Pasian Phatna leh Biakna. By: Pastor Thangdoulal

"Pasian  ahihleh kha ahi a, a bia mite'n kha leh thutak a a biak diing uh ahi" john 4:24

Thupatna

 

Tulai in Pasian phatdan a tuamtuam tampi a om a, i theih ngai leh i muh ngailouh uh biakpiakna muhthak diing leh theihthak diing a nisial phial in omta hi. Sahkhua dangdangte genlouh Khristian sahkhua zuite nasan in zong, eima eima saptuam paidan (thugin) dungzui in Phatna leh Biakpiakna dante a kinei chiatta hi. Tua ahihziak in phatna/biakpiakna diktak bang chi neihtheih diing e? chih mi tamtakte lunggel ahita hi. 

Bible in, "1 Toupa phat un! Pasian a mun siangthou ah phat unla; huihkhua a a vangletna ah amah phat un! 2 A silbawl thupitakte ziak in amah phat unla; tehpihbei a a vangletna tawh kituak in Amah phat un! 3 Pêngkul ging tawh amah phat unla; tumging guisawmnei leh gawsemte tawh amah phat un! 4 Laam leh khuangta bekthawh in amah phat unla; tumging guineite leh theilee in amah phat un! 5 Sikdaak-tahtuah ging zuazuate tawh amah phat unla; sik tahtuah gin-ngaihte tawh amah phat un! 6 A nak thei zousiah in Toupa phat uhen! Toupa phat un!" (Laate 150: 1-6) in a na chi ahih man in phatna omdante enthak ni:

1. Kha tawh Pasian phatna, 

2. Hinna tawh Pasian phatna leh 

3. Pumpi tawh Pasian phatnate Bible ah kimuthei hi.

Pasian thu in a gen bang in, "Na kha uh leh, na hinna (lungsim) uh leh na taksa (pumpi) uh, i Toupa hung pai chiang a gensiatbei diing in…." (1Thes. 5:23) a na chih bang in mihingte pen, thum gawm khat: Kha, Hinna, leh Pumpi nei a bawl i hi uh hi. 

I Kha uh ahihleh a piangthak pen ahi a, Pasian Kha Siangthou teenna ahi hi. I Hinna uh pen, I lungsim uh leh, I thathohnana uh, kilawpna hung pia pen ahi. Tualeh I Pumpi uh pen, leitang ahi a, leitung a hung hingsakthei pen ahi. (Leitang I hihziak ua leitung a hing leh dam a omthei I hi uh hi).

Eite pen, Laate 103:1na a Kumpi David genbang a, i pumpi uh, i kha uh, leh i hinna ua Pasian phat diingte i hi uh hi. Thukhunthak ah zong, "Na pumpi uh leh na kha uh tawh Pasian phat un, huate pen Pasian a ahi," (1Kor 6:20) a na chi hi.

Akhoi-abang hitaleh, phatna tawh kisai a theihna kichianzaw i neihna diing un hih a nuai a thugualte en in, thusuutna i nei diing uh hi.

1. KHA TAWH PASIAN PHATNA:

John 4:23 Hinanleh ahun hung tung ding ahita, tu mahmah in zong atung hi, hua hun chiangin abe taktak ten Kha leh thutak in Pa abe-ding uhi, aziak pen Pa in hibang mi Amah be-ding a zong hi. 24 Pasian ahihleh kha ahi a, abia miten Kha leh thutak a abiak ding uh ahi, achi hi. 

Hih Kha tawh Pasian Phatna pen, tu dong a biakna paidante hikhalou ahi- Laisiangthou Thukhunlui hi-in Thukhunthak hitaleh, Pasian I biak diing dan uh tangtak a hung hilhna ahihke'h a kigenna, Kha leh Thutak, chihlouh a omkei hi. Saptuam khenkhat in Pasian biak diingdan ama'uh saptuam ah a septuam ua, tuate ahihleh; Mipi laa sak khawmnate, Bible simnate, Khuailu veivaak detnate, Gimnamtui haalnate, Bukimtheihna diing a bang hiam koihnate, Thukhunte, Zem tuamtuamte, Maitaam leh Sil chii tuamtuam, Upate leh Pastorte, Evangelistte, Missionaryte kizep diing dante a nei ua, mipite'n lah Nipini Puansilh a nei tuam uh hi. Baptist saptuamte'n a taangpi in Biakna laa sak khawmna leh thugenna (sermon) chihte a paipih deuh ua, tumging tuamtuamte zang in Pasian biakna a nei uh hi.

Hih a tung a i gen uh biakna dante pen, saptuam in zuih diing a a bawlthoh biakna, eima hihtheihdan tawh kituak a kizakna, tumging siamte tumginglam ah, laa siamte laa sakna lam a i kizakdante uh ahi a, hihte pen Biak-inn sung kizaknate ahi. Kha leh Thutak a Pasian phatna pen hibangte hikhalou hi.

2. HINNA (Lungsim, Utna, Thathohna) TAWH PASIAN PHATNA:

 

"Ka hinna aw, Toupa phat inla, ka sung a om tengteng aw, a min siangthou phat un," Laate 103:1.

Eite pen, thathohna/kilawpna neithei mihingte i hihziak un Pasian in i hinna uh Amah phatna a dim diing in deih hi. Biakpiakna diing in tumgingte  poimawh masapen kei lezong, a chii (thu) a diing a lei (hinna) bawl masa or a lou khou masatu ahi.

2Kumpite 3:15; "Hilezong, tumging tumsiam khat hung zawhpih un," a chi hi.Tua tumging tumsiam in tumging a tum leh, Toupa sil bawltheihna a tung ah a hung om hi."

Tumging i chih uh leitung a sil bawltheitak leh mite thuzawhthei, a thakhauh mahmah silk hat ahihziak in, Star Spangled Banner chihte, Seregamapa chihte, leh ei gam a band khenkhatte bang, ama'uh hunlai in a minthang mahmah uh hi (Mite hinna (lungsim, utna, thathohna) zou gawp ngiingeei chihna ahi). Tua ahihziak in Setan in gamtat hoihlou (Pasian thukhun khengval a gamtatna) a mite kaihlutna diing in pilvangtak in zang hi.

Saptuam sung ah zong, hinna a thathohna /kilawpna pen kha-mitna or Pasian kha ompihna tanna dan a ngai in, tamveipi i theikhial uh hi. Tumging tawh kisai a chiindan khenkhat ahihleh, kha-mitna dan in kimukhial thei hi. Tualeh kha-mitna hibang diing ahi chi a Pasian in a na guat bangmah omlou ahihlam kitheilou kha-zel mawk hi. Biakna late hi-in Pasian it late hitalezong, laa kihotte, laa nguuite, leh Southern gospelte hita le-uh zong, Pasian tapna leh ompihna pen, kha leh thutak ah chihlouh in omlou hi.

Sap laa sa minthang, Southern Gospel Band, Hill Songs, Brownsville Music Band, Bill Gaither, Fred Smith, leh Sunshine Boys, i chihte uh zong, kha leh thutak a Pasian i biak theih na diing ua a lei (Hinna: lungsim, utna, thathohna) khou masa leh bawlte ahi uh hi. Saptuam lamkai minthang Lyle Shaller in, "Tulai saptuam sungte ah, thuginpi panna diing mun ah tumgingte a pangta hi," chi-a a gen bang sim in, saptuam tamzawte ah, i biakna neihdante uh i kilasawn ua, kikhop chiang a i vaiguan paidante hibang diing hikei, hibang diing hizaw, chih bang a tam mahmah hi. Hibang ahih ziak in, Saptuam khenkhat in "Traditional Service, leh Contemporary Service," a neihlawh uh hi.

"Tuachi`n Jesu`n akiang uah, 'Tuaziak in laigelhmi van-gam hilh a om zousiah, innneipa a goubawm a kipan a sillui leh silthak hung pholhkhe bang ahi,' achi hi."

Biakna tawh kisai in khenkhatte'n Pasian it late, Biakna late, Laa Siangthoute pen, saktaak i sakei ua, halhthakna laa, laa tom, laamtheih paina diing laate i deih bawlzaw uh hi. Tuaziak in i laa sak utte uh a kibang kimkei hi. Hilezong a taktak a chih in, Pasian phatna laate leh tumgingte i neih uh sil hamphat huai mahmah khat ahi a, tualeh hoih i sak chiat uh leh I deih chiat diing uh ka taksang hi. Hitalezong, "Kha leh Thutak" a Pasian biakna pen, ei utdan, ei kilawpdan, ei hoihsakdan bang ahikei a, Pasian hoihsakdan, deihdan, leh utdan biakna a hizaw hi. 

3. Taksa tawh Pasian Phatna:

I taksa uh pen, phatna leh biakna vanzak manpha a hih diing ahi. Hih tawh kisai thu, Bible in a na hahgen mahmah hi. Tuate ahihleh hih a nuai a bang ahi:

1. "Mi zousiah aw, na khutte uh beeng un…" Laate 47:1.

2. "Kipakna aw tawh Pasian phat in kikou un." Laate 47:1.

