Lamka 2019 December 30: Thangkhal minan adia khua kumlui mahmah te lak a chiamteh a om S. Munhoih, Thangkhal Baptist Church(TBC) 
Biakinn Rev. T. Kamsuanhang, TBC Singngat Area Pastor in honna Rebbon Cutting nei in Pasian kianga lan hi, Biakinn sung a Program zakna nei in om a, Pa Thangsuanlun Local Secretary in programme lamkaih a, paikhawm mipi te vaidawnna Upa Ginkhanthang in nei a, S. Munhoih TBC in Pasian phatna laa 'Toupa hong bawlsa biakinn thak sung a' chih sa hi. Rev. Kamkhozam in thugenna nei in, Rev. (retd) Kamchinhang in Biakinn lamdan Report piakna nei in, S. Munhoih TBC biakinn lam na dinga pan ana la telak a Rev. Kamkhozam kianga S. Munhoih TBC in Thangkhal Nampuan Puanlaisan khat silsak uh a, TBC Headquarters President Upa Thangsuanhang apat thugenna nei hi, TBC President in agenna a S. Munhoih TBC in biakinn thak Pasian panpihna tawh nei aom pen, kipakpih mahmah ahih dan gen a, S. Munhoih khangthu adia biakinn Building aneih patna uh zong ahih banah, TBC pawlpi sung a Biakinn Building nei kibeh lap tou jel ahih manin, Pasian panpih na tawh nidang-Kumdang tawh tehin khantouna lam manoh touta ahih dan gen in, TBC Pawlpi sung leh Thangkhal minam sung a Khanglai Laisiangtho zil (Bible Students) tampi omta ahih na a, mabanah hih sanga khantouna khanglai te tungtawn apan hong omding adeih sakthu gen