Lamkaite Vaihawm Siam Or Mipite Kimaw Lai

"Maban a USA  lut kua hita ding? "

EI THANGKHALte ing gen ma bang e. Ki-it kituak tak a hinkhua zang khawm dial dial teng ABA leh IFCA-I in ing khenzak ta. Maban a USA lam ut di te'n bang saptuam na phu sawm uh e? USA a TBC mi-le-sa -- Rev. L leh Rev. G -- mi 2 ki lut, Manipur lam a Thangkhal Saptuamte pawl 2 kisuak chet. Lamkaite vaihawm siam chi di e Or mipite kimaw lai chi di e. Khat veivei jumhuai e Pu L leh Pu G aw! Nou mah uh mimal na kingaisut ngai di uai. Kei leh L ziak or Kei leh G ziak a ka Thangkhal mipihte kimu zak chi bang a ngaisut ngai di uai maw? Mipi lungsim ahi, ami asate kimudah ihi kei, ABA ziak leh IFCA-I ziak a kimudah ihi jaw uhi. Thangkhal minamte.

Maban a USA  lut kua hita ding? Pawl kikhen dite USA lam lut nawn da leh ut huai e. Mipi lungsim ahi. Kigawm na di haksa mahmah hi. Ikikhen khak chia, kikhen louhna di'n pan la ni. Iki sap dante zong khek hunta hi. Amah IFCA-I te or ama uh ABA te chia iki sap na aw te uh a bei masang Thangkhal minam leh Saptuam a lemna om thei lou ding hi. Nampi vai a kigawm lei zong Saptuam v/s a pai den, Mission 2 ahih lai sia i sung a lemna om thei taktak lou hi. Lungkham huai mahmah hi. Nidang a (Pu Khuphen Pu Thangkhanlam te hunlai a) Nampi a buai chia TBC in gawm jel. TBC sung a buai chia Nampi in gawm jel. Tulai a nampi a buai chia Saptuam in gawm thei nawn lou. Bang ziakin Mission 2 hita. Pastor-te zong a kimu leh kileh malak a, kipel vachet,  mi en bikbek lou kihou bikbek lou, kisaal et va gel. Baptist Church Pastor-te leh Bible Church Pastor-te hichi ahi chia mipi kihouthei lei zong, khat veivei haksa ve aw!

Pastor-te mahmah pan hong la un. I sung a lemna bawlte  GS Haupu MLA, Mate Tribe, MTC; Thangkhal Film a doctor Thangkhenhang lah VPC a ki-om, Pu Khamthang lah UZO. I ngaisut ngetngut leh Pastor-te USA lam lutte ziak a Pastor teng kihouthei nawn lou. Saptuam 2 suak. Namsung 2 a kiphel suak chia, TBC Pastor te'n panla thei nawnlou. A tawp tawp a, i mi isa Gammang (Kha mangthang bang a, nam vai a mangthangte) MTC-VPC-UZO lak ah saltang imi isa (Thangkhal ham zang) te'n Vok luang 2 bei jen a lemna hong bawl uh. Tu'n maban a President di kua, chih tawh kibuai jel.  Consensus a khat kimawk guan sawm. Mipite deihna bang a Election pai lou jel di. Buai tou lai maithei ive. Saptuam i kigawm masang uh TBC (ABA) v/s TBC (IFCA-I) hiden din mu ing e.

Kisap dan khek hunta. Ama ABA-te, or ama IFCA-I lamte. A Thangkhal mawng mawng jau kha nawn lou hi, bang hi ta? Thangkhal ngaina vive in Saptuam vai a TBC jau nawn lou jen a ABA leh IFCA-I min jang a iki sap sap lai di uh maw, mipite? Iki sap didan pen. TBC (IFCA-I) lamte sap didan TBC a tawm jaw lamte. TBC (ABA) te sap didan TBC atam jaw lamte. Hidan jui thei lei hoi di hi. ABA ziak leh IFCA-I ziakin ki mudah nawn kei ni. Jumhuai gawm ta hi.