3. "Aw hungpai un, kuun in i be diing uhi, 

4. Toupa eite hungbawlpa mai ah i khupdin diing uhi!" Laate 95:6.

5. "Upa sawmnih leh lite pen laltouna tung a tou-pa maiah khupbok in tangtawn tangtawn a hingjingpa abia," Kil 4:10

6. "Ka khutte domsang in na min ka lou diing hi." Laate 63:4

7. "Laam leh khuangta bekthawh in amah phat un" Laate 150:4  

ETSAKNA:

1. Barak (HB): Phatna leh pahtawina lahna diing a khupdinna, kipakpihna, or Salaam bukna- Vai 5:2-3

2. Yadah (HB): Bante laamtou a phatna/Biakna- Laate 67:3; 107:8,15,21,31.

3. Towdah (HB): Bante laamtou a phatna- Laate 100.

4. Shabach (HB): Kam a Phatna Phuanna- Laate 63:3

5. Halal (HB): Kilahkhiatna or mimaw omdan tawh kibang phatna- Laate 22:23; 119:164; 1Khang 16:4,7,25,36; Ezra 3:10; Neh 12:24.

6. Guwl (HB): Lungsim kilawpna ziak a kipumpeina- Zeph 3:17b; 1Khang 15:29; 2Sam 6:14.

7. Shachah (HB): Khupbok, Bokbak, Tualpuang a kiliik zen a phatna leh zahna piakna- Laate 29:2; 95:6.

Hibang teng ahihziak in, Biakna in eite leh Pasian hung kisamatsak hi.

Ngaihtuahna Tawpna:

Vaangam ah laisimna, thungetna, an ngawlna, Jesu theihpih a panna, leh silpiakte piakna chihte a om nawnkei diing hi. BANG I BAWLTA DII UAI LE? … "Hua ganhing li, kha gukchiat neite pen a kimkual leh a sunglam ua mit a dim ahi ua, tualeh ama'un sun leh zan a tawlngalou in: "Siangthou, siangthou, siangthou, Toupa Pasian bangkim bawlthei, omsa leh omzing leh hung om diing," achi uhi. Hua ganhing lite`n laltouna tung a tou-pa tangtawn a hingzingpa kiang ah thupina leh zahna pia a kipahthu a gentak un, upa sawmnih leh lite pen laltouna tung a tou-pa mai ah khupbok in tangtawn tangtawn a hingzingpa abia ua; tualeh hua laltouna mai ah a lallukhute uh koihkhia in, "Aw Toupa nang pen, thupinate, zahnate, leh thuneihna tangtaak na hi, aziak nangman sil zousiah nabawl a, tualeh nangma deihna bang a siam ahi uh," achi uhi. Kil. 4:8-11.

Toupa'n Thupha Hung Pia Hen

KHALVONTAWI

VOICE OF THANGKHAL

PASIAN IN APASIAN ADINGA APUAK NATNA EITE KIPHUH KHIATNA BULPI AHIH DING AHI

Pasian in a pasian a ding a a puaknatna ngaihsut khalou leh theih phak a zong neilou in Pasian nna sepsak theih na ding in, chi-in tulai mi tamzawte'n missions (Pasian nasepna dinga solkhiakna nasep tuam tuam te) i bol ua, hih pen mimal a pat a mission thak i patkhiatna bek uh hilou in, organization tuam tuam ah zong a awm thei hi. Bangteng hitaleh, uang tak a i gen ut pipen uh ahihleh, Pasian in Pasian a ding a a puaknatna ah eite'n zong i zung uh khawh in, amah (Pasian) nasep kipan theizawta lehang i chizaw uh ahi. 

Hia'h, Pasian in Pasian a ding a puaknatnate eite kiphuh khiatna bulpi ahih diing Pasian deihlam ahihdan leh, Pasian in mi khat leh saptuam khat sung ah, ataktak ahihdan atak langh ut mah mah a, hilezong ama'uhte'n phokkhak leh theihphak in ana nei khakei uh a, tua pen sapte chih dan hileh 'stunning realization' chih ding ahi a. Hih pen Pasian a diing in zong dik mahmah khadiing in ka gingta hi. Aziak ahihleh, mission naseph pen eite'n mohpuakna dan a i ngaih taak man un ahi. Hinanlezong Pasian naseph pen mawhpuakna lam saang in veinatna ahizaw hi.

Bang ziak e i chih leh, Pasian naseph na diing a solkhiakna naseph tuam tuamte (Missions) Pasian tup leh ngim leh lunggulh pipen ana hikha kei a, hitamahleh, Biakpiakna (worship) ana hizaw hi (Missions is not God's ultimate goal, worship is).

Tua ahihziak in (mi kua hitaleh) mi khat pouh pouh lungtang sung a hih sil thupi tak "Pasian Biakna Teng Teng Piak" a poimawh dan leh Pasian a diing a apoimawh pen ahihdan alut a, a tuitum theih leh, amah a diing in sil zousiah a kilamdang mangsiang diing a, zong a kikheng siangta diing hi. Tualeh sil dang tengteng saang in vaannuai pumpi Pasian a diing a zohna diinglam ah amah a hung lunglut zawta diing hi. Tuachiah, sil teng teng (the universe) a muhdan leh a etdan a hung kilamdangta diing a, tualeh missionary enterprise tuam tuamte na-ngawn zong a muhdan leh a etdan  ni dang a te tawh kibangloutak  in a hung kilamdang mangsiangta ding hi.

Tuaziak in, eite'n Pasian min thupitak Namte tung a tawisang a a om i muh diing uh pen, i veinatna uh leh i puaknatnate tengteng uh a hung kiphuh khiatna bulpi ahih diing ahi a, hih pen Pasian in amah leh amah Namte tung ah leh, Namte tengteng in Amin thupitak a, a tawisangna diing ua, a kipuak natna zong ahi hi. Tualeh Pasian pen  mi khotuahsiam, itna bukim nei leh sil zousiah tung a thupi pen leh thu nei pen ahi a, Amah (Pasian) lunggil sung ah Amah bang a lalna leh thupina nei a, ahihna akituhpih theih diing bangmah leh, kuamah a omkei hi. Amah ahihleh a penpen Pa ahi hi. Tualeh Amah (Pasian) pen milim leh sil tuam tuamte bia a hikei a, Aman Ama thupiak masa pen leh lian pen nialna mawng mawng zong a neikei hi. A lungtang tengteng in, a kha tengteng in, a hatna tengteng in leh a lungsim tengteng in, a mi hihna thupitak leh bukimna tuam tuamte tung ah, akipak a, nuam a sa hi.

Leitung mihingte'n zong hih bang in Pasian thupiak masa pen leh lian pen ah kipak in nuamsa thei lehang, i tung uah Pasian a kipak mahmah diing a, i hinkhua uah zong Pasian a thupi pen ding hi. Hih sil zousiah tung a thupit pen diing chih pen, Pasian in amah a diing a a puaknat mahmah lian pen zong ahi hi. Leitung pumpi leh a sung a sil siam zousiah in Pasian a diing a veinatna/puaknatna a neih theih diing uh zong Pasian deih leh lunglamtak ahi hi. Aziak ahihleh leitung khua vaannuai in Pasian a diing a puaknatna taktak leh veinatna taktak a neih theih diing uh pen, Pasian lunggulhna thupitak ahi hi.

Missions (Pasian nna sepna diing a sawlkhiatna naseph tuam tuamte) tawh kisai a, a taktak leh a diktak ahi chi a, sil dang tamtakte sang a ka theihsiam zawk leh muh chet zawk, Pasian thu in a zoh dimdem mi leh Pasian a diing a hung kipia mite chiamtehna suai (Signature) ahih leh Biakpiakna ahi a, hihpen missions kuantawhtu leh hatsaktu zong ahi hi. Tualeh bang ziak a Pasian a diing a i veinatnate uh leh i puaknatnate un, missions a hatsak a, a kuantawh e? chih hoihtak leh thuktak a i ngaihtuah leh, hihpen Pasian in Pasian a diing a a puaknatna leh veinatna in missions haal in, a hung kangsak a, tuachiin a hung kuang in, a hung hatsak semsem hi. Hia'h Pasian in Pasian a diing a a veinatna leh puaknatnate eite, a diing in Pasian naseph na sung ah, i hatna uh leh, i khantouhna uh bulpi ahih teitei zawk ding ahi. Huabang hilou a, nasepdan a sepna in a hung khangtousak kei maithei diing hi. Pasian lungtang leh lungsim leh veinatnate tengteng eimah a, a om keileh i Pasian naseph na uah i bah un i khangtou theikei diing uhi.

Tun nang diing in, Missions i chih uh, Pasian nna sepna diing a solkhiakna nasep tuam tuamte bang ahi tai le!..... Missions i chih uh i saptuam uh leh i pawlpi un i neihte uh, a khantouh theih na diing in Pasian lungsim puak ngai/poimoh nasa tai le? Ngai or poimawh talua ahi. Pasian lungsim pawtheilou a, Pasian nasemte i hihkhaak diing uh lau huai hi. Aziak pen Pasian gam khangtou theilou diing chihna ahi. Tuaziak in, a taktak a chih in Missions ahihleh, Pasian sung a i kipakna uh luangletna or dimletna ahih diing ahi. Aziak ahihleh Pasian nna sepna diing a sawlkhiakna nasep tuam tuamte pen, Pasian in a Pasian hihna sung a a lungdamna luangletna ahi hi. Tualeh (Missions) Pasian nna sepna diing a sawlkhiakna nasep tuam tuamte tup leh ngim thupi pen pen ahihleh Biakpiakna (Worship) ahi a, hihpen bang ziak hi ding hiam chi a, aziak diing, a thukthei pen a i ngaihsut leh, hih Biakpiakna (Worship) pen Pasian tup leh ngim thupi pen ana hi a, (missions) Pasian nna sepna diing a sawlkhiakna nasep tuam tuamte a na hikha kei hi. Nam zousiah in Pasian a phat ua, a biak diing uh deihna ziak a tawlnga mawng mawnglou a, Pasian in Namte tuni tan a, a nung uh a zuih tawntungna pen, Laisiangthou in agen dan dung jui in eite zong hih *"Nam zousiah in Pasian a biak diing uh"* tupna leh ngimna nei diing a theih chetna tawh laklut i hi uhi. "Nam teng teng aw, Toupa phat un; mi teng teng aw amah tawisang un" (Sam. 117:1). Hih Pasian tup leh ngim ahih taak leh, eite a diing a zong i tup uh leh i ngim uh a hih diing ahi (If it is God's goal, it must be our goal).

