Thangkhal Peace Committee in Meeting sam

THANGKHAL PEACE COMMITTEE (TPC) lamkaina toh hong tung ding date 9th March 2019 ni chiang in Thangkhal Tribe Organisation (TTO) Meeting om ding hi. 

Hih ni chiang in hih anuai a chial leh sap a om tengteng pellou a pang kim chiat ding in Thangkhal Peace Committee te'n kung chial ngut-ngut uh hi.

Hi meeting ni a pang loute in meeting thupass-te a hi bang bang kua ma'n thu nung thu ma na gen thei kei ding uh hi.

MEETING A PANG DING TE

1. Thangkhal Peace Committee member teng.

2. Thangkhal Hausa teng teng.

3. Thangkhal Youth Organisation GHQS O/B teng leh Thangkhal Sinlai Pawlpi GHQS O/B teng.

4. Thangkhal Baptist Church (TBC) Pastor teng leh Thangkhal Bible Church (TBC) Pastor teng.

Meeting na a pang thei ding uh hi.

AGENDA

1. Thangkhal Tribe Organisation O/B kumthum vaipua ding.

2. A dang dang

Meeting na ding mun: 

Ginsuanhau MLA Inn Lailam Veng

Ani: 9 March 2019

Ahun: 10:30 Am

     

Lungdam ung.

I gam inam ading a na sep pih uh

Sd/- Ginsuanhau, Chairman

Thangkhal Peace Committee

Sd/- Khamthang, Secretary

Thangkhal Peace Committee

Sd/- Thangkhenhang, Chief of S. Zezaw

Information & Publicity,

Thangkhal Peace Committee

Thangkhal Peace Committee toh Kisai Ngaihdan Kupna

Dr Kammuanmung Thangkhal

THANGKHAL Peace Committee (TPC) in 16th February 2019 chianga meeting ah sapna uh ih social media te pan kana muh a, hih a nuai a thu tamlou kung kum ut hi.

Thangkhal sunga buainna liantak, i.e. Thangkhal Tribe Council (TTC) leh Thangkhal People’s Organization (TPO) kal a kitheih siamlouna liantak, Thangkhal Peace Committee panlakna ziakin lemna ung um hi, kipak huai ichi uhi. Ahin buaina pen veng taktak nailou bang hi. Aziakpen, Thangkhal Peace Committee in ah phiatmang (dissolved) Thangkhal Tribe Organization election bawl ahi nai kei hi. 

Hih toh kisai a ngaisun theih khen khatte: Bangziak a Thangkhal Tribe Organization (TTO) kiphiat (dissolved)? Mipi tel zong hilou, amah-ule amah-u ung kiphut tawm Peace Committee ten Thangkhal miten term khat paw dinga ih tel uh, TTO lamkaite phiatmang (dissolved) theihna ding power a nei uh maw? Hihthute dokna lian tak ahi. Ah taktak a gen in, democracy gam a tenga, mipi thuneihna kivaipuakte ih hihmanun - mipiten atel uh TTO lamkaite, mipi telhilou Thangkhal Peace Committee maimai in a phiat (dissolve) theih ding hilou hi. Ah pai ding dantak chu - ah leep/gawm uh lamkai tengin term um lai teng a puak suak ding uh, hua hun suak a kitheihsiamlou nateng uh awlawl a ung bei ding, ung ki-it kik ding uh, hizaw didan ahi. Ah bangteng hihle, lemna deih ihi manin a dikle diklou pen igen ut pen ahi kei hi. Ih gen ut pen, bangchi leh tua lemna um pen paisuaksak ding chi ahi zaw hi. Huana dingin, TTO election diktak a bawl poimoh hi. Tua ahitakle, kuan election a sai ding? Thangkhal Peace Committee a saitheih diai le? 

Thangkhal Peace Committee (L-R): Pu Thangkhenhang, Pu Ginsuanhau,  Mr X , Pu Khamthang

Ih gensa mah bangin, Thangkhal Peace Committee pen Thangkhal sunga buaina, lamkai kibuaite, lem dinga ung kiphut ahi a, lohchingtakin lemna ung tun ta uhi. Akibuai, Thangkhal Tribe Council leh Thangkhal People’s Organization te pumkhat in Thangkhal Tribe Organization in kigawmta hi. Tua ahitakle, Thangkhal Peace Committee in akiphukhiatna uh ziak (goal) uh ah supiching (achieve) ta uh chihna ahi. Tua ahimanin, hih Committee pen aki dissolve (phiat) khit thamding ding ahi ta hi. Hih pen Committee kiphut te paidan mawng ahi. 

Front Row: TPO leh TTC Leaders, Back Row: TPC Leaders

Ah pai dingdan chu, TTO ana dissolve tak ule zong, a dissolve masang ua, na teng TTO khut a ah piak ding uh, tuachianga TTO in ih constitution (Thangkhal Tribe Council ahilai, or Thangkhal People’s Organization ahi lai) dungzui a election ung sai ding dan ahi. Peace Committee ahi ngal leh Peace a bawl khit ua aki dissolve ding uh hilou maw? Peace Committee ten election ung sai ding uh hilou hi, Thamlou in, election commission zong amau guan ding hilou hi. 

Tua ahitakle, kuan TTO election a sai ding? TTO cabinet teng dissolve ahi le, TTO adviser ten election commission phuh-dan a um theih diai? Ah huachi theihlou tawpin, Thangkhal saptuam lamkaiten or Thangkhal organization khat peuheuh in election commission sep henla, hua ten sai le bang achi diai? Peace Committee pen aki dissolve ding uh, Thangkhal miten election ih kisai ding uh hilou ding maw? Bang ngaih dan ih nei ua?

By:-

Dr. Kammuanmung Thangkhal

New Delhi, 14th February, 2019