Research & Preservation of the Zo Identities (RPZI) | Press Communique: CHIVU

HISTORY bawltawm pansan a Tonzang, CHIVU mun a Meitei lengpa min a park kibawl toh kisai panla tatak di a omlouh lai in, Research & Preservation of the Zo Identities (RPZI) in ma ana pan in, hiai toh kisai in tha leh zung, lungsim tampi seng in mipi kuapeuh nungthuapna toh lam tuamtuam ah pan i na la tou uhi. 

Zomi Chief Association (ZCA), Manipur Tribal’s Forum, Delhi (MTFD), Collective Lawyers’s Trust, India, All Tribal Women Union, Manipur, Zo Re-Unification Organisation (ZORO), Mizoram, Tribal Intellection Forum, Manipur, Mizo History Association, Mizoram  leh RPZI te’n history pomdan kibang in Chivu Stone Inscription ah history dikloutak a kigelh Meitei Maharaja Chandrakirti in Lusei hausa 4 leh khua 112 tung a vualzou ahih dan kigelh pen diksalou in kinang a, tua ban ah Zo suante ukpipa Goukhothang Guite zekhem a hon matsakna mun ah amah mantu Meitei lengpa pahtawina a park bawl lemsa lou a kihih dan kigen hi. 

Hiai toh kisai RPZI in pan latou in memorandum tuamtuam Chief Minister kiang leh department tuamtuam - State Archaeology, Kangla Fort leh Archaeological Survey of India te kiang ah kipia hi. Outer Manipur MP kiang leh Hill Areas Committee (HAC) Chairman kiang a le memorandum kipia hi. 

Pic: RPZI met Manipur Chief Minister Biren Singh and Shri Ginsuanhau Zou, Ex-MLA on 22nd August 2021.

Huchi in hiai thu toh kisai talks tuamtuam kinei a, Singngat Ex-MLA Pu GS Haupu toh tamvei pi kinei in, Kangla Fort Board toh 3vei lam bang, Chief Minister Pu Biren toh bang round 2 kinei hi. A nunung pen in Ex-MLA Pu GS Haupu Chairman na nuai in, CM Expert Committee toh kinei a, historical distortion pen bawldik ding in kithukimna kineithei a, park min kia ah kithukim theilou in ki om hi. RPZI in park min dia Chivu Park kichi mah leh CM deihna bang in Singngat Ex-MLA in Chivu Chandrakirti Park proposed in, hiai pen CM Expert Committee in pom a, himahleh RPZI in pomthei lou in, kithukimna omtheilou in kihouna dinkhawl in om hi.

Huchi kawmkal ah, Singngat MLA thak kinei a, Chief Minister Pu Biren in park hongkhe ut lotel ahih chiang in Singngat MLA Pu Chinlunthang Zou ana nohnoh hi. Pu Chinlunthang Zou in le innpi tuamtuamte leh CSOs tuamtuamte toh RPZI meeting nihvei hon neihpih hi. Innpi tuamtuam te’n le hiai park bawl di toh kisai diksa lou vek ua, himahleh hihtheih bangmah neilou kisa chiat uhi. Huchi in RPZI in a dinpih Chivu Park mah ah ading kip ding ua, Pu Chinlunthang in amah proposed name - Chivu Archaeological Park (In memory of Chandrakirti) chih CM kiang a suggestion pelut himhim ding in meeting hon khakpih hi. Bang teng hileh Singngat MLA pu in i dinmun uh theisiam a i gam humbitna ding a pan thak hon la a, RPZI dinsan mah hon dinpih teitei a, CM toh kilemna hoihtak hon neihpih ding in ngetna i bawl ngal ahi. 

Hichi a RPZI in  kal tampi a kisuan nung in, tunai in Raja Goukhothang Guite sih champha 150 phawkgige program ah Pu R. Sanga leh Raja Goukhothang Guite 150th Death Commemoration Committee te’n Raja Goukhothang Guite pen Meiteite thah hilou a Britishte thah chi in history kum 149 val i na paipihsa uh hon khek uhi. A poi mahmah ahihleh hiai committee te’n Imphal a Meitei Maharaja Sanajauba Leishemba leh CM Pu Biren kiang ah Raja Goukhothang Guite Britishte khut a mat leh si ahih dan memento va pia ua, hiai in Raja Goukhothang Guite, Meiteite thah hilou a Britishte thah ahi chih a gelhthoh a proof va pia suak ua, poi kisa mahmah hi. 

Hiai public statement leh committee te thilhih in RPZI leh a tung a kigen pawl tuamtuamte dinpih history leh panlaknate bangmahlou suahthei ding dinmun a om ahihman in poi kisa mahmah hi. Chandrakirti sepaih te’n Raja Goukhothang Guite zekhem leh man ahih ziak ua, Chandrakirti min a park bawl hithei lou ding chi a negotiation kibawl nilouh pen, tua Britishte mat leh thah a hon chih chiang un, RPZI pansan zuau hon suah di dan in om uhi. Tua ban ah Treaty of Sanjenthong (1873) leh Treaty of Kaprang (1876) te tanpha zero hon suahthei di hong bang uhi. Raja Goukhothang Guite Meiteite khut a mat leh thah ahih dan Meiteite leh a historiante mah un a pomsa uh ahi. Huchi ahih man in, Pu R. Sanga leh Raja Goukhothang Guite 150th Death Commemoration Committee  te’n ngai poimoh in, hiai toh kisai bawldik dan hon neithei le uh a deihhuai mahmah hi.

Kum tampi kal i na suannate uh leh history i na paipihsa uh bangmahlou kisuahtheih dinmun a ding i hih man un, hiai thu RPZI in kingai poimoh in mipi theih ding in thusuah hon kibawl hi.

“We are not makers of history. We are made by history. —  Martin Luther King Jr

— Information Secretary,

Research & Preservation of the Zo Identities (RPZI)

Lamka | 09 May 2022

*****************

Gangpimuol Hausapu inn ah MLA Paolienlal Haokip kipahpihna nei

Lamka 2022 May 10: Gangpimuol Hausa Pu Henzagou Neihsiel inn a tunitak lam in Hon'ble Member of Legislative Assembly (MLA) Manipur State, 59 Saikot ST Assembly Constituency a telching a om Pu Paolienlal Haokip kipahpihna leh vang-thumsakna hun jang uhi. Hunzatna Pu S. Thangboi in makaih a, hunpat thumna Upa H. Damchinpau Local Chairman EBCC Gangpimuol in nei a, paikhawm mipi te vaidawn na Pu Henkhogin in nei ah, Introduction hun Pu Kaithianjoy, Secretary Village Authority in nei hi, Pu Henzagou Neihsiel Chief of Gangpimuol in thugenna hun leh MLA Paolienlal Haokip leh a zi kipahpihna in puan silsakna nei in saliang piakna nei ah, Keel (Goat) khat zong pia hi, Rev. (retd) Kh. Paukhawmang in Hon'ble MLA Pu Paolienlal Haokip te Nupa a din thumsakna nei a, MLA Paolienlal Haokip thugen nei hi, Vote of thanks Upa Lamkhodal in nei ah, huntawp a, Pastor (Retd) Henpi Neihsiel MPCS in thumna nei in paikhawm tengin MLA kipahpihna in itna Annkuang umm khawmna nei uhi.