TOUPA'N THUPHA HUNG PIA HEN....

By: Pastor Thangdoulal

KHALVONTAWI

VOICE OF THANGKHAL

JESU MIN A NA KIKHEELNA GEN DIING NA NEI HIAM? By: Pastor Thangdoulal

Jesu Khrist nung ka zuihkhawmpih saptuamte, i Pa Pasian, Tapa Pasian, Kha Siangthou Pasian min in, kei leh ka innkuante'n lung kituaktak in, Innmun pan in chibai ka hung buk hi.

BIBLE: Nas. 2:8, "Bang chidan a i un ua i pianpih ham chiat ua i zak theih uh e?"

Jesu Khrist gingta a, Jesu nungzui diing a kipia a, Pa Pasian, Tapa Pasian, Kha Siangthou Pasian min a baptima tangte hinkhua pen, a taktak a chih in 'Kibungbukleh' hinkhua ahi.

Etsakna:

 

1. Sawltaak Paul: Paul in a hinkhua a Jesu Khrist a kituahpih masang in Jesu Khrist a hinna taangthupha gente leh a gingtate gawt a, Jesu Khrist a kituahpih khit in, amah-mah a gen pen leh a gingta pen in pang hi.

2. Sawltaak Matthew: Matthew pen sawlkal nna sem, siah khon a pang mi khat ahi. Jesu tawh a kituah ua kipan in a nna sep nusia a, Jesu nung zui hi.

3. Kei: Kei pen ni danglai a teep-le-muam zongsang mi khat ka hi a, a tomlam a gen in, khase baih, hehbaih, leh mi dangte theihsiamna neilou mi ka hi hi. Ni dang a ka zongsat nna leh silte Jesu min in ka tawpsan a, Ka hinna Jesu a diing a ka app dungzui in Jesu'n ka hinkhua awl-awl in a hung kheelsak a, hilezong bukimlou ka hihman in, Pasian a ka kisukdikna diingte a kisudik kawm-kawm in, Jesu min in pan ka la hi. 

India a gaalkaap diingte'n, India gaalkaap diing a kipiakna thuchiam (kosom) a neek bang un, Jesu a diing a kipete'n zong, kei pen Jesu a ka hita chih mi zousiah mai a latsakna diing in baptisma i tangh uh hi. Nang bang na chi a? Jesu tawh na kizopna (link na) mite mai a gen diing na nei hiam? Jesu'n na hinkhua ah panmun (part) a nei hiam? Jesu a na pianthak masang leh na pianthak nung hinkhua a kibaklouhna bangbang a om a? Na hinkhua pen Jesu a diing in na zangkha na hiam? Jesu nungzuite hinkhua pen, Jesu nungzui ahih masang ua tawh et in, kibungbuleh hinkhua suak hi. I theihsiam zawkna diing un hih a nuai a bang in i ensuk diing uh hi.

JESU NUNGZUITE KIKHEELNA

1. Nungzuihna pan a Sawltaak Hihna:

Gospel laibu lite i et leh, nungzuite pen nungzui taktak ahi ua, Jesu bawlte en in, a paina ah a zui uh hi. Hilezong nasepte laibu i et leh, gamtuam khat a om mahbang in a na kikheel hi. Nasepte laibu ah, Jesu nungzuite pen nungzuite ahi nawnkei ua, a mi kibang napi mithak hihna a neite uh hi.

A. Ama'uhte nungzui ahi nawnkei ua, Sawltaak ahita uh hi.

B. Ama'uhte Jesu thu gen ngaikhete ahi nawnkei ua, thu gente ahita uh hi.

C. Ama'uhte ni dang in, thu zilte, nungzuite ahi ua, tu'n thuhilhte leh lamkaite ahita uh hi.

2. A Kikheelnate Uh:

A. Ni dang a LST theisiamlou a, Jesu kiang a na thu gente bang na chihna e? chi a dongte ahi ua, tu'n LST theihsiamna a neite uh hi (Matt. 13:36).

B. Ni dang a bangmah bawltheih neiloute ahi ua, tu'n Biakpiakna a Sil Bawltheihna Thak a neita uh hi. Ni danglai a a lawhsapnate uh hih Bible taangte ah muhtheih in om hi; Matt. 10:1; 17:14-21. A tuali uate; Nas. 3:1-10; 5:1-10; 8:20-23; 13:10-12; 9:36-42.

C. Ni dang a mi meipuahte ahi ua, theihpihmi diing a zong chinglou chih ut-huai phialte ahi ua, tu'n Jesu Khrist Theihpihmi Hihna a Hangsanna Thak neita uh hi (Jn. 20:19; Nas. 4:19-20; 5:29).

Jesu nungzuite pen, Jesu nungzui ahih masang uh leh Jesu nungzui ahih nung uh hinkhua i et leh, "Kibungbuleh" vawt hi. Tuaziak in mite'n lamdangsatak in, "Bang chidan a i un ua i pianpih ham chiat ua i zak theih uh e?" chih lawh uh hi.

Nang bang na chi a? 

Na pianthak masang a na duhte mah na duh veve maw? 

Na neekte mah na ne veve maw? 

Lungsim hoihlou mah na paw veve maw?

Na khasiatna diing bek mah na zong veve maw? 

Na teep-le-muamte mah na teep in na muam veve maw? 

Na dawn ngai zute mah na dawn veve maw? 

Na sumduh ngai daan mah in na duhlai veve maw? 

Na thu neih ut ngailai bang mah in, na utlai veve maw? 

A lian pen hih diing na utna bang mah in, na utlai veve maw?

JESU IN NA HINKHUA A KHEELNA BANG E??

Na dawnna tawh kituak in, Toupa'n Thupha Hung Pia Hen…

KHALVONTAWI

VOICE OF THANGKHAL

JESU KHRIST AH HINNA THAK NA NEITA HIAM? By: Pastor Thangdoulal Thangkhal

Jesu Khrist nung ka zuihkhawmpih saptuamte, i Pa Pasian, Tapa Pasian, Kha Siangthou Pasian min in, kei leh ka innkuante'n lung kituaktak in, Innmun pan in chibai ka hung buk hi.

"Jesu Khrist a hinna thak" i chih uh Pianthakna genna ahi a, hih Pianthakna kichi Sahkhaw zousiah (Biakna zousiah) a diing a thu poimawh penpente lak a khat ahi. Hilezong tuni in Sahkhaw dawngte (Biakna dangte) a diing a Pianthakna kichi bang e, chihlam enlou in Bible gingta a Bible thu zuite i hihman un, Bible in Pianthakna a chih bang e? Chihlampang i enzaw diing uh hi.

Bible a i muh uh Pianthakna pen, "Lungsim lui pen omna mun a lungsim thak koihna (Repositioning the Concept) ahi a, hih pen lungheina, lungsim kheelna, leh hindaanthak a hinkhua zakna chihte ahi. Hibang a hindaan lui a kipan a hindaan thak a kipum kheelna pen Jesu Khrist ginna or taksanna ziak a, Kha Siangthou piak lungsim thak puakna pen, deihthu a neihtheih ahikei a, utthu a zong neihtheihlouh ahi. Tuaziak in, mi khat in a hindaan luite nusia, a lungsim lui pen nusia a, lungsim thak pua a, hindaan thak a hinkhua a zaktheihna diing in thu poimawh mahmah a pom teitei diing thu, hih a nuai a bang ahi.

1. Mi Zousiah Mi Khial Ahi.

1Kum. 8:46… "Kuamah sil bawl khiallou a omkei hi…" Laate. 14: "2Toupa'n vaan a kipan in mihingte lak ah, theihsiamna nei a Pasian zong a om na uai, chi'n a ensuk hi. 3 Hinanleh mihingte a hilou lam a pai in, a unsiang un a na kilehngat mangsiang ua; sil hoih bawl khat zong a omkei ua, khat beek a om kei hi." Rom. 3:23, "… mi zousiah in sil a bawlkhialta ua, Pasian thupina a tangzou kei uh hi." (Bible etbeh na ut leh; Is. 53:6; Elcc. 7:20; Is. 64:6; Ja. 2:10; 1Jn. 1:8; Rom. 3:12). Hih Bible thute'n a gen ahihleh mi zousiah mi khial i hi uh achi ahi. Hih Bible thudik na pomtheih kei leh na Piangthak-thei ngaikei diing hi. Thu khat pouh-pouh a dik i kisak valvalna pen i khelhna lian pen uh ahi.

