PCI-R Biakinn 2 TBC a di’n hon khiat hita

“Thangkhal khangthu a ding a chiamteh tham…”

LAMKA, 15 FEB 2019 — Presbyterian Church in India (Reform) PCI-R Saptuam kiphu khiat apatin PCI(R) Biakinn pe’n Thangkhal Baptist Church adi’n nih (2) hon khiat hita hi.

M. Buangmun hausa lui (L) Pu Ginzaneng damlai in M. Buangmun khua Thangkhal Saptuam ah dek takin ana om a, Thangkhal Saptuam adi’n pan nasatak mai in ana laa hi. Tua banah TBC adia mi kiphal M. Buangmun hausalui (L) Pu Ginneng ahi hi. Pu Ginneng tekta a hausa hihna puazou nawnlou in om hi. A tapa Thangtullian lah neulai hausa pua thei dite hinai lou in om a, tua chitakin M. Buangmun khua (L) Khamsuanmang @KS Mang kiang a hong zuak ta hi.

Khamsuanmang in zong Hausa thak ahihna ah M. Buangmun Thangkhal Saptuam apatin PCI(R) Saptuam ah 2000 kum in lutpih hi. Kum hong paitou zel in 2000-2010 sung teng M. Buangmun PCI(R) saptuam ah om hi. KS Mang zong vangsiat huaitak mai in taksa damlouna Cancer nei in, asi kuan in PCI(R) apatin TBC a hong lutpih kik hi. KS mangin athu gen, mite lungsim khoi mahmah khat, “ham leh pau a Pasian biak ding ahi” chi thupi pansan in Thangkhal Saptuam ah M. Buangmun khua mipite lutpih hi.

Thangkhal Saptuam a alut tak chiangin PCI(R) Biakinn pe’n TBC Head Office te’n Singpi Tawi in Rev. Dr. Khenpi Tawmbing, Co-coordinator, PCI(R) kiang ah va ngen uhi. Dr Khenpi in zong “M. Buangmun Biakinn pe’n Saptuam dang (Thangkhal Saptuam lou) a lut hileh uchin Biakinn pe’n hong pia lou ding ka hi. Na ham na pau uh (Thangkhal) Saptuam a lut di nahih man un Biakinn pe’n ana tang ta un”, chi’n TBC lamkaite ngetna pomsak in, ana dawng hi. Tuachi’n TBC Pastor Lamkai vaihawm Executive Committee te’n zong M. Buangmun PCI(R) apatin Thangkhal Saptuam TBC ah la lut uhi. Tua khit in TBC a M. Buangmunte khamuang tak mai leh nop satak mai in, kha muang mahmah uhi.

M. Buangmunte Thangkhal Saptuam aham apau mah ua Pasian hong biak chiang un thupha ngah mahmah ua, Buangmun a kha khan lawhna nasatak mai in hong tung hi. Hun hong pai tou zel a KS Mang a damlouhna nasia deuhdeuh mai in hong om hi. Taksa upa seng nai kei mahleh atapa takpen Daltanlian lah naupang lai mahmah mai, lai Class V hiam siam pan ahihman in agam M. Buangmun khua leitang pumpi pe’n GS Haupu MLA, 60-Singngat AC kiang ah hong zuak khia hi.

GS Haupu in M. Buangmun gam honglei kik a, gingtat loupi leh lam-etloupi in M. Buangmun Thangkhal Saptuam kha muangtak a om lai pe’n MGP (ZPCS) adi’n 2014 kum in hei kik hi. M. Buangmunte kum 4 sung Thangkhal Saptuam ah om man uhi. Hausa kikhek dungzui in Saptuam kikhek chetchet mai hi. Hiteng i gen deudou na pe’n Saptuam a kikhek chia Biakinn zong akhua mipite mah in luah tou zel ichi nopna ahi. PCI (R) te’n Biakinn hoihtak mai Buangmun a alam uh kum 10 sung zang man ua, Thangkhal te’n kum 4 zang man hi. 2014 apatin MGP(ZPCS) Ginsuanhau @ GS Haupu, tulaitak a Thangkhal Peace Committee Chairman deihna bang in TBC apatin MGP(ZPCS) Saptuam ah om den uhi.