Social lam a kizangte dotna kimu gige hi. A dawng didan haksa mahmah jel hi khat veivei. Saptuam ichi a Foundation "Christ" ahi ngai ahi, Christ a kibulphu a ngai hi. Christ a kibulphu lou chu a buai di ma ihi. Eite i kibulphu na uh "IFCA-I" leh "ABA" ahiziak a Thangkhal minamte buai ihi. Christ gimnam leh Thangkhal gimnam nawnlou. Thangkhal ngaina tak takte din puaknat huai mah mah hi.

~ Admin, Khalvontawi Social Media

M. Tanglian Biakinn honna om

LAMKA, 21 FEB 2019 — Thangkhal Baptist Church Executive Member-te leh TBC Woker te’n tuni zingsang lam dak 8:00am in M. Tanglian khua a Biakinn honna nei uhi.

Biakinn honna leh latna TBC Tuitha Area Pastor Thanglet in nei a, Upa Zalianpau, Chairman, M. Tanglian TBC in Progrmamme makaih in, Upa Khaikhanhau,  Chief of M. Tanglian in mipi-te vaidawnna nei hi.

Phatna laa Grace Nauching leh Nuamngaihkim in sa ua, Upa Thangsuanhang, President, TBC in thugenna nei hi. Aman agenna ah M. Tanglian khua pe’n Thangkhal minam a ding a mun poimoh mahmah mun ahi chi. Thangkhal minamte kivaihawmna sangpen Thangkhal Peoples’ Organisation (TPO) leh Thangkhal Saptuam kiphu khiatna mun M. Tanglian khua hi a, imi nam hi’n Saptuam lam hitaleh a mun poimoh mahmah ahidan zong gen hi. A sung a om mite lungkia lou a pan alak tou ding uh chi’n hasotna zong nei hi.

Progrmamme hunsung in  Rev. Chinminlian, Executive Director, TBC; Rev Ginkhankap, Upa Dalkhenpau, Rev. Kamsuanhang,  TBC Singngat Area Pastor, leh Upa Khaikhankap te’n zong thugenna nei uhi.

Pastor Hangmuanlian, Director, Youth & Mission, TBC in thumna neizoh in paikhawm mipi te’n Itna Annkuang umm khawm in hun zou uhi. M. Tanglian khua a Biakinn hon thak ahihleh ni dang a PCI (R)-te Biakinn hih a TBC Pawlpi in Rev. Khen P. Tawmbing kiang a ana lei uh ahi.

PCI-R Biakinn 2 TBC a di’n hon khiat hita

“Thangkhal khangthu a ding a chiamteh tham…”

LAMKA, 15 FEB 2019 — Presbyterian Church in India (Reform) PCI-R Saptuam kiphu khiat apatin PCI(R) Biakinn pe’n Thangkhal Baptist Church adi’n nih (2) hon khiat hita hi.

M. Buangmun hausa lui (L) Pu Ginzaneng damlai in M. Buangmun khua Thangkhal Saptuam ah dek takin ana om a, Thangkhal Saptuam adi’n pan nasatak mai in ana laa hi. Tua banah TBC adia mi kiphal M. Buangmun hausalui (L) Pu Ginneng ahi hi. Pu Ginneng tekta a hausa hihna puazou nawnlou in om hi. A tapa Thangtullian lah neulai hausa pua thei dite hinai lou in om a, tua chitakin M. Buangmun khua (L) Khamsuanmang @KS Mang kiang a hong zuak ta hi.

Khamsuanmang in zong Hausa thak ahihna ah M. Buangmun Thangkhal Saptuam apatin PCI(R) Saptuam ah 2000 kum in lutpih hi. Kum hong paitou zel in 2000-2010 sung teng M. Buangmun PCI(R) saptuam ah om hi. KS Mang zong vangsiat huaitak mai in taksa damlouna Cancer nei in, asi kuan in PCI(R) apatin TBC a hong lutpih kik hi. KS mangin athu gen, mite lungsim khoi mahmah khat, “ham leh pau a Pasian biak ding ahi” chi thupi pansan in Thangkhal Saptuam ah M. Buangmun khua mipite lutpih hi.