2. Khelh Man Sihna (Pasian tawh Kikhenna) Ahi.

Rom. 6:23, "… khelhna man sihna ahi…" Is. 59:2, "Na tatsiatnate un na Pasian ua pan in a hung khenkhia a, na khelhna un a meel a liah hi." 2Thes. 1:8, "Meikuang ahung kilak chiangin, Pasian theiloute leh i Toupa Jesu Khrist tangthupha thu mangloute tung ah phuba la in. 9 Hihte zousiah Toupa mai ah leh asil bawltheihna thupitak a kipan in tangtawn manthaina ah gawt in a om ding uhi." Eph. 2:1, "Noute pen, na gamtatvalnate uleh na khelhnate uh ziak a si…" a hung chi hi. Bible in na khelhnate uh ziak a Pasian tawh kikhen, a si ahung chih leh, a chih ahi a, a dik ahi. A khiallou kuamah i omkei uh hi. (LST na etbeh ut leh; Jn. 3:7; Rev. 20:14-15; Ezk. 18:20; 2Kum. 14:6; 22:16-20; Deut. 24:16; Ezk. 18:4; Jer. 31:30; 1Kum. 8:32; Is. 3:10-11; Matt. 16:27; Rom. 2:6-9).

3. Vaangam Pen Mun Siangthou Ahihziak In Mawhna A Omthei Kei Diing.

2Pet. 3:13 ah, "Vaangam pen Diktatna Inn," chi ahihman in mawhna omthei lou diing hi. Rev. 21:27, "Huasung ah bangchik mah in silsianglou, ahihkeileh kihdak-huai leh zuau bawl mawng mawng alutkei ding a. Hinanleh Belamnou laibu a min kigelhte bek a luut diing uh hi." Mawhna kichi a luutlouhna vaangam ahihman in, mawhna a keemdap, a vomdapte vaangam luutlou diing hi.

4. Pasian Bawlsa Vaangam Luutna Diing Mihing In Bawltheih A Neikei Hi.

Eph. 2:8-9, "Pasian hehpihna ziak a ginna tungtawn a hutdam," mihingte i hi ua, ei a pan a bawl diing hiam, sep diing hiam bangmah omlou hi. Gal. 2:16, Dan silte bawl ziak in mi siamtansak in a om kei a, hinanleh Jesu Khrist gintatna liuliau in siamtang in a om uh chih i thei uhi. En zong dan silbawl ziak hilou a, Khrist ginna ziak a siamtang a i omtheihna ding in Jesu Khrist pen i gingta uhi, aziak dan silte bawl ziak in kuamah siamtang in a om kei ding hi." Titus 3:5, "Diktatna eiten i bawlte uh ziak hilou in, pianthakna silna leh Khasiangthou a siamthakna in, leh a (Pasian) zahngaihna dungzui in ahung hundam hi." Hutdam a i omtheihna diing un, bangmah i bawl diing uh omlou hi. An ngawl a kizon ngailou hi. Aziak pen, an ngawlna ahihleh nna sep ahi. Hutdam hihna diing in nn sep poimawh lou a, Bible thu diktak a (Lungsim taktak a pomna) pomna poimawh zaw hi. 

5. Jesu'n I Mawhman Uh Bukimtak A Hung Piaksak In, A Diktatna Hung Pia Hi.

2Kor. 5:21, "Aziak amah (Jesu Khrist a) ah Pasian diktatna i hung hih theihna diing in, khelhna mawng mawng theilou amah (Jesu) pen Pasian in eite ziak in khial in a bawlta hi." Is. 53:6, "I unpi un belaam bang in i vaakmang ua, eima lampi chiat ah i pialmang uh hi. Hilezong Toupa'n Ama tung ah eite mawhna zousiah a ngata hi." 1Pet. 3:18, "Aziak pen Pasian kiang a ahung puitheihna dingin Khrist in zong khialhnate ziak in khatvei a thuakta a, midik in midiklou tangin, taksa in hihlup in a om a, hinanleh kha a suk-hing in a om hi." Hih Bible taangte'n a hung hilhna ahihleh, Jesu'n eite mawhna a pua hi, chih a hi. (Hih tawh kisai a theihbeh ut na neih leh; www.khalvontawi.com ah, Jesu sihna a a mawh kua e? chih thu a na sim in).

6. Hutdam I Hihna Diing Ua Mi Zousiah In I Bawl Diing Uh Ahihleh, Jesu'n Ei A Diing A A Bawl Pen Taksan Diing Ahi.

Jn. 3:16, "Pasian in leitung a it mahmah a, tuachi`n a Tapa tang neihsun apia hi, tuachia Amah gingta zousiahte'n mangthang lou a tangtawn hinna a neih zawkna ding un." Jn. 6:47, "Adiktak in, adiktak in k'ung hilh ahi, kei hung gingtate'n tangtawn hinna aneita uhi." Jn. 1:12, "Amah taksang a, Amin gingta zousiahte, Pasian tate suahsak theihna ding, thuneihna apia hi." Jn. 6:28, "Tuachi`n amau`n akiang ah, Pasian nna ka septheihna ding un bang ahia ka bawl ding uh? achi uhi. 29 Jesu`n adawng a akiang uah, Pasian nasep hih ahi, A hung kisawl mipa taksang un, achi hi." Ginna or taksanna omlou in hutdamna a omkei hi. (Bible na etbeh ut leh; Phil. 3:9; Gal. 3:22-26; Rom. 5:1, 8-11; Nas. 13:38-39).

7. Taangtawn Hinna Na Neita Chih Na Theithei Diing Hi.

(Bible; Rom. 6:23; Jn. 3:16; Jn. 6:47; 1Jn. 5:13, "Tangtawn hinna na neita uh chih na theihna ding un, nou Pasian Tapa min gingtate kiangah hih thute ka gelh ahi, tualeh Pasian Tapa na gintat zing theihna ding un."). Jesu Khrist min taksanna ah taangtawn hinna i nei uh hi. Hilezong ka gingta chi a Jesu nungzui utlou pawl khat a ki-omthei a, hibang mite pen, Pasian kheemte ahi uh hi. 

Jesu Khrist ah hinna thak na neita hiam? Jesu Pasian tapa ahi chih na taksang hiam? Na taksanna in nna a hung semsak diing a, na nna septe'n na Pianthakna or Jesu Khrist a hinna thak na neihna a taklangh diing hi.

TOUPA'N THUPHA HUNG PIA HEN

Aimol Tribe Costume

via facebook

 

MINSIATNA OMLOU IN JESU NUNGZUIHNA A BUKIMTHEI DIAM? By: Pastor Thangdoulal Thangkhal

Jesu Khrist nung ka zuihkhawmpih saptuamte, i Pa Pasian, Tapa Pasian, Kha Siangthou Pasian min in, kei leh ka innkuante'n lung kituaktak in, Innmun pan in chibai ka hung buk hi.

BIBLE: 

"Matt.10:22, ka min ziak in mi zousiah huat na hidiing ua, hinanleh kuapeuh a tawptan a thuakzoute hundam ahi diing uh hi. Matt. 10:25, Innneipa bawn Beelzebul a chih uleh, a inn kuanpihte bangzah in a chi tazen ding ua! Matt. 19:29, Mi zousiah in ka min ziak a a inn, a sanggampa, a sanggamnu, apa, anu, azi, atate, gamte nusia in, a lehza amu diing ua, taangtawn hinna a tang diing uh hi. Matt. 10:37, Mihing kuahileh, kei saang a anu ahihkeileh apa itzaw a omleh, amah pen ka mi hitaak ahikei hi. Tualeh kuahileh atanu ahikeileh atapa kei saang a itzaw a om leh, amah pen ka mi hitaak ahikei hi."

KHAMLOUH ITNA (Series 3) Topic : Khamching Itna Khoi-a Om E? By: Pastor Thangdoulal Thangkhal

Jesu Khrist nung ka zuihkhawmpih saptuamte, i Pa Pasian, Tapa Pasian, Kha Siangthou Pasian min in, kei leh ka innkuante'n lung kituaktak in, Innmun pan in chibai ka hung buk hi.

Na khamkhop or khamching diing itna a omna mun na thei taktak hiam? Hih khamching itna pen Innkuan tamtakte buaina  ahih a, hibang itna khamching lunggulh mahmah napi a a neihlouh ziak un, Innkuan kikhenna, kihuatna, kikawmlouhna leh kikhasiatsuahna tun hi. 

Leitung ah nute itna saang a lianzaw omkei chi in mi tamtak in gen thupi in a nei uh hi. Hilezong hih nute itna pen, sihpih ngam itna hilou ahihman in nu tamtakte'n, a vaangsiatni chiang un a tate uh nusia uh hi. 

TSP Delhi President in theihsakna bawl

Delhi 2020 April 18: Thangkhal Sinlai Pawlpi Delhi President Pa Khamkholianthang leh a innkuan pihte'n theihsakna leh ngetna bawl uhi, Theihsakna in atak natna a Lock dawn ziaka na sepna tuamtuam nei te'n maban sunzom theilou ahih man in, Inn sung a sunsamthei ding dinmun a om, nek leh tak a haksatna tuak, adiak a Company asem leh laisim a om (Student) haksatna tuak aom leh panpihna pia ut ahih dan taklangin, Kua hiam, Ann huanding neilou Delhi a Thangkhal Mi-leh-sa aom leh Anntang leh Daal(Havai) pia ut ahih dan gen in, H.No.586, 1st floor, P.K Malik Building (above Thangkhal Baptist Church), Munirka, N.D-110067 a kisuang lah lou tak a la dingin theihsakna leh ngetna bawl a Ph.:9953831282. Tungtawn a thuzak thei gige ding ahih dan tak lang hi.

KHALVONTAWI ADMIN

KHALVONTAWI

VOICE OF THANGKHAL

Na Nupa Kaal Itna Na Kham Hiam? KHAMLOUH ITNA (Series 2) Pastor Thangdoulal

Jesu Khrist nung ka zuihkhawmpih saptuamte, i Pa Pasian, Tapa Pasian, Kha Siangthou Pasian min in, kei leh ka innkuante'n lung kituaktak in, Innmun pan in chibai ka hung buk hi.

Leitung ah a nu-le-pa itna khamloute, Tate itna khamloute, Sanggamte itna khamloute, Innsung mite itna khamloute, Lawmta kaal itna khamloute, Zi itna khamloute, Pasal itna khamloute a ki-omthei a, hibang itna khamlouhna in khasiatna ah a hung kailuut a, khenkhatte bang ki-ngaisia in, ama'uh hinna ah, siatna diing bek a ngaihsun uh hi. Khenkhatte'n lah, an bang a ngawllawh ua, gentheitak in hinkhua a zangh uh hi. 

Thangkhal Missionary Haansuang vehna nei

Lamka April 16, 2020: Thangkhal Minam (Thangkhal Ham leh Pau) zangte lak a Gospel (Tangthupha) pualuttu Missionary Pastor Thawngluan zi (L) Thuangkhongai  Haan vehna tuni New Lamka Haanmual a nei uhi, Hih hun a Thawngluan tu-leh-ta ten haan tung ah pakkhi koihna nei uah, a si apat kum khat achin na ahih tawh ki zokin Thangkhal Missionary Thuangkhongai theih gige na dia Thawngluan tate leh tuten hun zang uh hin kigen hi. 

KHALVONTAWI MEDIA MG Thangkhal

KHAMLOUH ITNA (Series 1) By: Pastor Thangdoulal Thangkhal

Jesu Khrist nung ka zuihkhawmpih saptuamte, i Pa Pasian, Tapa Pasian, Kha Siangthou Pasian min in, kei leh ka innkuante'n lung kituaktak in, Innmun pan in chibai ka hung buk hi.

BIBLE: Rom. 5:8… "Pasian in eite a hung itna hibang in ahung sulang hi. Eite mikhial i hihlai un, Khrist eite a diing in a hung si hi."

SAPTUAMTE KIANG A NGETNA | Pastor Thangdoulal

Meghalaya khopi Shillong a Covid-19 vei om ahihlam kithei ngailou a, theih ahih a pan a dakkal 24 sung in sihna om hi.

A sipa: Dr. L John Sailo.

Sailo tawh kizopna nei mi 90 valte sample test bawlta uh hi. Sailo makpa (Pilot a pangpa'n a lai gelhna ah, a innkuan mi kuate covid-19 positive hi in gelh hi). Tualeh a contacts mi 2000 val sui kheta uh hi. 

Meghalaya khopi Shillong a covid-19 omlou chi a lungmuang, khamuang a a omlaitak un, covid-19 ziak a sihna tung hi. 

Lamka ah zong covid-19 omkei chi in mawk muan ken, a om a kitheih chiang in a vei khin hita maithei diing na hi.  Tuaziak in SAPTUAMTE kiang ah, government thupiak, pawtkhiat louh diing chi thute zui diing in ngetna k'ung bawl hi.

By:-

Pastor Thangdoulal, Thangkhal Bible Translator

KHALVONTAWI

VOICE OF THANGKHAL

KA INNKUANTE MUHDAHPA HITANGH! By: Pastor Thangdoulal Thangkhal

Jesu Khrist nung ka zuihkhawmpih saptuamte, i Pa Pasian, Tapa Pasian, Kha Siangthou Pasian min in, kei leh ka innkuante'n lung kituaktak in, Innmun pan in chibai ka hung buk hi.

Ni danglai in pasal naupang, hung tangvaaltou diing a kisa panpan kum sawm-le-sagih mi khat a om a, a sanggam pasalte lak ah, a tunpenpa tung a ahi, Amah pen Pasian it leh ngaina mahmah mi khat zong ahi hi. A pa zong Pasian hing bia, tu a eite Pasian mah Pasian a nei leh bia ahi hi. Hih khangdawngpa in a pa Pasian a bia a, gin-omna, chihtakna, diktatna, leh itna tawh a Pasian a diing leh a innkuante a diing in nnate a sem a, tuachiin Pasian deihsakna hung tangh hi. Hibang a Pasian deihsakna mu a a kilat chiang in, a Innsung mite muhdah in om a, a ute mahmah a kipan in zong, thangsiatna ziak a huatna leh muhdahna ngah hi. Tuachiin sanggamte gawtna innlam leh lou-lam ah a thuak a, hilezong a Pasian minsuang in hih gawtnate thuakzou hi.

Thangkhal news

I nam THANGKHAL adia media om sun tegel :- 

(1) WWW.KHALVONTAWI.COM [Online Documentaion = Internet ah Thangkhal thu leh laa kepbitna]. 

(2) KHALVONTAWI YOUTUBE (Thangkhal toh kisai Laa, video/interview, leh thu tuam2 te koihkhomna). Hitegel pen KHALVONTAWI MEDIA chiin Pu Nengmuanlal Guite @MG Thangkhal leh Pu Khuplianlal Suantak @Bruce K.  Thangkhal te'n puahtheih dandan a ahung puah uh ahi.

KHALVONTAWI

VOICE OF THANGKHAL

EL-ROI | By: Pastor Thangdoulal

Jesu Khrist nung ka zuihkhawmpih saptuamte, i Pa Pasian, Tapa Pasian, Kha Siangthou Pasian min in, kei leh ka innkuante'n lung kituaktak in, Innmun pan in chibai ka hung buk hi.

EL-ROI kichi Hebru haam ahi a, ei haam in, "Kei hung mu Pasian or muthei Pasian," chihna ahi. Hih El-roi chih kammal a hung pawtkhiatna ziak pen khasiatna ahi. 

Numei or nupi khat a ta tawh innsung a kipat a nawhpawt in a om a, thuchiin nupi nu zong beidonghtak leh chihna diing theilou in gamlak ah a hung pawtta hi. Aziak pen, hih nupi-nu hunlai pen tulai a eite hun tawh kibangloutak i haam zilnate leh lai zilnate a omlou hileh kilawm hi. Oral tradition kizuihna gam leh Oral tradition hunlai ahi a, tulai in eite written tradition ah i omta uh hi. Tualeh khua, khoipi leh singtaang khua chihte om saamta lezong a tamlou ahikha diing a, a omsun a om leh zong mi dangte or gamtuamte khua, haam theihlouhte khua chihbang hi diing (Mi dangte, gamtuamte, haamtheih louhte i chih chiang un, i lungsim kibakpih hiloute i chihna uh zong ahi) ahihziak a gamlak a pawt hi diing ahithei a, tualeh a pawtkhiatna diing ua a innsung mite'n a vakhahna uh zong a himaithei diing hi. Hibang a chimawhtak a hinkhua, hih nupi in a hung zak-lai in khase mahmah hi. Neek diing, taak diing omlouhna mun, dawn diing tui omlouhna mun ah, hih nupi-nu leh a ta a diing in, kial a si diing chihlouh bangmah om nawnlou hi. Kialsih diing a hinkhua a zak-lai un, kialsih taktakna diing hun a hungtung taktakta a, tuachiin hih nupi-nu ta neihsun pen sih-kah in hung kapta hi. A ta sih-kah a kap, leh a ta si diing en-ngamlou in hih nupi-nu mun tuam, husa kizaak phaakna chiang ah a paikhia a, khasetak in a kap nguut-nguutta hi.

KHRIST GIM I NAM UH HIAM? By: Pastor Thangdoulal Thangkhal

Jesu Khrist nung ka zuihkhawmpih saptuamte, i Pa Pasian, Tapa Pasian, Kha Siangthou Pasian min in, kei leh ka innkuante'n lung kituaktak in, Innmun pan in chibai ka hung buk hi.

I leitung khankhuate uh i et leh, Khrist gimnam leh eite gimnam kibanglou hileh kilawm mahmahta hi. Jesu Khrist gimnam leh i innsungte ua gimnam zaak a omte zong kibanglou mahmahta hileh kilawm hi.

A taangpi in leitung ah a gimnam uh kibangloute kipawlthei lou or kigopthei ua, le-nuai uih or Zak-kha gimnam a neite, a neiloute'n namsiasa ua, a kiang nai ua om diing zong kikeem uh hi. Zu (Wine) gimnamte zong a namloute a diing in namsia hi.  Za-khu (Smoke) zong a zateep loute a diing in namsia hi. Tuaziak in eima gimnam, i innsung gimnam, leh Khrist gimnamnate kituaksak sawm in panla thak ni hang in, Pasian leh innsung mite, khawsung mite, saptuam mite a diing a mi manpha leh mantam hi sawm chiat diing in i ki-chial masa uh hi. Tuni a i kikup diing uh GIMNAM tawh kisai hih a nuai a bang ahi.

BIBLE: 2Kor. 2: 15… "Hundam a omte leh mangthangte lak ah Pasian a ding in Khrist gimnamtui ka hi uhi."

KHRIST THOUTA HI, EITE ZONG THOU NI

- By: Pastor Thangdoulal Thangkhal

Jesu Khrist nung ka zuihkhawmpih saptuamte, i Pa Pasian, Tapa Pasian, Kha Siangthou Pasian min in, kei leh ka innkuante'n lung kituaktak in, Innmun pan in chibai ka hung buk hi.

Khrist a thouta, leitung mite mawhna zousiah pua a A sihna a kipan in thouta hi. Nang na mawhna teng sipihden-mai diing maw? Zu dawn or zu nete aw, zu neek mawhnate a kipan a i thohkhiatna diing ua Khristian kichi a Jesu nungzuite hilou i ma? Teep-le-muam edict (zongsang) mite aw, i teep-le-muamte nusia a, Jesu a diing a kipia a Khristian kichi hilou i hi hiam? Khamtheih-guihtheih zongsanghte aw, i zongsat uh silte tawh bangchidaan a Pasian mi siangthoute tawh lungluuttak a Pasian bethei diing i hi ua? Mi gensiat, lungsim sia, mi dangte siatna diing a kilawp, ham-huai, ang-huam leh sil zousiah a gongsante aw, i hihna bangbang ua kipan a thoukhia a Jesu nung zuita diing a kipia a, Khristiante hilou i hi hiam? Leitung mite mawhna Jesu tung a a tuk ziak in a si a, (Jesu sihna pen, mawhnate pan a i thohkhiatna diing uh ahi) tuapen thouta hi, nang bangchih na sawm a? Na mawhna na tung a omsakden sawm na hihkei leh, tu in na mawhnate nusia in, na mawhna a kipan in thouta in. Khrist thouta hi, eite zong thouta ni aw…. I thohna diing ua eite hung panpih diing a i lam-et uh hih a nuai a thute i en diing uh hi.

EASTER SUNDAY: Gualzawhna Lam-etna Ni

- By: Pastor Thangdoulal Thangkhal
CHIBAI BUKNA: Jesu Khrist nung ka zuihkhawmpih saptuamte, i Pa Pasian, Tapa Pasian, Kha Siangthou Pasian min in, kei leh ka innkuante'n lung kituaktak in, Innmun pan in chibai ka hung buk hi.

THUPATNA: Leitung mi zousiah in sihna kilaau bawl chiat a, a laaulou kichite zong sih diing utlou uh hi. Mi haatte'n zong hih sihna a laau ua, tualeh daktolte'n zong sihna a laau uh hi. A haau pen pa'n zong sihna a laau a, a zawng pen pa'n zong sihna laau hi. Tuaziak in Jesu'n hih sihna laauna a kipan in eite a thohkiikna tungtawn in a hung suaktasak hi. Tualeh hih suahtaatna pen, a thatthei omlou hinna ahihman in, Khrist a omte a diing in gualzawhna lam-etna ni a hung suak a, hih pen eite kikheekna ni zong a hung suak hi.

Tualeh leitung a thu kigen minthang mahmah Jesu Khrist taangthupha ahi a, hih taangthupha pen namdetna ahihleh a thohkiikna ahi. I Toupa Jesu a sihna a kipan a thou kiiklou hileh, leitung mihingte'n bangchibang taangthupha i nei diing uai maw?? Chihte lungsim ah a om mahmah hi. Jesu a sihna a kipan a a na thoulou hileh leitung mihingte taangthupha hithei diing a ka ngaihsut pen ahihleh, omdaan hoih, nna sep hoih i chihte uh ahih diing ka gingta hi. Hilezong Jesu haan sung a kipan a thouta ahihman in, tuni in leitung mihingte'n Jesu Khrist tungtawn in itna taangthupha i nei uh hi. 

Jesu thoukiik lou hileh, tuni'n eite bang dinmun ah i ding diing uai? Kinepna i nei diing uai? Chih thute i ngaihtuah kawm-kawm in, hih a nuai a thute tomkim in i kikum diing uh hi.

JESU HAANKHUK SUNG AH

- By: Pastor Thangdoulal Thangkhal
Bible, 1Pet. 3:18 … "Pasian kiang a a hung puitheihna diing in Khrist in zong khialhnate ziak in khatvei a thuakta hi. Midik in midiklou tang in, taksa a thah in a om a, hinanleh kha a hinsak in a om hi. 19 Hua kha in (Jesu) a vapai a, thongsung a om khate kiang ah thu a vagen hi.

Jesu Khrist nung ka zuihkhawmpih saptuamte, i Pa Pasian, Tapa Pasian, Kha Siangthou Pasian min in, kei leh ka innkuante'n lung kituaktak in, Innmun pan in, i Toupa'n mihing leh misite a diing a a sil bawlte theizing kawm in chibai ka hung buk hi.

Jesu, Pasian belaamnou pen, leitung mihingte mawhna zousiah pua in singlamteh tung ah khailup in a omta, chih pen Khristiante a diing in theihsa ot pomsa hilezong Jesu theilou or pomloute'n a taksantheih louh uh thu ahi a, a taksangte lah Jesu nungzui a suak zeel uh hi. Tutung pen, "Jesu Pasian tapa tangneih ahi a, Ama'n na mawhna zousiah pua in singlamteh tung ah, na mawhna zousiah sihpih in, khailup ahita chih na taksang ei? Na muang ngam ei? Na gingta ei? Na taksan leh Ama'n na mawhnate pawkhinta ahihman in A itna sung ah luut inla, na hinna kumpi leh hundampa diing in saang in, tua hileh Pasian tawh kilem in taangtawn hinna na nei diing hi," chih tawh houlimna pan lehang deih-huai i sa uh hi. 

Mawhna nei, Buahbaanna nei, leh Pasian tawh kilemlou ahihlam uh kitheilou leitung mite , i thaang-awkna uh mawhnate a pan a Pasian tawh kilem a i om diing uh pen Jesu tupna leh ngiimna ahihziak in, Jesu'n leinuai a a om sung in bang a bawl a? Misi lup a mawk-lup a maw? Ahihke'h bang e a bawl? Haankhuk sung a a om sung a nna sep bang e? chih thu ngaihsut khawm diing in i ki-ngen masa uh hi.

JESU SIHNA LEH MIHINGTE HAMPHATNA

JESU SIHNA LEH MIHINGTE HAMPHATNA

- By: Pastor Thangdoulal

BIBLE TAANGTEEL

"2Kor. 5: 21 Aziak amah ah Pasian diktatna i hung hih theihna dingin, khelhna mawng mawng thei lou amah pen Pasian in eite ziak in khial in abawlta hi. 1Pet. 2:24, Eite khialhna lam a si a, hinanleh diktatna lam a i hintheihna dingin aman ama pumpi ah i khialhnate kross dawn ah apua a, amah kivuakna hualte ah sukdam in na omta uhi. Rom.4:25, Hua Jesu pen i khelhnate uh ziak in piakkhiat in a om a, tualeh i diktanna ding un kaihthoh in a om hi."

CHIBAI BUKNA

Jesu Khrist nung ka zuihkhawmpih saptuamte, i Pa Pasian, Tapa Pasian, Kha Siangthou Pasian min in, kei leh ka innkuante'n lung kituaktak in, Innmun pan in, i Toupa'n eite a diing a a sil bawlte theizing kawm in chibai ka hung buk hi.

THUPATNA

Jesu a sihlai in, kumzawn natna tawh si ahikei a, damlouhna leh chinatna kichite ziak a si ahikei chih leh, a mawhna leh khelhnate ziak a si ahikei chih pen, Khristiante a diing a theihsa ahi a, hilezong Jesu sihna mulkim-huai salou pawl-khat ki-omthei hileh kilawmtak bang a hinkhua zangh i tam mahmah uh hi. 

Tualeh "Khrist Sihna Tung A A Mawh Kua E?" chih thu i genna uah, Khrist sihna tawh kisai a thudiktak zong theikhinta diing a k'ung taksan ziak in, tuni in Jesu Sihna leh Mihingte Hamphatna chih thu, hih a nuai a bang in, poimawh i sak diak teng bek i kikumkhawm diing uh hi.

KHRIST SIHNA TUNG A A MAWH KUA E?

KHRIST SIHNA TUNG A A MAWH KUA E? Juda Iskariot? Pilat?? Siampute?? Mipite maw?? Rome gaalkaapte?? Farisaite??

By: Pastor Thangdoulal, THANGKHAL Bible Translator

Bible; "Gen. 50:20: Ka siatna diing bawlsawm nanle-uh chin zong, Pasian in tuni mah bang a, mi tampite hinna hutdamna diing in, a hoih lam in a zang hi."

Jesu Khrist nung ka zuihkhawmpih saptuamte, i Pa Pasian, Tapa Pasian, Kha Siangthou Pasian min in, kei leh ka innkuante'n lung kituaktak in, Innmun pan in, i Toupa'n eite a diing a a thuaknate theizing kawm in Good Friday chibai ka hung buk hi.

Jesu Khrist kithahna tung a a mawh kua e? or Jesu kua thah e? Chih tuni a i thu ngaihsut diing ahihna uah, khenkhatte'n Farisaite ahi a chi ua, khenkhatte'n Judah Iskariot ahi a chi ua, khenkhatte'n biak-innpi siampute ahi a chi ua, khenkhatte'n lah Pilat ahi a chi ua, khenkhatte'n Roman gaalkaapte ahi a chi ua, kua pen mawhtan diing ahia? Chihte i lungsim uah om hi. Bangteng hitalezong, Nang kua pen mawh na sa a? chih pen kei simtute k'ung dokna hileh ka chi ahi.

TOUPA NITAAK AN

TOUPA  NITAAK  AN

By: Pastor Thangdoulal.

(Doctrinal Message hilou a, GoodFriday tung diing hita, Jesu matsak a om diing hita ahihman a JESU THEIHZINGNA tupna a gelh ahi)

Jesu Khrist nung ka zuihkhawmpih saptuamte, i Pa Pasian, Tapa Pasian, Kha Siangthou Pasian min in, kei leh ka innkuante'n lung kituaktak in, Innmun pan in, i Toupa matsak a a om diing kuan a, nungzuite tawh ankuang nunung a uumna uh theizing kawm in Advance Good Friday chibai ka hung buk hi.

Bible; Matt. 26: "26 Tuabang a ann a neklai un, Jesu`n tanghou a la a, thupha a pia a, a balkeek a; tuachi`n nungzuite kiang ah apia a, 'La unla ne un, hih ka taksa ahi,' achi hi. 27 Tuakhit in Aman nou a la a, kipahthu a gen a, a kiang uah apia a, 'Na un un, dawn un. 28 Khelhnate ngaihdamna diing a mi tampi a ding a pawt, hih ka sisan a thukhunthak ahi. 29 Hinanleh k'ung hilh ahi, ka Pa gam a nou tawh a thak ka dawnni atun masangsiah tuban hih grep-tui ka dawnnawn kei ding,' achi hi. 30 Tualeh la asak zoh un apawt ua, Olive mual ah a paita uhi."

MISSION FIELD A TANGVAL HINKHUA LEH TULAI NATNA JIAKA LOCK DOWN | Eric Suantak TBC Missionary

MISSION FIELD A TANGVAL HINKHUA LEH TULAI NATNA JIAKA LOCK DOWN

  -Eric Hanglamthang Suantak

Amasa pen in i Toupa  Jesu Krist min in chibai kung buk hi. 

Tulai tak khovel in galpi 3 na bang a natna hileng pan in nouten toplou a thumna nung na nei sak nate uh jal in kei jong field a Pasian toh nuam takin hun kana jang thei jel hi. 

Mission Field a ka tuakte

Lailad Mission field ah October 2018 in Michael Hasda (native woker) inn a room khat a ka om hi. Hi hun in kei pen kum 24 ka pha pan a, khangdong gual nop laitak in Missionary na sem dingin Lailad Mission Field, Ri Bhoi District, Meghalaya ka va kuan hi. Tua mun ah sing leh gua toh mani ann nek ding kibawl in ka loipa Mangcha toh room neu nou khat a ka khosa khom uhi. Hun sotlou nung in, February 2019 in ka loipa damlou innlam  pai a, tua apat in Training dingin ing pot san suaka, kei chou in kung khosa panta hi. Tua hunin bangma chik a ann jong huan ngai lou, sing a ann huan chi pen sil hamsapi khat hung suak mawk ta hi, hi bang hun sungin ka ngawl hun jong awm jel hi. Ka umna Lailad a electric(meivak) leh Network jong atung keia, Black and white 1947 hun lai kigen ma bangin hi. Home environment toh tong leh lam in aki khia a, kaki adjust theipai kei hi, ahin lah Toupa kia ka thum a, Toupan kei a dia lemgel nei ahi ding hi chi in hunteng in kaki hatsak jel hi.

SUAMHAAT MI NIH KIKAAL AH JESU

- - By: Pastor Thangdoulal Thangkhal

Bible: Matt. 27:38, Jesu Khrist tawh suamhat nih zong akilhden ua, aziatlam ah khat aveilam ah khat. Pau. 12:10, … "Migiloute hehpihna omsun zong, a gilou nalai hi."

Jesu Khrist nung ka zuihkhawmpih saptuamte, i Pa Pasian, Tapa Pasian, Kha Siangthou Pasian min in, kei leh ka innkuante'n lung kituaktak in, Innmun pan in  Advance Good Friday chibai ka hung buk hi.

Jesu Khrist tawh suamhat nih zong akilhden ua, aziatlam ah khat, aveilam ah khat, khailup diing in a om uh hi. Sih diing chihlouh mabaan bangmah a om nawnlouhna dinmun ah a dingta uh chih kitheichian kawm-kawm in hih Suamhaat tegeel a kituak kei nalai uh hi. Leitung ah kithah-kimatnate bek gaal or meelma ahikei a, deihdaan kibaklouhnate ziak in kimeelmaakna a om a, utna kibaklouhnate ziak in kimeelmaakna a om a, duhdaan kibaklouhnate ziak in kimeelmaakna a om a, leh lungsim kibaklouhnate ziak in zong, kimeelmaaknate a om hi. 

JESU KHRIST DANGTAAKNA

 - By: Pastor Thangdoulal Thangkhal

Bible Taangteel, John. 19:28, "Hih khit in Jesu`n,… 'Ka dang a taak,' achi hi.

Jesu Khrist nung ka zuihkhawmpih saptuamte, i Pa Pasian, Tapa Pasian, Kha Siangthou Pasian min in, kei leh ka innkuante'n lung kituaktak in, Innmun pan in  Advance Good Friday chibai ka hung buk hi.

Tuni'n i lungsim un Calvaru mual a, Jesu Khrist kikhailupna mun a om a, eite hung Tanpa Jesu Khrist kikhailup daante en thak diing in i ki-ngen uh hi. Ama'n tua calvary mual ah, A thupina zousiah, nag leh kei khualna ziak in lungkham mangbatna in a kheek a, tua mual ah Ama'n nang leh kei a hung itna namdetna bawl in, a tak a muhtheih in a hung ensak hi. Jesu Khrist dangtaakna tawh kisai a tutung a i ngaihsut diing uh hih a nuai a bang ahi.

QUARANTINE LEH PASIAN LUNGSIM

- - By: Pastor Thangdoulal Thangkhal

Jesu Khrist nung ka zuihkhawmpih saptuamte, i Pa Pasian, Tapa Pasian, Kha Siangthou Pasian min in, kei leh ka innkuante'n lung kituaktak in, Innmun pan in  chibai ka hung buk hi.

Bible Taangteel, Is. 26:20. "Ka mite aw, na inndan sung uah luut unla, kotkhaakte kikhaakkhum un. Thangpaihna a bei masang in, tomkhat a kibu un."

Eite pen Jesu nungzui a Khristian mipawte i hi ua, Bible thu taksang or gingta leh pomdet a, a thu zuite i hi uh hi. Tuaziak in hih Innsung a kikhumna (Quarantine) Bible in a gendaan ngaihsut a nei kawm in, Kikhumna in tupna or a deihnate leh Pasian lungsim LST tungtawn in i enkhawm diing uh hi. 

TUUMTEH LAPSAANNA NIPINI (PALM SUNDAY) Series 03 Topic: Jerusalem Khopi a Jesu a pua luut Sabiltung a Kipan a Theih Diingte

TUUMTEH LAPSAANNA NIPINI (PALM SUNDAY) 

Series 03 Topic: Jerusalem Khopi a Jesu a pua luut Sabiltung a Kipan a Theih Diingte

By: Pastor Thangdoulal.

Bible taangteel, Matt. 21:1-11. 

Jesu Khrist nung ka zuihkhawmpih saptuamte, i Pa Pasian, Tapa Pasian, Kha Siangthou Pasian min in, kei leh ka innkuante'n lung kituaktak in, Innmun pan in Palm Sunday chibai ka hung buk hi.

Tuumteh lapsaanna nipini a Hosana chi a kikou pen, nopsakna daan a ngaihsun, leh a ngaina or Saptuam paidaan khat a ngaihsun pawlkhat a ki-omta lezong, lungsim a Jesu en kawm-kawm a Hosana chi a kikou bangzah hiam i om diing uh ka taksan ziak in Toupa min ka phat hi.

TCA-TBC ANNIVERSARY MESSAGE

TCA-TBC ANNIVERSARY MESSAGE

By: Pastor Thangdoulal

Jesu Khrist nung ka zuihkhawmpih saptuamte, i Pa Pasian, Tapa Pasian, Kha Siangthou Pasian min in, kei leh ka innkuante'n lung kituaktak in, Innmun pan in TCA-TBC ANNIVERSARY  chibai ka hung buk hi.

Bible taangteel, Eph. 4:7-16.

TCA-TBC na phutkhia a, maa na pan masate zahna leh hung na mualliamsante suunna in  minute khat dai dide in om masa chiat ni……

Series 02 Topic: Hosana Chi-a Kikou Mipite a Kipan a Kithuhilhna

TUUMTEH LAPSAANNA NIPINI (PALM SUNDAY) 

Series 02 Topic: Hosana Chi-a Kikou Mipite a Kipan a Kithuhilhna 

By: Pastor Thangdoulal.

Bible taangteel, Matt. 21:8-10; Mk. 11:8-10.

Jesu Khrist nung ka zuihkhawmpih saptuamte, i Pa Pasian, Tapa Pasian, Kha Siangthou Pasian min in, kei leh ka innkuante'n lung kituaktak in, Innmun pan in Palm Sunday chibai ka hung buk hi.

Jerusalem khopi a Jesu a luut ni in mipi a tam mahmah chihte leh mipi kikhawmte tawh kisai thute series 1 ah i na genkhinta ua, tuaziak in tuni in hua mipite kuate ahi ua chihte suut nawnlou in, ama'uhte omdaan a kipan a, Pasian lam a eimah leh eimah kibawl dikna diing bangbang a om a? Chihte i ngaihsut khawm diing uh hi. 

Series 01 Topic: TUUMTEH LAPSAANNA NIPINI (PALM SUNDAY)

TUUMTEH LAPSAANNA NIPINI (PALM SUNDAY) 

Series 01 Topic: Tuumteh Lapsaanna Nipini

By: Pastor Thangdoulal.

Bible taangteel, Matt. 21:1-11.

Khrist a it leh ngaih, Jesu Khrist nung ka zuihkhawmpih saptuamte, i Pa Pasian, Tapa Pasian, Kha Siangthou Pasian min in, kei leh ka innkuante'n lung kituaktak in, Innmun pan in Advance Palm Sunday chibai ka hung buk hi.

Tuumsing ahihleh;

1. Diktatna lim a hi (Ps. 92:12)

2. O.T. hunlai in Biakbuuk pawi tawh kizopna a na nei hi (Lev. 23:40, Toupa pawi ni sagih sung bawlna diing a, a ni khat ni in tuumsing baate zong tawi in a om hi).

Leitung Nattun Covid-19 leh Pasian Sapna (Bible, Lev. 26)

Leitung Nattun Covid-19 leh Pasian Sapna (Bible, Lev. 26)

By: Pastor Thangdoulal

Khrist a it leh ngaih, Jesu Khrist nung ka zuihkhawmpih saptuamte, i Pa Pasian, Tapa Pasian, Kha Siangthou Pasian min in, kei leh ka innkuante'n lung kituaktak innmun pan in Happy Advance Palm Sunday chibai ka hung buk hi.

Covid-19 in leitung pumpi a buaisak daante, lungdongtak a a omsak daante, leh leitung in Covid-19 douna diing leh a thah beina diing daan a theihzawhlouh hih Covid-19 sil bawltheina in eite zong hung khawi tuamlou in a hung lungdongsak a, kholai vaaktheilou, ut bangbang a omtheilou in a hung omsak a, tualeh vanhman zong khangsak ahihman in i dangka neihsunte uh hung neektumsak hi, kichi leh zong a dikthei diing khop ahita hi. Tuaziak in hih a nuai a thute ngaihsun thak ni.

Jesu Nungzuihna leh Innsung Buaina Bangloh Diing?

Jesu Nungzuihna leh Innsung Buaina Bangloh Diing? 

By: Pastor Thangdoulal, 

Thangkhal Bible Translator

Khrist a it leh ngaih, Jesu Khrist nung ka zuihkhawmpih saptuamte, i Toupa min in chibai ka hung buk hi. Tuni a i sim diing uh thu ahihleh kum sawmnih tunglamte a diing ahi.

Jesu nungzuite i hi ua, vaantung dong a Jesu zuitou a Pasian kiang a taangtawn a hing tawntung diingte i hi uh hi, chih theih masak diing in hoih kasa hi. Ahihleh, taantawn dong a hing tawntung diing a leitung a Jesu nung i zuihlai un, buainate a tam a, sil kilemlou tamtak a omkha diing hi.

Thuakna laigil Hehpihna Ahi, chih thu tawh kisai a Haanthawnna:

Thuakna laigil Hehpihna Ahi, chih thu tawh kisai a Haanthawnna:

By: Pastor Thangdoulal, Thangkhal Bible OT Translator

Khrist a it leh ngaih Jesu Khrist nung ka zuihkhawmpih saptuamte, i Pa Pasian, Tapa Pasian, Kha Siangthou Pasian min in, kei leh ka innkuante'n lung kituaktak in chibai ka hung buk hi.

Thuakna-le-natnate'n leitung a luahdimta chih i theihsa uh leh, hichibang thuakna kawmkaal a eite hung humbit diing Toupa Pasian i nei uh hi, chih zong i thei uh hi. Hilezong Pasian in a hung humbitlouh hun, a hung thudonlouh hun zong om hileh kilawmtak bang in, hun haksate zong i thuak uh hi.

TBC Youth Day ding T-shirt abawl uh leithei in om ta

Lamka 2020 March 15: Hong tung ding Date 14-17 May 2020 sungin "Na Khanglai nite in nang hong siampa theigige inla, ni hoihloute a hong tun ma, kumte a hong nai a, amaute ah kipakna ka nei kei, na chih hun a hong tun nailouh lai in" (Eklijiasti:12:1) Chih thupi zangin, A 33 veina TBC Youth Day 2020 M. Tanglian Thangkhal khua a zang ding uhi, Hih Programme lawhching tak a zak ahih thei na dingin TBC Central Youth Executive Committee in kisak kholna tuamtuam nei uh a, kisak kholna anei te lak uah TBC Youth Day 2020 T-shirt TBC Central Youth in abawl uh zoh ahih tak manin Mipi leithei di'n juak khiatin om ta hi, T-shirt ahih leh Colour chi tuamtuam bawl khiatin om a, Eimah mimal deih dandan et thei ding a, Small Medium, Large deih dandan om hi.Aman ahih leh khat a Rs 350/- apat atunglam ki ngap zahzah piak thei a, adeih te'n Thangkhal Baptist Church Head Office Tuibuang a leithei ding hi. Mabanah zong T-shirt juakna Central Youth Executive Committee te'n hong nei ding uah, Hih hun a Nu-leh-Pa uleh nau te'n nalei sak diamdiam dingin TBC Youth in ngetna leh Theihsakna bawl hi.

Contact Number  +918730948729 TBC Youth Secretary

MG THANGKHAL

Admin KHALVONTAWI

KHALVONTAWI

Voice of Thangkhal

TBC in Seminar nei ding

Lamka 2020 March 15: Thangkhal Baptist Church (TBC) in hong tung ding Date 18-March-2020 in TBC Central Church Tuibuang Khopi veng a, LEADERS & WORKERS SEMINAR nei ding uhi, Hih hun a Rev. S. Vungminthang, Director Ministry EBCC in Speaker in pang ding ah, Session 3 in khen ding uhi,

THANGKHAL YOUTH ORGANIZATION (TYO) LOGO

Thangkhal te Tangthupha pawluttu Pastor Thawngluan tanu puansilhsakna

Lamka 2020 March 11: Thangkhal nam-te lak ah March 7, 1939 in Missionary Pastor Thawngluan EBCC in Pasian thu ana pawlut a, tua tangthupha a puaklut apat tuni kum 81 Chinna ahih tawh kizok in Pastor Thawngluan atanu takpen Ngaizaniang (77) of Dorcas veng New Lamka kiangah KHALVONTAWI Social Media Admin Nengmuanlal Guite @ MG Thangkhal leh a zi Khumi in Pahtawina in Thangkhal nampuan (Puanlaisan) khat silsak uhi. Hih hun

TBC Central Biakinn a Rev. Dr. Pumzathang in hun zang ding

Lamka 2020 March 11: Hong tung ding Date 14-March-2020 (Saturday) in, Thangkhal Gospel Film Tanglai leh Tuhun Film a Missionary Thawngluan lem chingtu Rev. Dr. Pumzathang Tombing in Thangkhal Baptist Central Church Tuibuang a hun zang ding hi, Hih hun a Thangkhal Baptist Church Lamka Area a Saptuam teng, a uap thei tanin uap chiat dingin Upa Thangsuanhang Local Chairman Tuibuang TBC in Chialna bawl hi.  Rev. Dr. Pumzathang Tombing ahih leh Thangkhal minam (Ham leh Pau) te lak a Gospel pua luttu Missionary Pastor Thawngluan pen apa nei ahi hi. 

KHALVONTAWI

VOICE OF THANGKHAL

TYO Founder President interview na YouTube a kha khiat hita ding

Lamka 2020 March 6: Tunitak lam dak 3:00PM in Thangkhal Youth Organisation (TYO) kum 1978 November 26 in T. Khajang Thangkhal khua Hausapu inn a phu khiat in om a, TYO kiphu khiat a Founder President Upa Nengkhankap of M. Tanglian tulaitak a Lamka New Mission veng a om in Hong dam pih lai a, apaisa date 19-March-2019 in KHALVONTAWI Media (Thangkhal News) in Interview na kinei pen KHALVONTAWI YOUTUBE CHENNEL a kha khiat hita ding hi. Mabanah Thangkhal Sinlai Pawlpi (Thangkhal Student Association) Founder President Khupsuanhau @MKzim Guite Interview na, Tuabanah Thangkhal Minam sung a laa lam a Zomi Fins Band Thangkhal Lungdeih Zailaa nalam kai Pu Kammuanpau Chief of MT Geltam (Mulam Tanglian Geltam) Interview na leh, Lamka a Advance Coaching for Medical and Engineering ACME Career Institute neitu Hausuanthang Thangkhal @Freddy Guite interview na video te zong Upload hiding hi.

Sd/-

MG Thangkhal

KHALVONTAWI

Voice of Thangkhal