~ Editor, Khalvontawi Social Media

-- Information For All Thangkhal --

M. Tanglian TBC Biakinn honna om ding

LAMKA, 15 FEB 2019 — M. Tanglian PCI(R) Biakinn tung tang a kihoulemna om tak manin akhua mipite zakthei dingin a honna leh latna om ding hi. Hih hun a Thangkhal Baptist Church Executive Committee teng, Woker teng leh a ngaina tute paikim chiat ding in Rev. T. Chinminlian, Executive Director, TBC in chialna bawl hi.

Hih Biakinn honna pai ding te’n Date 17th Feb 2019 Time 12:30pm tan in TBC Office Tuibuang tunkim chiat ding in theihsakna bawl hi. M. Tanglian khua ahihleh hunpaisa in Saptuam 2 – PCI (R) leh TBC ana om hi. M. Tanglian khua hausapu Pu Khaikhanhau zong PCI (R) a ana om in, akhua mipite inn khat leh nih TBC a ana om a, hausapu leh inn tamzawte PCI(R) ah ana om in, hinkhua ana zang tou uhi. Ahih hangin hun leh kumte hong paitou zel in Pu Khaikhanhau in Thangkhal Nampi kivaihawmna Sangpen Thangkhal Peoples’ Organisation (TPO) President di’n 2013 kum in hong ki-candidate hi. Pu Pauminlian of Teikot tawh kitet in Pu Khaikhanhau in mipi vote tam mu zaw in, 2013 kum in TPO President di’n telching in om hi.

Pu Khaikhanhau President ahih kom kom in PCI (R) Saptuam a om in hinkhua zang tou hi, hun hong paitou zel a, Thangkhal Saptuam sung a bulpi (USA) zopna lam hong buaita hi. USA lut masa Rev. Dr. Langkhanthang hi a, 2004 kum in INTERNATIONAL FUNDAMENTALS CHURCH OF AMERICA-INDIA (IFCA-I) hong zoppih in, Thangkhal Bible Church (TBC-IFCAI) chi min vawh in om hi. Dr. Langthang khitin Rev. Ginkhankap hong lut kik a, ama apan AMERICAN BAPTIST ASSOCIATION (ABA) zom lei i pawl sung zong hong puahthei ding uh a, Bible College, TBC Office Building zong hong lamsak thei ding uh a, tua banah i pawimoh bangkim ama un hong panpih thei ding hi, chi hi. Tua banah kei pe’n (ABA) te Missionary in hong pom un chi’n ngetna TBC Executive-te kiang ah pia hi. TBC Khawmpi 2017 December 14-18 sung in gen khawmna om a, Thangkhal Bible Church (IFCA-I) kichi pe’n Khawmpi thupass dungzui in IFCA-I tawh TBC kizopna pan in tawpsan in om hi. Tuachi’n Thangkhal Bible Church pe’n tomkhat sung ‘Independent’ in ki-om hi. TBC (IND) a om sung in TBC apat in Dr. Langthang lamkaihna in pawl khat Fellowship Bible Church (IFCA-I) kichi in Thangkhal Bible Church (IND) apat pawt khia uhi. Date 25 February 2018 in Fellowship Bible Church (IFCA-I) kichi pe’n Thangkhal Bible Church (IFCA-I) chi’n New Mission veng a khek uhi. FBC pe’n TBC a kikhek tak chiang un THANGKHAL BIBLE CHURCH (IND) leh THANGKHAL BIBLE CHURCH (IFCA-I) hong om tuak hi.

