K Khaibiaklian in 60-Singngat AC ah MLA tuh ding

Lamka 2021 Sept 22: Tuni Zinglam dak 11 in S.Khamthang Special Contractor tenna inn, Lailam Veng ah K Khaibiaklian in a innsungmite kaikhawm in, Kum kik 2022 State Assemble Election om hun a 60-Singngat (ST) AC a Candidate khat ahihsawm ahihdan kipuankhiakna nei hi. Huo hunzatna S.Chinsuanlian Secretary Suantak Dopmul Phungpi Organization (SDPO) in lamkaih in, Upa Khaikhankap in thumna in pan a, S.Thangkhenhang (Thusa) Chief of S Zezaw in vaidawnna thugen hi. Hunzat sung in K. Khaibiaklian, Intending Candidate for 60-Singngat AC leh S.Dalsianpau banah huo hun a paikhawm Hausate banah Upate'n thugenna nei in, Rev. Hangmuanlian, Director Youth & Mission Department Thangkhal Baptist Church in K Khaibiaklian a ding in vualzawlna ngetsakna nei a, huntawp ah intekpa S Khamthang in kipahthu gen in, Pastor Thangdoulal, Thangkhal Bible Translator in hunkhak in huo hun a paikhawm teng in annkuang umkhawm uhi. K Khaibiaklian ahihleh January 16, 1986 a piang in, Delhi University nuai a Master degree zoukhia ahihbanah Zomi Relief Committee ah Finance Secy dinmun lenlel in, District sung ah Student te a ding in 'Yes I Can' kichi NGO ah Advisor hihna len a, 2009-11 sung ZSP Delhi ah President hihna len hi, KB Enterprise neitu ahih banah Loukhoumi Organic Producer Company Ltd ah Chairman a pang in, Society for Rural Development and Empowerment India ah General Secy len hi. Politics tawh kisai in 2018 apan BJP workers a pang in, Churachandpur District BJP ah General Secretary dinmun len a, maban ah Election om hun a ching ngei dia kimuang ahihdan genkawm in, Government in mipite a empower dingdan tak a empower lou ahihziak in, mipite empower na ding a MLA dia hong kisa ahihdan gen a, Gam leh Nam puahna ding a hong kisa ahihdan leh party tawh kisai in tu in BJP General Secretary ahih dungzui in BJP ticket ngahsawm a panla ahihdan genkawm in, telching ahihleh development work a paipih kawm in gam leitang kepbitna lam pibawl ding ahihdan gen hi. Aman a genzelna ah I gam pen kisaktheihpih mahle I rights-te I zat theihkei leh I gam pen a mang tawh kibang ahihman in I gam kepbitna pen ngai poimawh masapen ding hin gen a, palai ana hisate a demna hilou in intellectual input pen petheilou uh ahihman in, I gam pen tuantual mahmah ahi chi a, Dan bawltu ding leh a diklou omte I bawl diklouh ziak a hihtan kitung ahi chi in, tusang a khawkzaw tan hongtun a I khek zawh nawnlouh ma a panlak poimawh ahi a chih banah kum 36 paita a Singngat Lhanghoi veng a piang ahihna ah kum 36 nung a a gam mipite tawh semkhawm dia hangsan tak a hong kipia ahihdan gen kawm in, Dan bawlna ding a educated mah poimawh leh a sim thei leh gelhthei poimawh ahihman in Dan bawl a gam humbit ding a kisa ahihdan gen hi.

Hun Paisa in Thangkhal Tribe Organisation General Headquarters te ITNA ANNKUANG umm khawm pihna nei in, TTO GHQs Panpihna dingin ₹ 50000 pia hi.

KHALVONTAWI

VOICE OF THANGKHAL

T. Khajang khua a Bible 80 hawm khia

Lamka 2021 Sep 12: Khupsuanhau Guite @MK Jim  leh Rev. Soia in tuni zingsang dak 10:00AM in Thangkhal Baptist Church T. Khajang Singngat Sub Division, Biakinn a hun zakna nei in T. Khajang khua mipi te a dingin Thangkhal Bible New Testament, mipi lak a 80 a thawn in hawm uhi. Rev Soia leh MK Jim in hun Paisa in zong Biakinn tuamtuam a Bible hawmna na nei jel uah Maban a zong mun tuam tuam a hawm na sunzom jel ding uhi.

KHALVONTAWI
VOICE OF THANGKHAL

Khaibiak in ZYA GHQs veh

Lamka 2021 September 13: Churachandpur BJP Secretary K.Khaibiaklian s/o S. Khamthang Special Contractor, intending Candidate 60 Singngat AC in Tuni zingkal dak 10:30AM in Zomi Youth Association, General Headquarters Office vehna nei hi, Hih hun ah Khaibiak in agenna ah ama mimal ngei zong hunpaisa a PYF(ZPCS) sung a lamkai in na pang ngai in, mipi nasep leh mipi a ding a pan lak theina tan ah nala zing ahih dan leh mipi a ding a sepna ah mite theih pih sese lou haksat na leh nongkai na tampi om ahi dan gen hi. ZYA in zong Philanthropic Organisation ahi na ah huabang haksat na tampi neitham ding ahi chi a, huabang kawm kal lak ZYA in a sep leh abawl te uh pahtat huai asak dan thu gen in, maban 2022 General Election a Singngat AC ah Chi leh Nam itna Gam leh Nam itna Zomi Zosuante Maban itna ziak leh Maban ding khualna in MLA candidate ding ahih dan gen hi. Tuaban ah ZYA, GHQ Maban sot jot semna ding leh Maban a hat jaw sem na dingin ZYA President P. Thangsianbiak khut a ₹ 50,000 ( Fifty Thousands) pia in Maban a leng ZYA a ding apoi moh bangkim saisak vek ding ahih dan gen hi. Khaibiak in ZYA GHQ a vehna tungah ZYA GHQs in News tungtawn in kipahthu gen uhi.

KHALVONTAWI

VOICE OF THANGKHAL

UZO(ZOMI) President in ZYA GHQs Office veh

Lamka 2021 September 10: Pu Hangkhanpau Taithul, President United Zou Organisation ( UZO-Zomi) General Headquarters in tuni nitak Dak 1:00PM in Zomi Youth Association General Headquarters Office veh nei hi. Hih hun a Pu Hangkhanpau Taithul in ZYA Office  etkhiatna nei in, ZYA GHQs Office a zatding Camputer Table 11000 man leh ZYA GHQs phung vuh na in Rs 10000 ZYA President P. Thangsianbiak khut a piakna nei hi, ZYA GHQs in Pu Hangkhanpau Taithul singpi dawn khawm pihna nei in, Pu Hangkhanpau Taithul in ZYA a ding vanzat apiakna tung ah, ZYA Ghqs in kipahthu gen uah, Maban a leng ama leh a Innkuan pihte Pasian in vualjol ta hen chi deihsak thu gen uhi.

KHALVONTAWI

VOICE OF THANGKHAL