Thangkhal Saptuam a alut tak chiangin PCI(R) Biakinn pe’n TBC Head Office te’n Singpi Tawi in Rev. Dr. Khenpi Tawmbing, Co-coordinator, PCI(R) kiang ah va ngen uhi. Dr Khenpi in zong “M. Buangmun Biakinn pe’n Saptuam dang (Thangkhal Saptuam lou) a lut hileh uchin Biakinn pe’n hong pia lou ding ka hi. Na ham na pau uh (Thangkhal) Saptuam a lut di nahih man un Biakinn pe’n ana tang ta un”, chi’n TBC lamkaite ngetna pomsak in, ana dawng hi. Tuachi’n TBC Pastor Lamkai vaihawm Executive Committee te’n zong M. Buangmun PCI(R) apatin Thangkhal Saptuam TBC ah la lut uhi. Tua khit in TBC a M. Buangmunte khamuang tak mai leh nop satak mai in, kha muang mahmah uhi.

M. Buangmunte Thangkhal Saptuam aham apau mah ua Pasian hong biak chiang un thupha ngah mahmah ua, Buangmun a kha khan lawhna nasatak mai in hong tung hi. Hun hong pai tou zel a KS Mang a damlouhna nasia deuhdeuh mai in hong om hi. Taksa upa seng nai kei mahleh atapa takpen Daltanlian lah naupang lai mahmah mai, lai Class V hiam siam pan ahihman in agam M. Buangmun khua leitang pumpi pe’n GS Haupu MLA, 60-Singngat AC kiang ah hong zuak khia hi.

GS Haupu in M. Buangmun gam honglei kik a, gingtat loupi leh lam-etloupi in M. Buangmun Thangkhal Saptuam kha muangtak a om lai pe’n MGP (ZPCS) adi’n 2014 kum in hei kik hi. M. Buangmunte kum 4 sung Thangkhal Saptuam ah om man uhi. Hausa kikhek dungzui in Saptuam kikhek chetchet mai hi. Hiteng i gen deudou na pe’n Saptuam a kikhek chia Biakinn zong akhua mipite mah in luah tou zel ichi nopna ahi. PCI (R) te’n Biakinn hoihtak mai Buangmun a alam uh kum 10 sung zang man ua, Thangkhal te’n kum 4 zang man hi. 2014 apatin MGP(ZPCS) Ginsuanhau @ GS Haupu, tulaitak a Thangkhal Peace Committee Chairman deihna bang in TBC apatin MGP(ZPCS) Saptuam ah om den uhi.

~ Editor, Khalvontawi Social Media

-- Information For All Thangkhal --

M. Tanglian TBC Biakinn honna om ding

LAMKA, 15 FEB 2019 — M. Tanglian PCI(R) Biakinn tung tang a kihoulemna om tak manin akhua mipite zakthei dingin a honna leh latna om ding hi. Hih hun a Thangkhal Baptist Church Executive Committee teng, Woker teng leh a ngaina tute paikim chiat ding in Rev. T. Chinminlian, Executive Director, TBC in chialna bawl hi.

Hih Biakinn honna pai ding te’n Date 17th Feb 2019 Time 12:30pm tan in TBC Office Tuibuang tunkim chiat ding in theihsakna bawl hi. M. Tanglian khua ahihleh hunpaisa in Saptuam 2 – PCI (R) leh TBC ana om hi. M. Tanglian khua hausapu Pu Khaikhanhau zong PCI (R) a ana om in, akhua mipite inn khat leh nih TBC a ana om a, hausapu leh inn tamzawte PCI(R) ah ana om in, hinkhua ana zang tou uhi. Ahih hangin hun leh kumte hong paitou zel in Pu Khaikhanhau in Thangkhal Nampi kivaihawmna Sangpen Thangkhal Peoples’ Organisation (TPO) President di’n 2013 kum in hong ki-candidate hi. Pu Pauminlian of Teikot tawh kitet in Pu Khaikhanhau in mipi vote tam mu zaw in, 2013 kum in TPO President di’n telching in om hi.

Pu Khaikhanhau President ahih kom kom in PCI (R) Saptuam a om in hinkhua zang tou hi, hun hong paitou zel a, Thangkhal Saptuam sung a bulpi (USA) zopna lam hong buaita hi. USA lut masa Rev. Dr. Langkhanthang hi a, 2004 kum in INTERNATIONAL FUNDAMENTALS CHURCH OF AMERICA-INDIA (IFCA-I) hong zoppih in, Thangkhal Bible Church (TBC-IFCAI) chi min vawh in om hi. Dr. Langthang khitin Rev. Ginkhankap hong lut kik a, ama apan AMERICAN BAPTIST ASSOCIATION (ABA) zom lei i pawl sung zong hong puahthei ding uh a, Bible College, TBC Office Building zong hong lamsak thei ding uh a, tua banah i pawimoh bangkim ama un hong panpih thei ding hi, chi hi. Tua banah kei pe’n (ABA) te Missionary in hong pom un chi’n ngetna TBC Executive-te kiang ah pia hi. TBC Khawmpi 2017 December 14-18 sung in gen khawmna om a, Thangkhal Bible Church (IFCA-I) kichi pe’n Khawmpi thupass dungzui in IFCA-I tawh TBC kizopna pan in tawpsan in om hi. Tuachi’n Thangkhal Bible Church pe’n tomkhat sung ‘Independent’ in ki-om hi. TBC (IND) a om sung in TBC apat in Dr. Langthang lamkaihna in pawl khat Fellowship Bible Church (IFCA-I) kichi in Thangkhal Bible Church (IND) apat pawt khia uhi. Date 25 February 2018 in Fellowship Bible Church (IFCA-I) kichi pe’n Thangkhal Bible Church (IFCA-I) chi’n New Mission veng a khek uhi. FBC pe’n TBC a kikhek tak chiang un THANGKHAL BIBLE CHURCH (IND) leh THANGKHAL BIBLE CHURCH (IFCA-I) hong om tuak hi.

Thangkhal Bible Church (IND) te’n March 3, 2018 in Emergency Khawmpi sam in TBC Central Church Tuibuang ah Thangkhal Bible Church (Independent) pe’n Thangkhal Baptist Church (ABA) in khek uhi. Hidan a Saptuam kibuai sung in a diakin Mission Veng buai mahmah a, Fellowship Bible Church kichi te’n New Mission Veng Biakinn mun, upa te’n tuh in Thangkhalte kivai hawmna Sangpen TPO tanpha tung ua, Thangkhal Court, leh Zomi Court tanpha zong tung uhi. Saptuam nasak tak mai a buai chiang in TPO President Pu Khaikhanhau akipat ngai ta. Pu Khaikhanhau in nasa tak mai in Saptuam buaina pan hong la in, amah zong Thangkhal Saptuam a lut ding lunglutna a hong nei ta hi. Huchi in Pu Khaikhanhau Thangkhal Saptuam a alut tak in akhua (M. Tanglian) khuate inn bangzah hiamte Thangkhal ham zang himaleh uh Saptuam vai a PCI(R) ma chi tenten pawl khat om hi. Pu Khaikhanhau leh a khua mipite inn bangzah hiam tawh TBC a lut ua, akhua mipite inn bangzah hiam khat mah PCI a om den uhi. Hun paitou zel in Tanglian PCI (R) teng M. Tanglian khua pawtsan in Hiangdung vangkhua a teng tou uhi. M. Tanglian PCI(R) saptuam Hiengdung a lut tou uh a, Hiangdung ah PCI(R) Saptuam mah in om tou uhi.

Pu Khaikhanhau, Chief of M. Tanglian (TPO President) ahihleh Thangkhal Saptuam a alut pe’n Thangkhal mipite kipakna leh TBC Pawlpi kipakna mahmah khat ahi hi. Thangkhal mi leh sa Thangkhal ham zang tengteng in kipakpih mahmah mai hi. Pu Paudoulal in Khaikhanhau Tanglian hausapu Thangkhal Saptuam a alut akipakpihna in laa khat phuak hi. A laa min ahihleh “Zingvai hawm siam Pu Khaikhanhau” chih ahi hi. Hih bang ziak a “Zingvai hawm siam Pu Khaikhanhau achi e ichileh, Tuan a Pu leh Pa Khaikhanhau pe’n Thangkhal Society a aom ding a unau  a Sanggam a pianna pa in adeih pe’n tangtung ahihman in a pianna pa deihna, unau sanggamte deihna bangin Thangkhal a na omta hi. Zingvai na hawm siam na hi chia phuak ahi. Thangkhal minamte saptuam dang a om i tam lai mahmah hi. Missionary kitam lai mahmah. Missionary Pu Khaikhanhau hong kileh kik a phatuam mahmah ta hi. Missionary dangte zong lunggel hunta hi. Thangkhal ham zang Thangkhal Society a om khaloute Thangkhal society sung a om te’n amaute “Missionary” kichi hi. Thangkhal Society sung ah hong om ta un, Thangkhal ham zangte aw!

Aw, ham leh pau nei ihi. Society tuamtuam a na om chiang in namdang hamdang te’n na tung uah a ut ut dan un vai ahawm chiang un, na mi nasa na ham kibatpih te’n kithuak zoulou hi. Imi nam leh i saptuam sung puah hunta hi.

~ Editor, Khalvontawi Social Media

-- Information For All Thangkhal --

TBC Thingkangphai Biakinn sung latna leh Advent Christmas

LAMKA — Thangkhal Baptist Church TBC Thingkangphai in Biakinn sung uh a bawl thak uh Lopna leh Advent Christmas Programme TBC Thingkangphai Biakinn ah tuni (Sunday, 09 Dec '18) zinglam dak 11:00am in zang uhi.

Programme hun sungin Pa Thangsuanlun @Lunkang in makaih a, Upa Laanghaulian in Programme te Pasian kiangah aapna nei hi, welcome address Pro- Upa Chinsuanlam in nei a, Pa T. Ginlunthang, Local Secretary in TBC Thingkangphai Biakinn bawl na dinga mi kiphal Mahajon Pu Thangliansuan leh Mahajon Pu P. Hanglamthang te nupa kiangah Puanlaisan khat tuak silhsak uhi.

TBC Delhi 1st Advent Christmas 2018

NEW DELHI –  The Thangkhal Baptist Church (TBC) Delhi has celebrated its 1^st Advent Christmas here in Munirka on Sunday Evening (09 Dec 2018) at around 5:30pm.

TBC Delhi local pastor Rev Khiakhanthang offered the collections and delivered the message. Mrs Rebecca Neikhochin, Miss Kimboi Mate and Miss Diana Manlunching presented a number of gospel songs which enthralled the gathering.

After the programme, a grand feast was held.

-------------------------

TBC Delhi in Advent Christmas zangh

 * A 1-veina di’n Thangkhal Baptist Church (TBC) Munirka, New Delhi in December 09, 2018 (Sunday) nitaklam dak 5:30 in Advent Christmas zatna hun nuom tak mai in neih uhi. Hih hun ah Rev. Khaikhanthang, Local Pastor in Message leh Offertory Prayer hun zang a, Nu Rebecca Neikhochin, Lia Kimboi Mate leh Lia Diana Manlunching te’n Pasian laa sa uhi. Itna annkuang zong sawkkhawm dial dial uhi*. (in Thangkhal dialect)

-------------

ADVENT CHRISTMAS : Detail Program

Place: TBC Church, Munirka New Delhi

Date : 09-12-2018

Time : 05:30PM

Conductor: Mangzamuan, Chairman, Youth Dept, TBC Delhi

Praise & Worship: Led by Y/D

O/Prayer: Nu Kimneihoi @ Hoinu

Praise & Worship: Led by Y/D

Sharing from members: If any (5min. each)

Mass Bible Recitation: Luke 1:28-31(Thangkhal New Testament)

Message & Offertory Prayer : Rev. Khaikhanthang L/Pastor

Praise & Worship: Led by Y/D

Closing prayer: Pa Thangboi Mate.

ARTISTS:

1. Rebecca Neikhochin

2. Kimboi Mate

3. Diana Manlunching

!! FEAST -- FEAST – FEAST !!

----------

The glimpses of the event…

***

TBC Mission khawmpi zou siang

LAMKA – Thangkhal Baptist Church Central Mission Department makaihna in Mulam Tanglian (M. Tanglian) khua ah a 28-veina Mission Department Khawmpi nei uhi. Khawmpi Thupi in “Lak sangin Piak khiatna in Gual jawlna ahau jaw hi.(Nasepte 20:35)” thupi pan san in, a 28-veina khawmpi, date 30th Nov 2018 in Pastor Thanglet, Thangkhal Baptist Church, Tuitha Area Pastor in honna nei hi.

Saturday in TBC Mission Department in, Vaihawmna nei uh ah, Khawmpi hun sungin, Laa Pawl leh Bible Action leh items tuamtuam ah, Pasian thu leh laa a kidenna kho tuamtuam apat in nei in om uh ah.

Thangkhal Baptist Church inaugurated in Delhi

NEW DELHI — For the first time in Thangkhal history, the Thangkhal Baptist Church (affiliated to American Baptist Association) has been inaugurated in New Delhi on Sunday, September 02, 2018.

Peace Settlement: Thangkhal lamkai te’n kilemna bawl

“Thangkhal pen Missionary Tribe/language chi’a 

minvaw thei Nam khat ahi,” Ginsuanhau Zou

Ginsuanhau Zou panlahna nuai ah TTC & TPO lamkai te’n kilemna bawl

LAMKA – Ginsuanhau Zou, MLA, 60-Singngat Convenor na nuoi ah tuni’n TTC TPO lamkai te’n sasin- salung neh in tunung-tuban a Thangkhal Tribe Council (TTC) leh Thangkhal Peoples Organization (TPO) thu a buoina bawl nawnlou ding ch’'n kilemna suoikai uhi. 

PEACE MEAL: Peace settled between TTC and TPO leaders in Lamka on 7th August 2018.

Tami hun ah Ginsuanhau Zou, MLA, 60-Singngat in Thangkhal Tribe Council (TTC) or Thangkhal Peoples Organization (TPO) te’n Nampi damna ding a platform kichientah anei theina ding ua a langlang in Peace Committee khut a silbangkim a aap pen uh sepsuo ahi masang a koima’n Peace Committee te theipina lou a vested interest a nasemlou ding chi’n gen hi.

Aman agenzelna ah Namdang hamdang banglou a Thangkhal ham zangte pen beh-le-phung tuomtuom kigawm-khawmna leh Nam tengteng kigawm-khawmna platform khat ahina ah Thangkhal pen Missionary Tribe/language chi’a minvaw thei Nam khat ahi chi'n gen hi. 

Alangkhat ah Ginsuanhau Zou in pienken a Zou-Thangkhal hinanleh tu chieng a Thangkhal mite kituona ding ahi pou leh Thangkhal a tuitum ding a mansa ahidan genkawm in TTC leh TPO in kituotah a kal a suonkhawm theileh Thangkhal Nampi damna ding leh khantouna ding a anei-alam teng ban ah a lungsim jousie seng a panlah ding ahidan zong gen hi. 

TTC leh TPO kikal a kitheisiem lounate Peace Committee khut a aap kawm in a langlang in Vaal veng khuo a Thangkhal Community Hall lam leh lamlou ding a Police Case um pen withdraw bawl ding chi’n kithukimna suoi zong kai uhi. ~ Zogam Today | 08 Aug 2018

Thangkhal Community Hall thu ah kilemna bawl

LAMKA – Vaal veng, New Lamka a Thangkhal Community Hall phelsiat tungtang ah kilemna hoihtak om theihna dia kibawlkhia Peace Committee-te makaih in tuni’n (Aug 07, 2018) Lailam Veng a Ginsuanhau, Singngat MLA & Chairman, MANIREDA tenna inn ah kilemna bawl uh a, Ginsuanhau in Peace Committee ah leng Convernor hihna len hi.

Thubuai tawh kisai a kihouna ahihleh Peace Committee apan Ginsuanhau, Convenor, S. Khamthang, Co-Convenor leh TK. Hang Suantak, Co-Convenor in makaih uh a, huai hun in Thangkhal Tribe Council (TTC), Thangkhal People Organisation (TPO), Thangkhal Sinlai Pawl (TSP) leh Thangkhal Youth Organisation (TYO) makaite tel uhi. 

Vaalveng a Thangkhal Community Hall phelsiat tungtang a Police Station a FIR om pen withdraw di’n TPO leh TTC a President leh Secretary-te’n suaikai uh a, tuaban ah TPO & TTC kalthu ahihleh Peace Committee khut ah koih uhi. Community hall thubuai tungtang ah kilemna abawl dungzui un Pastor Khaikhanthang, TBC (ABA) in makaite a ding in thumsak hi. Kihouna omkhit in Thangkhal makaite’n Peace Commitee-te telna in sasin-salung ne in kilemna annkuang umkhawm uhi. ~ Manipur Express | 08 Aug 2018

Singngat MLA makaih in TPO leh TTC in Kitheihsiam Tuahna suaikai

LAMKA – Zomi sung a om Tribe khat sung a kitheihsiam louhna ziak a FIR tanpha chiamteh a om ngaikhawk in tuni, August 7, 2018 in MANIREDA Chairman, Ginsuanhau @ GS Haupu, MLA Singngat in a tenna inn, Lailam Veng, Central Lamka ah vok khat gou in kilemna bawlpih hi. 

July 9, 2018 in Thangkhal Youth Organization (TYO) General Headquarter leh Thangkhal Sinlai Pawlpi (TSP) General Headquarter in thusuah bawl in Vaal Veng, Nghathal a Thangkhal Community Hall bawlna mun ding a Thangkhal Nam mite’ theihpihlouh a inn kibawl toh kisai mohpaih uh ahihdan taklang ua, TYO leh TSP in Thangkhal Community Hall bawlna mun va pha in inn kibawllel phelsia ua, hiai toh kisai kuama’n bangmah gentheilou ding leh mimal leh beh-le-phung a kuama’n la theilou ding ahihdan thusuah bawl uhi.

Hiai thiltung toh kisai a FIR gelhlut a om ban ah Thangkhal Namsung a ki-ettuamna om beisak ding deihna in MANIREDA Chairman in panla in, Thangkhal People’s Organization (TPO) leh Thangkhal Tribe Council (TTC) a makaite samkhawm in kilemna a om theihna ding in genkhawmpih a, hun sawt kuamtak genkhawm ahihnung in kilemna bawltheih uhi. Huai toh kiton in, TPO leh TTC a pan President leh Secretaryte’n kitheihsiam tuahna “Compromization Agreement” suaikai uhi.

Kitheihsiam tuahna lehkha gelh a om in a taklatna ah, July 9, 2018 a TPO Hall, Vaal Veng a kibawl suksiat ahih ziak a Police Station a FIR gelhlut a om pen pawl nihte’n kituaktak a zukkik dia pom in, TPO leh TTC kikal a kitheihsiam louhna omte tuni, August 7, 2018 a pan beisak ding leh hiai thu ziak a khawnung a thiltung deih huailou a omleh dan bang a khauhtak a vaihawm hiding ahihdan taklat in om hi. 

Hiai kitheihsiam tuahna lehkha ah Thangsuanmuan, President, TPO; T. Ginsuanlal, Secretary, TPO; Khaikhanhau, President, TTC leh T. Ginlunthang, Secretary, TTC in suaikai uhi.

Pawl nihte’n Kitheihsiam Tuahna suai a kaihzoh uh toh kiton in khut kilen in ding ua, Pastor Thangchinkhai in amaute’ a dia thumsakna leh Pathian’ tung a kipahthu genna nei in, paikhawm teng kichibai in hun masa zangzou uhi. 

Sunnung hun in TPO leh TTC leng pawlkhat a gawmkhawm ahihtheihna ding in Peace Committee khut ah koih ua, pawl nihte maban a kituak sem a kalsuankhawm dingdan genkhawm in sasinsalung ne in annkuang umkhawm uhi.~ The Lamka Post | 08 Aug 2018

TBC (ABA) Worker te’n Saptuam Vehna Nei

 LAMKA, 28 MAY 2018: Thangkhal Baptist Church (America Baptist Association) worker te’n TBC (ABA) Saptuam Bial vehna pai zom tou zel hi. Apaisa 23 May 2018 in Ngoiphai TBC vehna nei ua, 24 May 2018 in S. Phaiza saptuam vehna nei kik uhi. Date 27 May 2018 in S. Geltui vehna nei ua, 27th Nitak in S.Belbing saptuam vehna nei uhi.

Maban ah zong TBC (ABA) saptuam veh nailou a omte zong vehna nei touzel ding uh chi uhi. Pasian in hunpha ung piakleh 29 May 2018 chiang in TBC (ABA) Central Church Tuibuang ah One Day Seminar neih hiding hi. Date 30 May 2018 chiang in S.Munhoih khua vehna nei kik ding uhi.

~0~