Thangkhal Bible Church (IND) te’n March 3, 2018 in Emergency Khawmpi sam in TBC Central Church Tuibuang ah Thangkhal Bible Church (Independent) pe’n Thangkhal Baptist Church (ABA) in khek uhi. Hidan a Saptuam kibuai sung in a diakin Mission Veng buai mahmah a, Fellowship Bible Church kichi te’n New Mission Veng Biakinn mun, upa te’n tuh in Thangkhalte kivai hawmna Sangpen TPO tanpha tung ua, Thangkhal Court, leh Zomi Court tanpha zong tung uhi. Saptuam nasak tak mai a buai chiang in TPO President Pu Khaikhanhau akipat ngai ta. Pu Khaikhanhau in nasa tak mai in Saptuam buaina pan hong la in, amah zong Thangkhal Saptuam a lut ding lunglutna a hong nei ta hi. Huchi in Pu Khaikhanhau Thangkhal Saptuam a alut tak in akhua (M. Tanglian) khuate inn bangzah hiamte Thangkhal ham zang himaleh uh Saptuam vai a PCI(R) ma chi tenten pawl khat om hi. Pu Khaikhanhau leh a khua mipite inn bangzah hiam tawh TBC a lut ua, akhua mipite inn bangzah hiam khat mah PCI a om den uhi. Hun paitou zel in Tanglian PCI (R) teng M. Tanglian khua pawtsan in Hiangdung vangkhua a teng tou uhi. M. Tanglian PCI(R) saptuam Hiengdung a lut tou uh a, Hiangdung ah PCI(R) Saptuam mah in om tou uhi.

Pu Khaikhanhau, Chief of M. Tanglian (TPO President) ahihleh Thangkhal Saptuam a alut pe’n Thangkhal mipite kipakna leh TBC Pawlpi kipakna mahmah khat ahi hi. Thangkhal mi leh sa Thangkhal ham zang tengteng in kipakpih mahmah mai hi. Pu Paudoulal in Khaikhanhau Tanglian hausapu Thangkhal Saptuam a alut akipakpihna in laa khat phuak hi. A laa min ahihleh “Zingvai hawm siam Pu Khaikhanhau” chih ahi hi. Hih bang ziak a “Zingvai hawm siam Pu Khaikhanhau achi e ichileh, Tuan a Pu leh Pa Khaikhanhau pe’n Thangkhal Society a aom ding a unau  a Sanggam a pianna pa in adeih pe’n tangtung ahihman in a pianna pa deihna, unau sanggamte deihna bangin Thangkhal a na omta hi. Zingvai na hawm siam na hi chia phuak ahi. Thangkhal minamte saptuam dang a om i tam lai mahmah hi. Missionary kitam lai mahmah. Missionary Pu Khaikhanhau hong kileh kik a phatuam mahmah ta hi. Missionary dangte zong lunggel hunta hi. Thangkhal ham zang Thangkhal Society a om khaloute Thangkhal society sung a om te’n amaute “Missionary” kichi hi. Thangkhal Society sung ah hong om ta un, Thangkhal ham zangte aw!

Aw, ham leh pau nei ihi. Society tuamtuam a na om chiang in namdang hamdang te’n na tung uah a ut ut dan un vai ahawm chiang un, na mi nasa na ham kibatpih te’n kithuak zoulou hi. Imi nam leh i saptuam sung puah hunta hi.

~ Editor, Khalvontawi Social Media

-- Information For All Thangkhal --

Bangalore Khalvontawi Meet 2018

BANGALORE, 20 JUNE 2018: Tuni'n Pa Steven Khaikhansuan inn, Eijapura, B'lore ah KV 18

(numei 7, pasal 8 leh naupang 3) in ITNA ANNKUANG sawk khawm uh. GETS Bible Seminary ah kaai M.DIV students Tv Bruce K. Thangkhal leh Tv Joseph Hanglemsiam te KV B'lore te'n ngainatak in chial uhi.

TANGLAI LEH TUHUN film en khawm in houlimna nuam tak in zangh uhi. Tuazohin Tv Joseph in Pasian thu a tomkim houlimna a neihzohin annkuang thumna neih hi. Ann leh bawngsa meh lim tak mai sawk khawm liailiai uhi.

Tuni kimutuahna pen B'lore KV te adia a 1-veina ahi. Tunia i pai theihlouh mi 10 vel om lai in gen uhi. Theitui ung tawi pawl la tam ei. Tunia meh ung tuak sak, Lia Naomi tungah i lungdam mah2 uhi.

Pasian in Bangalore Khalvontawite gualzawl tou zel ta hen.

Pic: Photo a pang khalou tampi om.

~ Khaalnou, Bangalore