in, huchi'n chim thoinan'n magzine tuomtuom kamaw sim uhi. Chim tah in ka nga ngetngut ta uhi. Theilou kal in hun ana bei a, dah 5 ginna di minit 5 um in ang samlut hi. Tuochi'n ka lut a, HR a chichi uh khu kava mu ta hi. Mithau sim misimat tah khat ana tou a, thu ang dong cetcet a, ke'n zong ka dawngdawng hi. "OK fine, will let you know (OK hunta, kang theisah ding uh)" ang chi ta hi. Tuomi'n kapawt a, ka melsuo pe'n a muolsim hidi dan hi, a kaloipa'n bangchi neh chi'n ang dawng hi. A thu umdan kahil a, banghileh a final tan tung na hi chieng dau en mai vai. Ata'ngpi a 'Will call you back" ahilouleh "Will let you know" a chite uh khu a chinglou a china uh hinuom hi, ang chi a. Ka lungsim a nuommoh den hi.
Bus ngahna mun zuan in rekso ma ah kang tou ua, bus ka ngah ta uhi. Bus tum vei vingveng ka ngah ua, ahin midim chingcheng in alutna di tanpha awnglou hi. Khomui kuon ahitoh kalung a thomhau sim hi. Delhi ka tun un, kho ana mui ta a, huchin Bus ang ngapi tahi. Bangma buoina umlou in inn katung hi.
Ka umpite mi 2 pen nasem in ana kuan khin uhi. Ka gim mama mai a, kahal deu khale chin kaki sil hi. Tuojou in tomkhat ka iimu ta hi. Ka khahlaw in dah 9.30 ana ging a, ann huon kana kipan hi. Loite gel ang tung ua, khat in ahsa ang lei a, khat in beer botol 5 ang tawi hi. Ang ka mitmit in botol te an iim ta uah, nang a di chi'n khat ka geiah ang khiinphei hi. Bang'e, ken kadawn ngailou hi ka chi a. Tuni nagim tuoh hi, dawn lechin natha jong tawldam van, nagimna teng theng ding hi, ang chi ua. Ken jong gilas nou khat ah dim phiel ka sung a, ka dawng a, kam giat vei kasuo hi. Dawn ha kasah a, ahin awlawl in adandan ang umna bou hi. Amau gel in a umlaite gel ann nekawm in a dawn uah, atawp in a botolte a hawm siang ta hi.
Ka umna uh pen flat khat ahi a, bed room thum, kitchen khat, bathroom lian khat, dailenbu leh common room khat um hi. Kei room khat a neu pen a ka matang in gieh a, amau teng khu room nih ah mi nihnih in a kikhen uhi.
Ka mang chieng in ka nu leh ka pa, leh kanaute toh nuomsah tahin ka um uhi. Ka khahloh chieng ka lung a hel thei mama mai hi. Interview na umlou chieng inn ah kaloite puannah leh tuka ninte kana sawp sah jeljel hi. Suun chieng ka chim thei mama, Bible kamaw sim jeljel hi. Nithum chingta call lah kimulou, bangchi kata deh aw chi'n kakingaisut gige hi. Nitahlam in sung ka juut sieng a, bathroom ka suhsieng kalin, miscall nga tah ana um a. Bangthu atai chin dipkuo tahin ka call back leh zing chieng na hing join thei ta ding hi, offer letter jong hing kipe ding hi, ang ci hi. Kha law pe'n Rs 15K, sephun 9pm apat 5pm tan ding, neh-le-dawn banah tun-leokuon a gari (gari) hing lah gige di, ang chi hi ofis apat numei aw khat in.
Kaki pah a, ka mittui bang a luong phiel hi. Ang gen bang in a jing ni'n ahun bangchet in kava tung hi. Tuonah offer letter ang pia ua, suai ang kaisah uhi. Tuochi'n a kila tha teng mi 60 ka pha uhi. Training ang pia ngal ua, khat-le-khat kang kimel thei tuo ta uhi. Ni 15 sung training ding tuojou chie sem kipan thei pan ding ang chi uhi. Kou teng pen group 4 in ang khen uhi.
~ ZOGAM TODAY
.jpg)