Programme hun sungin MLA Pu Paolienlal Haokip in Gangpimuol Hausa Pu Henzagou Neihsiel leh ama a ding a thumsakna nei tu Rev. (retd) Kh. Paukhawmang puan silsak a, thugenna hun zang hi, Hih hun a Hon'ble MLA Pu Paolienlal Haokip Hon'ble MLA 59 Saikot ST A/C in agennna a Saikot Assembly Constituency sung kum tampi donlou dailou a na om ahih dan gen a, a diak a mipi nek ding tui leh loubawl mite a ding tui mining ching tak a om lou a, Tuni tak pha a mipi in haksa tuak ahih dan gen in, aman zong ngai poimoh mahmah mai a, Apaisa Date 5th ni a Awangbou Newmai, Minister (Water Resources, Relief and Disaster Management Department) ama Mimal tak a va mu ahih dan gen a, Tuni hun a tui lakna ding enkhia a hong paithei ahih dan gen a, Awangbou Newmai, Minister (Water Resources, Relief and Disaster Management Department) hong pai ding a thei phet in aman zong 58 Churachandpur ST Assembly Constituency a Hon'ble MLA Pu LM Khaute leh 60 Singngat ST Assembly Constituency a Hon'ble MLA Pu Chinlunthang, thu zak ahih dan gen in Minister Pu tawh ama uh tengin Khuga dam etkhiat na nei uh ahih dan gen ah, Mipi nasem ihi na a, igam sung a Development tun thei nadia MLA te zong pankhawm poi moh ahih dan gen hi. Hon'ble MLA Pu Paolienlal Haokip in agen jel na a, Tu Term sung ngeingei a Gangpimuol lampi bawl hoih hiding ahih dan gen a, Black topping tung sak ding ahih dan gen hi.

KHALVONTAWI

VOICE OF THANGKHAL

Pu Paolienlal Haokip in Molnom ah Gilead Diagnostics & Health Care honna nei

Lamka 2022 May 8: Upa Jangngam Building, Molnom ah Gilead Diagnostics and Health Care honna om hi. Hih ah 59-Saikot MLA Pu Paolienlal Haokip in ribbon teptan in clinic thak hongkhia a, Rev. Lalnghaksang, EAL in lan hi. Pu Paolienlal Haokip in a thugenna ah government hospital-te a diagnostic test kim sipsip omlou himahleh private in a etkol Diagnostic centre-te ah test tuamtuam bukim zaw in kingah thei chi a, govt in a etkol facility leh hospital-te ah quality check a hoihkeileh damtheihna tawh kisai in kingakna tham chingthei diagnostic centre poimawh chi hi. Huchi ahihman in Gilead Diagnostic and Health Care in zong quality neitak a damloute diagnose bawl a, a natna uh hoihtak a zonkhiak ahih a kepdam hong hihtheihna ding ua panla ding in ngen hi. Hunzatna Lalruotsang Songate leh Hatneilam Doungel in makaih uh a, Jimmy L. Hrangate in vaidawnna thu gen a Vanlalsung Joute in keynote address gen hi. Molnom hausa Thangbem Lhungdim in zong thu gen a, huntawp ah Dr PK Thomas, Chairman, Gilead Diagnostic and Health Care in kipahthu gen a, Rev Lalpienglawm in hunkhak hi.

TBC-MD in Missionary khak khiatna nei

Lamka 2022 May 9: Thangkhal Baptist Church Central Mission Department in tuni zingsang dak 10:00am in TBC Head Office Tuibuang a Missionary Pro Pastor Eric Hanglamthang Dalai District, Tripura a gamthak sat dingin khak khiatna leh thumsakna hun jang uhi. Hun zakna Pastor T. Chinminlian Director Youth & Mission in lamkaih a, Pastor Genzatung Director Woman & Child Department in patna thumna nei in, Upa Chinkhankap, Chairman TBC-Mission Department in thugenna leh Presentation hun nei hi. Khakhiatna leh thumsakna Pastor Hangmuanlian Executive Director TBC in nei a, hun tawp na ding in Pastor Thanglet Area Pastor in thumna nei in paikhawm tengin itna Annkuang umm khawmna nei in hun jou uhi.

TBC Missionary Pro Pastor Eric Hanglamthang, tunitak lam in a Saptuam pih TBC Tangnuam Local Church Committee (LCC) in khak khiatna leh itna Annkuang umm khawmpi na nei ding uh a, Date 11th May 2022 in asepna ding mun Dalai District Tripura a kuan khia ding hi.

KHALVONTAWI

VOICE OF THANGKHAL

Misao Lhahvom ah Pu LM Khaute leh Pu Paolienlal kipahpihna kinei

Lamka 2022 May 8: Misao Lhahvom Community Hall ah zan sunnung in Somkholal Road Development Committee saina in Pu LM Khaute (MLA 58 Churachandpur ST Assembly Constituency leh Pu Paolienlal Haokip (MLA, 59 Saikot (ST) Assembly Constituency lawhchinna kipahpihna program nei uhi. 

Hih hun ah Rev Letkholian, ECA Lanvalui Pastor Area in MLA thak nihte a ding in vualzawlna ngetsak a, MLA nihte lopna in Bawng 2 leh Vok 1 gou in ankuang umkhawm uhi.

Pu LM Khaute in a thugenna ah, a naupanlai in Tualnuam a Somkholal Memorial School ah kai a, huo hunlai in lampi a hoihlouh ziak in leibul apan khekol khuktan a kheptou in khedap pen bag sung ah kikuah chi hi. Hun hongpaitou zel in Donbosco ah a kailai in leng lampi a ngeingei mah hithou chi a, a chang a tuihat ziak in lei neilou a om hun bangleng om chi hi. Huai hunte tuni tan theilai ahihdan gen a, lampi hoih banah lei hoihtak neihding lunggulhna ziak in MLA election om teng in candidate-te kizuisek mahleh tuni tan a ngeingei hilai chi a, himahleh MLA Paolienlal Haokip pen development a lunglut ahihna ah amah tungtawn a lamlian hoih leh leipi hoihtak hong omngei ding lam-et thu gen hi. Mualkot leibawlna ding in Rs. 4 Crore val sanction in om ngei mahleh NEC leh DoNER kal a kitheihsiamlouhna a om ziak in sanction khitsa pen tumkik chi hi. Mualkot lei bawlna ding in nasatak a panlak ahihnung in PMGSY nuai ah Bailey bridge ding in bawlna kipanta chi hi. MLA hisate'n M.Lhahvom area nelhsiah mahle uh tu in "Wind of Change" hong omta ahihman in lametna liantak nei ahihthu gen hi. Mualkot apan Tuitha tawn a Ngurte a pawtding ring road poimawh mahmah hi'n gen a, tu in Tuitha lui in hon nang in mental block khat om mahleh khatvei tei town in hon uap ngeingei ding ahi chi a, MLA luite'n kum 30 val ana puahlouh uh tua amah leh Saikot MLA in zankhat thu a bawl thei tuanlou uh ahihman in theisiam ding in ngen a, lei leh lamlian hoih bawltheih teitei na ding a panlak ding lunggulh uh ahihdan gen hi. 

