Nang hung taisan lou na Onesiphorous: Kapboi Suantak

LEITUNG ih nuntak sung in mihing teh in haksatna ,sim gim lungkhamna teh tampi kituak tou den hi. Tua leh hih bang hun teh ih maituak Chiang in ih muan ih suan teh in hung ki thei mo bol thei a,ih lamet mah ma teh na ngawn in jong hung hu nuam lou hi.Ahi hang in ih lamet phak lou napat  in Pasian in hung hu ding mi khat leh ni hung pia thei jel hi.

Sawltak Paul in hih dan hinkhua pen ana tuak ngai hi. Tua ahi man in Paul tangthu apat in hih bang taimang san na leh lamet phak lou a apat amah   ompi leh dinpi ding mi om lai ahi dan sau lou in Timothy nih na Tung tawn in ih ki Kum ding uhi.

Hih laikhak Timothy nih na a gel lai in Paul pen thong sung aom ahi (2 Timothy 1:16).

Tualeh hih a thong tan na mun a migilou (criminal) teh bang in kikan hi (2 Timothy 2:9).

Tuaban a hih a laikhak a khak hun pen phalbi kipat ding kuan hileh kilom hi,tua ahi man in Timothy kiang a Paul in nung pai Chiang in Troas khua a Karpa kiang a  puan-ak tual ka nusiat pen hung pua in chi hi (2 Timothy 4:13). 

Bang hang in ih chi leh phalbi Tung ding kisa ta ahi (2Timothy 4:21).

Tualeh Paul in hih a suangkul tang na pat in suakta non lou ding ahi Jong ki thei khin hi (2 Timothy 4:6).

Tua bang haksatna tawp khawk atuak tak in Paul hih nakpi in lung gim maithei hi. Suang kul a ki khum,kol ki bul sak tua ban a khovot thuak tou lai ding .Tualeh hih a suangkul tang na pat a suakta non lou ding ahi chi  Jong kithei khin a, aom nung leh hih bang a Paul in taksa lam a haksatna lianpi athuak lai in Asia gam aom ana sepih tam tak in Nero bawl siak na leh gawtna hang in taimang san uhi.Tualeh tua teh lak a saptuam lamkai Paul in amah taisan ding a jong a lam et lou mi hi ding a gintat Phigela leh Hermojini  jong pang uhi (2 Timothy 1:15). Tuaban a Dema in thesolonika a apaisan a,Kresken in jong  Galatia a paisan a, tualeh Tita in dalmatia a pai khiat San kit hi (2 Timothy 4:10).

Paul  in hih bang haksatna tawp khok a kol tan na sung a atuak nung a, asep pih ten apai khiat mang san pen atha ba ma mah ding hi.A lung neu hun a amah henem ding leh tha pia ding  a agin tat teng in ban paimang san  uhi.Tua ahi man in Paul pen lung neu leh ba ma mah hi kha ding hi, Timothy kiang  a kintak in ka kiang a hung pai tei tei in achi  hi (2 Timothy 4:9). Tualeh a nih vei na ding in  Paul in Timothy kiang a phalbi ma in hung paisom tei tei in chi kit hi (2 Timothy 4:20).

Hih bang teng Timothy kiang ah avaikhak na pat in Paul pen lung neu leh ,kha ba leh beidong kisa jong ahi ding lam et huai sim ahi.Ahin la hi bang teng atuak lai in amah taisan lou leh amah din pi ngam leh sipi ngam ding Pasian in mi hangsan Onesiphorous leh a innkuan piteh pia hi.Asia gam a gingtu teng leh lamkai muan huai bang ja hiam teh in Nero bawlsiat na hang a ataisan lai un Onesiphorous leh a innkuan piteh in  Paul taisan lou in Paul tha va pia jo uhi (2 Timothy 1:16).

Tua bek tham lou in Rome khua Ava jin un Paul va jong jong khia uhi.Tua chin va mukhia uhi, tualeh Paul a ding a apoimoh taksa lam a hileh khalam a hih a bol thei kham kham va bol sak lai uhi.

Hih thupiang a pat ih sin thei ding bang ahia ih chi leh ei ma ngei in jong hi Paul tuak bang atuak khak ki omta maithei hi.Tualeh hidan teh ih tuak Chiang in haksa kisa in kitha nem ding hi,ahi hang in Pasian in ei hung hu ding ahun bang jel in mi hung pia ding hi chi hi lam enn Kom in amah a muang ngam lei Toupan hun asak teh ih lampi di hung bolsak ding hi.Tulai Tak in hi bang haksatna taksa lam amaw khalam amaw ahi kei leh adang dang a haksatna tuak ki om ding hi,ahi hang in lungneu lou in Toupa muang Kom in ih haksatna teh maituak ngam phot phot lei Toupan ahun bang jel in ih Onesiphorous ding hung pia ding hi.

Ih nuntak na nung et kit lei ih lamet lou na mun, ih beidon na mun ih chimo na mun leh ih thanem na mun a ih thei lou kal in Toupan ih Onesiphorous ding tam vei pi hung pia khin ta ding hi.Tua ahi man in  hih na nuntak na a natuak khak na Onesiphorous leh a innkuan piteh jiak in Toupa Tung a lungdam thu gen in.

*****************

Share: