Thangkhal Peace Committee in TSP ngetna pom sak

Thangkhal Peace Committee in TSP ngetna gen khawmpih

LAMKA, 2019 MARCH 10 – Thangkhal sung a lemna bawl Thangkhal Peace Committee (TPC) kiang ah THANGKHAL SINLAI PAWLPI (TSP-GHQ) in ngetna lai khak hi.

Ngetna laikhak in ataklatna ah, Thangkhal Nampi President ding, Consensus a mi khat guan thoh ding toh kisai Thangkhal Peace Committee in gen khawm ahih in TSP-GHQ kiang ah bangmah theisakna om lou chi hi.

TSP-GHQ in saupi ngaisut veng veng in, Nampi lamkai di Consensus a khat guan di chi pe'n TSP-GHQ in kipawm theilou ding hi chi hi.

Maban ah Thangkhal nam sung Fresh Election om ding in TSP in Peace Committee kiangah ngetna bawl hi. TSP in Fresh Election a om masang Thangkhal namsung abuai ngai a buai ding ahihdan taklang hi.

Nam lamkai ding mipi teel (elect) hilou a khat mawk guan chi pen paidan hilou, ngaina hilou chi hi. Nampi lamkai ding khat mawk guan thoh a mipi lungkimna ahihkeileh phatuam lou ding ahihdan TPS in gen hi.

TSP-GHQ in Thangkhal sung damna ding deih taktak nahih uleh, mipi deihna bang a Election paipih ding chia ngetna a bawl uh pe’n Thangkhal Peace Committee in pawm sak ta hi. Hih thu pomsak ahih khitin,  zani mah in THANGKHAL TRIBE ORGANISATION (TTO-GHQ) kum 3 sung vai pua ding guanna kichi pen Cancel kik in om hi.

Maban a mipi deihna bang a, TTO-GHQ Election om thei ta ding hi. TTO-GHQ President "teel" (elect) theihna dingin TTO Unit teng a Election neih masak ngai ahi manin, zani in TTO Unit teng Election sai dingin mi 10 ki guang hi, mi 10 guan a om teng in khabang zah pua thei ding uh chi mipi paikhawm teng in genna nei uhi.

TSP-GHQ in TPC kiang ah ngetna lai

Thangkhal Pastor-te leh CSOs lamkaite leh Thangkhal Hausate deihna bang in, December 2019 tan a pua thei ding uh chi'n THUPUK bawl uhi.

TTO-GHQ 2019 December tan a guan a om tengin December masang in TTO Unit teng Election neih pih ding ua, December kha sung in Thangkhal Nampi UK-PI-PA (President) ding teelna neih hi ding hi.

Thangkhal film TANGLAI LEH TUHUN YouTube a et thei

Tanglai leh Tuhun - Thangkhal Gospel Film Directed by Rev Khaikhanthang, Released on 17 August 1988.

KHALVONTAWI Admin Team te saina in Tanglai leh Tuhun Film, YouTube a Upload ki bawl zouta hi, Acting Rev. Dr. Pumzathang Tawmbing, Hih Film a a Doctor a pang Thangkhenhang Chief of S. Zezaw

YouTube a ana en un

 https://youtu.be/gIoxGaangx0

KHALVONTAWI

Information For All Thangkhal

Lamkaite Vaihawm Siam Or Mipite Kimaw Lai

"Maban a USA  lut kua hita ding? "

EI THANGKHALte ing gen ma bang e. Ki-it kituak tak a hinkhua zang khawm dial dial teng ABA leh IFCA-I in ing khenzak ta. Maban a USA lam ut di te'n bang saptuam na phu sawm uh e? USA a TBC mi-le-sa -- Rev. L leh Rev. G -- mi 2 ki lut, Manipur lam a Thangkhal Saptuamte pawl 2 kisuak chet. Lamkaite vaihawm siam chi di e Or mipite kimaw lai chi di e. Khat veivei jumhuai e Pu L leh Pu G aw! Nou mah uh mimal na kingaisut ngai di uai. Kei leh L ziak or Kei leh G ziak a ka Thangkhal mipihte kimu zak chi bang a ngaisut ngai di uai maw? Mipi lungsim ahi, ami asate kimudah ihi kei, ABA ziak leh IFCA-I ziak a kimudah ihi jaw uhi. Thangkhal minamte.

Maban a USA  lut kua hita ding? Pawl kikhen dite USA lam lut nawn da leh ut huai e. Mipi lungsim ahi. Kigawm na di haksa mahmah hi. Ikikhen khak chia, kikhen louhna di'n pan la ni. Iki sap dante zong khek hunta hi. Amah IFCA-I te or ama uh ABA te chia iki sap na aw te uh a bei masang Thangkhal minam leh Saptuam a lemna om thei lou ding hi. Nampi vai a kigawm lei zong Saptuam v/s a pai den, Mission 2 ahih lai sia i sung a lemna om thei taktak lou hi. Lungkham huai mahmah hi. Nidang a (Pu Khuphen Pu Thangkhanlam te hunlai a) Nampi a buai chia TBC in gawm jel. TBC sung a buai chia Nampi in gawm jel. Tulai a nampi a buai chia Saptuam in gawm thei nawn lou. Bang ziakin Mission 2 hita. Pastor-te zong a kimu leh kileh malak a, kipel vachet,  mi en bikbek lou kihou bikbek lou, kisaal et va gel. Baptist Church Pastor-te leh Bible Church Pastor-te hichi ahi chia mipi kihouthei lei zong, khat veivei haksa ve aw!

Pastor-te mahmah pan hong la un. I sung a lemna bawlte  GS Haupu MLA, Mate Tribe, MTC; Thangkhal Film a doctor Thangkhenhang lah VPC a ki-om, Pu Khamthang lah UZO. I ngaisut ngetngut leh Pastor-te USA lam lutte ziak a Pastor teng kihouthei nawn lou. Saptuam 2 suak. Namsung 2 a kiphel suak chia, TBC Pastor te'n panla thei nawnlou. A tawp tawp a, i mi isa Gammang (Kha mangthang bang a, nam vai a mangthangte) MTC-VPC-UZO lak ah saltang imi isa (Thangkhal ham zang) te'n Vok luang 2 bei jen a lemna hong bawl uh. Tu'n maban a President di kua, chih tawh kibuai jel.  Consensus a khat kimawk guan sawm. Mipite deihna bang a Election pai lou jel di. Buai tou lai maithei ive. Saptuam i kigawm masang uh TBC (ABA) v/s TBC (IFCA-I) hiden din mu ing e.

Kisap dan khek hunta. Ama ABA-te, or ama IFCA-I lamte. A Thangkhal mawng mawng jau kha nawn lou hi, bang hi ta? Thangkhal ngaina vive in Saptuam vai a TBC jau nawn lou jen a ABA leh IFCA-I min jang a iki sap sap lai di uh maw, mipite? Iki sap didan pen. TBC (IFCA-I) lamte sap didan TBC a tawm jaw lamte. TBC (ABA) te sap didan TBC atam jaw lamte. Hidan jui thei lei hoi di hi. ABA ziak leh IFCA-I ziakin ki mudah nawn kei ni. Jumhuai gawm ta hi.

Social lam a kizangte dotna kimu gige hi. A dawng didan haksa mahmah jel hi khat veivei. Saptuam ichi a Foundation "Christ" ahi ngai ahi, Christ a kibulphu a ngai hi. Christ a kibulphu lou chu a buai di ma ihi. Eite i kibulphu na uh "IFCA-I" leh "ABA" ahiziak a Thangkhal minamte buai ihi. Christ gimnam leh Thangkhal gimnam nawnlou. Thangkhal ngaina tak takte din puaknat huai mah mah hi.

~ Admin, Khalvontawi Social Media

Ni 9 sungin Thangkhal sungah mi 5 mualliam

LAMKA, FEB 26 – Tukum 2019 February kha Vangsiat huai tak maiin Thangkhal nam sung ah mi 5 mualliam hi.

Date 16 February 2019 in Pa Khupneilian of S. Geltui in hong na mualliamsan a date Feb 17 ni'n a S. Geltui Hanmual ah kivui hi.

Nu Mandeihching of Shillong in date 22 February 2019 in hong na beisan a, aluang M. Tanglian Khua ah Feb 24 kivui hi.

Date 23 February 2019 in Pi Ginkhoman zingsanglam in hong beisan a, Feb 23 mah in Ngoiphai Hanmual ah kivui hi.

Date 24 February 2019 zingsanglam dak 1:15am in imi nam a ding a Information Secretary a i neih uh Pu Ginsuanlam of New Mission Veng in a tenna inn ah hong na mualliamsan hi.  Sunday mah in New Mission Veng Thangkhal Hanmual ah kivui hi.

Date 24 February 2019 in Pu Ginkhokam of Tuibuang in hong na mualliamsan a, Feb 25 Tuibuang Hanmual ah kivui hi.

Photos: Condolence Program leh Kivuina Lim by Mr MG Muanlal Thangkhal

M. Tanglian TBC Biakinn honna om ding

LAMKA, 15 FEB 2019 — M. Tanglian PCI(R) Biakinn tung tang a kihoulemna om tak manin akhua mipite zakthei dingin a honna leh latna om ding hi. Hih hun a Thangkhal Baptist Church Executive Committee teng, Woker teng leh a ngaina tute paikim chiat ding in Rev. T. Chinminlian, Executive Director, TBC in chialna bawl hi.

Hih Biakinn honna pai ding te’n Date 17th Feb 2019 Time 12:30pm tan in TBC Office Tuibuang tunkim chiat ding in theihsakna bawl hi. M. Tanglian khua ahihleh hunpaisa in Saptuam 2 – PCI (R) leh TBC ana om hi. M. Tanglian khua hausapu Pu Khaikhanhau zong PCI (R) a ana om in, akhua mipite inn khat leh nih TBC a ana om a, hausapu leh inn tamzawte PCI(R) ah ana om in, hinkhua ana zang tou uhi. Ahih hangin hun leh kumte hong paitou zel in Pu Khaikhanhau in Thangkhal Nampi kivaihawmna Sangpen Thangkhal Peoples’ Organisation (TPO) President di’n 2013 kum in hong ki-candidate hi. Pu Pauminlian of Teikot tawh kitet in Pu Khaikhanhau in mipi vote tam mu zaw in, 2013 kum in TPO President di’n telching in om hi.

Pu Khaikhanhau President ahih kom kom in PCI (R) Saptuam a om in hinkhua zang tou hi, hun hong paitou zel a, Thangkhal Saptuam sung a bulpi (USA) zopna lam hong buaita hi. USA lut masa Rev. Dr. Langkhanthang hi a, 2004 kum in INTERNATIONAL FUNDAMENTALS CHURCH OF AMERICA-INDIA (IFCA-I) hong zoppih in, Thangkhal Bible Church (TBC-IFCAI) chi min vawh in om hi. Dr. Langthang khitin Rev. Ginkhankap hong lut kik a, ama apan AMERICAN BAPTIST ASSOCIATION (ABA) zom lei i pawl sung zong hong puahthei ding uh a, Bible College, TBC Office Building zong hong lamsak thei ding uh a, tua banah i pawimoh bangkim ama un hong panpih thei ding hi, chi hi. Tua banah kei pe’n (ABA) te Missionary in hong pom un chi’n ngetna TBC Executive-te kiang ah pia hi. TBC Khawmpi 2017 December 14-18 sung in gen khawmna om a, Thangkhal Bible Church (IFCA-I) kichi pe’n Khawmpi thupass dungzui in IFCA-I tawh TBC kizopna pan in tawpsan in om hi. Tuachi’n Thangkhal Bible Church pe’n tomkhat sung ‘Independent’ in ki-om hi. TBC (IND) a om sung in TBC apat in Dr. Langthang lamkaihna in pawl khat Fellowship Bible Church (IFCA-I) kichi in Thangkhal Bible Church (IND) apat pawt khia uhi. Date 25 February 2018 in Fellowship Bible Church (IFCA-I) kichi pe’n Thangkhal Bible Church (IFCA-I) chi’n New Mission veng a khek uhi. FBC pe’n TBC a kikhek tak chiang un THANGKHAL BIBLE CHURCH (IND) leh THANGKHAL BIBLE CHURCH (IFCA-I) hong om tuak hi.

Thangkhal Bible Church (IND) te’n March 3, 2018 in Emergency Khawmpi sam in TBC Central Church Tuibuang ah Thangkhal Bible Church (Independent) pe’n Thangkhal Baptist Church (ABA) in khek uhi. Hidan a Saptuam kibuai sung in a diakin Mission Veng buai mahmah a, Fellowship Bible Church kichi te’n New Mission Veng Biakinn mun, upa te’n tuh in Thangkhalte kivai hawmna Sangpen TPO tanpha tung ua, Thangkhal Court, leh Zomi Court tanpha zong tung uhi. Saptuam nasak tak mai a buai chiang in TPO President Pu Khaikhanhau akipat ngai ta. Pu Khaikhanhau in nasa tak mai in Saptuam buaina pan hong la in, amah zong Thangkhal Saptuam a lut ding lunglutna a hong nei ta hi. Huchi in Pu Khaikhanhau Thangkhal Saptuam a alut tak in akhua (M. Tanglian) khuate inn bangzah hiamte Thangkhal ham zang himaleh uh Saptuam vai a PCI(R) ma chi tenten pawl khat om hi. Pu Khaikhanhau leh a khua mipite inn bangzah hiam tawh TBC a lut ua, akhua mipite inn bangzah hiam khat mah PCI a om den uhi. Hun paitou zel in Tanglian PCI (R) teng M. Tanglian khua pawtsan in Hiangdung vangkhua a teng tou uhi. M. Tanglian PCI(R) saptuam Hiengdung a lut tou uh a, Hiangdung ah PCI(R) Saptuam mah in om tou uhi.

Pu Khaikhanhau, Chief of M. Tanglian (TPO President) ahihleh Thangkhal Saptuam a alut pe’n Thangkhal mipite kipakna leh TBC Pawlpi kipakna mahmah khat ahi hi. Thangkhal mi leh sa Thangkhal ham zang tengteng in kipakpih mahmah mai hi. Pu Paudoulal in Khaikhanhau Tanglian hausapu Thangkhal Saptuam a alut akipakpihna in laa khat phuak hi. A laa min ahihleh “Zingvai hawm siam Pu Khaikhanhau” chih ahi hi. Hih bang ziak a “Zingvai hawm siam Pu Khaikhanhau achi e ichileh, Tuan a Pu leh Pa Khaikhanhau pe’n Thangkhal Society a aom ding a unau  a Sanggam a pianna pa in adeih pe’n tangtung ahihman in a pianna pa deihna, unau sanggamte deihna bangin Thangkhal a na omta hi. Zingvai na hawm siam na hi chia phuak ahi. Thangkhal minamte saptuam dang a om i tam lai mahmah hi. Missionary kitam lai mahmah. Missionary Pu Khaikhanhau hong kileh kik a phatuam mahmah ta hi. Missionary dangte zong lunggel hunta hi. Thangkhal ham zang Thangkhal Society a om khaloute Thangkhal society sung a om te’n amaute “Missionary” kichi hi. Thangkhal Society sung ah hong om ta un, Thangkhal ham zangte aw!

Aw, ham leh pau nei ihi. Society tuamtuam a na om chiang in namdang hamdang te’n na tung uah a ut ut dan un vai ahawm chiang un, na mi nasa na ham kibatpih te’n kithuak zoulou hi. Imi nam leh i saptuam sung puah hunta hi.

~ Editor, Khalvontawi Social Media

-- Information For All Thangkhal --

Thangkhal Baptist Church inaugurated in Delhi

NEW DELHI — For the first time in Thangkhal history, the Thangkhal Baptist Church (affiliated to American Baptist Association) has been inaugurated in New Delhi on Sunday, September 02, 2018.

B’lore ZPYF in Youth Day cum Seminar Nei

“Tuni'n Khantanhoi midangte kunga phuangkhia thei ding in Khanglate ikisah uh hunta hi. I hindan un, i hinkhua un, i omdante un Pasian mai ah gimnamtui sah va ui. I umna chin ah Pasian adia gimnamtui hidin Pasian in nang leh kei ang dei hi.”

BENGALURU — Tuni, 26 Aug 2018 (Sunday), zinglam nai 11am in Zou Presbyterian Youth Fellowship (ZPYF) in Youth Day cum Seminar hun nuom tah mai in Zou Presbyterian Church Synod (ZPCS) Biehinn, Kammanhalli ah zangh uhi.

Tami program pen hun nih Worship Service leh Seminar in kikhen hi. Praise & Worship Team makaai in laa ngai tah tah toh mipi te'n Pasian kiphat zieh zieh hi. ZPYF lapi kisah zaw in Lia Zou Mary in LATE (Psalms) 40:5 [Aw Mangpa ka Pasian, na nasep lamdang tahte leh, koute dinga na lunggeelte atam mama a, tuate na masanga suhlat seng guol ahi sih hi. Tuate phuongzah a gen ding hita leng, simseng guol ahisih ding hi.] simin thumna toh hun latna Pasian kungah neih in hun patin um.

Vaidawn thugen ah tangval Lawmthang, Assistant Secretary, ZPYF, Bengaluru in Pasian kungah kipahthu tut kawmin mipite tungah lungdamthu tun hi. Tawikhawm latna Upa Kaiminlun in nei a, tualeh mipi thumkhawmna zong um hi.

Delhi Khalvontawi in KHALPITON nei ding

NEW DELHI, 16 AUG 2015 --- Delhi Khalvontawi in tukum KHALPITON [KV Meet] November 07 (Saturday) chiang Pasian in lem ung sakpihleh JNU ah zak hiding chi'n tuni meeting ah thupukna neih uhi. KV ELECTION leh Incharge kipiak khiatna zong nei ding uhi.

A nuam theihtawp leh siangthou theihtawp a zak hiding chi uhi.

Pasian in lem ung sakpihleh Khalpiton 2015 ah Upa Cin Suan Kap, Mission Veng pe'n KHALPIPA hi di'ng in kithutuak in thupukna nei ua, Khalpipa tunlekuan flight ticket zong KV Delhi in tuaksak ding hi. 

Tuaban ah Delhi a om sung teng in KV a dia mikiphal te'n Delhi Khawpi sung Veehna/Etpihna (OUTING) neipih ding uhi. 

Tuletu a reseved bawlte: QUTUB MINAR etpih ding Mr Khaalnou, LOTUS TEMPLE etpih ding - Mr Hanglamthang & Mr Naulian, GURGAON SHOPPING MALLS - Mr Jacob Kappu &  Miss Mawite, JNU CAMPUS sung fangpih ding - Dr Kammuanmung Thangniang, RED FORT etpih ding - Mr Khailianlal @ Zamin K. Thangkhal, SUNDAY MARKET phakpih ding - Miss Nianghauching @ Haunu, RAJ GHAT (Gandhi kivuina) etpih ding - Mr Kamlianmang, INDIA GATE etpih ding - Mr Boipu Suantak, leh NEHRU MUSEUM (JL Nehru tenna innlui) etpih ding - Mr Kaplal @ Khallal Phiamphu ahi uhi. Tuaban ah etding poimoh a omleh ahun dungzui a ngaituah ahiding hi chi uh.

August 16 ni'a meeting ah Khalpiton a sum tuak ding dan genkhawmna nei ua, Govt employee (leh special group) Rs 1000, Private employee Rs 500, leh Unemployed (nasemlou) te'n Rs 200 chi'n tuak dingzah bihkhiah uhi. Gurgaon area sum dawng ding in Mr Hanglamthang, Mr Naulian leh Gurgaon area dawng ding Mr Jacob Kappu ngansiah in om uhi.

Tutung Khalpiton ah TPO, TYO, TSP leh TBC lamkaite zong official tak in chialna zong peh ding uhi. Ton siim ding hung paite KV in ana zintun ding chi uhi.

KHALPIPA ding zong KV secy-pu in August 16 zan in theihsak hi. 

KHALPITON chiang un 'Meh' pen a lim theih bang a huan hiding chi uhi.