Paolienlal Haokip in a genna ah Khuga Canal kiang a lampi omte zuih theih taktak ahihlouh ziak in lamlian dangkhat Ring Road om theihna ding in proposal pia hi'n gen a, Monglenphai apan Joljam ah kaltou in Mission Compound a lutsuk a Lhangnom tan tungding proposal pia ahihdan gen hi. Tutung in i ngaihtuahna uh leh lungsim put uh liansak in, Singngat AC, CCpur AC, Saikot AC chih omlou in eigam hivek ahihman in kithuah a i sepkhawm ding uh ahi chi hi. I gamsung uh khantouhna ding in pangkhawm in semkhawmni chi a, huaimah amah utdan leh mipite deihdan leng himahleh hon dal thei tam mahmah a, Manipur pen amah kia a kitoudelh zoulou state ahihman in Central govt a kinga hi a, state a i tenkhawmpih uh a mi tamte'n Valley district teng a Development teng kizangbei leh chih ut ahihman un mipi palai dia telchingte pankhawm ngai a, development om theihna ding a pankhawm a ngaih bang in gamleitang humbitna ding in leng singtangmi MLA-te pankhawm ngai chi hi. Dampi Forest Reserved, Thangching Forest Reserved, Cheklaphai Forest Reserved, Chivu Chandrakirti Park chihte telin gam leh gua humbitna ding diktak ah panlak poimawh chi hi. Khaw hausate theihpih leng hilou a, gamsung a ana tengte theihpihna leng hilou a thil hong kihihte mipite'n a hunteng in 'aw' suah theikei mahle uh mipi palai dia telching a om MLA te'n 'aw' suah a pangkhawm a gam humbit ding in chial hi. India Danbupi gelhtu Dr BR Ambedkar in protection honna koihsak pen kua party leh kua nam engbawlna leh kuamah rights suhsakna hilou ahihman in, eimah rights humbit ding in a MLA pihte chial a, Paite, Thadou, Hmar, Zou Vaiphei leh a dangdang a i kikhennate uh koihkhia a, hausate'n leng All CCpur Chief Association chih khawng hon dinkhiak uh hoihsa hi'n gen a, Manipur Assembly a singtangmi MLA teng leng kihoukhawm a, i gam bangchi leh humbit a khangtou sak thei ding hiam chih mipite leh MLA-te'n Agenda a neih hunta chi hi.

D. Phailien ah Saikot MLA Pu Paolienlal Haokip kipahpihna hun kizang

Lamka 2022 May 6: D.Phailien Village Authority in tuni nitaklam in D.Phailien hausa Sholet Haokip tenna inn ah Saikot Hon'ble MLA Pu Paolienlal Haokip kipahpih programme nei uhi. Hautinthang, Finance Secretary Village Authority in programme lamkaih a, Upa Khamlemlal, Centenary Church in thumna in pan a, Sholet Haokip, Chief of D.Phailien in thugen a, Rev. Thangkhosiem, ESC in kipahoihna maitam bawl hi. Hunzat sung in 59-Saikot Hon'ble MLA Paolienlal Haokip in thugen a, Rev (retd) Hemngam Haokip in Annkuang latna nei in, Paikhawm tengin MLA Pu Paolienlal Haokip Kipahpih in Itna Annkuang umm khawm hi.

KHALVONTAWI

VOICE OF THANGKHAL

Singngat MLA Pu Chinlunthang in Missionary 1 chawm

Lamka 2022 May 8: 60 Singngat (ST) Assembly Constituency a mipi pailai ding a telching a om,  MLA Pu Chinlunthang leh a innkuante'n Pasian gam nasepna ding in Missionary 1 chawmding uh hi, Tuni zinglam in Zou Presbyterian Church Synod (ZPCS) Central Church kikhopna ah Rs. 15 000 pia khia uhi. Pu Chinlunthang leh a innkuante'n Missionary 1 chawmna ding in khateng in Rs.15,000 pia ding uh a, kipahpihna leh Pasian kiang ah latna Upa Pauchinlel, Chairman, Mission Board, ZPCS Central Church in nei a, Pu Chinlunthang MLA leh a innkuante jong Pasian min in thumsak hi.

KHALVONTAWI

VOICE OF THANGKHAL

Pu LM Khaute in PWD toh lamlian thu genkhawm

Lamka, 2022 May 6: Pu Lallianmang Khaute @LM Khaute, Hon'ble MLA, 58-Churachandpur Assembly Constituency in tuni nitaklam dak 3:30 in Jamkhanmang, EE, PWD leh PWD dept official-te samkhawm in meeting neihpih a, huo hun a MLA adviser-te zong jau uhi. Meeting ah Lamka khawpi sung a lampi tuamtuamte puahphat ding dan genkhawm uh a, Lamka khawpi sung ah lamlian tamkhop Ministry of Surface Road & Transport, Government of India ah proposal piaklut ding in guang uhi. 

Proposal piakdingte lakah ngaihkhawk diakte bel New Lamka Link Road, CCpur Ring Road, CCpur By- Pass Road, Inter-Link Village Road hi a, huo-te proposed ding in thupuk uhi. MLA LM Khaute in huai meeting hun ah Tedim Road akipan Zomi Secretariat kikal zong Priority base a bawl ding in Chief Engineer, PWD, Manipur kiangah U.O lehkha gelh ngal a, EE,PWD in adelhzui ding in thu pia hi.

KHALVONTAWI

VOICE OF THANGKHAL

Felicitation of Pu Biren: Manipur Chief Minister lawchinna kipahpina um

Manipur State mipi ding a Churachandpur pen kineppi District ahi: N Biren

Lamka, May 6 — District dang banglou a Churachandpur district pen talent hoi tahtah nei leh laisiam tampi piankhietna district ahina ah Manipur State mipi ding a Churachandpur pen kineppi District ahidan tuni’n Chief Minister N. Biren Singh in YPA GHQ Hall, Hiangtam Lamka a um ama lawchinna leh kipahpina program hun ah gen hi. 

IAS, IPS, IRS tampi pienkhietna Churachandpur District te’n State leh India khantouna ding, adieh in Nation Building toh kisai in sep-le-bawl leh contribution tampi na neita ua, tuazieh in tu in Churachandpur District khantouna ding, peace & harmony um theina ding a panla ding chi’n zong gen hi.

Ama’n agenzelna ah Political Party a et in BJP ka hi’a, hinanleh Government formation zaw ahitoh kituoh in Manipur mipi Chief Minister ka hita chi’n genkawm in Drugs leh Drugs User-te zieh a orphanage home leh orphanage um sah nawnlou ding tup-le-ngimna in hunpeisa in Govt. of Manipur in War on Drugs peipi a, tuami lawchinna ding in public support leh public cooperation poimaw chi hi.

Accident zieh a naupang orphanage home a um pen ngaisiem huoi a, hinanleh hamthei-guithei zieh a naupang orphanage home a um pen ngaisiem huoilou chi hi. Tua zieh in koipou in khamthei-guithei zieh a naupang tagah um nawnlouna ding a panla ding chi hi.

Thangkhal Cultural Troupe

Govt. of Manipur in War on Drugs apeipi pen mikhat-le-ni mudahna zieh a peipi hilou a, khotaang hoina ding leh bitna ding a peipi ahizaw chi’n zong gen hi.

SECT list a pangte ding in PMAY card tungtawn in Rs 5 Lakhs health benefit muthei ahi’a, hinanleh Govt. of Manipur in mipi ding gelna toh SECT list a pangloute ding in CMHT nuoi ah Rs 5 Lakhs tan Health benefit amu theina ding in peipi a, tuami tup-le-ngim ahileh Voh leh gan man a koima’n damdoi man senglou a, innten-louten siemna a azah ding uh chi hi.

Tualeh Preparatory apat Class XII tan in Free & Compulsory Education amu theina ding in Govt. of Manipur in School Fagathansi nuoi ah free textbook, school uniform leh quality education pieh chi hi.

