ZOGAM | GALVAI UPDATE

16th Apr. 2025

📍Zogam Galkap ZRA-EC te tuni in honkhat gam kuankhia leu² uh hi. Tuni 11:30 AM in CNA'F te Zogam sung ah Motor 3 leh Kenbo 17 hong lut leu2 uh a, Zomi Zogam hong do ding in hong kuankhia leu² uh hi.

📍Mualpi khua khen' Khuangkhan gam lam, nidang in Vanleng kiatna, lampan in Zogam sung ah CNA'F te hong lut uh hi. CNA'F te Tonzang gam lam pai nuam uh a, Mualpi khuate'n akhua gamsung tot ding phalna pia lo uh hi. *"Ka gam ka khua uh nong kan'tan uh leh sabeng/ sakap in kikap ding hihang"* ci in CNA'F te' tung ah genkhiatna nei uh hi.

📍Nidang abeisa in Mualpi khuate'n agamsung pan un CNA'F te na daal ngei uh a, lut teei² uh ahihman in Mualpi khua leh ZRA-EC te'n nasiatak in CNA'F te na do ngei uh hi. CNA'F te sisan-naisan, siluang honkhat tawh na nungkik ngei uh hi.

📍Tulaitak in CNA'F te Khuangkhan gamsung khuasung ah Camp giahphual saat in om uh hi.

Thu hong piakhin hi lo ka hi hiam? Thahaat inla, hang in; lau kei inla, lungkia kei in. Banghang hiam cih leh na paina peuh2 ah Topa na Pasian nang tawh hong om hi. -Joshua 1.9🙏📖💓

©𝐙𝐨𝐠𝐚𝐦 𝐈𝐧𝐒𝐢𝐠𝐡𝐭

Share: