YPA Tangnuam Unit in Silver Jubilee zang ding.

LAMKA, 2019 AUGUST 03: Young Paite Association (YPA) Tangnuam Unit in hong tung ding date 14th August 2019 chiang YPA Tangnuam Unit kiphu apat, kum 25 chinna Silver Jubilee thupi tak in YPA Hall Tangnuam a zang ding uhi. 

Hih Jubilee ding tawh kisai in YPA Tangnuam Unit in nasiatak mai in, kising sakna paizom tou jel a, Date 5th-9th August 2019 sungin Tangnuam Field a Football leh Volleyball,  Numei a leh Pasal a kimawlna nitak dak 6:00pm apatin 9:30pm sung nei jel ding uhi.

Tuni'n YPA Tangnuam Unit in Social Work neih uh ah, maban ah zong tu'a sang a panla tou jel ding uhi. YPA Tangnuam Unit Silver Jubilee main day (14 August 2019) ni chiang in Tangnuam khua sung a veng thum - Saimualveng, Bethel veng, Hausa veng-te apatin 'Bamboo Dance leh Zangta Laam' kidemna zong om ding hi. Tulaitak in Saimual veng, Bethel veng, Hausa veng te'n nitak teng in laamzilna nei zom tou jel uhi.

KHALVONTAWI

Information For All Thangkhal

Pastor Khupdoukhen in Pasian thu genna nei

LAMKA – Thangkhal pastor Thangkhal ham siangset, Pastor Khupdoukhen tulel a MELC Saptuam a Siampi nasep, tunai a USA a Bible zil zou thak liklek in zani Sunday (02 July 2018) Nitakin Thangkhal Baptist Church (ABA) Tangnuam Biakinn ah Pasian thu genna nei hi. Thugen siam mahmah mai a, mipi te’n zong ngaihnop huai kisa mahmah hi. Alawinu’n zong kikhopna hung uap hi.

A haam zak Thangkhal ham siang vawt, sawisel nading zong omlou, siangset vawt! Thugenna a neih zohin Upa Hangkhankhup, Vice Chairman, TBC Tangnuam in Pastor Khupdoukhen lawinu kiangah, Pastor-pu leh alawinu ading Thangkhal Bible nih piakna nei hi.

Pastor Khupdoukhen ahihleh Thangkhal khantouhna ding a pan ana la ngai khat ana hi a, Thangkhal ham a Bible neih theih nadia zong pan ana latu khat ahi. Tulel a Thangkhal ham a Thukhun Lui (Old Testament) translator Pastor Thangdoulal ading a apu taktak ahi. Tu’a Thangkhal ham a Bible kibawl lellel pen ahihleh Thangkhal ham siangset a kibawl ahi hi.

Thukhun Thak (New Testament) pen zong adikloute sukdikna paitou zel a, Thukhun Thak ah himi Bung (chapter) himi Taang (verse) pe’n ei ham in himi ahi, hichi zaw deuleh, chi nuamte a din hun kihon laitak ahi.

1994 lai a TSP president tu’a M Saaljang Hausapu Thangkhanlian Manlun Thangkhal toh TSP ah ana lamkai khawm ngai dan uh ahi.

Pastor Khupdoukhen ahihleh nidang a Temol Khajang (Khajang Khawlui) ah ana piang a, Khajang khua (Taalui) leh Buangmun ah ana khanglian hi. Thangkhal ham theilou leh aw kaihdan theisiam louh te’n amah kiang a kanthei gige ahi.

‘Thangkhal ham a Pasian thu ki gen tengteng lak a, Thangkhal aw kaih dan leh zatdan ah Pastor Khupdoukhen a dik pen lai e’. Tutung a Thukhun lui kibawl pen zong, Thangkhal hoih mahmah hi.

~ MG Thangkhal