District leh State khantouna ding in Govt. of Manipur in 100 program nuoi ah scheme leh project tuomtuom peipi sawm a, tualah ah Har Ghar Jal Mission nuoi ah Churachandpur District sung ah Tube Well 50 leh Pherzawl District nuoi ah Tube Well 20 honkhiet hiding chi hi.

Churachandpur District sung a um ding Hill Medical College, Swiming Pool toh kithuo Amusement Park, 7 a-side Turf Ground, Solar Power tungtawn a Churachandpur District Hospital a 24 X 7 power supply um theina ding Solar Power Plant zong 100 days sung a honkhiet hiding chi hi.

Tu-le-tu in District 7 ah 7 a-sise Turf Ground nasep peitou a, tualah ah 100 days sung in Ukhrul, Senapati leh Churachandpur District a honkhiet hiding a, 24 X 7 power supply um theina ding Hill District 10 a nasep peitou lah ah Churachandpur, Chandel leh Tamenglong District a honkhiet hiding ban ah Sub-Division 3: Thanlon, Mualnuam leh Suangdoh a ADC Office ahileh hunlemtang masapen a honkhiet hiding chi hi.

Alangkhat ah Letzamang Haokip, MLA, 57-Henglep in Assembly Constituancies dangte bang a Henglep AC khantouna ding a lampi sialsah ding chi’n gen a, Chinlunthang, MLA, 60-Singngat in Politics kitheisiem louna, kidaidanna um nanleh State leh gamsung khantouna ding a Chief Minister in commitment aneite manghil lou a peipi tou ding chi’n gen in LM. Khaute, MLA, 58-CCpur in Smart Town suosahna ding a Chief Minister in apoimaw bang a kithuopina petou ding chi hi.

Tuaban ah Vungzagin Valte, MLA, 56-Thanlon in ADC Guite kuol pichinna ding a panlapi ding chi’n gen a, Minister Th. Basanta in Education System a kikhelna a um theina ding in Transfer & Posting toh kisai siengthoutah a peipi hiding chi hi.

Tuni Chief Minister N. Biren Singh kipahpina program hun ah John K. Ngaihte, Chairman Zomi Council in Welcome & keynote address genna nei a, Guest-te tuomtuom apat thugenna ngaikhiet ahiban ah Thangkhal, Paite, Vaiphei leh Zou Cultural Troupe te apat Nam Lam um a, R. Sanga, Speaker Zomi Council in vote of thanks gen in program khah hi. ~ Zogam Today

Singngat MLA Chinlunthang in Teikot ah tuilakna ding enkhia

Lamka, 2022 May 6: 60-Singngat Assembly Constituency Hon'ble MLA Pu Chinlunthang in tuni sunnung dak 2:30 in Singngat khawsung a mipi tuinek ding kiningching om theihna dingin Teikot khawkiang a Tuitha lui enkhia a, hua mun akipan Singngat tan ah tui laklut dingdan velchian hi. Singngat khawsungmite'n a gendan un, Singngat khosung a Veng tuamtuam ah kumsial in tui haksatna beithei ngeilou a, tui haksatna maituah den ahihdan uh gen uhi. Tulel in Singngat khawsung ah inn 2400 val om a, singtang khua himahleh Water Tanker a tui a lei mai uh ngai hi'n gen uhi. Tuni a Singngat MLA in tuilakna munding a etkhiak hun ah Public Health Enginering Department CCpur PHE-Division apan John Thanglienmang, EE; L.Paulungmuan, AE; Haukhansiam, SO leh Lalringdik, SO tel uh a, Singngat khawsung apan CSO tuamtuam lamkaite'n zong zui uhi. MLA Chinlunthang in Singngat khawsung a tui kiningching omtheihna ding in fund omthei dandan a nasep kipan ding hi'n gen a, hun sawtlou nung in Tuitha luidung ah tui kholkhawmna munding leh a poimawh dingte survey bawlding in Team khat sawl hiding hi'n gen hi. Singngat MLA in Tuilakna munding leh tui kholkhawmna mun ding a etkhiak zawh in Singngat khawkiang a Model Residential School zong enkhia a, huo nasepna a kinlam a zawh ahihtheihna ding in a kisaipih department kiang ah gending ahihdan gen hi. Residential School compound ah Component 18 om a, February 2019 in nasepna kipan hita hi.

KHALVONTAWI

VOICE OF THANGKHAL

Manipur: Missing man found decoposed after 19 days

A 32-year-old man who went missing since April 18th was found in a decomposed state on the 19th day of hectic searched. The person is identified as Lunkhohao Kipgen @ Haopu Kipgen (32 years) h/o Kimlhing Kipgen of SM Gilgal Village, Kangpokpi district Manipur.

Haopu Kipgen fails to return home after he left home on April 18. Villagers of SM Gilgal and surrounding villages had been launching mass search in Tujang area including Koubru Hill range.

His lifeless body was found in a decomposed state with barefoot from a gorge on Thursday May 5. However all his belongings including his licensed rifle were found missing.

Search team had retrieved the dead body and the exact cause of dead is yet to known.

---

Interview: Footballer Sebastian Thangmuansang Tungdim, ISL Player

SEBASTIAN THANGMUANSANG TUNGDIM, ISL PLAYER TOH KIHOULIMNA

EIMITE lak a ISL Player um sun khat, tulel a Odisha Football Club a kimawl, a neu apat Football lunglut, sanlam 5.8ft leh agiklam 67 kg, ki-fit tittet mi ki self-discipline zou mahmah Zotangval nou khat ahi a: "Mikhat in leitung pumpi nei henlen, ahinna taan taleh, ama dingin bangpen aphatuom diei? ahisihleh min ahinna tangin bang apekhe thei diai?(Matthew 16:26)" chih a Bible taang deihte lak ah khat ahi.

Kuamah dang ahikei a, India-Burma-Bangladesh ZO Suonte pumkhat ding buaipi a Zo-Reunification Organisation (ZORO) adia gim-le-tawl khoksalou a Zogam 'Manipur-Mizoram' dung-leh-vai a ana taai kawikawi, "Zogam Sakawl" chi'a ana kithang ban ah Zou Bible PASIAN LAISIENGTHOU (The Holy Bible in Zo, Published by the Diocese of Imphal, January 1, 1983) translator ana hi, 07 Feb 2016 a a'ng na beisan Pu Aloysius Nehkhojang Tungdim leh Pi Angel Vungneiching Tungdim tate li lak a atumpen ahi.

Bawlung suih siam hun awl neih sun chia Bible sim a thumna toh hun zang zel, unaupa Sebastian Thangmuansang Tungdim toh Bruce K. Thangkhal, Joint Editor, Zogam Today kihoulimna anuai abang ahi.

Zogam Today (ZT): Interview theidia hun nang pieh ziehin lungdam ung.

Sebastian (SB): Kei toh kihoulim dia khosahna lienpi toh nang kalsuonna tung uah kei zong Zogam Today tung ah lungdam ing.

ZT: Tu laitah innlam ah bang ngai tuo? Bang tan um ding?

SB: Buoipi thupi pen chu Season tha adia kisahkholna, inn ah sep theithei sem, innsung mi lawm-le-guol toh hun manpha zat hun himai. Naupangte practice ka bawl khawmpi zel a, tunai in T. Khuangkhai leh Mongkot khua ah Coaching ka va bawl uhi. Hun nei daan zil in mundang zong ka sawm thou uhi. September lah tan vel inn ah um maithei.

ZT: Na tanchin them khat nang share thei diei?

SB: Aloysius Nehkhojang Tungdim (late) leh Angel Vungneiching Tungdim te tapa tum peen kahi a, ka pienpi sanggamte ahileh Mary Chiinzoujam, John Chinminlal, leh Judith Chiinngaihlien. Zoland Villa,Thingkangphai, Chiimtui Veng, Lamka a khosa lellel ka hi uhi. Kei khu 25 July 1998 a pieng ka hi.Tulel a Odisha FC a Right Back a kimawl ka hi.

ZT: School hei ah nana kaai aa?

SB: Class A apat Class 12 tan Donbosco Higher Secondary School, Salem Veng ah ka kai a, hinanleh 12 kasim laitahin Football Academy a din May 2013 kum a trial dia ka pawt in ka na sun zom nawnsih a, ka siemzilna ahileh NIOS leh IGNOU ah ka zop ta hi. Tun IGNOU ah BA 3rd year exam ding ngah ka hi.

ZT: Na neulai apat Football lunglut nama, awleh ang inspire um ama?

SB: Pienken lunglutna hidin gingta ing. Tua banah ka nu kana zuizel na a teacher posting mun Behiang, ka pute umna New Lamka, tu'a ka khosahna uh Thingkangphai te a football ana ha bawl mama ua, tuamite apatsa inspiration ka mu hiva. Ka U John Lalboi in zong ang na kimawlpi/nahil zelte football a ka kalsuon masat peen te ahi.

ZT: Kum bangzah vel nahin football na kimawl tai?

SB: Kum 4-5 vel ka hilai apat hiva kei thei daan in.

ZT: Football lunglut chi nu-le-pa'n a thei un, bang ngaihdan anei ua?

SB: Ka lunglutna ahizie'n ka nu-le-pa'n hing khaam lou, inter-school tournament ka ki-apmai na uh zong ang en zel ua, lekhasim toh hoideu a ka kopnaah leh khoh asa sih uh, hinanleh professional tahtah dia ka'ng kisingsah phetin lekha siemthei ka hizie'n a lunggeel uh akikaa veve'n ka thei. Mibang a tahsa hatlou ka hina ah lunglien tah a ang tawsawn ka nu-le-pa thupi kasa.

ZT: Mipi mai a football na kimawl masatna lah?

SB: AFC Grassroots Inter-School (Donbosco) Under-12, 2007.

ZT: High School/College Level ah footbal kidemna ah na pang ngai ei?

SB: AFC Grassroot Inter-School 2007 & 2008 leh Subroto U-14 tournament ah ka na pang, kou hunlai in inter-school/college tournament tamlou ahizie'n panna di ana tamlou hi.

ZT: Bang achileh Pune FC Academy (tu'a Pune City Academy) lutkha thei?

SB: Lawite apat leh Facebook/internet website tungtawn in Pune FC Academy a trial um di chi ka zaah tahin May 2013 in ka va kuon hi. Round hun khoppi zou in Shortlisted lah ah ka zau a, August ha in Intensive Pre-Season Training cum Final Selection ah Pasian hepihna toh ka lawching kia hi. India pumpi apat ang peikhom Player Under-17 toh Under-19 te lah a Under-17 Age-Group adia selection ka mu ahi. Coach 3/4 in Technical, Positioning, Tactical, Personality, Physical dungzui a Points tam penpente ala uh ahi. Full Scholarship ahia, neh-le-taah, lekha lam a sangsie, kimawlna van, hostel accomodation, stipend, indoor games ho zong a um hi.

ZT: Football Academy ah bangchi'n hun na zang ua?

SB: 1) Zingkal Breakfast, 2) Dahkal 2 vel practice kibawl, 3) Study Class kinei, Tutor hing kuon zel - English, Commerce leh Social-Science chi ho ang hil taangpi, 4) Lunch, 5) Rest, 6) Free Time chieng Gymn Class ka kinei, 7) Snacks, 😎 Dinner. Dahkal 8 bang zan ah ki-imu, suun ah zong tomkhat ka imu (afternoon nap) zel, tam ka chiin daan ahi.

ZT: Training lai a hasah nasah pen khat nang gen thei diei? Bangchi'n na ki-adjust?

SB: Hun tamzaw ah natna-satna (injury) um nanleh niteng a tanlou a masawn/progress gige ding (a masawn loute ki-sawldoh/release zel). Siemna kidemna ah sangsiete lungtup sang mama ahiziehin ki-engbawlna zong gimnei(cruel) thei mama ahina toh mittui luonni, a hasiet huoi hun a tam zong in lawchinna nisuo hoi lametna toh hahsatnate thuo tou hamham zel in, tuami ki-engbawlna hahsatna ka tuohte in khonung a din thuohhatna leh lungtang khauna in ang pang zaw hi.

ZT: Bang Club ah na kimawl masapen?

SB: Innlam ka umlai in official tahin Lamka United Soccer (LUS) a ka na kimawl masapen hi. Contract chi zong um vaselou. A lamkaite Pa Thangchinhau, Pa Thangzasong leh Pa Thiauthianmung te in humi hunlai a kei naupang noukhat piching te lah a maban ding khuolna toh ang na deisah/gingtatna te uh thupi kasa a, a tung uah ka lungdam mama hi.

ZT: Bang club lah ah na kimawl kha ei?

SB: Pune FC Academy (2013-16) ah kum 3 ka um hi, a kum 4-na 2016-17 pen ISL team FC Pune City (FCPC) in Pune FC team take-over abawl zieh un FCPC Academy ka kisuoh ta uhi. Chennai City FC (2017-18) on-loan from FCPC, NEROCA FC (2018-19), Gokulam Kerala (2019-21), Odisha FC 2021 pat tutan.

ZT: Bang position na tang kha, ei man kiteel thei ama?

SB: Ka neu apat Midfield ah ka na kimawl a, ahin Academy ka lut zaw'n coach te deidan toh Right Back ah ka kimawl hi. Hinanleh apoimaw dungzui in Position tuomtuom kimawl thei dia ang train uh ahi.

ZT: Na kimawlna Club nuam nasah a um ei? Coach lah?

SB: NEROCA pen ei gam ahiziehin anop daan leh mipi mai a kimawl anop daan tuom vilvel a, hinanleh Gokulam Kerala pen facilities kiningching zaw hi. Coach lahlah ah Pune FC Academy ka lut tung a Coach Nishant Mehra, NEROCA FC ah Renedy Singh (former Indian international footballer), Gokulam ah Fernando Varela (Argentina) amauteng lungsim siengthou daan uh, deisahna toh ahoi-asie iim lou imai a gen ngam, mi hahsat daan atheisiam daan uh, Coach hoi ahiban uah a mihina (good human) uh thupi kasa hi.

ZT: Weekend bangchi'n na mang zel ua?

SB: Weekend a match a umlou leh ki-relax hun in ka zang zel ua, lawite toh dine-out vel ka nei zel uhi. Atangpi'n Sunday match a umlou leh off zel.

ZT: Sunday kikhop, ahilouleh hun zawl na bangchi zat zel?

SB: Kikhop na di alem leh Sunday Holy Mass ahilouleh ZCF/KWS ah ka kikhawm zel hi. Kikhop theilou ni Sunday chieng Gospel ho sim in thumna ka nei zel hi.

ZT: Na Bible Verse deih pe'n bang?

SB: Matthew 16:26 leh 1 Corinthians 13:1-3.

ZT: Tulai khangnoute mobile games adiehin PUBG addict gamsieng a bangphiel ta ua, phone leh hun na bangchi khen?

SB: Phone/Social Media hi'n kei hi'n koikoi ang subuoi thei a, hinanleh tuamite hun hawm daan siem angai mama hi. Tulai a khangthah adia gaal lian peen khat ahi. Ahi'n sil khat poupou tupguhna toh sangtun i tupleh phone khoisawt, PUBG hi'n games khat poupou hitaleh, imut hun kikhel zen a ngolpi'n i maban bangtan hing tunpi lou ding hi. Naupang tamzawte zong mi houdaan thei nawnlou/donlou zen a phone meeh ahichieng un i maban uh ziing mama, nu-le-pa khel a phone nau dawn a kizang mawhpeen i khankhua dingua guuh/poison ahi. Naupang aka leh phone in zol nawn da vai.

ZT: Romance lam lah, Zo lienu te'n na ong lai ei i chileh bangchi'n dawng ding?

SB: Nunngah/tangval lai a lawmngai pen i siemzilna toh balance i siemphot leh asietna a um ka sasih. For what is life without love?

ZT: Sportsperson khat di'n tahsah bangchi kikeptup poimaw?

SB: Khamnathei neh in amasapen in i sung (stomach/digestive organs) susie ahiziehin i haat di bang tahin kihaat theilou. Mihing pangai khat a dia zong hoilou khamnathei, thagum zang a bawlung sui di pa din bang chituh in asubuoi diei? Mite'n guolte sang a hat thei na'ng dawn/neh ding nichin a abawl/sui lai un, silhoilou chinteng tahsa a thun suh te adin mi pha hahsa deu va chi'ng. Imut kham ding, tahsa recovery na dia nikhat a tui 5 litres beh dawn ding ahi.

ZT: Na favourite football player koi, azieh?

SB: Ka favourite player Bastian Schweinsteiger (Bayern Munich legend) a nunnem/lunglet daan, on and off the pitch a class a maintain daan. Ka Idol (role model) khu Cristiano Ronaldo ahia, a ki thununna, a tupguhna leh bangkim etton taa ka sa hi.

ZT: Indian Super League (ISL) na tuntheina thugu nang gen thei diei?

SB: Pasian. Aziehpen kei haatna, siemna, tupguhna leh kei hetna guo in bangtan tung sih vang, miracle/vangphatna phulou a ka tan tampi um vang hizaw.

ZT: I-League leh ISL kikhietna lienpen bang adiei?

SB: Sum kiseng zat, Fan Following leh Football Quality ISL sa'ng zaw.

ZT: Manipur mi adiehin Lamka mi, I-League leh ISL ah player bangzat vel um pha?

SB: Lamka apat I-League leh ISL Season 2021 ah Khaiminthang Lhungdim (IL) NEROCA FC, Cleaven Hmar (IL) TRAU FC, Robinson Khongsai (IL) TRAU, Gogou Hangshing (IL) Churchill Bothers FC, Ginminthang Hangshing (IL) Churchill Brothers FC, Seigoulun Khongsai (IL) Sudeva FC, William Neihsial (IL) Sudeva FC, Sana Konsham Hyderabad FC toh kei ISL a kimawl, mi 8/9 vel china ahi.

ZT: Football khu professional tah a peipi na sawm ei?

SB: Ing, Pasian in dam a ang siem leh.

ZT: Football khu nehsuina ching in na mu ei?

SB: Competition asan ziehin a lawching a vang a, hinanleh kipumpieh zoutah a pang a lawchinna neite a din nehsuina guo hilou hausatna thei ahi.

ZT: Nu-le-pa khenkhat in tate football lam lunglut a deisah sih a, tam kikal bang bang'e na ngaihdan?

SB: Pienken a thanopna nei naupang khat pawng khaam pen a hinkhuo/damman kilah sah tawbang ahi. Football ki-apmai ziehin professional hi sese ding china ahisih a, football in naupang khat hinkhua a hen lamdang /puihuoi daan zil sah a hoizaw. Football values, guollel-guolzaw siem dan, tung a mi zatat dan, hasat-genthei hun a thawkia pai apoimaw dan, tahsa neh-le-dawn a kikep siengthou dan, chi-le-nam a kikhenna umlou a kigawmna football, pankhawm hatna ahidan chite naupangte zil sahin pro-player ahiloutaah in zong mihing manpha ahing hitei ding lamet huoi hi.

ZT: I gam ua na puohnat a um ei?

SB: (i) Sahkhuo lamkai hagau mi ma hihen, (ii) Politics ding mi thudih, mipil leh laisiem ma hihen, (iii) School ah exam pass na di meimei hilou in hinkhuo a zah di finance, moral, practical languages - Spoken English, Hindi, Manipuri ban ah Real-Life Skills practice hileh, (iv) Football lamah full-size pitch khatbeh kineilou puohnat lah huai zum zong zumhuai, (v) Khamthei (drugs) bawlkhiet leh hawmthaang lam ah long-term affect di ngaituo vateh lou a moral compromise i bawl zel uh zong ngaituo thuuh deulei i maban uh chimul thou huoi hi. (vi) Nu-le-pa te'n football academy fee, vocational training dia tate lunglutna ah sum seng ngamlou a phone/gari man tampipi poimaw lou/innsung dinmun toh kituo lou a aleisah ngam zel uh zong peidan hoilou tah khat ahi.

ZT: Player khat kum bangzat tan kimawl thei, dam a na umleh post-retirement plan ah bang duhthusam na nei ei?

SB: Tahsa ki-etkol hoi dan zil ahi.

Khenkhat kum 34 a retire, khenkhat kum 40 lam tan zong kimawl thei veve.

Retire zawlam duthusam gam ah lut talei, tuletu'n option a ka koi 2 um hi. (i) Business: Nasep hoina di'n sum poimaw ahiziehin amasapen in stable business ki-establish thei henlen Zogam dung-le-vai ah kimawlna, siemzilna leh taga-gentheite nasatah a dopsang ka ut hi. (ii) Professional Football Coach.

ZT: Football lunglutte bang na advice nuam ei?

SB: Amasapen in "Enjoy and express yourself", tuaban ah "Put in the work needed", "Football like life will be cruel and nasty to you, but you must fight your own battles and win them too."

ZT: Na hun manpha nang zatpiehna tungah lungdam ung. Pasian in hing pui tou zel ta hen.

SB: Kei zong lungdam mama ing.

~ Zogam Today [04-07-2021]

MLA tha Paolienlal Haokip leh Chinlunthang kipahpina um

Lamka, May 3 – Paolienlal Haokip, MLA, 59-Saikot leh Chinlunthang, MLA, 60-Singngat kipahpina program tuni’n Zoumunnuam Community Hall ah um hi. 

Program ahileh Zoumunnuam Village Authority saina hi’a, tuanah Paolienlal Haokip in “A nuam theipen ding a khuo-le-Veng min phuo ahivang in lampi hoilou zieh in khuo-le-vengte a nop ding bang in nuamthei tahtah lou” chi hi.

Tua zieh in mailam hun ah mipi toh pangkhom in khuo-le-vengte amin (Molnom, Zoumunnuam etc) nop bang a nuam ding in lampi hoiloute bawlhoi vai chi hi.  

Assembly Constituency dang banglou a 59-Saikot leh 60-Singngat A/C pen Khuo-le-Veng khat a kihal/khen, ahivang a lampi kibang tam ahina ah lampi bawlhoi na ding ah Ama constituancy, kei constituancy chilou a lunglien tah a peipi hihen chi’n genkawm in Zoumunnuam mipi’n Election hun a tha-le-zung a sengte hunsalou a tuni’a ama leh 60-Singngat MLA kipahpina ding a Sial 3 agawna tung ah kipahthu gen hi.

Tualeh Chinlunthang, MLA, 60-Singngat in T. Pauchinkhup, Chief of Zoumunnuam kipieh jouna leh chitahna zieh a Nampi, adieh a UZO puhse lou ahidan genkawm in tungtung MLA ding a teelching ahina tung ah ama leh Singngat AC sung a vote nei hunkhopte panlah na zieh zong ahi chi’n gen hi.

Tuami mai hilou in Nam vai a buoina, basapna a um chieng in zong Zoumunnuam te zieh leh zal a kitohsuo thei a um zel ahidan zong gen in kipah etsahna in Zoumunnuam Village Chief Puan Laisan silsahna leh Belpi piana nei hi.

Tuni 59-Saikot leh 60-Singnat AC kipahpina program hun ah Zoumunnuam Mothers Association (ZMA), Village Authority, M. Khuplianpau, Finance Secy. V/A, MELC Zoumunnuam, Upa Khamsonpau, Manneiching te’n MLA 2 te kipah silpieh piehna nei ua, Pastor T. Lamgen, MELC in MLA 2 te Lawchinna Maitam leh Thumsahna nei hi. (Zogam Today)

-------

Geltui hausapa naupa a si sa'n kimu

LAMKA — Mimang Haumuanthang (49) of S. Geltui, Singngat Sub Division siluang zani, May 2, 2022 (11:30AM) in S. Belbing gam, Leilam mun ah mukhiat in om hi.

Haumuanthang ahileh apeisa April 6, 2022 apat pawtkhia a inn tung nawnlou ahi'a, a innsung mite'n suitheina chinteng sui a, amulou tak un Thangkhal Youth Organisation (TYO) leh S. Geltui khua panlakna nuai ah pawl tuamtuam leh khokim khopam te'n April 29, 2022 ni'a pat sui in May 2, 2022 zingmawng lam in a si sa in mukhia uhi. 

Siluang mukhiat hun ah Thangkhal Youth Organisation (TYO) GHQ leh Zomi Youth Association (ZYA) GHQ in Zomi Puan in siluang tuam ua, UZO Haupi Block Secretary Mangkhanpau Zou leh ZYO Haupu Block ban ah pawl tuamtuam leh mimal phatuam ngai te'n zong siluang puan in tuam uhi. 

Thangkhal Youth Organization (TYO) leh S. Geltui inntehna nuai ah May 2, 2022 nitaklam in S. Geltui Hanmual ah suunna leh sivuina programme um a, Pastor Thanglet, Area Pastor Thangkhal Baptist Church in vuina hun zang hi.

---

Manipur Needs a War on Ponzi Swindlers

By Madhu Chandra

CHIEF Manipur N Biren Singh under his leadership has called for a war on drugs in Manipur and it has been actively carried out and reported the arrest of the traffickers on regular basis. Similarly, N Biren Singh needs to call for a war on unregulated depository schemes mushrooming in Manipur. The drug has destroyed many lives and will do the same with the future generation if the war on drugs is not launched and stop the menace. Similarly, the Ponzi swindlers will do the same with the economics of the state.

The Ponzi schemes are known as unregulated depository schemes operating in Manipur. Salai Holding Pvt Ltd, Lamjingba Finance, Grow Manipur Team and PayGd Enterprises are a few known swindlers. It is believed hundreds of unknown swindlers operating in the valley and hill districts of Manipur, that has duped the hard-earned crores of rupees from the general public. From the sources of the newspaper, about 300 known groups are operating the unregulated depository schemes in Manipur. Some of the owners of these Ponzi schemes have gone hiding after duping crores of hard-earned money from people.

Prof. Amar Yumnam, retired Vice-Chancellor of Manipur University in a TV panel discussion held on one of the state's leading TV channels said, "Money duped by these Ponzi Swindlers have not caused the loss of money from investors, this has affected the economic condition of the state. Therefore the state must not wait and watch."

This has further caused the economics of the state that was hit already by the Covid-19 pandemic. Perhaps, it will take a long time to recover from the effect on the economy of the state.

Taking the example of Kakching in Manipur, 3000 households out of a total of 7000 households at Kakching has been affected by the swindle of PayGd Enterprises. There are still many unknown groups running the Ponzi scheme without returning the money to their investors. About Rs 150 crores of hard-earned money has been duped from the public of Kakching alone and this has affected the economy of the Kakching.

If Ponzi Swindlers are not stopped by the government, the economics of the condition of Manipur will be badly affected. The Chief Minister, N Biren Singh must call for a war on Ponzi Swindlers. For this, a political willingness will require. Calling for a war on Ponzi Swindlers will require N Biren Singh to act the Act, which his Government passed toward the end of his first term as Chief Minister. His Government needs to break the silence.

The state government has already followed the Banning of Unregulated Depository Schemes Act passed by the Parliament in 2019. To implement the central law, the state Government has passed the Manipur Banning of Unregulated Depository Schemes Rules in 2021. Thereafter, under the provision of the Act, the state government has adopted the Competent Authorities for different districts of Manipur and designated a special court at Lamphel.

This has shown the keen interest of the state government in adopting the plan of action. Commissioner (Art and Culture) is appointed as Competent Authority for Imphal East and Imphal West, Commissioner (Revenue) for Bishnupur and Thoubal District, and Commissioner (Power) for the rest of the districts.

Now the Competent Authorities set up by Manipur Government for different states need to do their jobs entrusted under their authority. After much outcry from the public, some of these authorities have begun doing their job. The Competent Authority, Commissioner (Art and Culture), assigned for Imphal East and Imphal West has summoned Lamjingba Finance and its owner Sanasam Jacky Singh to appear before the concerned competent office on May 6, 2022. This is the first case handled by a competent authority. The other competent authorities for other districts still waiting for their turns.

-------------------

HOSPITAL WINDOW

~ Pastor Thangdoulal Suantak

Ni danglai in pasal nih damlou in hospital a om khawmkha uh hi. Anih ua a natna uh pen natna buai-huai mahmah ahi tuaktuak hi.

Khatpa window gei ah a lum a, a dang khatpa pen a sunglam zaw deuh ah a lum hi. 

Window gei a lumpa pen, a natna ziak a nitaak lam teng a, a lupna tung a tou gige diing a thupiak ahi. A dang khatpa ahihleh a lum tawntung diing a thupiak ahi.

Hih damlou tegeal, a dakkal a dakkal in a kihoulim ua, a zite uh tawh kisai thute, a innkuanpihte uh tawh kisai thute, a inn bawldan uh tungtaang thute, a sepna uh tawh kisai thute leh army a a pandante uh thute leh army hospital window omdan thute genkhawm in a houlim uh hi. 

Window gei a lum, nitak lam ahih simsial a, a lupna tung a tou diingpa in, a lupna tung a a tou chiang in, a hunte beisakna diing in a gei a lumpa kiang ah, window a pan a kimu thei a pulam a sil omte a gen hi.

Hibang ahihlai in hih a gei a lumpa in, hospital sung a kipan in leitung kilawmna leh omdante mu ut mahmah lezong, muthei lou in, a room sung ah pulam ngaihna hinkhua a zang hi.

Tua window a kipan in park leh a sung a kibualna kilawmtakte muhtheih in a om hi. Vatawtte leh tuiva keengsaang kimawlte, naupang tui a kimawlte a kimuthei hi. Paak etlawm chi tuamtuamte lai a Lawmta ki-ngai kiliangkawi a vaakkhawmte a kigaalmuh thei hi.

Window gei a lumpa in hih silte a gen a, lunggulh huaitak a houlim a, hibang a aman a genlai in, a geilam a lumpa in a mit a na siing a, a park om diingdante leh hua park sung a sil om diingte a mitkha in a musak hi.

Khatvei, nitaaklam kholum hun in, window gei a lumpa in, parade paidan thu a houlim hi.

A gei a lumpa in tua parade bawlte paidan leh omdante bangmah zaa in mukei lezong, a loipa genna a kipan in a lungsim mitkha in a om diingdan zousiah a muthei hi.

Hichibang in a hun-le-nite uh a zangbei zeel uh hi. Tuachiin zingsang khat, a kisilna diing uh tui hung tawi a nurse nu a hung pai leh, tua window gei a lumpa nuamtak a ihmu kawm a na si in a hung mu hi.

Tuachiin dah kawmkawm in tua hospital a omte, a siluang puakhia diing in a samta hi.

Tuachi a a vaai zousiah uh veng a, bangkim a kilemtheita chih hun diing in, nurse nu kiang ah, windoe gei a a lupna suan diing in a ngen hi. Nurse nu in zong lungkimtak in hua window gei ah a lupna a suansak a, nuamsata e, tu’n lungkimtak in lumta e, chih a theihtak in a nusiata hi.

Tuachiin naa sa kawmkawm in, awl-awl in a kihei a, hua window a kipan a inn pulam et sawm in a, kiu in a ki-nangtou vevaw hi. Tuachiin a lupna gei a window pulam en diing in a kize-phei hi. Tuachi a a et leh, lamdang a sa hi.

Tua window pen baang tawh kimat teektuuk a om ahi a, bangmah muhtheih diing a omkei hi.

Tuachiin nurse nu kiang ah, ka ompih hih window gei a lum, khatvei a sipa, bang in a sawl ziak a, hih window pulam a sil thanop huaite leh thu ngaihnop-huaite a hung gen zeel e? chi in a dong hi.

Amah a mittaw ahi a, baang zong muthei lou ahi, chi in a dawng hi.

Tuakhit in nurse nu in, “A hung hanthot ut ziak ahi kha diing hi,” a chi hi.

Thukhitna:

Bangbang dinmun ah omta lehang zong, midang lungdamsakna ah lungdam thupitak a om hi. Lungkhamna gen saang in lungdamna diing thute genna ah hamphatna a omzaw hi. Mi hampha na hihna na sim ut leh, sum-le-paai a lei theihlouh na neihte sim in. Pasian hoihna ziak a na hamphatnate na mukhia diing hi. Toupa in Thupha hung pia hen.

--------------

'No Shadow Without Light' a prayer of despair and hope

New Delhi, May 3 — In a world desensitised to environmental documentaries, historical fiction novels of Mumbai-born Luke Gracias allegorically tell the story of an impending apocalypse. The highway to Armageddon is signposted by historical texts, monuments and climatic events humankind chooses to ignore.

These feature in 'No Shadow Without Light' (Write Place/Crossword), a must-read environmental bestseller which is a call to action to protect the "tools of survival" needed by the next generation.

It's centred around The Devil's Bible, currently held in the National Library of Sweden. It has 12 missing pages, rumoured to contain an apocalyptic text known as The Devil's Prayer - pages written for Jess Russo, the child of the Devil, to find and unleash Armageddon. Only her elder sister Siobhan can stop her by finding these pages first. 

From the Templars of Tomar to the Doomsday Chest in London, from the Curse of Amir Temur to the Shadowless Pagoda of Wuhan, the sisters race along the trail of destruction unleashed by each page. For every page that Jess finds, people are encouraged to be selfish, and hoard for themselves, erasing the chances of survival of other species and our future generations. Siobhan appeals to the selfless to protect our resources for the future.

 This book is a prayer of despair and hope.

Gracias graduated in Marine Engineering before migrating to Australia in 1992. He completed a Masters in Environmental Engineering from the University of Melbourne in 1995. He has worked as an Environmental Specialist for over 25 years consulting for multinational mining, oil and gas, infrastructure and transport companies. An avid photographer, he has travelled extensively to encourage international companies to bring cutting-edge environmental technologies into Australia.

In 2007, he started a film production company called Instinct India, which line-produced the Australian shoot of 'Singh is Kinng', a major Bollywood box office hit of 2008. He decided to learn the art of story-telling and undertook a number of courses in creative writing and film production. In 2014, he developed 'The Devil's Prayer' as a film script. In 2016, he converted the script into his debut novel.

'No Shadow Without Light' is the long-awaited sequel to 'The Devil's Prayer', a finalist in 2016 at the Australian Shadow Awards established by the Australian Horror Writers Association. (IANS)

Zomi Council: Felicitation and Thanksgiving Program

Felicitation of Chief Minister's 2nd Term and Thanksgiving for Guite Kual ADC, Zomi Nam Ni and Re-Amalgation of Thanlon Sub-Division

Date: 6th May, 2022

Venue: Zomi Innpi (Zomi Secretariat Complex), Khominthang, New Lamka

Portfolios of 7 MLAs on 29th April 2022

 

Hill Area Committee (HAC) Resolution: 11 March 2021

 MANIPUR LEGISLATIVE ASSEMBLY

SECRETARIAT

Imphal, the 11th March, 2021

The Hill Areas Committee, Manipur Legislative Assembly, in its meeting held on 11th March, 2021, discussed the matter regarding “Declaration of Reserved Forest in Hill Areas”; the Committee unanimously adopted the following resolutions:

RESOLUTION NO. 38/2020 (HAC)

1. “The Hill Areas Committee resolved that there is a procedural error in the Declaration of Reserved Forest after 1972. Any declaration of Protected Forest, Reserved Forest and Wildlife Sanctuaries on or after 20th June, 1972 shall not be enforced by the Department until the approval of the Hill Areas Committee, since it pertains to Scheduled Matters of Article 371C of the Presidential Order of 1972.”
2. “Forest Territorial Maps should be made at par with the existing Revenue District Boundaries for administrative convenience.”

(K. Leishiyo)
Chairman (HAC)
Manipur Legislative Assembly Secretariat

MLA Paolenlal Haokip writes to DFO CCpur against 'Show Cause Notice'

 

Kuki People's Alliance (KPA) MLA Paolenlal Haokip wrote a letterto Esther Laltankim Serto, IFS,
Divisional Forest Officer, Churachandpur Forest Division on 02-05-2022.

List of Encroachers in Dampi Reserved Forest

List of Encroachers in Dampi Reserved Forest

                                                   Hill Area Committee Resolution on 11th March 2021

Pu Tongmin Misao receives Special Award for Outstanding Contribution

CONGRATULATORY MESSAGE

The Kuki Students’ Organisation Delhi & NCR (KSOD & NCR) is pleased to congratulate Pu Tongmin Misao Kuki inpipu Delhi on being awarded the Special Award for Outstanding Contribution by Shri Sushil Chandra, Hon'ble Chief Election Commissioner of India on 29 April 2022.

It is of immense pride and joy for our community and society at large. The KSOD & NCR sent its warm wishes and appreciation on your outstanding achievement.

Wishing you a continued success in your future endeavors.

Sd/-

Henminlal, 

Secretary-Information & Publicity 

KSO Delhi & NCR (2021-2022)

CCpur DFO issues Show Cause Notice

 

List of Encroachers in Dampi RF

List of Encroachers in Dampi RF